Ирандын борбору Тегеран шаарында ЕАЭБ мамлекеттеринин катышуусу менен Евразия аттуу биринчи көргөзмө ачылды.

Иранда ЕАЭБ өлкөлөрүнүн алгачкы көргөзмөсү ачылды. Ал Кыргызстанга эмне берет?

103
(жаңыланган 17:32 10.07.2021)
Өнөр жай жана ишкерлер союзунун президенти Данил Ибраев Ирандагы көргөзмөгө айыл чарба продукциясын кайра иштетүү, курулуш, жеңил жана оор өнөр жай, логистика жана башка тармактардан 100дөй компаниянын өкүлдөрү катышып жатканын айткан.

ТЕГЕРАН, 10-июл. — Sputnik. Ирандын борбору Тегеран шаарында ЕАЭБ мамлекеттеринин катышуусу менен "Евразия" аттуу биринчи көргөзмө ачылды.

Ачылыш аземи шаардын соода-көргөзмө борборунда өтүп, ага Ирандын Соода өнүктүрүү уюмунун башчысы Хамида Задбума, Кыргызстан, Россия, Беларусь, Казакстан, Армения өлкөлөрүнүн соода-экономика боюнча уюм, мекемелеринин өкүлдөрү катышкан. Кыргызстандын делегациясын Өнөр жай жана ишкерлер союзунун президенти Данил Ибраев баштап барган.

  •  В Тегеране открылась первая специализированная выставка Евразия с участием стран ЕАЭС
    Ирандын борбору Тегеран шаарында ЕАЭБ мамлекеттеринин катышуусу менен "Евразия" аттуу биринчи көргөзмө ачылды.
    © Sputnik / Таалайбек Ороскулов
  •  В Тегеране открылась первая специализированная выставка Евразия с участием стран ЕАЭС
    Ачылыш аземи шаардын соода-көргөзмө борборунда өтүп, ага Ирандын Соода өнүктүрүү уюмунун башчысы Хамида Задбума, Кыргызстан, Россия, Беларусь, Казакстан, Армения өлкөлөрүнүн соода-экономика боюнча уюм, мекемелеринин өкүлдөрү катышкан. Кыргызстандын делегациясын Өнөр жай жана ишкерлер союзунун президенти Данил Ибраев баштап барган.
    © Sputnik / Таалайбек Ороскулов
1 / 2
© Sputnik / Таалайбек Ороскулов
Ирандын борбору Тегеран шаарында ЕАЭБ мамлекеттеринин катышуусу менен "Евразия" аттуу биринчи көргөзмө ачылды.

Анын айтымында, көргөзмөдө айыл чарба продукциясын кайра иштетүү, курулуш, жеңил жана оор өнөр жай, логистика жана башка тармактардан 100дөй компаниянын өкүлдөрү болгон.

Кыргызстандын соода-өнөр жай палатасынын транспорт боюнча төрагасы Талант Маткерим уулу иран ишкерлери ЕАЭБге мүчө мамлекеттердин товарын логистика кылууга кызыгып жатканын белгилеген.

"Порт Бандерабас шаары логистика кылууда негизги орун. Ишкерлер андан ар бир ЕАЭБ мамлекетине чыгуу үчүн жол издешет. Кыргызстан эң ыңгайлуу жерде жайгашкан. Анда негизги транзит хабы боло алабыз. Көргөзмө жаңы эле ачылса да биздин павильонго кызыккандар көп. Албетте, бул жерде биздин товарларды экспорт, ирандын товарларын импорт кылууда варианттарды жакшылап иштеп чыгуу керек. Бирок кандайдыр бир шарттар менен товар ташууга бааны төмөндөтсө болот", —  деген Маткерим уулу.

Пандемиядан улам көргөзмөгө ишкерлер, өнөр жайчылар жана окумуштуулар гана катышып жатканы айтылды.

103
Белгилер:
Иран, көргөзмө, соода, өнөр жай, Тегеран
Тема боюнча
ЕАЭБ өлкөлөрүндө азык-түлүктүн баасы кандай? Статкомдун маалыматы
Кыргызстан ЕАЭБ өлкөлөрүнөн эмне алып, кайра эмне сатат
Президент Садыр Жапаров. Архив

Бизнес өкүлдөрү Садыр Жапаровго кайрылды. Себеби

244
(жаңыланган 13:27 02.08.2021)
Ишкерлер өкмөт парламенттин каникулга кетип жатканынан пайдаланып, экономикага өзгөчө кырдаал киргизүү мыйзамын шашылыш түрдө өткөрдү деп эсептейт.

БИШКЕК, 2-авг. — Sputnik. Кыргызстандагы бизнес-коомчулук президент Садыр Жапаровго кайрылып, Жогорку Кеңеш үч окуудан жактырган экономикага өзгөчө кырдаал режимин киргизүү боюнча мыйзамга кол койбошун өтүнүп жатат. Бул тууралуу ишкерлер Sputnik Кыргызстан агенттигинде өткөн "Экономикага өзгөчө кырдаал абалын киргизүүнүн таасири кандай болушу мүмкүн" аталышындагы брифингде айтышты.

"Бизнес коомчулугу менен макулдашуу процесси болбой, мыйзам бир тараптуу негизде кабыл алынды. Министрлер кабинети парламенттин каникулга кетип жатканынан пайдаланып, мыйзамды шашылыш түрдө өткөрүп алды. Учурда биз президенттен бул документке кол койбой, кайра иштеп чыгууга жөнөтүүсүн суранабыз", — деди Рыноктор, соода ишканалары жана кызмат көрсөтүүлөр ассоциациясынын аткаруучу директору Артур Ташибеков.

КР президентинин алдындагы Коррупцияга каршы ишкердик кеңешинин адиси Айдарбек Мамбеткадыров бизнес өкүлүнүн пикирин колдой турганын билдирди. Анын айтымында, мыйзам долбоорунда кийин эки анжы пикир жарата турган түшүнүксүз жерлери бар. Мамбеткадыров кошумчалагандай, мыйзам долбоору кабыл алынардын мурда коррупцияга каршы экспертизадан өткөн эмес.

Эске салсак, министрлер кабинетинин төрагасынын орун басары, экономика жана финансы министри Акылбек Жапаров өлкө экономикасына өзгөчө кырдаал режимин киргизүүнү сунуштаган. Анын айтымында, мындай сунуш киргизүүгө дагы деле коркунуч жаратып турган пандемиянын экономикага тийгизген терс таасири себеп болгон. Министр түшүндүргөндөй, бул режим салыктардын ставкасын өзгөртүүгө жана өтө зарыл учурда бюджетти Жогорку Кеңештин макулдугу жок эле бөлүштүрүүгө шарт түзөт.

Депутаттар каникулга кетер алдында аны үч окуудан тең өткөрүп берген.

244
Белгилер:
Садыр Жапаров, ишкер, сунуш, кайрылуу, бизнес, Кыргызстан
Тема боюнча
Банктарда аралыктан идентификациядан өтүү системасы жеңилдейт. Долбоор
Жыл башынан бери импорттон алынган салыктын көлөмү 5,2 млрд. сомго көбөйдү
Буудайдын түшүмүн жыйноо. Архив

Өлкөдө буудай бир жыл ичинде дээрлик 40 пайызга кымбаттады

43
2020-жылдын акыркы айларынан бери Кыргызстанда азык-түлүктүн баасы кескин кымбаттады. Анын ичинде буудай дагы баасын көтөрүүдө.

БИШКЕК, 2-авг. — Sputnik. Республикада буудайдын баасы бир жылдын ичинде дээрлик 40 пайызга жогорулады. Бул тууралуу Улуттук статистика комитети кабарлады.

"Июль айынын аягына карата буудайдын баасы өлкө боюнча орточо эсеп менен 29,15 сомду түздү. Бул өткөн жылдын ушул учуруна салыштырмалуу 8,2 сомго же 39,3 пайызга өскөнүн далилдейт", — деп айтылат билдирүүдө.

Буудайдын чекене баасы орточо көрсөткүчтөн Бишкек (бир килограммы 31,46 сом), Токтогул (30,96 сом), Исфана (30,73 сом) жана Өзгөн (30 сом) шаарларында жогору болуп жатат. Ал эми арзан буудай Чаек айылында (бир килограммы 18 сом), Каракол (20,87 сом) жана Кара-Суу (23,59 сом) шаарларында сатылууда.

Бир ай ичиндеги бааны айта турган болсок, июлда буудай мурунку айга салыштырмалуу 3,4 сомго (13,1 пайыз) кымбаттаган.

43
Белгилер:
Кыргызстан, Буудай, баа, статистика
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео