Май куюучу жайдын кызматкери иш учурунда

Доллар менен алтын арзандап, күйүүчү майдын баасы рекорддук чекке жетти

162
(жаңыланган 10:44 22.07.2021)
Кыргызстанда доллар арзандап жатканы менен күйүүчү май күн санап кымбаттоодо. Нефтетрейдерлер жакынкы эки айда анын баасы 6-10 пайызга көтөрүлүшү мүмкүн экенин айтууда.

БИШКЕК, 22-июл. — Sputnik. Кыргызстанда доллар, евро жана алтындын баасы бир аз төмөндөп, күйүүчү май кымбаттады.

Ушуну менен экинчи күн катары менен АКШ акчасы арзандап жатат. Шаршемби күнгө салыштырмалуу сатуу (84,65 сом сом) жана сатып алуу (84,27 сом) 11 тыйынга арзандады. Еврону сатып алуу (98,86 сом) 15 тыйынга, сатуу (100,25 сом) 13 тыйынга төмөндөдү. Теңге менен рублдин наркы билинер-билинбес гана өзгөрдү.

Күйүүчү майдын баасы:

"Роснефть":

  • АИ-92 — 53,4 сом;
  • АИ-95 — 56,8 сом;
  • Дизель майы — 48,5 сом.

"Газпром нефть Азия":

  • АИ-92 — 53,5 сом;
  • АИ-95 — 57,5 сом;
  • Дизель майы — 48,5 сом.

Ал ортодо АИ-95 үлгүсүндөгү бензиндин биржалык баасы үч күн катары менен рекорддук көрсөткүчтө турганы белгилүү болду. Санкт-Петербург эл аралык товар-сырье биржасында бир тонна бензин 59 849 рублге бааланып, сутка ичинде 0,59 пайызга кымбаттады.

Ал эми алтын куймалары арзандап, бир граммы мурдагыга калыштырмалуу 61 сомго төмөн сатылууда.

162
Белгилер:
Кыргызстан, бензин, доллар, баа
Тема боюнча
Бензин алдыдагы айларда дагы 6-10 пайызга кымбатташы күтүлүүдө
Кыргызстандагы акчанын көлөмү бир айда миллиарддаган сомго жетип, рекорд койду
Зергерлер жана ишкерлер союзунун президенти Сталбек Акматов

Акматов: өзгөчө кырдаал жөнүндө мыйзам инвестицияга бөгөт коет

24
Зергерлер жана ишкерлер союзунун президенти Сталбек Акматов "Экономикалык өзгөчө кырдаал жөнүндө" мыйзам долбоору шашылыш кабыл алынгандыгын билдирди.

Аталган мыйзам ишке кирсе ички жана сырткы инвестицияга бөгөт коет. Мындай пикирин Сталбек Акматов Sputnik Кыргызстан радиосунда маек куруп жатып белгиледи.

Акматов: өзгөчө кырдаал жөнүндө мыйзам инвестицияга бөгөт коет

Анын айтымында, мыйзамдын чийки жерлери көп жана ал президент кол койгонго чейин дыкат каралып чыгышы керек.

"Экономикалык өзгөчө кырдаал жөнүндө" мыйзам долбоорун эмнеликтен Жогорку Кеңеш өтө шашылыш тартипте карап, үч окуудан тең бир заматта өткөрүп койгонун ишкерлер түшүнгөн жокпуз. Кыргызстанда ансыз да бизнес жасоо оор болуп, бир четинен пандемия күчөп турган учурда бул долбоор ишкерликке чоң тоскоолдуктарды жаратат. Анда чийки, дыкат иштелип чыкпаган жерлери арбын экен. Биз ишкерлер президент кол койгонго чейин бул мыйзамдын кайрадан каралып чыгышын өлкө башчыдан өтүнүп жатабыз. Аталган мыйзам иштеп баштаса ички дагы, сырткы дагы инвестицияга бөгөт коет",— деди Акматов.

Ал өлкө экономикасын көтөрүү үчүн тескерисинче ишкерлерге колдоо көрсөтүү зарылдыгын кошумчалады.

Эске сала кетсек, Жогорку Кеңеш ушул жылдын 29-июль күнү "Экономикалык өзгөчө кырдаал жөнүндө" мыйзам долбоорун үч окуудан өткөрүп кабыл алган. Анын демилгечиси, экономика жана финансы министри Акылбек Жапаровдун айтымында, мыйзам өлкө экономикасынын төмөндөшүнүн алдын алыш үчүн иштелип чыккан.

24
Белгилер:
Сталбек Акматов, экономика, ишкерлик, мыйзам
Тема боюнча
Экономикалык өзгөчө кырдаал боюнча мыйзам жактырылды. Ал эмне үчүн керек
Президент Садыр Жапаров. Архив

Бизнес өкүлдөрү Садыр Жапаровго кайрылды. Себеби

304
(жаңыланган 13:27 02.08.2021)
Ишкерлер өкмөт парламенттин каникулга кетип жатканынан пайдаланып, экономикага өзгөчө кырдаал киргизүү мыйзамын шашылыш түрдө өткөрдү деп эсептейт.

БИШКЕК, 2-авг. — Sputnik. Кыргызстандагы бизнес-коомчулук президент Садыр Жапаровго кайрылып, Жогорку Кеңеш үч окуудан жактырган экономикага өзгөчө кырдаал режимин киргизүү боюнча мыйзамга кол койбошун өтүнүп жатат. Бул тууралуу ишкерлер Sputnik Кыргызстан агенттигинде өткөн "Экономикага өзгөчө кырдаал абалын киргизүүнүн таасири кандай болушу мүмкүн" аталышындагы брифингде айтышты.

"Бизнес коомчулугу менен макулдашуу процесси болбой, мыйзам бир тараптуу негизде кабыл алынды. Министрлер кабинети парламенттин каникулга кетип жатканынан пайдаланып, мыйзамды шашылыш түрдө өткөрүп алды. Учурда биз президенттен бул документке кол койбой, кайра иштеп чыгууга жөнөтүүсүн суранабыз", — деди Рыноктор, соода ишканалары жана кызмат көрсөтүүлөр ассоциациясынын аткаруучу директору Артур Ташибеков.

КР президентинин алдындагы Коррупцияга каршы ишкердик кеңешинин адиси Айдарбек Мамбеткадыров бизнес өкүлүнүн пикирин колдой турганын билдирди. Анын айтымында, мыйзам долбоорунда кийин эки анжы пикир жарата турган түшүнүксүз жерлери бар. Мамбеткадыров кошумчалагандай, мыйзам долбоору кабыл алынардын мурда коррупцияга каршы экспертизадан өткөн эмес.

Эске салсак, министрлер кабинетинин төрагасынын орун басары, экономика жана финансы министри Акылбек Жапаров өлкө экономикасына өзгөчө кырдаал режимин киргизүүнү сунуштаган. Анын айтымында, мындай сунуш киргизүүгө дагы деле коркунуч жаратып турган пандемиянын экономикага тийгизген терс таасири себеп болгон. Министр түшүндүргөндөй, бул режим салыктардын ставкасын өзгөртүүгө жана өтө зарыл учурда бюджетти Жогорку Кеңештин макулдугу жок эле бөлүштүрүүгө шарт түзөт.

Депутаттар каникулга кетер алдында аны үч окуудан тең өткөрүп берген.

304
Белгилер:
Садыр Жапаров, ишкер, сунуш, кайрылуу, бизнес, Кыргызстан
Тема боюнча
Банктарда аралыктан идентификациядан өтүү системасы жеңилдейт. Долбоор
Жыл башынан бери импорттон алынган салыктын көлөмү 5,2 млрд. сомго көбөйдү

Бусурманкулдун нокауту жана ага Хабибдин берген кеңеши. Видео

0
Хабиб Нурмагомедовдун Eagle Fighting Championship (EFC) лигасынын турниринде кыргызстандык Бусурманкул Абдибаит уулу россиялык атаандашы Руслан Яманбаевди техникалык нокаут менен утуп, чемпиондук курун тартып алды.

Абдибаит уулунун жеңишинен кийин Хабиб Нурмагомедов ага кеп-кеңешин берди.

“Жашоодо анын мындай ирмеми эч качан кайталанбаса керек. Анткени биринчи бел курду утуп жатканда аябай кубанасың. Ошого эмоционалдуу болуп турат, колдоп коелу. Дана Уайт (UFC президенти) бул беттешти көрөт. Мен турнир тууралуу айткам. Чемпиондук курду бир-эки жолу коргогондон кийин UFC уюмунда күч сынашууга мүмкүнчүлүк болот. Бел курду тагынгандан кийин көп спортчунун бутасына айланасын, ошон үчүн көп эмгектенүү керек. Бүгүн эс алып, эртең кайра машыгууну улантуу керек. Баарыңарды куттуктайм, чынын айтсам мен ага (Бусурманкулга) күйөрмандык кылдым, атаандашы таарынбасын”, — деди ал.

Бусурманкул 14 беттешти утуп, үч ирет жеңилген. Ал учурда 28 жашта.

0
Белгилер:
Хабиб Нурмагомедов, EFC, Бусурманкул Абдибаит уулу, жеңиш
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Көлгө келген Хабиб: эртең Олимпиадада алтын алышыңарга тилектешмин
Алексей Федосеев Хабибдин турниринде атаандашын муунтуу ыкмасы менен жеңди. Сүрөт