Кумтөр кендеги алтын казуучу фабриканын аймагындагы спутник антеннасы

Centerra өчүрүп салган Кумтөрдөгү маалыматтык система калыбына келтирилди

2182
(жаңыланган 20:30 28.05.2021)
Кыргыз өкмөтү жана Кумтөрдүн ишмердүүлүгүн иликтеген мамлекеттик комиссия алтын кенге ЖМК өкүлдөрүн алып барып, азыркы кырдаал менен тааныштырды.

БИШКЕК, 28-май — Sputnik. Кумтөр кенинде мөңгүнү көзөмөлдөгөн жана башка маалыматтык системалардын бардыгы калыбына келтирилди. Бул тууралуу "Кумтөр голд компанинин" өндүрүш боюнча директорунун милдетин аткаруучу Нурдин Үсөнов билдирди.

Белгилей кетсек, Кумтөр кенинде мөңгүнүн коопсуздугуна жана алардын жылып турганына көз салган система 15-майда өчүп калган.

Ошондой эле ишкананын операциялык системалары иштен чыгып, калыбына келтирүү үчүн IT-компаниялар тартылганы маалымдалган.

И.о. директора по производству Кумтор Голд Компани Нурдин Усонов
© Sputnik / Эламан Карымшаков
"Кумтөр голд компанинин" өндүрүш боюнча директорунун милдетин аткаруучу Нурдин Үсөнов
"IT инфраструктурасы өчүрүлгөндөн кийинки кырдаал толугу менен жөнгө салынды. Маалыматтык технологиялар бөлүмү компьютердик программалардын баарын калыбына келтирип, тоодогу радарлар, бөлүмдөрдүн ортосундагы байланыш толук кандуу иштеп жатат. Жумушчулардын коопсуздугуна кепилдик бере алабыз. Азыр бул жактан канадалыктар эч кандай маалымат ала албайт. Бардык маалыматтык базалар биздин көзөмөлдө", — деди Үсөнов.

Бүгүн кыргыз өкмөтү жана Кумтөрдүн ишмердүүлүгүн иликтеген мамлекеттик комиссия алтын кенге ЖМК өкүлдөрүн алып барып, азыркы кырдаал менен тааныштырды.

Анда адистер негизги карьердин үстүндөгү мөңгүнүн жана калдыктардын жылышын көзөмөлдөгөн радарды төрт күн бою кол менен башкарганын айтышты.

2182
Белгилер:
Нурдин Үсөнов, кайра калыбына келтирүү, Кумтөр
Тема:
"Кумтөргө" 3 миллиард доллар айып салынышы (82)
Тема боюнча
Centerra президенти Перри: кыргыз өкмөтү менен диалогго барууга даярбыз
Кыргыз өкмөтү "Кумтөрдү" сырттан кантип башкарат? Укугу жана мөөнөтү
Учурда Кумтөр кенинде иш кандай жүрүүдө. Видео, сүрөттөр
Нарын дарыясы. Архив

Кыргызстан Казакстанга эмнеге кошумча суу берип жатат? Түшүндүрмө

291
(жаңыланган 13:35 14.06.2021)
Дыйкандар суу тартыштыгын айтып, нааразычылык акцияларына чыгып жаткан учурда ЖМКларда Кыргызстан Казакстанга жайында кошумча суу берет деген маалыматтар тараган.

БИШКЕК, 14-июн. — Sputnik. Кыргызстандын Энергетика жана өнөр жай министрлиги Токтогул суу сактагычынан Казакстанга эмне себептен суу берилип жатканын түшүндүрүп берди.

Белгилей кетсек, Казакстандын жергиликтүү ЖМКлары өлкөнүн экология министринин сөзүнө таянып, бул жайда Кыргызстан менен Тажикстандан 645 миллион куб метр суу аларын жазууда.

Министрликтен билдиришкендей, ушул жылдын 2-мартында Нур-Султан шаарында, ал эми 11-мартында Ташкент шаарында электр энергиясы жаатында товар алмашуу боюнча тиешелүү министрликтердин ортосунда келишимдер түзүлгөн.

Ага ылайык, Казакстан марттан ноябрь айына чейин Кыргызстанга 900 миллион киловатт-саат электр энергиясын берет. Ал эми Өзбекстандан 750 миллион киловатт-саат аларыбыз айтылган.

"Жалпы жонунан 1 650 миллион киловатт-саат электр энергиясын алабыз. Аны үч жылга бөлүп, ар бир жылдын июнь-август айларында 550 миллион киловатт-сааттан кайтарып беришибиз керек. Тагыраагы, жылына Казакстанга 300 миллион, Өзбекстанга 250 миллион киловатт-саат туура келет. Буга байланыштуу 1-июндан тарта коңшу өлкөгө электр энергиясынын буга чейин айтылган көлөмүн иштеп чыгууга суу берилип жатат", — деп айтылат түшүндүрмөдө.

Ошондой эле министрликтен келишимдин негизинде коңшу өлкөгө канча суу жөнөтүлсө, дал ошончо көлөмдө электр энергиясы алынарын кошумчалашты.

"Токтогул суу сактагычындагы суу ГЭСке гидротурбина аркылуу гана өтүп, электр энергиясы иштелип чыгат. Энергиянын ар бир киловатты каттоого алынат. Андан тышкары, суунун көлөмү тууралуу маалымат 2010-жылдан бери "Электр станциялары" ААКсынын сайтында жарыяланып келет. Суунун көлөмү ылдыйласа эле айрым жарандар сууну уурдап жатышат деп ойлошот. Бирок буга чейин эки ирет атайын комиссия ЖМК өкүлдөрүнүн коштоосунда келип, суунун уурдалбаганына көзү жеткен", — дешти министрликтен.

Белгилей кетсек, быйыл дүйнө жүзүндө кургакчылык болуп жаткандыктан суу маселеси курчуй баштады.

291
Белгилер:
түшүндүрмө, электр энергиясы, ГЭС, Токтогул суу сактагычы, Казакстан, Кыргызстан
Тема боюнча
Кыргызстан Өзбекстандан электр кубатын кандай шартта алып жатканы айтылды
Ун. Архив

Кыргызстан тышка сатууга тыюу сала турган азыктардын тизмеси

237
(жаңыланган 13:31 14.06.2021)
Бийлик мындай кадамга барууга бир нече себеп бар экенин айтты. Алардын арасында кургакчылык, кымбатчылык жана коронавирус пандемиясынын кесепети турат.

БИШКЕК, 14-июн. — Sputnik. Өкмөт Кыргызстандагы айыл чарба товарларынын айрым түрлөрүн ЕАЭБ биримдигинен тышкары чыгарууга жарым жылга тыюу салуу боюнча токтом долбоорун талкууга койду.

Документте чектөө быйылкы жылдын 8-июлунан тартып киргизилери айтылган.

Бул демилге Айыл, суу чарба жана аймактарды өнүктүрүү министрлигине таандык.

"Токтом долбоору Кыргызстандын ички азык-түлүк рыногунда абалды турукташтыруу, айыл чарба товарларынын опурталдуу жетишсиздигин жана алардын бааларынын жогорулашын болтурбоо максатын көздөйт", — деп айтылат маалыматта.

Сыртка чыгарылбасын деген азыктар менен продукциялардын тизмеси:

  • буудай жана меслин;
  • жүгөрү;
  • арпа;
  • күрүч;
  • буудай уну;
  • өсүмдүк майы;
  • кумшекер;
  • жумуртка;
  • тоют (чөп, саман, комбикорм, акшак жана дан эгин тоюту).

Мындай кадамга барууга өкмөт бир нече себеп бар экенин айтты:

  • Казакстан тарабынан тирүү малдын экспортуна чектөөлөрдү коюу, Өзбекстанда мал чарбасын өнүктүрүү программасын ишке киргизүү менен байланыштуу жана мал жандыктарын өлкөнүн аймагынан массалык түрдө чыгарылгандыгы байкалган;
  • Кыргызстанда малды сырттан алып келүү кыскарган;
  • 2020-жылдын жазгы-күзгү талаа иштерин жүргүзүү жыйынтыгы менен айрым айыл чарба өсүмдүктөрүнүн себүү аянттары азайып, айрым айыл чарба продукцияларынын өндүрүшү төмөндөгөн. Анын кесепетинен ички азык-түлүк рыногунда жогоруда көрсөтүлгөн айыл чарба товарларынын баасы 60-70 пайызга өсүп кеткен;
  • кыш мезгилинде кардын аз жаашы, жаздын кеч келиши 2021-жылдын жазгы талаа жумуштарынын айрым технологиялык процесстерин бузду. Кыргызметеорология кызматы жайдын кургакчыл болушун билдирүүдө. Айыл чарба өндүрүшүнө бул терс таасир берет;
  • коронавирус пандемиясынын күтүлүп жаткан толкунунун коркунучу өлкөнүн азык-түлүк коопсуздугуна коркунуч алып келиши мүмкүн.
237
Белгилер:
чектөө, кымбаттоо, азык-түлүк, Кыргызстан
Тема боюнча
Кыргызстан Түркияга Таласта төө буурчакты кайра иштеткен завод ачууну сунуштады
Өкмөт кумшекер, май, эт ташып келгендерди салыктан бошотууну сунуштады
Бишкек шаары. Архив

Шейшембиге карата аба ырайы

0
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

0
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы