Дары-дармек. Архивдик сүрөт

Кыргызстанда дарыны кымбаттаткан компанияларга канча айып салынганы айтылды

73
Саламаттык сактоо министрлигинин коронавирус менен ооругандарды айыктырууда колдонулуучу дарылардын бааларына жумасына эки ирет көзөмөл жүргүзүп жатканын кабарлады.

БИШКЕК, 13-июл. — Sputnik. 2021-жылы өзгөчө кырдаал тушунда дарынын баасын негизсиз кымбаттаткан төрт фармацевтикалык мекемеге айып салынды. Бул тууралуу Саламаттык сактоо жана социалдык өнүктүрүү министрлигинин маалымат кызматы билдирди.

Салынган айыптардын жалпы суммасы 112 миң сом болгон.

Медициналык техника жана дары-дармек менен камсыздоо департаментинин коронавирусту айыктырууга керектүү дарылардын тизмесине кирген препараттардын бааларына жумасына эки жолу көзөмөл жүргүзүп турганы кабарланды.

"Жүргүзүлгөн мониторингдин жыйынтыгы көрсөткөндөй, дары-дармектин баасы жалпысынан туруктуу сакталууда. Акыркы текшерүү учурунда коронавирусту дарылоодо пайдалануучу препараттардын бааларын фармацевтикалык компаниялар кымбаттаткан учур катталган жок", — деп айтылат маалыматта.

Министрлик фармацевтика тармагынын өкүлдөрүнүн басымдуу көпчүлүгү дарылардын баасын көтөрбөө зарылдыгына түшүнүү менен мамиле кыларын белгиледи.

73
Белгилер:
айып, нарк, дары, Кыргызстан
Тема боюнча
Мусаева: ЕАЭБде дары-дармекти каттоону бир стандартка алып келүү мөөнөтү узарды
Пандемияда кымбаттаган дарылар: чыга элек токтом, алакан жайган аптека ээси
Чүйдөгү Silk Way логистикалык борбору

Чүй: Эгемендүүлүк күнүнө карата ири логистикалык борбор ачылат

110
(жаңыланган 17:31 24.07.2021)
Ири логистикалык борбор боюнча долбоор иштеп баштары менен "ЮниЛаб" (Кант шаарына жакын), "БТС" (Бишкек) терминалдарынын иштери токтотулмакчы.

БИШКЕК, 24-июл. — Sputnik. Бүгүн, 24-июлда, өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды. Бул тууралуу мекеменин маалымат кызматы билдирди.

Бажы башчысы бул улуттук долбоорду ишке киргизүү тышкы экономикалык ишмердик жүргүзгөндөр үчүн жагымдуу шарттарды түзөрүн белгиледи.

  • Бүгүн, 24-июлда өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды.
    Бүгүн, 24-июлда өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды.
    © Фото / пресс-служба ГТС КР
  • Председатель Государственной таможенной службы Самат Исабеков ознакомился с ходом строительства нового логистического центра Silk Way. 24 июля 2021 года
    Бажы башчысы бул улуттук долбоорду ишке киргизүү тышкы экономикалык ишмердик жүргүзгөндөр үчүн жагымдуу шарттарды түзөрүн белгиледи.
    © Фото / пресс-служба ГТС КР
1 / 2
© Фото / пресс-служба ГТС КР
Бүгүн, 24-июлда өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды.
"Бул өз кезегинде эл аралык соода жана товар жүгүртүү бөлүгүндө өлкөнүн экономикалык дараметин жогорулатууга жана өнүгүүсүнө түздөн-түз таасир тийгизет. Индустриалдык парктын ачылышы анын көп функционалдуу болгону менен маанилүү. Бажы брокерлери жана кампа жайлары борборлоштурулат, тагыраак айтканда, бизнесмендер жана тышкы экономикалык ишкердик жүргүзгөндөр бардык кызматтарды бир жерден пайдалана алышат. Бул алардын иш жүргүзүүсүн кыйла жеңилдетет. Албетте, бул мамлекеттик казынага акча каражаттарынын түшүүсүн жогорулатат", — деп белгиледи Исабеков.

Исабеков бул улуттук долбоор иштеп баштаганда "ЮниЛаб" жана "БТС" терминалдарынын иштөөсү токтотуларын кошумчалады.

Ири улуттук индустриалдык парктын ачылышы Кыргызстандын 30 жылдык эгемендүүлүгүнө карата 31-августка пландалган.

110
Белгилер:
экономика, логистикалык борбор, ачылыш, парк, Мамлекеттик бажы кызматы
Тема боюнча
Кыргызстанда төрт соода-логистикалык борбор куруу пландалууда
Өсүмдүк майын саткан супермаркет. Архивдик сүрөт

Кыргызстанда өсүмдүк майдын баасы түшөбү. Агенттиктин маалыматы

156
Бир жыл мурда өсүмдүк майдын баасы 84,6 сом болсо, азыр 159 сомго чыккан. Акыркы маалыматтарга караганда, май арзандашы мүмкүн.

БИШКЕК, 24-июл. — Sputnik. Россияда күн караманын түшүмү мол болору күтүлүүдө. Бул тууралуу КРдин Монополияга каршы агенттигинин маалымат кызматы билдирди.

Ведомство Кыргызстандагы өсүмдүк майдын кымбатташынын динамикасын көрсөттү.

Июлдун аягында өсүмдүк май 84,6 сом болсо, ал эми июндун аягында 162 сомду чапчыган. Ал эми учурда 159 сомдон сатылууда.

Эске салсак, Кыргызстан өсүмдүк майдын көпчүлүгүн Россиядан сатып алат.

"Россияда быйыл күн караманын түшүмү көп болуп, 15,9 миллион тоннага жетип, рекорд жаратышы мүмкүн. Анткени менен май айында 15,4 миллион тоннаны күтүп жатканын айтышкан. Мурдагы рекорд 2019-жылы — 15,4 миллион тоннаны түзгөн. Өткөн жылы 13,3 миллион түшүм алынган", — деп айтылган билдирүүдө.

Россиянын өзүнүн ички рыногунда өтө тездик менен болбосо дагы абал жөнгө салынып келет. Майдын аягында күн караманын баасы тоннасына 53,1 миң рубль болсо, июнда 40,9 миңге түшкөн. Күн караманын чийки майы май айынын соңунан июнга чейин 118 миң рублден 100 миңге дейре арзандаган.

"Мындай тенденция Кыргызстандын рыногундагы өсүмдүк майдын наркына - товардын көп болушу жана баанын турукташына өзүнүн оң таасирин тийгизбей койбойт. Буга наркты жөнгө салуу боюнча мамлекеттик иштердин алкагындагы аракет жана кошумча нарк салыгын албоо да жардам берет", — деп жазылган маалыматта.

Анткен менен Бишкектеги соода жайларда өсүмдүк майдын 0,9 литрге болгон эң төмөнкү баасы 113 сом.

156
Белгилер:
арзандоо, Өсүмдүк майы, Россия, Кыргызстан
Тема боюнча
Доллар менен алтын арзандап, күйүүчү майдын баасы рекорддук чекке жетти
Маммүлк килограммын 27 сомго баалап ун сатууда. Кампалардын дареги
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

0
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

0
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео