Унаасына бензин куюп аткан айдоочу. Архивдик сүрөт

Бензин алдыдагы айларда дагы 6-10 пайызга кымбатташы күтүлүүдө

360
(жаңыланган 18:13 21.07.2021)
Июнь-июль айларында россиялык заводдордо бензиндин тоннасы 70 долларга, дизель майы 60 долларга кымбаттады.

БИШКЕК, 21-июл. — Sputnik. Кыргызстанда күйүүчү май дагы 6-10 пайызга кымбатташы күтүлүп жатат. Бул тууралуу Кыргызстандын нефтетрейдерлер союзунан билдиришти.

"Июнь-июль айларында россиялык заводдордо бензиндин тоннасы 70 долларга, дизель майыныкы 60 долларга кымбаттады. Бул күйүүчү майлардын бир литринин үстүнө 5,5 жана 4,2 сомдон кошулат дегенди түшүндүрөт", — деп айтылат билдирүүдө.

Маалыматка караганда, быйылкы жылдын январь-июль айларынын ортосунда бензиндин дүң баасы орто эсеп менен 25 сомго (чекене баасы 16,6 сомго), дизель майыныкы 18 сомго (чекене баасы 12,8 сомго) өскөн. Дүң баанын өсүшүнүн негизги себептери:

  • нефтинин кымбатташы;
  • нефтинин тартыштыгы;
  • күйүүчү майга суроо-талаптын күчөшү.

Нефтетрейдерлер республикадагы оор социалдык-экономикалык абалды эске алуу менен баа саясатын турукташтырууга аракет кылып жатканын айтууда. Ал үчүн май куюу жайларында баанын чукул көтөрүлүп кетиши ооздукталууда. Мындан улам компаниялардын кирешеси жыл башынан бери 1-2 гана пайыздан ашпай келгени кошумчаланды. Жогорудагы себептерди эске алуу менен июль жана август айларында күйүүчү май дагы 6-10 пайызга кымбатташы күтүлүүдө.

360
Белгилер:
кымбаттоо, баа, Күйүүчү май, Кыргызстан
Тема боюнча
Кыргызстанда айрым курулуш материалдары 200%га чейин кымбаттады. Себеби
Статком: Кыргызстанда кээ бир азык-түлүктөр арзандады
Зал заседаний Жогорку Кенеша. Архивное фото

Экономикалык өзгөчө кырдаал боюнча мыйзам жактырылды. Ал эмне үчүн керек

68
(жаңыланган 20:55 29.07.2021)
Министр Акылбек Жапаровдун айтымында, экономиканын артка кетүүсүн алдын алуу үчүн ыкчам чечимдерди кабыл алуу талап кылынууда.

БИШКЕК, 29-июл. — Sputnik. Бүгүн парламентте "Экономикалык өзгөчө кырдаал жөнүндө" мыйзам долбоору үч окууда жактырылды.

Экономика жана финансы министри Акылбек Жапаров өткөн жылы пандемия шартында ыкчам чараларды көрүү үчүн чечкиндүү чечимдерди кабыл алуу үчүн өкмөткө ыйгарым укуктары жетишсиз болуп калганын билдирди. Мындай кечеңдөө көптөгөн адамдардын өмүрүнө терс таасирин тийгизген.

Келечекте мындай көйгөйлөр жаралбашы үчүн экономикада өзгөчө кырдаал жарыялоо боюнча механизм иштелип чыккан.

"Социалдык-экономикалык көйгөйлөр, жумушсуздуктун көбөйүшү, калктын кирешесинин кыскарышы жана жакырчылык деңгээлинин өсүшү сыяктуу экономикалык каатчылыктардын негизги элементтери башыбызга келип отурат. COVID-19 инфекциясынын кесепетинен өлкө экономикасы төмөндөп жатат. Мындай шартта өлкөнүн өнүгүшү ыкчам чечимдерди талап кылат. Экономиканын төмөндөшүн алдын алуу үчүн ушул мыйзам долбоорун иштеп чыктык. Ал кырдаалга ыкчам жооп кайтаруу үчүн инструменттерди биздин колубузга берет", — деди Жапаров.

Кандай учурда экономикалык өзгөчө кырдаал жарыяланат:

  • Өткөн айга салыштырмалуу керектөө бааларынын индексинин өсүшү үч ай катары менен орточо 3,5 пайызга жогоруласа;
  • Ички дүң продукциянын көлөмү мамлекеттик карыздын суммасы белгиленген чектен 10 пайызга ашып кетсе;
  • Үч айдын ичинде ички дүң продукциясын түзүү экономика тармактарынын индекси 10 пайызга кыскарса;
  • Үч айдын ичинде тышкы соода жүгүртүү 10 пайызга кыскарса;
  • Салык төлөмдөрүнүн көлөмү 10 пайызга азайып кетсе;
  • Инвестициялык климаттын кескин начарлап, эки кварталда чет өлкөгө чыгып кеткен инвестиция 20 пайызга өсүп кетсе.

Өзгөчө кырдаал киргизүүнү Экономика жана финансы министрлиги министрлер кабинетине сунуштайт. Ал жети күндүн ичинде президенттин кароосуна жиберет. Мамлекет башчынын жарлыгы менен күчүнө кирет. Мындай режимдин мөөнөтү алты айга созулат. Анда министрлер кабинети салыктардын ставкасын өзгөртүүгө жана өтө зарыл учурда бюджетти Жогорку Кеңештин макулдугу жок эле бөлүштүрүү укугуна ээ болот.

68
Белгилер:
парламент, режим, Акылбек Жапаров, өзгөчө кырдаал, экономика
Тема боюнча
MegaCom компаниясы Улуттук банкка сатылышы мүмкүн. Себеби эмнеде?
Баткендин эли үчүн чогулган акчанын бир бөлүгүнө Максат айылына суу чыгарылат
Улуттук банктын имараты. Архив

MegaCom компаниясы Улуттук банкка сатылышы мүмкүн. Себеби эмнеде?

141
(жаңыланган 18:52 29.07.2021)
Мүлк фондунун төрагасынын айтымында, учурда Улуттук банк сатып алууга мүмкүнчүлүгү бар потенциалдуу кардар катары каралууда.

БИШКЕК, 29-июл. — Sputnik. MegaCom соода маркасындагы "Альфа Телеком" Улуттук банкка сатылышы мүмкүн. Бул тууралуу Мамлекеттик мүлктү башкаруу фондунун төрагасы Мирлан Бакиров парламентте мамлекеттин активдерин сатуу боюнча программа каралып жатканда билдирди.

Анын айтымында, учурда Улуттук банк сатып алууга мүмкүнчүлүгү бар потенциалдуу кардар катары каралып жатат.

Вице-спикер Жогорку Кенеша Мирлан Бакиров в госрезиденции Ала-Арча, перед началом заседания где будет рассматриваться кандидатура на премьер-министра Кыргызстана
© Sputnik / Табылды Кадырбеков
Мамлекеттик мүлктү башкаруу фондунун төрагасы Мирлан Бакиров
"Улуттук банк сатып алуучулардын бири катары чыгышы мүмкүн. Ал мыйзам долбоору дагы министрлер кабинетинин кароосунда. Эгер сатып алган болсо мамлекеттин мүлкү катары эле калат. Буга чейин сатуу аракети болуп, тилекке каршы, кардар чыккан эмес", — деди Бакиров.

Депутат Улугбек Ормонов мамлекеттик компанияны кайра мамлекеттик органга сатуунун логикасы түшүнүксүз болуп жатканын айтты.

Ал эми башкы банктын төрагасы Толкунбек Абдыгулов бул боюнча расмий сунуш түшө электигин билдирди. Бирок эгер сунуш келсе карап, анализдеп көрүп тиешелүү чечим кабыл аларын белгиледи.

Депутат Жогорку Кенеша от фракции Бир бол Улукбек Ормонов на заседании
Депутат Улугбек Ормонов
"Мен такыр түшүнгөн жокмун, бул эмне деген менчиктештирүү. Мүлк фонду башкара албай, Улуттук банкка берип жатабы? Менчиктин ээси ким болот?" — деп кайра сурады Ормонов.

Анда Абдыгулов мыйзам боюнча Улуттук банктын менчиги өкмөттүн менчиги болуп саналбай турганын билдирди.

Председатель Национального банка КР Толкунбек Абдыгулов во время брифинга о ситуации на валютном рынке Кыргызстана
© Sputnik / Табылды Кадырбеков
Башкы банктын төрагасы Толкунбек Абдыгулов

Ал эми Бакиров Улуттук банктын бюджети өзүнчө экенин, эгер компанияны сатып алса каражат Республикалык бюджетке түшөрүн айтты.

141
Белгилер:
компания, бюджет, Улуттук банк, сатуу, MegaCom
Тема боюнча
MegaCom жана 3 банктагы үлүштү сатуу боюнча мыйзам долбоор парламентке түштү
ЖКга 32 объектини менчиктештирүүгө документ түштү. Арасында MegaCom бар
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео