Түндүк деңиз жолу

Россия ТИМи Түндүк деңиз жолунун Суэц каналына салыштырмалуу артыкчылыктарын атады

92
Түндүк деңиз жолунун Карск Дарбазасынан Чукоткадагы Провидения аймагына чейинки аралыгы 5,6 миң чакырымды түзөт. Ал эми деңиз жолуна кирип-чыккан дарыя жолдорунун узундугу 37 миң чакырымга жетет.

БИШКЕК, 1-июн. — Sputnik. Россиянын Тышкы иштер министрлигинин өзгөчө тапшырмалар боюнча элчиси, Арктика кеңешинин өкүлү Николай Корчунов РИА Новостидеги маегинде Түндүк деңиз жолунун Суэц каналына салыштырмалуу кандай артыкчылыктарга ээ экенин айтып берген.

Дипломат белгилегендей, үстүбүздөгү жылдын март айында жүк ташыган Ever Given кемесинин Суэц каналына токтоп кайра жыла албай калышы глобалдык альтернативдүү транспорттук жолдорду өнүктүрүү зарылдыгын көрсөттү.

"Түндүк деңиз жолу Суэц каналы менен кеткен маршрутка салыштырмалуу 40 пайызга кыскараак жана дагы бир катар артыкчылыктарга ээ. Саясий жактан алып караганда дагы пайдалуу. Жолдун кыскалыгы убакыт менен күйүүчү майды үнөмдөйт жана курчап турган чөйрөгө дагы зыянды азайтат", — деди Корчунов.

Ал акыркы жылдары Түндүк деңиз жолу аркылуу ташылган жүктүн саны өсүп жатканы байкалганын белгиледи. Агенттиктин маектеши бул жол өнүгө турган болсо түндүктөгү аймактарга, соода менен туризмге жана Арктиканын калкынын жашоосуна оң таасир тийгизерин айткан.

Россияда Суэц каналын алмаштыра турган жолду аташты. Вице-премьер Юрий Трутневдин пикиринде, ал Түндүк деңиз жолу (ТДЖ) болушу мүмкүн. Түндүк деңиз жолу — Россиянын кеме жүргөн башкы арктикалык магистралы.
© Ruptly / Роскосмос @kudsverchkov / Администрация Суэцкого канала / РОСАТОМ / Российская судостроительная компания "Совкомфлот"
Буга чейин Ыраакы чыгышты өнүктүрүү министри Алексей Чекунков билдиргендей, Азиянын ири мамлекеттери Түндүк деңиз жолун Суэц каналынын альтернативасы катары карап жатат. Ал эми вице-премьер Юрий Трутнев Россия Түндүк деңиз жолун колдонууга ыңгайлуу, коопсуз кылуу үчүн бардык күчүн жумшай турганын белгилеген. Ал, ошондой эле, бул жол аркылуу товар ташыла баштаса айлана-чөйрөгө келтирилген зыян дагы азаярын айтты.

Түндүк деңиз жолунун Карск Дарбазасынан Чукоткадагы Провидения аймагына чейинки аралыгы 5,6 миң чакырымды түзөт. Ал эми деңиз жолуна кирип-чыккан дарыя жолдорунун узундугу 37 миң чакырымга жетет.

Ever Given контейнер ташуучу кемесинин узундугу 400 метрге жетип, 224 миң тонна жүк көтөрөт. Ал негизинен Азиядан Европага жүк ташуу үчүн колдонулат.

Суэц каналы — Жер ортолук деңиз менен Кызыл деңизди бириктирип турган, Египеттин аймагы менен өткөн суу каналы. Узундугу — 160 чакырым, туурасы 350 метрдин тегереги. Ал аркылуу Азиядан Европа өлкөлөрүнө товар ташышат.

92
Белгилер:
Түндүк деңиз жолу, жүк, кеме, Суэц каналы, Россия
Тема боюнча
Күнүнө 10 млрд. доллар чыгым. Суэц каналында "туруп" калган кеме жылдырылды
Балык чарба департаментинин директорунун орун басары Маил Алиаскаров. Архив

Алиаскаров: былтыр ЕАЭБге 3 158 тонна балык экспорттолду

32
(жаңыланган 12:31 13.06.2021)
Балык чарба департаментинин директорунун орун басары Маил Алиаскаров Кыргызстандан балык эң көп көлөмдө ЕАЭБ өлкөлөрүнө сатыларын айтты.

Кыргызстандын климаты балык өндүрүүгө абдан ыңгайлуу келгендиктен бул багытта соңку жылдары жакшы өзгөрүүлөр бар. Атап айтсак, акыркы 17 жылдын ичинде эле өндүрүштүн көлөмү 50 тоннандан 5 140 тоннага жетти. Башкача айтканда, 100 пайыздан көбүрөк өлчөмгө өстү. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: былтыр ЕАЭБге 3 158 тонна балык экспорттолду

Анын айтымында, өлкөдө көбүнесе кубулма (радужная форель — ред.) форель балыктары өстүрүлөт.

"2020-жылы Кыргызстан ЕАЭБ өлкөлөрүнө 3 158 тонна балык экспорттоду. Басымдуу бөлүгү Россия жана Казакстанга кетти. Ошондой эле 400 килограммды Араб Эмирлигине жибердик. Бизде көбүнесе кубулма балыгы өстүрүлгөндүктөн, алардын ар бир даанасынын наркы 300 сомдон кем болбойт. Ошондуктан былтыр жалпы суммасы 11 миллион 278 миң 571 долларга балык саттык. ЕАЭБ өлкөлөрүнө мындан да көп көлөмдө экспорттоого мүмкүнчүлүк бар", — деди Алиаскаров.

Ал Литвага да көп эмес көлөмдө Кыргызстандан балык чыгарылып турарын кошумчалады.

32
Белгилер:
экспорт, Евразиялык экономикалык биримдик, балык, Маил Алиаскаров
Тема:
ЕАЭБдеги Кыргызстан
Тема боюнча
Алиаскаров: Кыргызстан балык өстүрүүгө ыңгайлуу өлкө
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

85
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

85
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот