Кумтөр алтын кени. Архив

Эл аралык соттордо Centerra Gold Inc. компаниясына кандай доомат коюлууда

109
(жаңыланган 17:54 17.05.2021)
Акылбек Жапаров парламентте депутаттардын суроосуна жооп берип жатып Кыргызстан эл аралык сотторго кайрылууда Centerra Gold Inc. компаниясынан эмнени талап кылып жатканын айтты.

БИШКЕК, 17-май. — Sputnik. "Кумтөр Голд Компани" ишканасынын ишин текшерүү боюнча комиссиянын төрагасы Акылбек Жапаров Кыргызстан эл аралык соттордо Centerra Gold Inc. компаниясына кандай доомат коюп жатканын санап берди.

Ушул тапта парламентте Кумтөрдү сырттан башкарууга алуу маселеси каралып жатат. Мамлекеттик комиссиянын мүчөлөрү депутаттардын суроосуна жооп берүүдө.

Анда депутат Дастан Бекешев Кыргызстан Centerra Gold Inc. компаниясына соттордо утулуп калса кесепети кандай болорун сурады.

Жапаров алгач канадалык ишканага кандай дооматтар коюлуп жатканын айтты.

"Биз азырынча айып пул боюнча гана кайрылып жатабыз. Бул боюнча фактыларды качан гана болбосун далилдеп бере алабыз. Ишкана 183 миллион куб метр мөңгүнү талкалаган. Азыр суулардын булганышы боюнча дагы чыгымдарды карап жатабыз. Юристтер менен экологдор иштөөдө. Бул экология боюнча даярдык", — деди комиссия төрагасы.

Ал эми Нью-Йорк шаарындагы арбитраждык сотко кыргыз бийлиги салыкка байланыштуу кайрылмакчы.

Сөзүнүн аягында Жапаров Кыргызстан кайсы учурда утулуп калышы мүмкүн экенин айтты.

"Өкмөт 2009-келишимде Кумтөргө жактоочу болуп алган. Кимден болсо дагы коргоп турмак. Бирок жакында эле кыргызстандык жарандар компанияны сотко берип, 3 миллиард 86 миллион доллар өндүрүп алды. Эми канадалыктар өкмөткө силер биз тарапта болушуңар керек деген доомат коюп жатат. Бул боюнча дагы юристтер менен даярдануудабыз", — деди ал.

Эл өкүлү Бекешев Кыргызстан сотто утулуп калса кесепети кандай болору туурасында суроосуна жооп ала алган жок.

"Кумтөр Голд Компани" боюнча абал

Эске салсак, 7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. 11-май күнү УКМК "Кумтөр Голд Компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

109
Белгилер:
сот, Кумтөр, Акылбек Жапаров, Кыргызстан
Тема:
"Кумтөргө" 3 миллиард доллар айып салынышы (82)
Тема боюнча
Башкы эколог Кумтөр тууралуу: бардык соттук процессте жеңерибизге ишенем
Кумтөр маселесин чечүү үчүн АКШ менен Канададан алдыңкы юристтер тартылды
Сүйлөшсөк да, ажырашсак да болот. Кыргыз бийлиги "Кумтөргө" кандай шарт коюуда
Кыргызстан Centerra менен соттошууга кайсы компанияларды жалдаганы айтылды
Алтын куймалар. Архивдик сүрөт

Кыргызстандан экспорттолгон алтындын көлөмү 3 тоннага азайды. Себеби

83
(жаңыланган 10:45 15.06.2021)
Алтындын экспорту көлөмү жагынан да, акчалай да кыскарды. Кымбат баалуу металлды казуунун азайышы боюнча алдын ала божомолду мамлекеттик органдар былтыр эле беришкен.

БИШКЕК,15-июн. — Sputnik. Акыркы төрт айдын жыйынтыгын алып караганда Кыргызстандан экспорттолгон алтындын көлөмү былтыркыга салыштырмалуу 3 тонна 77,7 килограммга аз болду. Мындай көрүнүш биринчи ирет байкалып жатат. Бул тууралуу Улуттук статистика боюнча комитеттин маалыматында айтылат.

2021-жылдын январынан апрель айына чейин 3 тонна 560,1 килограмм (202 миллион доллар) алтын чыккан, ал эми бир жыл мурдагы көлөм 6 тонна 637,8 килограмм (340,1 миллион доллар) эле.

Эске салсак, бул кымбат баалуу металлды казуунун кыскарышы боюнча алдын ала божомолду мамлекеттик органдар былтыр эле беришкен. Экономика министрлигинин маалыматы боюнча, 2021-жылы Кумтөр алтын кенинен аталган продукцияны алуу 4,3 пайызга кыскарышы мүмкүн экендиги айтылган. Буга тоо тектин курамында алтын аз болгон жерде казылып жатканы себеп дешкен.

Министрлик өлкөдөгү эң ири делген алтын кенинде 16 тоннадан ашык алтын казыларын божомолдогон (былтыркы көлөм 17,7 тонна). Ал эми "Кумтөр голд компани" өзүнүн божомолунда 14,62-15,86 тонна болушу мүмкүн деген убадасын берген.

Баалуу металлдын көлөмүнүн кыскарып же көбөйүп кетиши боюнча башка факторлор да бар. Эске салсак, "Кумтөргө" инвесторлордон тышкаркы башкаруу киргизилген. Бул окуя май айында болгон.

83
Белгилер:
алтын, экспорт, алтын кени, Кумтөр, Кыргызстан
Тема боюнча
Айдаралиев: экспорт менен ЕАЭБде атаандаштык жарата албайбыз
Рекорд! Кыргызстандын алтын запасы бир айда 22 миллиард сомго кымбаттады
Нарын дарыясы. Архив

Кыргызстан Казакстанга эмнеге кошумча суу берип жатат? Түшүндүрмө

364
(жаңыланган 13:35 14.06.2021)
Дыйкандар суу тартыштыгын айтып, нааразычылык акцияларына чыгып жаткан учурда ЖМКларда Кыргызстан Казакстанга жайында кошумча суу берет деген маалыматтар тараган.

БИШКЕК, 14-июн. — Sputnik. Кыргызстандын Энергетика жана өнөр жай министрлиги Токтогул суу сактагычынан Казакстанга эмне себептен суу берилип жатканын түшүндүрүп берди.

Белгилей кетсек, Казакстандын жергиликтүү ЖМКлары өлкөнүн экология министринин сөзүнө таянып, бул жайда Кыргызстан менен Тажикстандан 645 миллион куб метр суу аларын жазууда.

Министрликтен билдиришкендей, ушул жылдын 2-мартында Нур-Султан шаарында, ал эми 11-мартында Ташкент шаарында электр энергиясы жаатында товар алмашуу боюнча тиешелүү министрликтердин ортосунда келишимдер түзүлгөн.

Ага ылайык, Казакстан марттан ноябрь айына чейин Кыргызстанга 900 миллион киловатт-саат электр энергиясын берет. Ал эми Өзбекстандан 750 миллион киловатт-саат аларыбыз айтылган.

"Жалпы жонунан 1 650 миллион киловатт-саат электр энергиясын алабыз. Аны үч жылга бөлүп, ар бир жылдын июнь-август айларында 550 миллион киловатт-сааттан кайтарып беришибиз керек. Тагыраагы, жылына Казакстанга 300 миллион, Өзбекстанга 250 миллион киловатт-саат туура келет. Буга байланыштуу 1-июндан тарта коңшу өлкөгө электр энергиясынын буга чейин айтылган көлөмүн иштеп чыгууга суу берилип жатат", — деп айтылат түшүндүрмөдө.

Ошондой эле министрликтен келишимдин негизинде коңшу өлкөгө канча суу жөнөтүлсө, дал ошончо көлөмдө электр энергиясы алынарын кошумчалашты.

"Токтогул суу сактагычындагы суу ГЭСке гидротурбина аркылуу гана өтүп, электр энергиясы иштелип чыгат. Энергиянын ар бир киловатты каттоого алынат. Андан тышкары, суунун көлөмү тууралуу маалымат 2010-жылдан бери "Электр станциялары" ААКсынын сайтында жарыяланып келет. Суунун көлөмү ылдыйласа эле айрым жарандар сууну уурдап жатышат деп ойлошот. Бирок буга чейин эки ирет атайын комиссия ЖМК өкүлдөрүнүн коштоосунда келип, суунун уурдалбаганына көзү жеткен", — дешти министрликтен.

Белгилей кетсек, быйыл дүйнө жүзүндө кургакчылык болуп жаткандыктан суу маселеси курчуй баштады.

364
Белгилер:
түшүндүрмө, электр энергиясы, ГЭС, Токтогул суу сактагычы, Казакстан, Кыргызстан
Тема боюнча
Кыргызстан Өзбекстандан электр кубатын кандай шартта алып жатканы айтылды
Мыйзамсыз алынган деп шектелүүдө кыймылсыз мүлк

11 батир, 7 жер тилке... Бишкектин экс-вице-мэри мыйзамсыз байыган деп шектелүүдө

0
(жаңыланган 13:27 15.06.2021)
Мурдагы вице-мэр кызматта турган учурда жеке курулуш компанияларга көп кабаттуу турак жай куруу үчүн муниципалдык жер тилкелерин мыйзамсыз бергендиги айтылууда.

БИШКЕК, 15-июн. — Sputnik. Бишкек шаарынын мурдагы вице-мэри мыйзамсыз байыган деп шектелип жатат. Бул тууралуу УКМКдан билдиришти.

  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бишкек шаарынын мурдагы вице-мэри мыйзамсыз байыган деп шектелип жатат
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бул тууралуу УКМКдан билдиришти
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө
    © Фото / пресс-служба ГКНБ
1 / 6
© Фото / пресс-служба ГКНБ
Бишкек шаарынын мурдагы вице-мэри мыйзамсыз байыган деп шектелип жатат

Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган.

"Мыйзамсыз аракеттердин натыйжасында А.У.Ш. жакын туугандарына Бишкек шаарында жана Ысык-Көл облусунда 7 жер тилке, 11 кызматтык жай, 4 турак жай, 11 батир жана 10 унаа токтотуучу жай, Ысык-Көл облусунда 2 коттедж жана 5 кымбат баалуу унааны өзүнө тиешелүү адамдарга каттаткан", — деп айтылат маалыматта.

Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган.

Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды.

А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө.

0
Белгилер:
мыйзамсыз баюу, УКМК, Бишкек, вице-мэр
Тема боюнча
Коррупциялык схема түзгөн. УКМК Суракматовдун кармалган себебин айтты
Мыйзамсыз байыган деген судья мүлкүнүн чоо-жайын айтып берген