Штрих-код сканери тамеки блогунан маалымат алып жатат. Архив

1-июлдан тарта спирт ичимдиги менен чылым милдеттүү түрдө маркаланат

218
(жаңыланган 11:41 31.05.2021)
2022-жылдын 1-январынан тарта өлкөнүн аймактарында маркаланбаган ичимдик менен чылымды жүгүртүүгө тыюу салынары айтылды.

БИШКЕК, 31-май — Sputnik. 1-июлдан тарта Кыргызстанда спирт ичимдиги жана чылымды санариптик идентификациялоочу каражаттар менен милдеттүү түрдө маркалоо киргизилет. Бул тууралуу Мамлекеттик салык кызматынан кабалашты.

Билдирмеге ылайык, 2022-жылдын 1-январынан тарта өлкөнүн аймактарында маркаланбаган ичимдик менен чылымды жүгүртүүгө тыюу салынат.

"Арак, ликер-арак ичимдиктери, күчтүү суусундуктар, күчтүү ширелер жана бальзам, шарап, коньяк (коньяк спиртинен тышкары), шампан, спирти аз ичимдиктер, чылым (чыпкалуу жана чыпкасыз) жана чылым менен ысытылуучу буюмдар (ысытылуучу чылым таякчасы, чылымы бар ысытылуучу капсула) милдеттүү түрдө маркаланууга тийиш", — деп айтылат маалыматта.

Аталган товарларга маркалоонун GTIN-коддорун алуу үчүн өндүрүүчүлөр жана импорттоочулар биринчи кезекте GS1 Kyrgyzstan предметтик номерлөө ассоциациясына кирүүсү зарыл экени маалым болду.

Андан кийин маркалоонун улуттук оператору "Альфа Телеком" ЖАКсы менен ичимдик жана чылым саткандарга маркалоо коддорун берүү боюнча кызмат көрсөтүүгө келишим түзүлөт.

"Альфа Телеком" ЖАКсы менен келишим түзүү үчүн төмөнкү даректер боюнча тейлөө борборлоруна кайрылса болот:

Бишкекте:

  • Чыгыш-5 кичи району, Чүй проспекти, 32/б үйү, "Изумруд" соода борборунун жанында;
  • Кожевенная көчөсү, "Дордой" базары, 1-өтмөк, № 60-61 конт. ("Мир обуви");
  • Чүй проспекти, 204, "Берекет Гранд" соода борбору, жер төлө (0);
  • Айтматов проспекти, 3, Asia Mall соода борбору, жер төлө (0);

Ош шаарында — Масалиев проспекти, 2 (Каныкей эстелигинин жанында ).

Кара-Суу шаарында — Бакиев көчөсү (Кычан Жакыпов атындагы мектеп-интернаты). Кошумча маалыматты "Текшер" системасынын www.main.teksher.kg сайтынан, ошондой эле 116 же 0 999 333 999 номерлери аркылуу алууга болот.

218
Белгилер:
Мамлекеттик салык кызматы, маркалоо, спирт ичимдиктери, чылым, Кыргызстан
Тема боюнча
Россияга экспорттолчу айрым товарларды маркалоо башталды. Жол-жобосу
Алтын куймалары. Архив

Өлкөнүн алтын запасы бир айда 16,6 миллиард сомго арзандады

73
(жаңыланган 10:47 24.06.2021)
Эл аралык валюта резерви ондогон валютадан жана алтындан турат. Алар Улуттук банкка сомдун курсун кармап турууга жардам берет.

БИШКЕК, 24-июн. — Sputnik. Май айына карата Кыргызстандын алтын запасы 16 миллиард 644,1 миллион сомго арзандады. Мындай маалымат Улуттук банктын сайтына жайгаштырылган.

Ушул жылдын 1-майында алтындын кору 99 миллиард 33,7 миллион сомго бааланса, июндун башында 82 миллиард 389,6 миллион болуп калган. Эмнеге наркы түшүп кеткени айтылган эмес. Анткен менен дүйнөлүк рынокто майдан июлга чейин алтынга карата баа унциясы үчүн 100 долларга кымбаттаган.

Белгилей кетсек, апрелден майга чейин рекорддук көрсөткүч катталып, запас 22 миллиард сомго кымбаттаган.

Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат, алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

73
Белгилер:
арзандоо, запас, валюта, алтын, Улуттук банк
Тема боюнча
Эмдиги жылы Кыргызстанда 8 миң даана коллекциялык монета чыгарылат
Рекорддук чек: АКШдагы инфляция дүйнөлүк экономикага кооптуу экени айтылды

Кышында жарыксыз калбайбызбы? Өлкөдөгү ГЭСтердин абалы жана картасы

288
(жаңыланган 17:33 23.06.2021)
Алдыдагы кышта Кыргызстанда электр энергиясынын тартыштыгы болору күтүлүп жатат. Sputnik өлкөнүн гидроэнергетикалык потенциалынан кабардар кылуу максатында учурда иштеп, курулуп жана келечекте пландалып жаткан ГЭСтерди картадан көрсөтүп берди.
Кыргызстандагы ГЭСтер

Энергетика жана өнөр жай министрлигинин маалыматына караганда, өлкөдө жети ири ГЭС иштеп жатат. Алар: Токтогул (1200 МВт), Күрп-Сай (800 МВт), Таш-Көмүр (450 МВт), Шамалды-Сай (240 МВт), Үч-Коргон (180 МВт), Ат-Башы (40 МВт) жана Камбар-Ата-2 ГЭСинин бир агрегаты (120 МВт). Бардыгы кошулуп ушул тапта 3 030 МВт электр энергиясын берет.

Булардан тышкары, "Чакан ГЭС" ААКсына караштуу жалпы кубаттуулугу 38,5 мегаваттка барабар тогуз кичи ГЭС бар.

Ошол эле учурда эки ГЭСтин курулушу токтоп турат. Булар Жогорку Нарын ГЭСтер каскады жана Камбар-Ата-2 ГЭСинин экинчи агрегаты.

Республика боюнча дагы тогуз ири гидроэлектр станциясын куруу пландалууда. Бирок каржы тартыштыгынан улам долбоорлор кагаз бетинде гана калып келет. Алардын бардыгы курула турган болсо өлкө 8 447,9 МВт электр энергиясын ала алат. Бул көрсөткүч азыркыга салыштырмалуу дээрлик 2,5 эсеге көп.

Мындан тышкары, энергетиктер азыр иштеп жаткан суу сактагычтарга алты чакан ГЭС курууну көздөйт. Бул долбоорлор ишке ашса кошумча 94,5 МВт энергия алсак болот.

Улуттук статистика комитетинин маалыматына караганда, буга чейинки жылдарда Кыргызстандагы ГЭСтер орто эсеп менен 15 миллиард кВт саат электр энергиясын иштеп чыкчу. Ушул эле көлөмдөгү (14-15 миллиард кВт саат) энергияны калк жыл ичинде сарптайт.

Эске салсак, Кыргызстанда кургакчылыктын кесепетинен Токтогул суу сактагычында суунун деңгээли төмөн. Мындан улам алдыдагы кышта электр энергиясы тартыш болот деп боолголонуп жатат.

288
Белгилер:
суу, курулуш, Кыргызстан, энергетика, ГЭС
Тема боюнча
Энергетиканын дөө-шаалары. Токтогул, Камбар-Ата-2 ГЭСтеринин 15 сүрөтү
Кыргызстан Орто Азияны климаттык апааттан сактап кала алат. Суу тууралуу маек
Жамгыр учурунда көчөдө бараткан коммуналдык кызматкер. Архив

Шашылыш билдирүү! Эртең-бүрсүгүнү айрым аймактарда сел жүрөт

7
(жаңыланган 14:44 24.06.2021)
ӨКМ 25-26-июнда республиканын тоолуу жана тоо этектериндеги райондорунда аба ырайы өзгөрүп, нөшөрлөп жаан жаай турганын айтты.

БИШКЕК, 24-июн. — Sputnik. Өзгөчө кырдаалдар министрлиги өлкөнүн айрым аймактарында сел жүрүшү мүмкүн экенин эскертти.

Ага ылайык, 25-26-июнда республиканын тоолуу жана тоо этектериндеги аймактарында аба ырайы өзгөрүп, нөшөрлөп жаан жаайт. Буга байланыштуу сел жүрүшү мүмкүн.

Ушул жума ичиндеги аба ырайы тууралуу синоптиктер кенен маалымат берген.

7
Белгилер:
сел, жаан-чачын, аба ырайы, ӨКМ
Тема боюнча
Маал-маалы менен өткүн өтүп турат. Бир жумага карата аба ырайы