Эң жогорку пробадагы алтын куймалар. Архив

Өлкө 180 миллион долларга аз алтын сатты. 5 айдын жыйынтыгы

1346
Баалуу металлдын экспорту акчалай түрдө да, көлөмү боюнча да кыскарган. Үстүбүздөгү жылдын беш айында экспорттун көлөмү өткөн жылдын ушул мезгилине салыштырмалуу 3,8 тоннага азайган.

БИШКЕК, 20-июл. — Sputnik. Үстүбүздөгү жылдын беш айында алтындын экспорту акчалай түрдө дээрлик 180 миллион долларга кыскарган. Бул тууралуу Улуттук банктын маалыматында айтылат.

Ага ылайык, ушул жылдын январь-май айларында алтындын экспорту 4 тонна 135,7 килограммды (234,7 миллион доллар) түзсө, өткөн жылдын ушул мезгилинде 7 тонна 973,9 килограмм (413,3 миллион доллар) алтын чет өлкөгө сатылган.

Эске салсак, мамлекеттик органдар баалуу металлдар аз казыларын өткөн жылы эле божомолдогон. Экономика министрлигинин маалыматы боюнча, Кумтөр (4,3 пайызга) менен Талды-Булак сол жээгиндеги (19 пайызга) кендин алтын аз камтылган жеринде казуу иштери жүрүп жатат.

Мындан тышкары, "Кыргыз алтындын" өндүрүшү да азаяры күтүлүүдө. Бирок Жерүй жана Чаарат алтын кендерин ишке киргизүү пландалган.

Белгилей кетсек, май айында Кумтөргө тышкы башкаруу киргизилген. Бирок жаңы жетекчилик жумуш мурдагыдай тартипте жүрүп жатканын жана тиешелүү өндүрүштүк көрсөткүчтөргө жетүүнү көздөшкөнүн айткан.

1346
Белгилер:
төмөндөө, акча, экспорт, алтын, Улуттук банк, Кыргызстан
Тема боюнча
Кыргызстанда унаалар 1 000 долларга кымбаттады. Автобазардагы баалар
Статком: Кыргызстанда кээ бир азык-түлүктөр арзандады
Киши лупа аркылуу доллар купюраларды карап жатат. Архив

Дүйнөдөгү карызы асман чапчыган мамлекеттер аталды

192
Эксперттин айтымында, Япониянын мамлекеттик карызынын суммасы өлкөнүн ички дүң продукциясынан 234 пайызга көп.

БИШКЕК, 26-июл. — Sputnik. Япония дүйнө боюнча мамлекеттик карызы эң көп өлкө аталды. Бул туурасында РИА Новости Стратегиялык иштеп чыгуулар институтунун инвестициялык анализ жана макроэкономикалык изилдөө борборунун жетекчиси Даниил Наметкинге шилтеме берүү менен жазды.

Карызынын көлөмү боюнча кийинки орундарда Улуу Британия, АКШ жана Еврозона (евро валютасын колдонгон өлкөлөр) турат. 

Эксперттин айтымында, Япониянын мамлекеттик карызынын суммасы өлкөнүн ички дүң продукциясынан 234 пайызга көп. Ал эми Улуу Британияныкы 144 пайызга, АКШныкы 160 пайызга, Еврозонаныкы 120,4 пайызга көп.

Ошондой эле ал коронавирустук кризистен улам макроэкономикалык шарттар начарлап кетсе дүйнөлүк банктар каржы системасындагы туруктуулукту сактоо үчүн рыноктун өзгөрүшүнө карап адаттан тыш кадамдарга барууга даяр экенин көрсөткөнүн белгилеген.  

Белгилей кетсек, Кыргызстандын мамлекеттик карызынын суммасы 5 миллиард доллардын тегерегинде.

192
Белгилер:
эксперт, мамлекет, Дүйнө, карыз, Япония
Тема боюнча
Мамлекеттик карыз боюнча рекорд жаңыланды
Эл көп алган автоунаалардын баасы кандай болуп өзгөрдү. Инфографика 

Эл көп алган автоунаалардын баасы кандай болуп өзгөрдү. Инфографика 

1212
Sputnik агенттиги жума сайын унаа базарларындагы машиналардын баасы тууралуу маалыматтарды жазып келет.
өлкөдөгү өтүмдүү жол тандабас  менен кроссоверлердин баасы

Бул ирет 2020-жылдын декабрынан 2021-жылдын июль айына чейин эл көп алган жолтандабастар менен кроссоверлердин баасы кандай өзгөргөнүн аныктадык. 

Эң популярдуу автоунаалардын тизмесине киргендер: Lexus GX 470; Honda CR-V; Toyota RAV4; Lexus RX 350; Volkswagen Touareg; Subaru Forester; Toyota Landcruiser; Kia Sportage; Hyundai Santa Fe. 

Инфографикада жылы жаңы болгон унаалардын орточо баасы көрсөтүлдү. Жогорудагы автокөлүктөрдүн көбү орто эсеп менен 200–1000 долларга кымбаттаган. Бул Lexus GX 470, Toyota RAV4, Lexus RX 350, Honda CR-V, Toyota Landcruiser жана башка унааларга тиешелүү. Ал эми Volkswagen Touareg, Subaru Forester жана Hyundai Santa Fe арзандап, баасы 200-300 долларга төмөндөгөн.

1212
Белгилер:
кымбаттоо, баа, автоунаа, Кыргызстан
Тема боюнча
Министрдин орун басары Урмамбетов айдоочуларга жол эрежелерин түшүндүрдү. Сүрөт  
Кыргызстанда унаалар 1 000 долларга кымбаттады. Автобазардагы баалар
Кайгуул милициянын унаасы. Архивдик сүрөт

Ичип алып рулга отургандар көбөйдү. Чүйдөгү рейддин көңүл чөгөргөн жыйынтыгы

21
(жаңыланган 10:54 26.07.2021)
Акыркы убакта Чүй жана Ысык-Көл облустарында адам өмүрүн алган ири жол кырсыктары катталды. Президент рейддик чараларды күчөтүүнү тапшырса, ИИМ башчысы кызматкерлер үч смен менен иштээрин айткан.

БИШКЕК, 26-июл. — Sputnik. Чүй облусунда узаган жумада ичип алган айдоочулар андан мурдагы аптага караганда көп аныкталды. Бул тууралуу облустук ЖКККБ билдирди.

Эске сала кетсек, акыркы убакта Чүй жана Ысык-Көл облустарында адам өмүрүн алган ири жол кырсыктары катталган. Президент Садыр Жапаров жума күнү, 23-июлда, ИИМге мас айдоочуларды аныктоо боюнча рейддик чараларды күчөтүүнү тапшырган. Ошол эле күнү ички иштер министри Улан Ниязбеков Жол кыймылы коопсуздугун камсыздоо башкы башкармалыгынын кызматкерлерине үч смен менен иштөөгө тапшырма берген.

Редакция узаган жума жана андан мурдагы аптадагы маалыматтарды салыштырып, мыйзам бузуунун эки түрү көбөйгөнүн аныктады. Кеп бир гана Чүй облусу тууралуу сөз болуп жатат.

Мыйзам бузуулардын жалпы саны — 2 258 (эки жума мурда — 1 733), анын ичинен:

  • 32 айдоочу мас болуп рулга отурган (андан мурдагы жумада — 23);
  • 814 айдоочу ылдамдыкты ашыра айдаган (андан мурдагы аптада — 793).
21
Белгилер:
мас, айдоочу, рейд, жол кырсык, ЖКККББ, Чүй облусу
Тема боюнча
Чүйдөгү жол кырсыгында дагы эки киши көз жумду, айдоочунун мас экени аныкталды
Жаңы кол кармашкан жуптар сүрөткө түшөбүз деп "жол кырсыгына кабылды". Видео
Чүйдө жол кырсыгынан төрт адам каза тапты. Таш-талканы чыккан унаанын сүрөтү