Президент Садыр Жапаров Бишкектеги ТЭЦ-2нин абалы менен таанышты

ТЭЦ-2ни реабилитациялоо пландалууда. Жапаров объектини өзү көрүп келди

436
(жаңыланган 16:18 13.08.2021)
Жакын арада объектини реабилитациялоо боюнча болжолдуу техникалык-экономикалык негиздемени (ТЭН) иштеп чыгууга тендер жарыялоо пландалганы айтылды.

БИШКЕК, 13-авг. — Sputnik. Өлкө башчы Садыр Жапаров бүгүн, 13-августта, Бишкек шаарындагы Жылуулук электр борбору — 2нин (ТЭЦ-2) абалы менен таанышты. Бул тууралуу президенттин маалымат кызматы кабарлады.

Алгач мамлекет башчыга ЖЭБ-2нин долбоору 1991-жылы иштелип чыккандыгы боюнча маалымат берилди.

"Долбоор боюнча стратегиялык объектиде жаратылыш газын колдонуу пландаштырылган. Аны 100 гектардан ашык жерге 2 этап менен куруу мерчемделген. Бирок СССР кулап, газ менен жабдуу үзгүлтүккө учурагандан кийин объектинин курулушу токтоп, ЖЭБ-2нин санитардык зонасына, тагыраагы, 47 гектар аянтына акырындык менен турак үйлөр курулуп кеткен", — деп айтылат билдирмеде.
  • ТЭЦ-2 в жилмассиве Ак-Ордо на окраине Бишкека
    Өлкө башчы Садыр Жапаров бүгүн, 13-августта, Бишкек шаарындагы Жылуулук электр борбору — 2нин (ТЭЦ-2) абалы менен таанышты
    © Пресс-служба президента КР / Султан Досалиев
  • Президент Кыргызстана Садыр Жапаров во время ознакомления с состоянием ТЭЦ-2 в городе Бишкек. 13 августа 2021 года
    Алгач мамлекет башчыга ЖЭБ-2нин долбоору 1991-жылы иштелип чыккандыгы боюнча маалымат берилди
    © Пресс-служба президента КР / Султан Досалиев
  • ТЭЦ-2 в жилмассиве Ак-Ордо на окраине Бишкека
    ЖЭБ-2нин курулушун кайра жандандырып, ишти 2-5 жылдын ичинде бүткөрүү сунушталганы белгилүү болду
    © Пресс-служба президента КР / Султан Досалиев
  • Президент Кыргызстана Садыр Жапаров во время ознакомления с состоянием ТЭЦ-2 в городе Бишкек. 13 августа 2021 года
    Ошондой эле жакын арада объектини реабилитациялоо боюнча болжолдуу техникалык-экономикалык негиздемени (ТЭН) иштеп чыгууга тендер жарыялоо пландалган
    © Пресс-служба президента КР / Султан Досалиев
  • Президент Кыргызстана Садыр Жапаров во время ознакомления с состоянием ТЭЦ-2 в городе Бишкек. 13 августа 2021 года
    Жапаров ЖЭБ-2нин имараты жана жабдууларын көрүп чыгып, анын айланасындагы калктуу конуштун тургундары менен баарлашкан
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Өлкө башчы Садыр Жапаров бүгүн, 13-августта, Бишкек шаарындагы Жылуулук электр борбору — 2нин (ТЭЦ-2) абалы менен таанышты

ЖЭБ-2нин курулушун кайра жандандырып, ишти 2-5 жылдын ичинде бүткөрүү сунушталганы белгилүү болду. Ошондой эле жакын арада объектини реабилитациялоо боюнча болжолдуу техникалык-экономикалык негиздемени (ТЭН) иштеп чыгууга тендер жарыялоо пландалган.

Жапаров ЖЭБ-2нин имараты жана жабдууларын көрүп чыгып, анын айланасындагы калктуу конуштун тургундары менен баарлашкан. Ал жергиликтүү жашоочуларга ЖЭБ-2нин курулушун бүтүрүү ниети, парламенттик шайлоону таза өткөрүү боюнча пландаштырылган чаралар жөнүндө айтып, элди коронавируска каршы эмдөөдөн активдүү өтүүгө чакырды.

Баарлашууда жергиликтүү тургундар ЖЭБ-2нин айланасындагы участокторду трансформациялоо, социалдык объектилерди куруу жана башка курч көйгөйлөр тууралуу суроолорун беришкени айтылды.

436
Белгилер:
Садыр Жапаров, Бишкек, реабилитациялоо, ТЭЦ-2
Тема боюнча
Марипов: ТЭЦ-2 ишке кирсе 400 үй-бүлөнү көчүрүүгө туура келет
Жапаров акимдерге 60 млн. сомго унаа алуу боюнча тендерди жокко чыгарууну тапшырды
Садыр Жапаров "Манастын уулу Семетей" тасмасы тууралуу үн катты
Министрлер кабинетинин төрагасы Акылбек Жапаров Кара-Кече көмүр кенинде

Акылбек Жапаров Кара-Кечедеги абалды көрүп, тартип керектигин эскертти

1815
(жаңыланган 15:29 18.10.2021)
Буга чейин Кыргызcтандын аймагында көмүрдүн баасын убактылуу мамлекеттик жөнгө салуу киргизилген. Аталган чечим көмүрдүн баасынын өсүү темпин кармап туруу максатында кабыл алынган.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна жумушчу сапары менен барып, Кара-Кече көмүр кенинин иши менен таанышты. Бул тууралуу өкмөттүн маалымат кызматынан билдиришти.

  • Инспекция работы угольного месторождения Кара-Кече во время рабочей поездки председателя Кабинета министров в Нарынскую область.  18 октября 2021 года
    Министрлер кабинетинин төрагасы Акылбек Жапаров Нарын облусуна жумушчу сапары менен барып, Кара-Кече көмүр кенинин иши менен таанышты
    © Фото / пресс-служба Кабинета министров КР
  • Председатель Кабинета министров Акылбек Жапаров во время рабочей поездкой в Нарынскую область, проинспектировал работу угольного месторождения Кара-Кече.  18 октября 2021 года
    Тийиштүү мамлекеттик жана жергиликтүү бийлик органдарынын, кен казуучу компания өкүлдөрүнүн катышуусундагы кеңешмеде Жапаров күз-кыш мезгилинде көмүр менен биринчи кезекте калк, социалдык объектилер жана энергетикалык тармактын ишканалары камсыздалышы тийиштигин дагы бир ирет эскертти
    © Фото / пресс-служба Кабинета министров КР
  • Инспекция работы угольного месторождения Кара-Кече во время рабочей поездки председателя Кабинета министров в Нарынскую область.  18 октября 2021 года
    Андан соң көмүр казуучу компания өкүлдөрү жеринде шарттарды жакшыртуу боюнча өз сунуштарын айтышты. Мындан тышкары, баа саясатына жана көмүр тармагын өнүктүрүүгө тийиштүү сунуштар талкууланды.
    © Фото / пресс-служба Кабинета министров КР
  • Председатель Кабинета министров Акылбек Жапаров во время рабочей поездкой в Нарынскую область, проинспектировал работу угольного месторождения Кара-Кече.  18 октября 2021 года
    Буга чейин Кыргызcтандын аймагында көмүрдүн баасын мамлекет убактылуу жөнгө салып турмай болгон
    © Фото / пресс-служба Кабинета министров КР
  • Инспекция работы угольного месторождения Кара-Кече во время рабочей поездки председателя Кабинета министров в Нарынскую область.  18 октября 2021 года
    Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган
    © Фото / пресс-служба Кабинета министров КР
1 / 5
© Фото / пресс-служба Кабинета министров КР
Министрлер кабинетинин төрагасы Акылбек Жапаров Нарын облусуна жумушчу сапары менен барып, Кара-Кече көмүр кенинин иши менен таанышты

Тийиштүү мамлекеттик жана жергиликтүү бийлик органдарынын, кен казуучу компания өкүлдөрүнүн катышуусундагы кеңешмеде Жапаров күз-кыш мезгилинде көмүр менен биринчи кезекте калк, социалдык объектилер жана энергетикалык тармактын ишканалары камсыздалышы тийиштигин дагы бир ирет эскертти.

"Көмүр кендеринде коопсуздук жана тартиптин болушу абдан маанилүү. Үстүбүздөгү жылы жылытуу мезгилине даярдык кечигүү менен башталды. Мындайга жол берилбеши керек. Иш үзгүлтүккө учураса тийиштүү жактар жоопкерчиликке тартылат. Бүгүнкү күндө Кара-Кечеде инфраструктуралык маселелер ыкчам тартипте чечилиши зарыл", — деди Жапаров.

Андан соң көмүр казуучу компания өкүлдөрү жеринде шарттарды жакшыртуу боюнча өз сунуштарын айтышты. Мындан тышкары, баа саясатына жана көмүр тармагын өнүктүрүүгө тийиштүү сунуштар талкууланды.

Буга чейин Кыргызcтандын аймагында көмүрдүн баасын мамлекет убактылуу жөнгө салып турмай болгон. Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

1815
Белгилер:
Акылбек Жапаров, Кара-Кече, көмүр, баа
Тема боюнча
Жакыпов: "Кыргыз көмүр" ишканасынын жеке лабораториясы жок
Жок калыптыр, кымбат сатылууда! Көмүр ала албай карайлаган элдин видеосу
Министрлер кабинетинин төрагасынын орун басары, УКМК жетекчиси Камчыбек Ташиев

Калк үчүн өтө маанилүү дарылардын баасы арзандайт. Ташиев кеңешме өткөрдү

354
(жаңыланган 10:37 18.10.2021)
Кеңешмеге мамлекеттик органдардын жетекчилери, ошондой эле фармацевтикалык компаниялардын өкүлдөрү катышкан.

БИШКЕК, 18-окт. — Sputnik. Министрлер кабинетинин төрагасынын орун басары, УКМК жетекчиси Камчыбек Ташиев дары-дармек менен камсыздоо чөйрөсүндөгү абалды талкуулоо үчүн ведомстволор аралык комиссиянын кеңешмесин өткөрдү. Бул тууралуу өкмөттүн маалымат кызматы кабарлады.

Билдирмеге караганда, кеңешмеге мамлекеттик органдардын жетекчилери, ошондой эле фармацевтикалык компаниялардын өкүлдөрү катышкан.

"Ишкерлер менен конструктивдүү диалог жүрүп, дары-дармек менен камсыз кылуу чөйрөсүндөгү кырдаалдын актуалдуу маселелери талкууланды. Ташиев дары-дармектин баасына, фармацевтикалык бизнестин көйгөйлөрүнө, анын ичинде медикамент аткезчилигине, мамлекеттик жөнгө салуучу органдардын бюрократиялык тоскоолдуктарына тийиштүү маселелерге токтолду. Кеңешменин жыйынтыгында дары-дармектин рыноктук баасын түзүү ыкмаларын кайрадан карап чыгуу, эл үчүн өтө маанилүү дары-дармектин баасын төмөндөтүү чечими кабыл алынды", — деп айтылат маалыматта.

Ошондой эле маанилүү дары-дармектин баасына карата чайкоочулукка жол бербөө максатында мамлекеттик органдардын жетекчилерине конкреттүү тапшырмалар берилгени кошумчаланды.

354
Белгилер:
УКМК, Камчыбек Ташиев, дары-дармек, баа, кеңешме
Тема боюнча
УКМК: дары-дармекти элге кымбат саткандар кармалды
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт