Centerra Gold Inc. компаниясынын Кумтөр кени. Архивдик сүрөт

Нью-Йорк соту Centerra ишканасынын Кумтөр боюнча доо арызын четке какты

2745
(жаңыланган 12:37 21.07.2021)
Centerra компаниясы Кыргызстандын өкмөтү "Кумтөр" компаниясын сырттан башкаруу тууралуу чечим кабыл алган соң Нью-Йорк сотуна кайрылган.

БИШКЕК, 21-июл. — Sputnik. Нью-Йорктун банкроттук боюнча соту канадалык Centerra Gold Inc. компаниясынын Кумтөр кенинин активдерин жана банктагы эсебин убактылуу камакка алуу боюнча доо арызын четке какты. Бул тууралуу Law360 порталы жазды.

Бул боюнча отурум 19-июлда өткөрүлгөн. Доо арыз Centerra Gold Inc. компаниясы тарабынан АКШнын Банкроттук боюнча федералдык кодексинин 11-главасына ылайык берилген. Ишкананын атынан Sullivan & Cromwell LLP юридикалык компаниясынын өкүлү Жеймс Бромли чыккан. Виртуалдык отурум учурунда судья Лиза Г. Бекерман Кыргызстандын өкмөтү кеп болуп жаткан даттануу боюнча жакшы билбегенин, ага толук маалымат жеткирилиши керектигин белгиледи.

"АКШнын Мыйзамдар жыйнагынын 1608, 28-бөлүмүнө ылайык, экинчи тарапта даттануу тууралуу маалымат жана сотко чакыруу болбогондон кийин мен мүлктү камакка алуу боюнча чечим чыгара албайм", — деди судья.

Ал эми Бромли Кыргызстандагы соттук чечимдерге ылайык "Кумтөр голд компани" жана "Кумтөр оперейтинг компани" ишканаларынын жактоочулары өлкөдөн чыккан учурда камалышы мүмкүн экенин айтып, судьяны бул маселе боюнча тез арада чечим кабыл алууга чакырды. Ошондой эле Centerra ишканасынын жактоочусу Кыргызстандын соттору тарабынан чыгарылган өкүм компаниянын ишмердүүлүгүн улантуусуна дагы бөгөт коюшу керектигин айтат. Демек, кыргыз өкмөтү конфискациялаган мүлктү пайдаланууга болбойт. Анткен менен Кыргызстандын Arnold & Porter юридикалык компаниясында иштеген өкүлү Бенджамин Минц кыргыз өкмөтү эч бир мыйзамды бузбаганын айтууда. Анткени кылмыш иши козголгонго чейин, тагыраагы, 11-май күнү Жогорку Кеңеш өкмөткө ишкананы сырткы башкарууга алууга мүмкүндүк берген мыйзамды кабыл алган.

"Кыргызстан суверендүү мамлекет катары бул мыйзамдын аткарылышы боюнча бардык кадамдарды басып өттү", — деди Минц.

Анын айтымында, кыргыз өкмөтү менен канадалык компаниянын ортосундагы активдерди камакка алуу боюнча иш буга чейин эле башталган арбитраждык процесстин алкагында каралышы керек. Ал эми банкроттук боюнча иштин козголушу мыйзам жагынан негизсиз болууда. Эки траптын тең аргументтерин уккан соң судья Бекерман кендин иштешине бөгөт коюуга негиз жок деген чечим кабыл алды.

2745
Белгилер:
Centerra Gold Inc, доо арыз, Кумтөр, соттук чечим, АКШ
Тема:
"Кумтөргө" 3 миллиард доллар айып салынышы (95)
Тема боюнча
Ташиев: "Кумтөр" боюнча Бакиев, Атамбаевге иш козголуп, Акаевге издөө жарыяланды
"Кумтөр" кимдерди ала жатат. Ташиев Акаев, Бакиев баш болгон бир топ ысымдарды атады
Ташиев: Акылбек Жапаровдун колу "Кумтөр" боюнча келишимдерде жок болуп чыкты
Зал заседаний Жогорку Кенеша. Архивное фото

Экономикалык өзгөчө кырдаал боюнча мыйзам жактырылды. Ал эмне үчүн керек

51
(жаңыланган 20:55 29.07.2021)
Министр Акылбек Жапаровдун айтымында, экономиканын артка кетүүсүн алдын алуу үчүн ыкчам чечимдерди кабыл алуу талап кылынууда.

БИШКЕК, 29-июл. — Sputnik. Бүгүн парламентте "Экономикалык өзгөчө кырдаал жөнүндө" мыйзам долбоору үч окууда жактырылды.

Экономика жана финансы министри Акылбек Жапаров өткөн жылы пандемия шартында ыкчам чараларды көрүү үчүн чечкиндүү чечимдерди кабыл алуу үчүн өкмөткө ыйгарым укуктары жетишсиз болуп калганын билдирди. Мындай кечеңдөө көптөгөн адамдардын өмүрүнө терс таасирин тийгизген.

Келечекте мындай көйгөйлөр жаралбашы үчүн экономикада өзгөчө кырдаал жарыялоо боюнча механизм иштелип чыккан.

"Социалдык-экономикалык көйгөйлөр, жумушсуздуктун көбөйүшү, калктын кирешесинин кыскарышы жана жакырчылык деңгээлинин өсүшү сыяктуу экономикалык каатчылыктардын негизги элементтери башыбызга келип отурат. COVID-19 инфекциясынын кесепетинен өлкө экономикасы төмөндөп жатат. Мындай шартта өлкөнүн өнүгүшү ыкчам чечимдерди талап кылат. Экономиканын төмөндөшүн алдын алуу үчүн ушул мыйзам долбоорун иштеп чыктык. Ал кырдаалга ыкчам жооп кайтаруу үчүн инструменттерди биздин колубузга берет", — деди Жапаров.

Кандай учурда экономикалык өзгөчө кырдаал жарыяланат:

  • Өткөн айга салыштырмалуу керектөө бааларынын индексинин өсүшү үч ай катары менен орточо 3,5 пайызга жогоруласа;
  • Ички дүң продукциянын көлөмү мамлекеттик карыздын суммасы белгиленген чектен 10 пайызга ашып кетсе;
  • Үч айдын ичинде ички дүң продукциясын түзүү экономика тармактарынын индекси 10 пайызга кыскарса;
  • Үч айдын ичинде тышкы соода жүгүртүү 10 пайызга кыскарса;
  • Салык төлөмдөрүнүн көлөмү 10 пайызга азайып кетсе;
  • Инвестициялык климаттын кескин начарлап, эки кварталда чет өлкөгө чыгып кеткен инвестиция 20 пайызга өсүп кетсе.

Өзгөчө кырдаал киргизүүнү Экономика жана финансы министрлиги министрлер кабинетине сунуштайт. Ал жети күндүн ичинде президенттин кароосуна жиберет. Мамлекет башчынын жарлыгы менен күчүнө кирет. Мындай режимдин мөөнөтү алты айга созулат. Анда министрлер кабинети салыктардын ставкасын өзгөртүүгө жана өтө зарыл учурда бюджетти Жогорку Кеңештин макулдугу жок эле бөлүштүрүү укугуна ээ болот.

51
Белгилер:
парламент, режим, Акылбек Жапаров, өзгөчө кырдаал, экономика
Тема боюнча
MegaCom компаниясы Улуттук банкка сатылышы мүмкүн. Себеби эмнеде?
Баткендин эли үчүн чогулган акчанын бир бөлүгүнө Максат айылына суу чыгарылат
Улуттук банктын имараты. Архив

MegaCom компаниясы Улуттук банкка сатылышы мүмкүн. Себеби эмнеде?

133
(жаңыланган 18:52 29.07.2021)
Мүлк фондунун төрагасынын айтымында, учурда Улуттук банк сатып алууга мүмкүнчүлүгү бар потенциалдуу кардар катары каралууда.

БИШКЕК, 29-июл. — Sputnik. MegaCom соода маркасындагы "Альфа Телеком" Улуттук банкка сатылышы мүмкүн. Бул тууралуу Мамлекеттик мүлктү башкаруу фондунун төрагасы Мирлан Бакиров парламентте мамлекеттин активдерин сатуу боюнча программа каралып жатканда билдирди.

Анын айтымында, учурда Улуттук банк сатып алууга мүмкүнчүлүгү бар потенциалдуу кардар катары каралып жатат.

Вице-спикер Жогорку Кенеша Мирлан Бакиров в госрезиденции Ала-Арча, перед началом заседания где будет рассматриваться кандидатура на премьер-министра Кыргызстана
© Sputnik / Табылды Кадырбеков
Мамлекеттик мүлктү башкаруу фондунун төрагасы Мирлан Бакиров
"Улуттук банк сатып алуучулардын бири катары чыгышы мүмкүн. Ал мыйзам долбоору дагы министрлер кабинетинин кароосунда. Эгер сатып алган болсо мамлекеттин мүлкү катары эле калат. Буга чейин сатуу аракети болуп, тилекке каршы, кардар чыккан эмес", — деди Бакиров.

Депутат Улугбек Ормонов мамлекеттик компанияны кайра мамлекеттик органга сатуунун логикасы түшүнүксүз болуп жатканын айтты.

Ал эми башкы банктын төрагасы Толкунбек Абдыгулов бул боюнча расмий сунуш түшө электигин билдирди. Бирок эгер сунуш келсе карап, анализдеп көрүп тиешелүү чечим кабыл аларын белгиледи.

Депутат Жогорку Кенеша от фракции Бир бол Улукбек Ормонов на заседании
Депутат Улугбек Ормонов
"Мен такыр түшүнгөн жокмун, бул эмне деген менчиктештирүү. Мүлк фонду башкара албай, Улуттук банкка берип жатабы? Менчиктин ээси ким болот?" — деп кайра сурады Ормонов.

Анда Абдыгулов мыйзам боюнча Улуттук банктын менчиги өкмөттүн менчиги болуп саналбай турганын билдирди.

Председатель Национального банка КР Толкунбек Абдыгулов во время брифинга о ситуации на валютном рынке Кыргызстана
© Sputnik / Табылды Кадырбеков
Башкы банктын төрагасы Толкунбек Абдыгулов

Ал эми Бакиров Улуттук банктын бюджети өзүнчө экенин, эгер компанияны сатып алса каражат Республикалык бюджетке түшөрүн айтты.

133
Белгилер:
компания, бюджет, Улуттук банк, сатуу, MegaCom
Тема боюнча
MegaCom жана 3 банктагы үлүштү сатуу боюнча мыйзам долбоор парламентке түштү
ЖКга 32 объектини менчиктештирүүгө документ түштү. Арасында MegaCom бар
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео