Президент Садыр Жапаров. Архив

Садыр Жапаров милиционерлерге бизнести текшерүүгө уруксат берүүгө каршы чыкты

207
(жаңыланган 13:50 13.08.2021)
Буга чейин аймактык тескөөчүлөргө кошумча укук берүү боюнча ченемдик актыларды иштеп чыгуу каралган. Бирок Антикоррупциялык ишкердик кеңеш демилге президенттин жарлыктарына карама-каршы келерин билдирген.

БИШКЕК, 13-авг. — Sputnik. Президент Садыр Жапаров аймактык тескөөчү милиционерлерге ишкер чарбаларды текшерүү укугун берүү демилгесине каршы чыкты. Бул тууралуу өлкө башчынын маалымат кызматы кабарлады.

"Мамлекет башчынын билдиргенине караганда, ички иштер органдарынын кызматкерлери ишкердик субъектилердин ишине кийлигишпеши керек. Аймактык тескөөчү милиция кызматкерлери өздөрүнүн түздөн-түз милдетин — коомдук тартипти коргоо жана ага бөлүнгөн аймакта кылмыштуулуктун алдын алуу боюнча профилактикалык иштерди аткарууга милдеттүү", — деп айтылат маалыматта.

Жапаров учурда өлкөдө текшерүүлөрдү азайтып, инвестицияларды тартуу менен бизнес жасоого жакшы шарттар түзүлүп жатканын белгилеген.

Президент Садыр Жапаров. Архив
© Пресс-служба президента КР / Султан Досалиев
Буга чейин министрлер кабинетинин төрагасынын орун басары Акылбек Жапаров ИИМге Салык кызматы жана башка мамлекеттик органдар менен биргеликте аймактык тескөөчүлөргө кошумча укук берүү боюнча ченемдик-укуктук актыларды иштеп чыгууну тапшырган. Ага ылайык, аймактык тескөөчү милиционерлер экономика тармагындагы мыйзам бузууларды (лицензиялык, уруксат кагаздары жана башка тармак) аныктап жана бөгөт коё алат. Бирок Антикоррупциялык ишкердик кеңештин башкы катчысы Нуруйпа Муканова бул демилге президенттин жарлыктарына карама-каршы келерин билдирген.

207
Белгилер:
Садыр Жапаров, милиция, укук, текшерүү, ишкерлик, бизнес
Тема боюнча
Жапаров Борбор Азияда транспорттук байланышты жакшыртуу боюнча сунуштарды айтты
Кыргызстан Түркмөнстандан электр энергиясын сатып алат
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

40
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

40
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме
Иран желеги. Архив

ЕЭК министри ЕАЭБ менен Ирандын макулдашуусунун пайдалуу жактарын айтты

33
(жаңыланган 15:10 07.12.2021)
ЕАЭБ менен Ирандын ортосундагы соода жүгүртүү өсүп жатат. Пандемияга чейинки статистика боюнча экспорт 47, импорт 67 пайызга жогорулаган.

БИШКЕК, 7-дек. — Sputnik. ЕАЭБ менен Ирандын ортосундагы убактылуу макулдашууну ишке ашыруу эки тараптын тең соода-сатыгына жакшы таасирин тийгизет. Бул тууралуу Евразия экономикалык комиссиянын (ЕЭК) соода боюнча министри Андрей Слепнев кабарлады.

ЕЭКтин маалымат кызматы билдиргендей, министр Ирандын Россиядагы элчиси Казем Жамали менен жолуккан.

Тараптар Евразия экономикалык биримдиги менен Ирандын ортосунда эркин соода жүгүртүүгө шарт түзгөн убактылуу келишим соода-экономикалык кызматташтыкты өнүктүрүүгө өбөлгө болорун белгилешкен.

Генеральный директор Российского экспортного центра Андрей Слепнёв во время пресс-подхода по итогам бизнес-диалога Россия – Африка в рамках Петербургского международного экономического форума 2019 (ПМЭФ-2019).
© Sputnik / Александр Гальперин
Евразия экономикалык комиссиянын (ЕЭК) соода боюнча министри Андрей Слепнев
"2021-жылдын январь-август айларында ЕАЭБ менен Ирандын ортосундагы соода жүгүртүү өткөн жылдын ушул мезгилине салыштырмалуу 60 пайызга өстү. ЕАЭБге мүчө мамлекеттердин экспорту 80 пайызга жогорулап, 1,12 миллиард доллардан 2 миллиардга чейин жетти. Импорттун көлөмү 30 пайызга көбөйүп, 803 миллион доллардан 1 миллиардга чыкты", — деди Слепнов.

Ошону менен катар ал соода жүгүртүү пандемияга чейинки статистика боюнча да өсүп жатканын баса белгиледи. 2019-жылкыга салыштырмалуу экспорт 47 пайызга, ал эми импорт 67 пайызга жогорулаган.

Соңунда ЕАЭБ министри менен Ирандын элчиси соода жүгүртүү тууралуу толук форматтуу макулдашуу түзүү боюнча сүйлөшүүлөрдүн жүрүшүн жогору баалап, өз ара иштешүүгө канааттануусун билдирген.

33
Белгилер:
Евразиялык экономикалык биримдик, Иран, макулдашуу, ЕЭК, министр, соода
Тема:
ЕАЭБдеги Кыргызстан
Тема боюнча
Министр Казакбаев Иранды өлкө экономикасына инвестиция жасоого чакырды