Койлор жүк ташуучу автоунаада. Архив

1-июлдан тарта кумшекер, май, мал ташыгандардан кошумча нарк салыгы алынбайт

249
(жаңыланган 15:34 29.06.2021)
Мындай чечим азык-түлүккө болгон рыноктук бааларды турукташтыруу жана чарбалык субъектилерге колдоо көрсөтүү максатында кабыл алынды.

БИШКЕК, 29-июн. — Sputnik. 1-июлдан тарта ЕАЭБ өлкөлөрүнөн импорттолгон бир катар товарларга кошумча нарк салыгы алынбайт. Бул тууралуу Мамлекеттик салык кызматынан билдиришти.

Мындай чечим азык-түлүккө болгон рыноктук бааларды турукташтыруу жана чарбалык субъектилерге колдоо көрсөтүү максатында кабыл алынды.

Нөл пайыздык коюм төмөнкү товарларга белгиленет:

  • 2021-жылдын 1-июлунан 31-августуна чейин – ЕАЭБге мүчө-мамлекеттерден импорттолуучу кумшекер жана өсүмдүк майына;
  • 2021-жылдын 1-июлунан 31-декабрына чейин ташылып келинген малга (жылкы, бодо мал, чочко, кой, үй канаттуулары).
249
Белгилер:
Кыргызстан, импорт, азык-түлүк, салык, баа
Тема боюнча
Эрулан Көкүлов: мактанчаак, бетпаксың дешет, иштеген киши ошондой болот
Өкмөт Казакстандан жардам катары келген унду сатууну сунуштады. Себеби
Кыргызстанда тышка мал сатууга коюлган чектөө алынды
Евразиялык интеграциялык изилдөө жана коммуникация борбору кеңешинин төрагасы Данил Ибраев

Ибраев: ЕАЭБден экспорттоло турган товарларга эч кандай чектөө жок

7
Евразиялык интеграциялык изилдөө жана коммуникация борбору кеңешинин төрагасы Данил Ибраев ЕАЭБ 14 мамлекет менен келишимдер аркылуу мамилени чыңдап жатканын белгиледи.

Евразиялык экономикалык биримдиктин ичине кире турган товарларга атайын талаптар болгону менен уюмдан чыга турган товарларга эч кандай чектөө жок. Бул тууралуу Данил Ибраев Sputnik Кыргызстан радиосунда маек куруп жатып билдирди.

Ибраев: ЕАЭБден экспорттоло турган товарларга эч кандай чектөө жок

Анын айтымында, ЕАЭБдин ичиндеги техникалык регламенттер дүйнөлүк стандарттарга жакындаштырылган.

"Евразиялык экономикалык биримдик 14 мамлекет менен ар кандай келишимдер аркылуу алака түзүүдө. Бул жерден белгилей кетүүчү жагдай, ЕАЭБге товарлар бирдиктүү бажы төлөмдөр жана сапаттык талаптарга ылайыкталып киргизилет. Бирок уюмдан чыгарыла турган товарларга эч кандай чектөө коюлган эмес. Мисалы, ЕАЭБден Кытайга экспорттоло турган болсо Кытайдын стандарттарына тууралаш керек. Дагы башка уюмга же өлкөгө товар сатылса, ошолордун стандарттарына ылайыкташтырылат. Бул уюмга мүчө өлкөлөрдүн жарандарын сапаттуу, коопсуз товарлар менен камсыздоого багытталган. Балким мурда бул техникалык стандарттар колдонулбай келген чыгаар. Ошол эле учурда ал товарларды ким колдонуп жатканын ойлонуп коюшубуз керек. Алар өзүбүздүн эле жарандар. Демек, алар стандартка ылайыкталган, сапаттуу товарларды колдонушу зарыл", — деди Ибраев.

Ошондой эле Кыргызстан уюмдун алкагында көптөгөн иштерди аткаруу керектигин кошумчалады.

Подкастты толугу менен видеодон көрө аласыз:

7
Белгилер:
Данил Ибраев, Евразиялык экономикалык биримдик, стандарт, экспорт
Тема боюнча
ЕАЭБ өлкөлөрү жыл аягына чейин бири-биринин электрондук кол тамгасын тааныйт
УКМКнын имараты. Архив

УКМК "Кумтөрдү" иштетүүдө 200 млн. доллар чыгарып кеткендерге издөө жарыялады

120
(жаңыланган 12:16 17.09.2021)
Тергөө учурунда канадалык "Центерранын" топ менеджменти менен "Кумтөр" кенинин чет элдик оператору 2013-жылдын декабрь айында 200 миллион долларды ээлеп алганы боюнча далилдер алынганы айтылды.

БИШКЕК, 17-сен. — Sputnik. Тергөө тарабынан "Центерранын", "Кумтөр Голд Компани" ЖАКтын жана "Кумтөр Оперейтинг Компани" ЖАКтын жетекчилик кызматтагы адамдары сыртынан жоопко тартылып, издөөгө алынды. Бул тууралуу УКМК билдирди.

Маалыматта Улуттук коопсуздук мамлекеттик комитеттин ведомстволор аралык тергөө тобу "Кумтөр" кени боюнча коррупциялык фактыларга карата козголгон кылмыш ишин иликтөөнү улантып жатканы белгиленген.

"Тергөөдө канадалык "Центерранын" топ менеджменти менен "Кумтөр" кенинин чет элдик оператору 2013-жылдын декабрь айында 200 миллион долларды ээлеп алып, чет элдик компаниянын эсебине которуп бергени боюнча далилдер алынды", — деди УКМКдан.

Бул факт боюнча тергөө тарабынан "Центерранын" мурдагы президенти Ян Аткинсон, "Кумтөр Голд Компани" жабык акционердик коомунун башкармалыгынын төрагасы Андрей Сазанов жана Майкл Фишер, "Кумтөр Оперейтинг Компани" ЖАКтын финансы боюнча вице-президенти Джон Сютерлер сыртынан жоопко тартылып, издөө жарыяланды.

 

120
Белгилер:
УКМК, Кумтөр, кен, алтын, коррупция, кылмыш, издөө
Тема боюнча
Кумтөр иши: Нью-Йорк соту Кыргызстанга санкция салуу арызын колдогон жок
Тонналап экспорттолчу. Кыргызстан июлда бир дагы грамм алтын саткан жок
Мурдагы премьер-министр Жоомарт Оторбаев кармалды
Куралчан адам. Архив

Ок атып токтотушту. Чек арачылар Тажикстанга бараткан жүктү кармашты

0
(жаңыланган 15:12 17.09.2021)
Контрабандачылар чек арачыларды көргөндөн кийин качып кетүүгө аракет кылган, бирок автоунаасынын дөңгөлөгүнө атылган октон кийин токтошкон.

БИШКЕК, 17-сент. — Sputnik. Баткен облусундагы Лейлек чек ара отрядынын кызматкерлери Тажикстанга көмүрдү мыйзамсыз ташып бара жаткан автоунааларды бир нече ирет ок атып токтотконго аргасыз болгон. Бул тууралуу УКМКнын Чек ара кызматынан кабарлады.

Окуя бүгүн, 17-сентябрда, Лейлек районунун Майты аймагында болгон. Чек арачылар оор жүк ташуучу Mersedes жана MAN автоунааларын текшерүүгө аракет кылганда алар токтогон эмес.

"Алар чек арачыларды көргөндөн кийин качып кетүүгө аракет кылган. Аскерлер алгач эскертүү иретинде асманга ок чыгарганы менен айдоочулар чыгып кетүүгө аракет кылган. Акырында чек арачылар автоунаанын дөңгөлөгүн атканда гана токтошкон. Алар Кыргызстандан Тажикстанга 15 тонна көмүрдү уруксат кагазы жок алып чыгып бара жаткан", — деп айтылат ведомство тараткан маалыматта.

Тиешелүү документтер толтурулган соң айдоочулар көмүрү менен кошо тартип сактоо органдарына андан аркы тергөө иштерин жүргүзүү үчүн өткөрүп берилген.

0
Белгилер:
Кыргызстан, Тажикстан, чек арачы, ок атуу, контрабанда, көмүр
Тема боюнча
Тажикстанга мыйзамсыз бара жаткан автоунааны асманга ок атып токтотушту