Слитки золота высшей пробы 99,99 процентов чистоты на Красноярском заводе цветных металлов имени В. Н. Гулидова (Красцветмет)

КРдин Улуттук банкынын запасы бир айда эле 70 миллион долларга азайды

81
(жаңыланган 10:37 05.08.2021)
Республиканын эл аралык валюта резерви үчүнчү ай удаасы менен төмөндөп жатат. Алар сомдун курсун туруктуу кармап турууга мүмкүндүк берет.

БИШКЕК, 5-авг. — Sputnik. Кыргызстандын алтын-валюта кору июль айында 70 миллион долларга кыскарды. Бул тууралуу Улуттук банктын ачык маалыматтарында айтылат.

Июнь айынын аяк ченинде валюталык резерв 2 миллиард 725,1 миллион долларды түзгөн. Өткөн айдын аягында 2 миллиард 655,4 миллион долларга чейин кыскарган. Азаюунун себеби маалыматта көрсөтүлгөн эмес.

Улуттук банк өткөн айда интервенция жасаган эмес, башкача айтканда, эч кандай валюта сатып алган да, саткан да жок.

Алтын-валюта резервинин рекорддук көлөмү 2020-жылдын августунда катталып, 3 миллиард долларга жеткен. Кийин ал кыскарып, андан ары бирде азайып, бирде көбөйгөн абалда турган. Май айынан тарта төмөндөө байкалган. Резервдер жарым жылдык импорттун чыгымын жабууга жетиштүү.

Алтын-валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат, алар: CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) жана алтын.

Белгилей кетсек, алтын-валюта резервинин көлөмүнүн мындай олуттуу олку-солкулугуна карабастан акыркы айларда алтындын үлүшү дээрлик үч эсеге (62,6 млрд.) азайган.

81
Белгилер:
Кыргызстан, Улуттук банк, алтын, валюта, запас
Тема боюнча
Бизнес өкүлдөрү Садыр Жапаровго кайрылды. Себеби
Беш айда Кыргызстандан 200 млн. доллардан көп акча чыгып кетти. Рекорд
Министрлер кабинетинин төрагасы Акылбек Жапаров. Архив

Жапаров: жаңы схема беш айда 746 млрд. сом көмүскөгө кетип жатканын аныктады

48
Депутат өлкөдө көмүскө экономика расмий түрдө 26 пайызды түзөрүн, расмий эмес маалымат боюнча 40 пайыздан ашарын айтты.

БИШКЕК, 27-окт. — Sputnik. Кыргызстанда электрондук эсеп-фактурасы киргизилгенден кийин беш айда 746 миллиард сом көмүскөгө кетери аныкталды. Бул туурасында министрлер кабинетинин төрагасы Акылбек Жапаров билдирди.

Депутат Мирлан Жээнчороев көмүскө экономика расмий түрдө 26 пайызды, расмий эмес маалымат боюнча 40 пайыздан ашарын айтты.

"Бул жерде 2-3 миллиард доллар жөнүндө сөз болууда. Эгер сиздердин планыңар ишке аша турган болсо бюджетке канча салык түшөт? Көмүскөдөгү 26 пайызды ачыкка чыгара аласыздарбы?", — деп сурады депутат.

Жапаров бул багытта 1-июлдан тарта электрондук эсеп-фактурасын киргизилгенин билдирди.

"Андан соң биз мурда көрбөгөн экономиканы көрө баштадык. Төрт-беш айда акча жүгүртүү 1 триллион 222 миллиард сомду түздү. Анын ичинен 746 миллиард сому патентке бөлүнөт экен, башкача айтканда, көмүскө жакка кетет. Эгер жаңы Салык кодексин кабыл алсак, электрондук эсеп-фактурасын, контролдук-кассалык машианаларды иштетип турсак, кошумча 50 миллиард сомдон түшүүнү камсыздап берет", — деди министрлер кабинетинин төрагасы.

Ошондой эле ал мындан ары туура эмес схемалардан баш тартып, баарын ачык-айкын жасай турганын белгиледи.

48
Белгилер:
Кыргызстан, Акылбек Жапаров, көмүскө, акча, зыян
Тема боюнча
Жакында 453 айыл өкмөттүн башчысы жаңы унаалуу болушу мүмкүн. Жапаровдун планы
Жапаров Бажы кызматынын жаңы жетекчиси кандай милдет менен дайындалганын айтты
Аэропорттогу жүргүнчүлөр. Архив

Салык төлөбөгөндөр чет өлкөгө чыга албайт. Сунушталган Салык кодекси

57
(жаңыланган 12:09 27.10.2021)
Жапаров ишкерлерди тартипке чакыруу аракети көрүлүп жатканын айтты. Себеби салык төлөбөй, бирок Дубай, Лондондо эс алып жүргөндөр бар.

БИШКЕК, 27-окт. — Sputnik. Кыргызстанда 100 миң сомдон көп салыктык карызы бар компаниянын жетекчилерине чет өлкөгө чыгууга тыюу салынат. Бул туурасында министрлер кабинетинин төрагасы Акылбек Жапаров парламентте билдирди.

Учурда Жогорку Кеңеште Салык кодексинин жаңы редакциясынын долбоору каралып жатат. Документке аталган норма киргизилген.

"Бир ишкананын салыктык карызы 100 миң сомдон ашып кетсе сотко кайрылып, чет өлкөгө чыгышына тыюу салуу чечимин сурайбыз. Андан сырткары, ишканалар же ишкерлер өзүнүн мүлкүн сата албайт, биз буга "кызыл карточка" коёбуз. Салык төлөбөй Дубай, Лондондо эс алып жүрүшөт. 100 миң сомду төлөп коюп эле чыгып кете берсин да", — деди Жапаров.

Министрлер кабинетинин төрагасы кошуна өлкөлөрдө мындай система катуу иштеп жатканын белгиледи.

57
Белгилер:
Акылбек Жапаров, ишкер, салык, төлөө, тыюу салуу
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Акылбек Жапаров жергиликтүү бийликтин колуна канча акча берерин тизмектеди
Суши. Архив

Бишкектеги массалык уулануу. Жабыркагандардын саны 253кө жетти

0
(жаңыланган 13:42 27.10.2021)
Уулангандар массалык түрдө ооруканага кайрылып жатканы тууралуу өткөн дем алышта белгилүү болгон. Ошондон бери жабыркагандардын саны улам өсүп жатат.

БИШКЕК, 27-окт. — Sputnik. Тамактан ууланып ооруканага кайрылган адамдардын саны 253кө жетти. Бул тууралуу Саламаттык сактоо министрлиги билдирди.

Ооруканага Бишкектин гана эмес, Чүй облусунун тургундары дагы кайрылууда. Кечээ күнү уулангандардын саны 179 болчу.

Уулангандардын 60ы ооруканада дарыланууда:

  • Темир жол ооруканасында — 19;
  • № 3 шаардык клиникалык балдар ооруканасында — 18;
  • Улуттук госпиталда — 23.

Баарынын абалы канааттандырарлык. Калганы медициналык жардам алган соң үйлөрүнө жөнөтүлгөн.

Эске салсак, 24-октябрда тамакка ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан ролл жегенин кабарлаган. 25-октябрь күнү уулангандардын саны 85ке жеткен. Ал эми кечээ, 26-октябрда, жабыркагандардын саны 179га өскөн. Алардын 18и балдар.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Бул окуяга байланыштуу "Империя пиццы" кафесинин бардык филиалдары убактылуу жабылды. Муну менен катар Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлдү.

0
Белгилер:
Бишкек, Чүй облусу, уулануу, кафе, протокол, мораторий, ролл
Тема:
Бишкектин кафесиндеги массалык уулануу
Тема боюнча
Жалал-Абаддагы тойдо 124 киши этке ууланып, 16сы ооруканага түштү