Кыргызстандагы бройлер канаттуулар фабрикасы

Балыкчыда саатына 3 миң тоок сойгон ишкана ачылды. Сүрөттөр

404
(жаңыланган 23:55 21.07.2021)
Заводдо азыркы тапта 120 адам иштеп, саатына 3 миң тоок союуга жетишүүдө. Мында азырынча жылына 7,5 миң тонна даяр эт чыгаруу пландалып жатат.

БИШКЕК, 21-июл. — Sputnik. Балыкчы шаарында канаттууларды сойгон завод ачылды. Бул тууралуу ачылыш аземине катышкан жергиликтүү кабарчы билдирди.

  • Торжественное открытие первой в Кыргызстане птицефабрики бройлерного направления в Иссык-Кульской области. 21 июля 2021 года
    Балыкчы шаарында канаттууларды союучу завод ачылды
    © Sputnik
  • Торжественное открытие первой в Кыргызстане птицефабрики бройлерного направления в Иссык-Кульской области. 21 июля 2021 года
    Жалпысынан 13 миллион долларга бааланган бул долбоор негизинен Россия-Кыргыз өнүктүрүү фонду тарабынан каржыланган
    © Sputnik
  • Торжественное открытие первой в Кыргызстане птицефабрики бройлерного направления в Иссык-Кульской области. 21 июля 2021 года
    Бул каражатка инкубаторий, тоок багуучу фабрика жана союучу завод курулган
    © Sputnik
1 / 3
© Sputnik
Балыкчы шаарында канаттууларды союучу завод ачылды
“Агрокуш” ишканасынын 10 ай мурун башталган бул долбоору толук кандуу ишке кирди. Заводдо азыркы тапта 120 адам иштеп, саатына 3 миң тоок союуга жетишүүдө. Жабдуулар Түркиянын жана Европанын үлгүлүү фирмаларынан алып келип орнотулган. Завод жылына 7 миң тонна даяр тоок этин бере алат”, — деп айтылат билдирүүдө.  

Жалпысынан 13 миллион долларга бааланган бул долбоор негизинен Россия-Кыргыз өнүктүрүү фонду тарабынан каржыланган. Бул каражатка инкубаторий, тоок багуучу фабрика жана союучу завод курулган.

“Балыкчы шаарында жылына 9,5 миллион жумуртка чыгаруу кубаттуулугуна ээ инкубаторийде жумасына 55 миң жөжө чыгарылып, ал Ысык-Көл районунун Сары-Камыш айылындагы тоок өстүрүүчү фабрикага жөнөтүлөт. Ал жерде 49 күн багылып, орточо тирүү салмагы 3,5 килограммга жеткенде бул жерге алып келип соёбуз”, — деди мекеменин генералдык директору Аскат Абдрахманов.  

Мында азырынча жылына 7,5 миң тонна даяр эт чыгаруу пландалып жатат. 2022-жылы баштала турган экинчи этапта жылына 22 миң тонна тоок этин чыгаруу көздөлүүдө.

404
Белгилер:
экономика, завод, эт, Балыкчы, тоок
Тема боюнча
Россия-кыргыз өнүктүрүү фонду ишкерлерди каржылоосун жандантты
Новиков: Россия-кыргыз өнүктүрүү фонду кайрымдуулук уюм эмес
Чүйдөгү Silk Way логистикалык борбору

Чүй: Эгемендүүлүк күнүнө карата ири логистикалык борбор ачылат

90
(жаңыланган 17:31 24.07.2021)
Ири логистикалык борбор боюнча долбоор иштеп баштары менен "ЮниЛаб" (Кант шаарына жакын), "БТС" (Бишкек) терминалдарынын иштери токтотулмакчы.

БИШКЕК, 24-июл. — Sputnik. Бүгүн, 24-июлда, өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды. Бул тууралуу мекеменин маалымат кызматы билдирди.

Бажы башчысы бул улуттук долбоорду ишке киргизүү тышкы экономикалык ишмердик жүргүзгөндөр үчүн жагымдуу шарттарды түзөрүн белгиледи.

  • Бүгүн, 24-июлда өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды.
    Бүгүн, 24-июлда өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды.
    © Фото / пресс-служба ГТС КР
  • Председатель Государственной таможенной службы Самат Исабеков ознакомился с ходом строительства нового логистического центра Silk Way. 24 июля 2021 года
    Бажы башчысы бул улуттук долбоорду ишке киргизүү тышкы экономикалык ишмердик жүргүзгөндөр үчүн жагымдуу шарттарды түзөрүн белгиледи.
    © Фото / пресс-служба ГТС КР
1 / 2
© Фото / пресс-служба ГТС КР
Бүгүн, 24-июлда өлкөнүн Экономика жана финансы министрлигине караштуу Мамлекеттик бажы кызматынын төрагасы Самат Исабеков Чүйдөгү Silk Way логистикалык борборунун курулушунан кабар алды.
"Бул өз кезегинде эл аралык соода жана товар жүгүртүү бөлүгүндө өлкөнүн экономикалык дараметин жогорулатууга жана өнүгүүсүнө түздөн-түз таасир тийгизет. Индустриалдык парктын ачылышы анын көп функционалдуу болгону менен маанилүү. Бажы брокерлери жана кампа жайлары борборлоштурулат, тагыраак айтканда, бизнесмендер жана тышкы экономикалык ишкердик жүргүзгөндөр бардык кызматтарды бир жерден пайдалана алышат. Бул алардын иш жүргүзүүсүн кыйла жеңилдетет. Албетте, бул мамлекеттик казынага акча каражаттарынын түшүүсүн жогорулатат", — деп белгиледи Исабеков.

Исабеков бул улуттук долбоор иштеп баштаганда "ЮниЛаб" жана "БТС" терминалдарынын иштөөсү токтотуларын кошумчалады.

Ири улуттук индустриалдык парктын ачылышы Кыргызстандын 30 жылдык эгемендүүлүгүнө карата 31-августка пландалган.

90
Белгилер:
экономика, логистикалык борбор, ачылыш, парк, Мамлекеттик бажы кызматы
Тема боюнча
Кыргызстанда төрт соода-логистикалык борбор куруу пландалууда
Өсүмдүк майын саткан супермаркет. Архивдик сүрөт

Кыргызстанда өсүмдүк майдын баасы түшөбү. Агенттиктин маалыматы

143
Бир жыл мурда өсүмдүк майдын баасы 84,6 сом болсо, азыр 159 сомго чыккан. Акыркы маалыматтарга караганда, май арзандашы мүмкүн.

БИШКЕК, 24-июл. — Sputnik. Россияда күн караманын түшүмү мол болору күтүлүүдө. Бул тууралуу КРдин Монополияга каршы агенттигинин маалымат кызматы билдирди.

Ведомство Кыргызстандагы өсүмдүк майдын кымбатташынын динамикасын көрсөттү.

Июлдун аягында өсүмдүк май 84,6 сом болсо, ал эми июндун аягында 162 сомду чапчыган. Ал эми учурда 159 сомдон сатылууда.

Эске салсак, Кыргызстан өсүмдүк майдын көпчүлүгүн Россиядан сатып алат.

"Россияда быйыл күн караманын түшүмү көп болуп, 15,9 миллион тоннага жетип, рекорд жаратышы мүмкүн. Анткени менен май айында 15,4 миллион тоннаны күтүп жатканын айтышкан. Мурдагы рекорд 2019-жылы — 15,4 миллион тоннаны түзгөн. Өткөн жылы 13,3 миллион түшүм алынган", — деп айтылган билдирүүдө.

Россиянын өзүнүн ички рыногунда өтө тездик менен болбосо дагы абал жөнгө салынып келет. Майдын аягында күн караманын баасы тоннасына 53,1 миң рубль болсо, июнда 40,9 миңге түшкөн. Күн караманын чийки майы май айынын соңунан июнга чейин 118 миң рублден 100 миңге дейре арзандаган.

"Мындай тенденция Кыргызстандын рыногундагы өсүмдүк майдын наркына - товардын көп болушу жана баанын турукташына өзүнүн оң таасирин тийгизбей койбойт. Буга наркты жөнгө салуу боюнча мамлекеттик иштердин алкагындагы аракет жана кошумча нарк салыгын албоо да жардам берет", — деп жазылган маалыматта.

Анткен менен Бишкектеги соода жайларда өсүмдүк майдын 0,9 литрге болгон эң төмөнкү баасы 113 сом.

143
Белгилер:
арзандоо, Өсүмдүк майы, Россия, Кыргызстан
Тема боюнча
Доллар менен алтын арзандап, күйүүчү майдын баасы рекорддук чекке жетти
Маммүлк килограммын 27 сомго баалап ун сатууда. Кампалардын дареги
Президент Садыр Жапаров менен УКМКнын жетекчиси Камчыбек Ташиев. Архивдик сүрөт

Жапаров менен Ташиевдин жаратылыштагы сүрөтү: бири сүйлөп, экинчиси берилип угуп...

29
(жаңыланган 21:24 24.07.2021)
Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет.

БИШКЕК, 24-июл. — Sputnik. Интернет айдыңында президент Садыр Жапаров менен УКМКнын жетекчиси Камчыбек Ташиевдин жаратылыш койнунда отуруп, бири кеп салып, экинчиси өтө көңүл коюп угуп жаткан сүрөт тарады.

Аны президенттин коомдук башталыштагы жардамчысы Адинай Марипова өзүнүн Facebook тармагындагы баракчасына койду. 

Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет. Жапаровдун айтымында, алар 15 жыл мурда таанышып, бирге иштешкен. Жогорку Кеңештин эки жолку чакырылышына депутат болушкан.

Кумтөр маселеси боюнча митингди чогуу уюштурушкан, андан соң бийликти күч менен басып алуу аракети боюнча ишке шектелишкен. Жапаровго бийликтин жогорку тепкичине чыгууга Ташиев көмөктөшкөнү эч кимге жашыруун эмес. Саясатчы Өмүрбек Текебаевдин аны "дос-секретарь" деп атаганы бар. Эске салсак, мурда өлкөдө идеологияга жооп берчү – мамлекеттик катчы (госсекретарь) кызматы болгон. Ташиев Жапаров абактан чыгарылган күндөн тарта жанында коштоп жүргөндүктөн, ЖК төрагасы Текебаев ага ушундай ылакап ысым ыйгарган. 

29
Белгилер:
Камчыбек Ташиев, Садыр Жапаров, Кыргызстан
Тема боюнча
Жапаров Мирзиёевди туулган күнү менен куттуктап, Кыргызстанга чакырды