Кыргызстандын президенти Садыр Жапаров. Архивное фото

Жапаров ЕАЭБ өлкөлөрүн эсеп-кысапта улуттук валюталарды колдонууга үндөдү

93
(жаңыланган 17:39 21.05.2021)
Президент өз ара эсептешүүлөрдө улуттук валюталарды жигердүү колдонуу менен валюта чөйрөсүндөгү кызматташтыкты тереңдетүүгө басым жасоону сунуш кылды.

БИШКЕК, 21-май — Sputnik. ЕАЭБ өлкөлөрү өз ара эсеп-кысапта улуттук валюталарды активдүү пайдаланышы керек. Мындай пикирин президент Садыр Жапаров Жогорку Евразиялык экономикалык кеңештин отурумунда билдирди.

Ал белгилегендей, жалпы каржы рыногун жандандыруу багытында иш алып баруу зарыл. Өткөн жыл каржы рыногунда өз ара кызматташууну жеңилдетүү керектигин көрсөттү.

"Улуттук валюталардын курсунун түшүп кетиши тышкы инфляция менен катар жалпы суроо-талаптын төмөндөшүнө карабастан бүтүндөй союз боюнча керектөө баасынын өсүшүнө алып келди", — деген Жапаров.

Ал өз ара эсептешүүлөрдө улуттук валюталарды жигердүү колдонуу менен валюта чөйрөсүндөгү кызматташтыкты тереңдетүүгө басым жасоону сунуш кылды.

"Бул үчүн тышкы инфляциянын "азык-түлүк куржунундагы" товарларга болгон таасирин теңдештирүү менен катар биримдикке мүчө-мамлекеттердин улуттук валюталарында соода-финансылык операцияларды жүргүзүүнү камтыган натыйжалуу механизмди ойлоп табуу сунушталат", — деп белгиледи президент.

Ошондой эле ал улуттук төлөм тутумдарын колдонуп жана интеграциялоо менен бирдиктүү төлөм мейкиндигин тез арада түзүү керектигин кошумчалады.

93
Белгилер:
валюта, соода-экономикалык алака, Отурум, Евразиялык экономикалык биримдик, Садыр Жапаров
Тема:
ЕАЭБдеги Кыргызстан (274)
Тема боюнча
Путин россиялык вакцинаны Кыргызстанда да өндүрүү каралып жатканын айтты
Жапаров ЕАЭБде мигранттар үчүн шартты мындан дагы жакшыртууну сунуштады
Кумтөр алтын кени. Архив

Кумтөрдө кошумча бургулоо иштери жасалат

86
(жаңыланган 11:13 25.06.2021)
Кенде айлана-чөйрөгө келтирилген зыяндын таасирин азайтуу үчүн тереңдетилген анализ жүргүзүүнү пландап жатышат.

БИШКЕК, 25-июн. — Sputnik. "Кумтөрдө" алтын кенди иштетүүнүн старатегиясын өзгөртүү боюнча планды иштеп чыгуу каралууда. Бул туурасында аталган компаниянын бүгүн жарыялаган отчетунда айтылган.

Стратегияда келечектеги техникалык-экономикалык негиздемелердин негизинде кенди жердин алдынан казуу ыкмасы каралган. Учурда тоо шартында жүргүзүлгөн иштери канчага турары, айлана-чөйрөгө тийгизген терс таасирин азайтуу боюнча тереңдетилген анализ жасалууда.

"Кошумча геологиялык чалгындоо жана геотехникалык бургулоо иштери керек болот. Июнда компания жаңы коюлган талаптар менен кенде геологиялык чалгындоо иштерин жүргүзүү үчүн коммерциялык сунуштарды кабыл алуу туурасында жарыя берүүгө ниеттенип жатат", — деп айтылат маалыматта.

Бүгүнкү отчетто кендин мурдагы тартип менен иштеп жаткандыгы, салык жана бюджеттик төлөмдөрдү которууда үзгүлтүк болбогону кабарланды.

86
Белгилер:
жарыя, экология, алтын, Кумтөр
Тема боюнча
"Кумтөр": товарларды жергиликтүү өндүрүшчүлөрдөн алганга аракет кылабыз
Кумтөрдөн практика жана стажировкадан өтүү үчүн берилген орундар көбөйдү
"Кумтөр" Ысык-Көл өнүктүрүү фондун башка эреже менен иштетүүнү сунуштады
Кумтөр алтын кени. Архив

"Кумтөр": товарларды жергиликтүү өндүрүшчүлөрдөн алганга аракет кылабыз

64
(жаңыланган 11:35 25.06.2021)
"Кумтөр" материалдарга, кызмат көрсөтүүлөргө, товарларга болгон стратегиялык муктаждыгы боюнча ар тараптуу анализдөө иштерин баштаганы айтылат.

БИШКЕК, 25-июн. — Sputnik. Чет өлкөдөн жергиликтүү өндүрүшчүлөрдө жок гана товарларды сатып алабыз деп айтылган "Кумтөр голд компани" жарыялаган маалыматта.

Алар ишканага тышкы башкаруу киргенден берки кандай иштер жасалганы туурасында отчетту бүгүн коомчулукка сунуштады.

"Учурда компания материалдарга, кызмат көрсөтүүлөргө, товарларга болгон стратегиялык муктаждыгы боюнча ар тараптуу анализдөө иштерин баштады. Алардын сапатын, атаандаштыкка туруштук беришин жана товар жеткирүүчүлөрдүн келишимде айтылгандарды өз учурунда аткарышын да карайт. Компания жергиликтүү өндүрүүчүлөрдүн продукцияларын сатып алууга басым жасайт. Ал эми чет жактардан өлкөнүн ичиндеги ишканалардан сатып алууга болбой турган нерселерди гана алып келебиз", — деп айтылган маалыматта.

Алар сатып алуулар боюнча кулактандыруу "Кумтөр голд компани" ишканасынын сайтына жарыяланарын билдиришти.

64
Белгилер:
сатып алуу, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
"Кумтөргө" тышкы башкаруу киргенден бери алтын канчага сатылганы айтылды
"Кумтөр" Ысык-Көл өнүктүрүү фондун башка эреже менен иштетүүнү сунуштады
Аттестаты особого образца Алтын тамга для выпускникам школ. 25 июня 2021 года

Бишкектик 99 бүтүрүүчү жаңы үлгүдөгү "Алтын тамга" аттестатын алды. Сүрөт

0
(жаңыланган 15:08 25.06.2021)
Мектепти жакшы баа менен аяктагандарды шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды.

БИШКЕК, 25-июн. — Sputnik. Бишкектеги билим берүү мекемелерин аяктаган 99 балага жаңы үлгүдөгү "Алтын тамга" аттестаты тапшырылды. Бул тууралуу мэриянын маалымат кызматы кабарлады.

Салтанаттуу иш-чара Абдылас Малдыбаев атындагы опера жана балет театрында өттү. Мектепти жакшы баа менен аяктаган бүтүрүүчүлөрдү шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды. Ал эми бүтүрүүчүлөр шаар башчысына өз колдору менен жасаган белекти беришкен. Анда шаардын символу болгон илбирстин сүрөтү кийизге түшүрүлгөн.

Иш-чара бардык санитардык-эпидемиологиялык эрежелерди сактоо менен өткөрүлдү.

0
Белгилер:
"Алтын тамга" аттестаты, тапшыруу, аттестат, бүтүрүүчү, Бишкек мэриясы
Тема боюнча
Министрлик жогорку окуу жайга тапшыруунун босого баллын белгиледи
ЖРТнын жыйынтыгы менен алтын сертификат алгандар. Тизме