Помидор жана бадыраң. Архивдик сүрөт

Статком: Кыргызстанда кээ бир азык-түлүктөр арзандады

225
Картошканын эң арзаны Өзгөн шаарында экени айтылды. Ал эми помидор менен бадыраңдын арзанын Покровка аймагынан (Талас району) жана Токмок калаасынан алууга болот.

БИШКЕК, 19-июл. — Sputnik. Кыргызстанда картошка, помидор жана бадыраң арзандады. Бул туурасында Улуттук статистика комитети 18 калктуу конушка жүргүзгөн мониторингинде белгилүү болгонун билдирди.

Сабиз сатуу. Архивдик сүрөт
© Sputnik / Константин Михальчевский
Июль айында картошканын чекене баасы орточо 41,63 сомду түзүп, мурдагы айга салыштырмалуу 19,1 пайызга арзандаган. Ал эми помидор 51,13 сомдон сатылып, 20,4 пайызга, бадыраңдын баасы 21,35 сомдон болуп, 25,6 пайызга төмөндөгөн.

Картошканын эң арзаны Өзгөн (31,98 сом), Баткен (34,75 сом) жана Исфана (35,99 сом) шаарларында катталган. Ошол эле учурда эң кымбат баа Бишкек (43,88 сом), Токтогул (44,13 сом) шаарлары жана Чаек айылында (45,60 сом) болгон.

Ал эми помидор менен бадыраңдын арзанын Покровка айылы (Талас району) жана Токмок шаарынан алууга болот.

225
Белгилер:
арзандоо, Бадыраң, Помидор, Картошка
Тема боюнча
Статком: Кыргызстанда цемент менен кирпич кымбаттады
Өлкөдө кайсы курулуш материалы канчага кымбаттады. Тизме
Кыргызалтын Ювелирпром биргелешкен ишканасынын продукциясы

Кыргызстанда баалуу металлдардан зер буюм жасаган ишкана ачылды. Сүрөт

339
(жаңыланган 14:36 26.07.2021)
Жаңы ишкана зергерчилик өндүрүштү калыбына келтирүү, зергерчилик заводдорду жана сатуу түйүндөрүн реконструкциялоо, ошондой эле бизнести өнүктүрүү максатында ачылган.

БИШКЕК, 26-июл. — Sputnik. Кыргызстанда мамлекеттик-жеке өнөктөштүктүн алкагында "Кыргызалтын Ювелирпром" биргелешкен ишканасы ачылды. Бул туурасында мамлекет башчынын маалымат кызматы билдирди.

  • Президент Кыргызстана Садыр Жапаров во время посещения предприятия Кыргызалтын Ювелирпром
    Кыргызстанда мамлекеттик-жеке өнөктөштүктүн алкагында "Кыргызалтын Ювелирпром" биргелешкен ишканасы ачылды
    © Пресс-служба президента КР / Султан Досалиев
  • Изготовление ювелирных изделий в предприятии Кыргызалтын Ювелирпром
    Ал "Кыргыз алтын" ААК, "Алтын" кыргыз зергерчилик заводу" ишканасынын базасында түзүлгөн
    © Пресс-служба президента КР / Султан Досалиев
  • Президент Кыргызстана Садыр Жапаров во время посещения предприятия Кыргызалтын Ювелирпром
    Бүгүн, 26-июлда, президент Садыр Жапаров аталган жайга барган
    © Пресс-служба президента КР / Султан Досалиев
  • Ювелирные изделия изготовленные в предприятии Кыргызалтын Ювелирпром
    Мамлекет башчы технологиялык процесс менен таанышып, өндүрүш жайларын, ошондой эле чынжыр токуу, механикалык куюучу жабдуулар менен зер буюмдардын моделдерин прототиптештирүү боюнча роботтоштурулган принтерди көрүп чыккан
    © Пресс-служба президента КР / Султан Досалиев
  • Президент Кыргызстана Садыр Жапаров во время посещения предприятия Кыргызалтын Ювелирпром
    Соңунда Жапаров баалуу металлдардын өлкө ичинде иштетилиши мамлекеттин экономикалык саясатындагы приоритеттүү милдеттердин бири болуп саналарын баса белгилеген.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Кыргызстанда мамлекеттик-жеке өнөктөштүктүн алкагында "Кыргызалтын Ювелирпром" биргелешкен ишканасы ачылды

Ал "Кыргыз алтын" ААКсы, "Алтын" кыргыз зергерчилик заводу" ишканасынын базасында түзүлгөн. Бүгүн, 26-июлда, президент Садыр Жапаров аталган жайга барган.

Мамлекет башчы технологиялык процесс менен таанышып, өндүрүш жайларын, ошондой эле чынжыр токуу, механикалык куюучу жабдуулар менен зер буюмдардын моделдерин прототиптештирүү боюнча роботтоштурулган принтерди көрүп чыккан.

"Жаңы ишкана ата мекендик зергерчилик өндүрүштү калыбына келтирүү, зергерчилик заводдорду жана сатуу түйүндөрүн реконструкциялоо, ошондой эле бизнести өнүктүрүү үчүн жагымдуу шарттарды түзүү максатында ачылган. Мындан тышкары, долбоор өлкө ичинде, чет өлкөлөргө ата мекендик өндүрүштүн зер буюмдарын сатуу боюнча дүң жана чекене тармакты жаңылоого багытталган. Баалуу металлдар зер буюм түрүндө сатылса негизги салыктардын эсебинен бюджеттин кирешеси кыйла көбөйөт", — деп айтылат маалыматта.

Соңунда Жапаров баалуу металлдардын өлкө ичинде иштетилиши мамлекеттин экономикалык саясатындагы приоритеттүү милдеттердин бири болуп саналарын баса белгилеген.

339
Белгилер:
сатуу, ишкана, алтын, Садыр Жапаров
Тема боюнча
Балыкчыда саатына 3 миң тоок сойгон ишкана ачылды. Сүрөттөр
Оштогу завод жүк ташуучу автоунааларды чогултуп, лифт чыгара баштады. Сүрөт
Бизнес-ментор, ишкер Данияр Назаралиев

Назаралиев: ишкерликте бизнес-ментордун орду чоң

64
(жаңыланган 13:45 26.07.2021)
Бизнес-ментор, ишкер Данияр Назаралиев бизнеске жаңы кадам таштап жаткандардын 70 пайызы максатын, багытын так аныктабай туруп бизнес баштап аларын айтты.

Тобокелчиликтен коркпогон, күчтүү бизнес-ментордун айткандарын так аткарган жаш ишкерге ийгилик тез келет. Мындай пикирин Данияр Назаралиев Sputnik Кыргызстан радиосунун эфиринде маек берип жатып айтты.

Назаралиев: ишкерликте бизнес-ментордун орду чоң

Анын билдиргенине караганда, акыркы жылдары бизнестеги эрежелер өзгөрүп, жаңы билимди талап кылууда.

"Ишкерликке кызыгып, бизнес ачкысы келген жаштардын 70 пайызы багытын билбейт. Демек, аларга кайсы тармакта кандай мүмкүнчүлүктөр бар экендигин айтып бериш керек. Анткени тобокелчиликтен коркушат, тоскоолдуктардан кыйналышат, билими жетишпейт, чөйрөсү начар болот. Дүйнөлүк жаңы тенденцияларды колдонуу, талаптарды өздөштүрүү маанилүү. Акыркы жылдары бизнестеги эрежелер да өзгөрдү. Мисалы, мурда алып-сатуу жеңил болсо, учурда комплекстүү иштерди алып барыш керек. 1-класстагы бала окуганды, жазганды үйрөнүү үчүн "Алиппе" китебин колдонот эмеспи. Ошол сыңары бизнестин да ариби, тили болот. Аны түшүнүү үчүн жакшы өздөштүрүп койсо, ийгиликке оңой жете алат", — деди Назаралиев.

Ошондой эле адис чөйрөнү, насаатчыны туура тандап, билиминин деңгэлин жогорулатып турган ишкер дайыма алдыда боло аларын кошумчалады.

64
Белгилер:
Данияр Назаралиев, ишкерлик, бизнес
Тема боюнча
Euronews БАЭде ырдап, бизнес жасаган кыргызстандык кыз тууралуу сюжет тартты. Видео
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду