Жыгач. Архив

Кыргызстан ЕАЭБ өлкөлөрүнөн эмне алып, кайра эмне сатат

88
2020-жылы Кыргызстан биримдиктеги өлкөлөрдүн арасынан эң жогорку көлөмдө Россия (65 пайыз) жана Казакстан (33 пайыз) менен соодалашты.

БИШКЕК, 3-июн. — Sputnik. Улуттук статистика комитети Кыргызстан акыркы беш жыл ичинде Евразия экономикалык биримдигине (ЕАЭБ) мүчө-мамлекеттерден кайсы товарларды сатып алып, кайра эмнелерди экспорттогону боюнча маалымат берди.

Ага ылайык, Кыргызстандын сырткы соодасында ЕАЭБ өлкөлөрүнүн үлүшү беш жылда 37 пайыздан (2016-жылы) 43 пайызга (2020-жылы) чейин көтөрүлгөн.

"ЕАЭБ өлкөлөрүнө Кыргызстандан баалуу металлдардын рудалары жана концентраттары, мөмө-жемиштер жана жангактар, кийим, сүт жана сүт азыктары, желим жана андан жасалган буюмдар, автомобилдердин жана тракторлордун тетиктери, айнек, пахта, тамеки жана цемент жөнөтүлгөн", — деп айтылат билдирүүдө.

Ал эми өнөктөш мамлекеттерден мунайзат, жаратылыш газы, кара металлдан жасалган буюмдар, өсүмдүк майы, буудай, ун, дары-дармек, жыгач жана жыгачтан жасалган буюмдар, жер семирткичтер, керамикалык буюмдар жана башка товарлар импорттолгон.

88
Белгилер:
экономика, импорт, экспорт, Евразиялык экономикалык биримдик, Кыргызстан
Тема:
ЕАЭБдеги Кыргызстан (273)
Тема боюнча
Россияга экспорттолчу айрым товарларды маркалоо башталды. Жол-жобосу
Кыргызстан техрегламент боюнча үч жыл мөөнөт сурады. Күйүүчү май боюнча абал

Кыргызстандагы электр тарифи жана маяна. Башка өлкөлөр менен салыштыруу

204
(жаңыланган 16:28 17.06.2021)
Электр энергиясына тарифтер менен маянанын көлөмү башка өлкөлөрдөн канчалык айырмаланарын инфографикадан көрүңүздөр.
Кыргызстан жана башка өлкөлөрдөгү электр энергиясынын тарифи

Sputnik редакциясынын кабарчылары Армения, Беларусь, Казакстан, Россия, Тажикстан жана Өзбекстандын статистика топтогон органдарынын сайттарын карап чыкты.

Инфографикада 2020-жылдын аягына карата болжолдуу тарифтер көрсөтүлдү. Айрым өлкөлөрдө бул убакыттан бери электр энергиясы кымбаттады. Ошондой эле мында цифралар болжол менен берилди. Анткени бир эле өлкөдө аймак жана колдонулган энергиянын көлөмүнө жараша тарифтер ар кандай болгон мисалдар бар.

Беларусь боюнча электр плитасын колдонбогон калк үчүн орточо тариф көрсөтүлдү. Армения боюнча электр энергиясын 220 кВ кубаттуулукта колдонгон абоненттер үчүн тарифти сунуштадык. Россияда болсо электр энергиясын минималдык көлөмдө колдонгондор үчүн тариф берилди. Казакстан боюнча электр плитасын колдонбогон калк үчүн 1 жана 3-деңгээлдин ортосундагы тарифтер диапазону көрсөтүлдү. Кыргызстанда 700 кВт/саатка чейин колдонуудагы тариф жарыяланды.

204
Белгилер:
тариф, Тажикстан, Өзбекстан, Казакстан, Евразиялык экономикалык биримдик, Кыргызстан
Тема:
ЕАЭБдеги Кыргызстан (273)
Тема боюнча
Бийлик жылуулук менен ысык суунун тарифин көтөрүүнү сунуштап жатат
Өчүрүп чык! Электр кубаты үчүн аз акча төлөөнүн 10 жолу
Айыл, суу чарба жана аймактарды өнүктүрүү министрлигинин азык-түлүк коопсуздугу бөлүмүнүн жетектөөчү адиси Бексултан Арзыбаев

Арзыбаев: ЕАЭБде азык-түлүк коопсуздугу боюнча маселе көтөрүлүшү керек

29
(жаңыланган 14:42 17.06.2021)
Айыл, суу чарба жана аймактарды өнүктүрүү министрлигинин азык-түлүк коопсуздугу бөлүмүнүн жетектөөчү адиси Бексултан Арзыбаев Евразия экономикалык биримдигинде азык-түлүк коопсуздугу боюнча маселе көтөрүлүшү керектигин айтты.

Евразия экономикалык биримдигинин алкагында азык-түлүк коопсуздугу жаатында өзгөчө чоң роль жарата турган бөлүм каралган эмес. Мындай маалыматты Бексултан Арзыбаев Sputnik Кыргызстан радиосунун эфиринде маек куруп жатып билдирди.

Арзыбаев: ЕАЭБде азык-түлүк коопсуздугу боюнча маселе көтөрүлүшү керек

Анын айтымында, ушу тапта азык-түлүк менен өлкөнү толук камсыз кылуу негизги максат катары каралууда.

"Тилекке каршы, Евразия экономикалык биримдигинин алкагында азык-түлүк коопсуздугу жаатында өзгөчө чоң роль жарата турган бөлүм каралган эмес. Мисалы, ЕАЭБде тооктун эти аз өндүрүлсө атайын комиссия чогулуп, бул аймакта жетпеген продукцияны сырттан алып келип, кошумча салыктардан бошотуп, жеңилдиктерди түзсө болот. Бирок ЕАЭБдин алкагында өзүнчө бюджет көрсөтүлүп, ишке ашыруу каралган эмес. Коронавирус пандемиясына байланыштуу азык-түлүк тартыштыгы пайда болду. Ага карабастан Россия, Казакстан гуманитардык жардамдарын берип турду. Бул маселе пандемия учурунда сабак болду. ЕАЭБ жаңы уюм болгондуктан дагы кошумча өзгөртүүлөр керек. Мындан тышкары, өлкөдө айыл чарба секторунда суу, жайыт тармагынан баштап өсүмдүк өстүрүү, иш кагаздарын электрондук вариантка өткөрүүгө чейин санариптештирүү жүргүзүлүп жатат", — деди Усубалиев.

Ошондой эле адис азык-түлүк коопсуздугу боюнча калкка туура маалымат жеткирүүнүн маанилүүлүгүн эске алып, атайын иштер каралып жаткандыгын кошумчалады.

29
Белгилер:
Бексултан Арзыбаев, Евразиялык экономикалык биримдик, санариптешүү, айыл чарба
Тема:
ЕАЭБдеги Кыргызстан (273)
Тема боюнча
Айдаралиев: экспорт менен ЕАЭБде атаандаштык жарата албайбыз
Түнкүсүн Бишкектин борборунун көрүнүшү. Архив

Бишкектин жарымы жарыксыз калды. Энергетика министринин түшүндүрмөсү 

0
(жаңыланган 22:56 17.06.2021)
Жарык Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө өчкөн.

БИШКЕК, 17-июн. — Sputnik. Кыргызстанда жарык Казакстандын энергосистемасында авариялык кырдаал жаралгандыктан өчтү. Бул тууралуу "Улуттук электр түйүнү" ишканасынын маалымат кызматынын жетекчиси Элзада Саргашкаева билдирди.  

Буга чейин ордо калаанын тургундары соцтармакка жарык өчкөнүн жазышкан. Ал тургай электр жарыгы Жогорку Кеңештин имаратында да жок болгон. Анын себебин энергетика жана өнөр жай министри Доскул Баймурзаев өлкө боюнча жыштыкты жөнгө салуу жабдуусу иштеп кеткени менен түшүндүргөн.  

"Коңшу мамлекетте авария болуп, Токтогул ГЭСи былтыркыдай кырдаалды  жөнгө салды", — деди ал.  

Ишкананын маалымат кызматы саат 19:28те "Л-514 Фрунзенская-Шу" линиясында авария болгонун билдирди.  

"Борбор Азиянын бириктирилген энергосистемасы Казакстандын түндүгүндөгү бирдиктүү энергосистемадан өзүнчө бөлүнүп чыккан. Өлкө боюнча автоматтык түрдө жыштыкты жөнгө салуу жабдуусу иштеп кеткен. Саат 20:26лар чамасында "Фрунзенская-Шу" линиясы транзитке кошулуп, саат 20:55те жарык берилди", — деди Саргашкаева. 

Электр кубаты Чүйдүн Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө өчкөн.

0
Белгилер:
себеп, жарык өчүрүү, Казакстан, Кыргызстан
Тема боюнча
Эч кандай энергетикалык кризис жок, өчүрүү да болбойт. Министрлик үн катты
Өчүрүп чык! Электр кубаты үчүн аз акча төлөөнүн 10 жолу