Доллар жана евро купюралары. Архив

Доллар кайрадан кымбаттады. Бензин менен алтын боюнча абал кандай

89
(жаңыланган 10:21 04.06.2021)
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 4-июн. — Sputnik. Өткөн суткада Бишкекте доллар кымбаттап, евро, тескерисинче, баасын түшүрдү. Ири май куюучу жайларда бензиндин баасы өзгөргөн жок.

Бейшемби күнкүгө салыштырмалуу бүгүн акча алмаштыруу жайларында доллар сатып алуу 17 тыйынга (84,46 сом), сатуу 11 тыйынга (84,84 сом) кымбаттады. Айта кетсек, айрым банктарда АКШ акчасынын курсу кайрадан 84,9 сомго жетти.

Евро арзандап жатат. Сатып алуу 42 тыйынга (101,89 сом), сатуу 45 тыйынга (103,31 сом) түштү.

Күйүүчү майдын баасы мурдагыдай эле:

"Роснефть":

  • АИ-92 — 49,7 сом;
  • АИ-95 — 51,7 сом;
  • Дизель майы — 45,9 сом.

"Газпром нефть Азия":

  • АИ-92 — 50,5 сом;
  • АИ-95 — 52,5 сом;
  • Дизель майы — 46,5 сом.

Ал эми алтындын баасы түшүп, бир граммы 86,5 сомго арзаныраак сатыла баштады.

89
Белгилер:
баа, бензин, евро, доллар, алтын, Бишкек
Тема боюнча
Бишкектеги батирлердин май айына карата ижара акысы. Инфографика
Казакбаев канадалык министр менен Кумтөр тууралуу сүйлөштү
Кумтор голд компани ишканасынын тышкы башкаруучусу Теңиз Бөлтүрүк. Архив

Бөлтүрүк: Кыргызстан Centerra менен бир гана шартта сүйлөшүүгө макул болот

217
(жаңыланган 18:48 21.06.2021)
"Кумтөр" компаниясынын тышкы башкаруучусу Теңиз Бөлтүрүк кыргыз тарап кайсы учурда канадалык компания менен сүйлөшүүгө макул болорун айтып берди.

БИШКЕК, 21-июн. — Sputnik. Кыргызстан Centerra Gold Inc. компаниясынын жетекчилиги өлкөнү экология жаатында чыгымга учуратканын моюндаганда гана сүйлөшүүлөрдү жүргүзөт. Бул тууралуу "Кумтор голд компани" ишканасынын тышкы башкаруучусу Теңиз Бөлтүрүк билдирди.

"Азырынча компания Кыргызстандын доо арызы менен чыгымын мойнуна ала элек. Мындан улам алардын жетекчилиги менен кандайдыр бир сүйлөшүүлөрдү жүргүзүүгө негиз жок. Мен өкмөт менен президент кандай ойдо экенин билем, бул менин жеке пикирим эмес. Алар акыры бир чечимге келет деген ойдомун. Кыргыз тарап менен мурдагыдай теңсинбей сүйлөшүүгө жол берилбейт. Англисче айтканда, enough is enough (жетишет — ред.). Жетишет, бизди шылдыңдаганды токтотуш керек", — деди Бөлтүрүк.

Тышкы башкаруучу Centerra Кыргызстанды тең укуктуу өнөктөшү катары көрүшү керектигин кошумчалады.

"Мен Скотт Перри (Centerra компаниясынын президенти — ред.) менен директорлор кеңешинин бардык мүчөлөрүнө декабрда дагы, февралда дагы "Мындан ары диалог эмес, монолог болот. Силер биз айткыбыз келген нерсени угасыңар. Мына, комиссиянын чечими бар. Моюндасаңар, иштешебиз. Антпесе өкмөт кандай чечсе ошондой иш алып барабыз. Кенди өзүбүз башкарып, эл үчүн иштей баштайт" деп айткан элем", — деди Бөлтүрүк.

Ал ошондой эле канадалык компания мурдагы мамлекеттик комиссиянын Кумтөрдүн ишмердүүлүгүн изилдөөгө багытталган сунуштарынын бардыгын четке кагып келгенин кошумчалады.

217
Белгилер:
Теңиз Бөлтүрүк, Centerra Gold Inc, кен, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Президент Жапаров: "Кумтөрдүн" эсебинен Нарын өнүктүрүү фонду түзүлөт
Акча каражаттары. Архив

Кыргызстанда депозит чени көбөйдү, насыя үстөгү өспөйбү?

93
(жаңыланган 17:20 21.06.2021)
Кыргызстандагы банктардын жарымынан көбү аманат ченин 0,25-2 пайызга убактылуу көтөрдү. Мындай көрүнүш банктардын каражат көйгөйүнөн кабар бербейби? Эгер андай болсо, жагдай насыянын пайыздык ченинин жогорулашын шарттабайбы? Sputnik Кыргызстан териштирип көрдү.

Кыргызстандын бир нече банкы акция жарыялап, аманаттардын (депозиттер) пайыздык ченин көбөйттү. Эгер калк арасында акча көбөйтүүнүн кеңири тараган түрү ушул экенин эске алсак, албетте, бул – жагымдуу жаңылык. Анткен менен күдүк ой санааркатат.

Биринчиден, өлкөдө сом көлөмү рекорддук көрсөткүчтө турганда эмнеликтен банктар дагы көп каражатка зарылууда? Апрель айынын аягында көлөм (алыш-бериш эсептерин кошо алганда) 188,4 миллиард сомдон ашкан. Бул насыялык-каржылык уюмдардын акча көйгөйлөрүнө байланыштуу эмеспи?

Ошол себептен алар дагы каражат тартууга далалат кылып жатышкан жокпу? "Чаң соргуч банктар" деген да термин бар, алар өз көйгөйлөрүн чечүү үчүн пайыздык ченди жогорулатышат.

Экинчиден, банктар кайрымдуулук уюм эмес, алардын өз кирешеси аманат жана насыя ченинин ортосундагы айырмадан түзүлөт. Башкача айтканда, ансыз да бийик насыя үстөктөрүнүн өсүшүнө алып келбейби? Sputnik Кыргызстан пайыздык чен туурасында макала даярдап, анын жогорулашы эмнеге байланыштуу жана кесепети кандай болушу мүмкүн экени боюнча банктардын өздөрүнө суроо салды.

Кайсы банктарда пайыздык чен көбөйдү?

Сереп салуу үчүн апрелден ушул айга дейре маалыматтарды карап чыктык. 22 банктын 12синде сунуштар жакшырган. Дээрлик баарында убактылуу акциялар жүрүп, айрымдарынын мөөнөтү да аяктаган. Чен орточо 0,25-2 пайызга көтөрүлгөн. Коммерциялык мекемелердин бир катарында жалпы чен 14 пайызга өскөн.

  • "Бай түшүм";
  • "Айыл банк";
  • "Азия банкы";
  • "Бакай банк";
  • "Халык банк";
  • "FINCA банк";
  • "Кыргызстан коммерциялык банкы";
  • "Дос-Кредобанк";
  • "Капитал банк";
  • "Компаньон";
  • "Кыргыз-швейцариялык банкы";
  • "РСК банк".

Редакция бул тизмедеги банктарга чендин жогорулашына байланыштуу бир нече собол менен кайрылды: буга эмне себеп, банктын маселелери жана насыяларды кайтаруу көйгөйүнөн улам акча тартыштыгына байланыштуу эмеспи? Аманат ченин жогорулатуу насыя үстөгүнүн өсүшүнө кептебейби? Жооптор каржылык уюмдарынын жарымынан келди.

Баары көбөйтүүдө

Банктардын бир тобу чендин өсүшү башка оюнчулардын аракеттеринен улам, ошондой эле кардарларга кам көрүү деп түшүндүрүштү. Эки банк өздөрүнүн 25 жылдык мааракесине карата ушундай акция уюштурулганын билдиришти. Бирок башкача жооптор да болду. Маселен, "Айыл банк" аманаттын пайыздык чендери бүтүндөй банк тутумунда жогорулап жатканын себеп катары белгилейт. Ошону менен бирге эле дагы бир факторду аташты: "Бир жагынан бул каржылык рыноктогу өтүмдүүлүктүн төмөндөшү жана Улуттук банктын эсептик ченинин көбөйтүлүшүнө байланыштуу. "Азия банкы" да ушундай эле жоопту берди.

"Инфляцияны ооздуктоо максатында КР Улуттук банкы акча массасын стерилизациялоо жүргүзүп жатканда коммерциялык банктардын баары сом өтүмдүүлүгүнүн жетишсиздигине кабылып, аманат чендерин жогорулатууга аргасыз", — деп айтылат басма сөз кызматынын жообунда.

1-июнда эле Улуттук банк инфляцияны ооздуктоо боюнча аракеттер көрүлүп жатканын, "өтүмдүүлүктү башкаруу боюнча активдүү чаралар банк тутумундагы ашкере ликвиддүүлүк көлөмүн азайтууга мүмкүндүк бергенин" белгилешкен.

Банк системасындагы ликвиддүүлүк — адатта накталай каражатка ыкчам айлантуу мүмкүнчүлүгүн мүнөздөгөн каржылык термин. Дагы башка, анын ичинде каржылык-насыялык мекемелер, корпорациялар, акча рыногу же капитал рыногунда, ички улуттук жана дүйнөлүк улуттук экономикада акча каражаттарынын болушун билдирген да аныктамалары бар.

"Үстөктөрдүн жогорулашы көйгөйлөрдөн кабар бербейби?" – деген суроо узатканыбызда өлкө аймагындагы банктар, коммерциялык уюмдар насыяларды төгүү жаатында да, каражат таңсыктыгы боюнча да эч кандай маселе жоктугун бир ооздон белгилешти.

Ошондой эле алардан азыркы жагдай насыялар үстөгүнүн да өсүшүнө таасир этип-этпесин сурадык. "Азия банкы" бул насыяларды төгүү маселелерине себепкер болчу каражат жетишсиздигинен улам эмес, утурумдук акция жана насыя үстөктөрүнө дээрлик таасир этпей турганын айтты.

"FINCA банктагылар" кыска эле "жок" деп жооп беришти. "Бакай банктагылар" насыя үстөктөрүн көбөйтүү пландалбаганын билдирсе, "Компаньон" банкы салым (депозит) ченинин жогорулашы сөзсүз эле насыя үстөктөрүнүн көбөйүшүнө алып келбестигин белгилешти.

Насыялардын пайыздык ченине банк мезгил-мезгили менен көз салып, божомолдоп турган көптөгөн экономикалык факторлор да таасир этиши мүмкүн. "Кыргыз-швейцариялык банкы" рынок абалынын өзгөрүшүнө тыкыр көз салып, баа саясатын конъюнктураны эсепке алуу менен коррекциялап турат.

"Айыл банк" аманаттар насыялоо үчүн негизги ресурстук база болгондуктан депозиттер боюнча пайыздык чендин көбөйтүлүшү насыялык өндүрүм үстөктөрүнүн өсүшүнө алып келерин, бирок башка – социалдык жана жеңилдик программаларына тиешелүү болбогон багыттарга таасир этерин белгилешти.

Кыргызстанда банк аманаттары тууралуу кеңири чагылдырылган макаланы бул жерден окуңуз.

93
Белгилер:
акча, Кыргызстан, кредит, эсептик үстөк пайыз, насыя, аманат, депозит, банк
Тема боюнча
Банкка салынган акчаны кантип көбөйтсө болот? Кыргызстандагы депозит тууралуу
Мамлекеттин көзүн карабай пенсияга кантип акча топтоого болот. Жол-жобосу
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

0
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

0
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды