Тыйындар. Архив

Кыргызстандын бюджети профицитке чыкты. Каражат кайдан көп түшүп жатат

2458
Алдын ала маалымат боюнча, биринчи жарым жылдыкта бюджеттин аткарылышы 575,3 миллион сомдук профицит менен жабылды.

БИШКЕК, 13-июл. — Sputnik. Жарым жылда (январь-июнь) өлкө бюджетинин киреше булагы 80 миллиард 767 миллион сомду түзүп, белгиленген пландан 3,45 миллиард сомго көп каражат түштү. Бул туурасында Экономика жана финансы министрлиги билдирди.

Өткөн жылдын жарым жылдыгына салыштырган бул көрсөткүч 28 миллиард 296,6 миллион сомго көп экени белгиленет.

Салыктык киреше — 57,4 миллиард, пландан 115,3 миллион сомго, өткөн жылга салыштырмалуу 19,9 миллиард сомго көп;

Салыктык эмес киреше (буга укук коргоо органдары тарабынан өндүрүлгөн каражат да кошулат) — 20,2 миллиард сом, өткөн жылга салыштырмалуу 9 миллиард сомго көп;

Ал эми алты айдын аралыгында республикалык бюджеттин чыгашалары 80 миллиард 191,7 миллион сом болгон. Былтыркыга караганда 10 миллиард сомго көбүрөөк коротулган.

"Алдын ала маалымат боюнча, биринчи жарым жылдыкта бюджеттин аткарылышы 575,3 миллион сомдук профицит менен жабылды. Бул биздин бюджеттин тартыштыгын жоюу боюнча жасалган алгачкы кадамдарыбыз", — деп айтылат маалыматта.

Ошондой эле бардык социалдык милдеттемелер, маяна, жөлөк пул, пенсия жана корголгон беренелердин баары өз убагында толугу менен төлөнгөнү белгиленет.

2458
Белгилер:
чыгаша, киреше, салык, бюджет, Кыргызстан
Тема боюнча
Өлкө менчиктештирүүдөн канча киреше көрөт? Маммүлк башчысынын жообу
Беш айда мигранттар КРге бир миллиард доллардай акча которду. Рекорд
Алтын куймалары. Архив

Улуттук банктын алтын кору 62,6 млрд. сомго, дээрлик 3 эсеге азайды

45
(жаңыланган 13:08 27.07.2021)
Май айынын башында алтын түрүндөгү активдер рекорддук көрсөткүчтө болуп, 99 миллиард сомго бааланган. Бирок баалуу металлдын дүйнөлүк рыногунда баа кыйла арзандашы менен Улуттук банктын алтын запасынын көлөмү кескин төмөндөгөн.

БИШКЕК, 27-июл. — Sputnik. Улуттук банктын алтын корунун наркы 62,5 миллиард сомго түшүп кетти. Бул — Кыргызстандын Улуттук банкынын сайтындагы маалымат.

Алтын-валюталык кор (эл аралык валюталык резерв) Улуттук банкка сомдун курсун кармап турууга мүмкүндүк берет. Резервдер валютанын ондон ашуун түрлөрүнөн, СDR (карыз алуунун атайын укуктары — Эл аралык валюта фондунун жасалма резервдик жана төлөм каражатынан) жана алтындан турат.

Алтындын наркы:

  • май айынын башында — 99 миллиард 33,7 миллион сом;
  • июнь айынын башында — 82 миллиард 389,6 миллион сом;
  • июль айынын башында — 36 миллиард 439,1 миллион сом.

Башкача айтканда, май айынын башынан тарта алтын корунун наркы 62 миллиард 594,6 миллион сомго же дээрлик үч эсеге арзандаган.

Анткени эл аралык резервдин жалпы көлөмү (алтын жана ар кыл валюталардан турат) бул мезгил ичинде анчалык деле өзгөрбөгөнүн белгилей кетели:

  • май айынын башында — 211,3 миллиард сом;
  • июнь айынын башында — 217,3 миллиард сом;
  • июль айынын башында — 213,6 миллиард.

Sputnik Кыргызстандын редакциясы Улуттук банкка кайрылып, мындай кескин төмөндөө эмнеге байланыштуу экенин жана өз резервдеринен сатып-сатпаганын сурап көрдү.

Улуттук банктын жообу

Өлкөнүн башкы банкынан 24-июлга карата эл аралык резервдин жалпы көлөмүндөгү алтындын үлүшү 16,3 пайызды түзгөнүн кабарлашты . Эске салсак, ушул айдын башындагы маалыматтар боюнча, резервдер болжол менен 213,6 миллиард сомго бааланган.

Улуттук банктын жообунда 2021-жылдын башынан тарта алтын түрүндөгү активдердин көлөмүнө төмөнкү көрсөткүчтөр таасир эткени айтылат:

  • эл аралык резервдерди тескөөдөн алынган кирешелер;
  • эл аралык резервдердин курамына кирген валюталардын курсунун өзгөрүшү;
  • баалуу металлдардын баасынын өзгөрүшү;
  • долларга карата улуттук валютанын баасынын өзгөрүшү, Кыргызстандын тышкы милдеттенмелери боюнча төлөмдөр;
  • өкмөттүн пайдасына түшкөн валюталык каражаттар.

Алтындын наркы кантип алмашып турган?

Отчеттук мөөнөттө Баалуу металлдар рыногунун Лондон ассоциациясынын кечки фиксинги (иш жүзүндө дүйнөлүк баа) адегенде жогорулаган, бирок андан кийин төмөндөп кеткен. Баалар 31,1 граммдык трой унциясына карата көрсөтүлдү:

  • май айынын башында — 1 миң 797,75 доллар;
  • июнь айынын башында —1 миң 899,35 доллар;
  • июль айынын башында —1 миң 781,5 доллар.

Алтын-валюталык запас (эл аралык валюталык резервдер) Улуттук банкка сомдун кунун түшүрбөй кармап турууга жол берет.

Резервдер валютанын ондон ашуун түрлөрүнөн, СDR (карыз алуунун атайын укуктары — Эл аралык валюта фондунун жасалма резервдик жана төлөм каражатынан) жана алтындан турат.

45
Белгилер:
резерв, валюта, акча, алтын, Улуттук банк, Кыргызстан
Тема боюнча
Беш айда Кыргызстандан 200 млн. доллардан көп акча чыгып кетти. Рекорд
Эсептөө палатасынын имараты. Архив

Эсептөө палатасынын аудиторун 9дан 3кө чейин кыскартуу мыйзамы сунушталды

59
Мындай демилгени депутаттар — Эмил Токтошев, Шералы Абдылдаев, Улан Примов, Тариел Жоробеков жана Арысланбек Акбаров көтөргөн.

БИШКЕК, 27-июл. — Sputnik. Эсептөө палатасындагы аудиторлордун санын кыскартып, үчөөнү гана калтыруу боюнча конституциялык мыйзам долбоору сунушталды.

Демилгечилер — Жогорку Кеңештин депутаттары Эмил Токтошев, Шералы Абдылдаев, Улан Примов, Тариел Жоробеков жана Арысланбек Акбаров.

Мыйзам долбоорунда аудиторлордун санын тогуздан үчкө чейин кыскартуу каралган. Эсептөө палатасынын кеңешинин курамы төрагадан, эки текшерүүчүдөн, аппарат жетекчисинен, түзүмдүк бөлүмдөрдүн жетекчилеринен түзүлөт. Ал эми анын персоналдык курамы төрага тарабынан аныкталат.

Конституциянын 108-беренесине ылайык, Эсептөө палатасы республикалык жана жергиликтүү бюджеттердин, бюджеттик эмес каражаттардын, мамлекеттик жана муниципалдык менчиктин аткарылышына аудит жүргүзөт. 

59
Белгилер:
Эсептөө палатасы, кыскартуу, демилге, долбоор, мыйзам, аудит
Тема боюнча
Акимдердин президенттикиндей эле кол тийбестиги болот. Мыйзам долбоор
Улуттук допингге каршы борбор дирекциясынын жетекчиси Нургүл Кермакунова

Кермакунова: самын да спортчуну допинг колдонгондой көрсөтүп коюшу мүмкүн

0
Улуттук допингге каршы борбор" дирекциясынын жетекчиси Нургүл Кермакунова Токио Олимпиадасына катыша турган кыргызстандык спортчулар кызытма колдонууга каршы күрөшүүдө бардык нормаларды толук аткарганын айтты.

Олимпиадага даярданууда 41 спортчу жана алардын машыктыруучулары, дарыгерлери Дүйнөлүк антидопинг агенттигинин (WADA) койгон талаптарына жараша кеп-кеңештерди алышты. Мындай маалыматты Нургүл Кермакунова Sputnik Кыргызстан радиосунун эфиринде маек куруп жатып билдирди.

Кермакунова: самын да спортчуну допинг колдонгондой көрсөтүп коюшу мүмкүн

Анын айтымында, аталган борбор Олимпиада оюндарына кеткен спортчулардын мелдешке чейинки убакта допинг колдонбогонуна кепилдик берет.

"Улуттук антидопинг борборунун" негизги иши - спортчуларды Токио Олимпиадасына даярдоо болду. Анын маанилүү бөлүгү спортчуларды маалыматтык жактан камсыздоого кетти. Анткени такталбаган кабарлар туура эмес тандоолорду, чечимдерди чыгарууга жол ачат. Ири спорттук мелдешке даярданууда 41 спортчу жана алардын машыктыруучулары, дарыгерлери, персоналдары Дүйнөлүк антидопинг агенттигинин (WADA) койгон талаптарына жараша кеп-кеңештерди алып, бардык нормаларды туура аткарышты. Допингге каршы санарип окуу системасынын базасында спортчулар тиешелүү эскертмелерди алып, окуудан өткөн соң атайын сертификатка ээ болушту. Спортчулар мелдешке кетер алдында ата-энеси, туугандары, достору менен жакындан кучакташып узатууга эки жума эрте тыюу салдык. Анткени бул биздин улуттук өзгөчөлүгүбүз болгондуктан өбүшүп, кучакташып коштошуу көп кооптуулукту жаратышы ыктымал. Мисалы, эмоционалдык жактан алганда спортчу тыюу салынган заттарды колдонбогон учурда да гормоналдык өзгөрүүлөргө дуушар болуп, көрсөткүч тиешелүү ченемден ашып кетиши мүмкүн. Ал тургай Олимпиада учурунда допингге текшерүүдөн өтөр алдында колун самындап жууп алса да гормондор өзгөрүп, анализи туура эмес чыгып калуу коркунучу бар", — деди Кермакунова.

Ошондой эле адис спортчулар Олимпиадада ар бир деталга көңүл буруп, өзүн этият, тыкан алып жүрүүсү талап кылынарын кошумчалады.

0
Белгилер:
Нургүл Кермакунова, Улуттук антидопинг борбору, Токио, олимпиада
Тема:
2021-жылы Токиодо өтө турган Олимпиада оюндары
Тема боюнча
Жоламан, Акжол, Атабек, Үзүр. Грек-рим күрөшүнүн балбандары Токиого аттанды