Күйүүчү май куйуучу жайдагы унаа. Архив

ЕАЭБ жана кошуна өлкөлөрдө күйүүчү май канчадан сатылууда? Баалар

689
Эң арзан күйүүчү майды Казакстанда, бир литрин 42 сомдон алууга болот. Андан кийинки орунда Кыргызстан турат.

БИШКЕК, 14-авг. — Sputnik. Монополияга каршы жөнгө салуу мамлекеттик агенттиги ЕАЭБ жана кошуна өлкөлөрдө күйүүчү май канчадан сатылып жатканы туурасында маалымат берди.

ЕАЭБге кирген Кыргызстан, Казакстан, Россия, Армения жана Беларусь өлкөлөрүндөгү, ошондой эле кошуна жайгашкан Тажикстан менен Өзбекстандагы бааларга анализ жүргүзүлгөн.

Ага ылайык, эң кымбаты Арменияда, АИ-95 үлгүдөгү күйүүчү майдын литри 80.4 сом. Ал эми эң арзанын Казакстандан 42 сомдон алууга болот. Андан кийинки орунда Кыргызстан турат.

Баалар 12-августка карата алынып, Улуттук банкта көрсөтүлгөн валюта курсу боюнча сомго которулган.

689
Белгилер:
Евразиялык экономикалык биримдик, Кыргызстан, Күйүүчү май, баалар
Тема:
ЕАЭБдеги Кыргызстан (304)
Тема боюнча
Бензинди кантип үнөмдөсө болот. Адистин кеңеши
АИ-92 үлгүсүндөгү бензин Кыргызстандын кайсы аймагында арзан
Кыргызстандын жана Россиянын мамлекеттик желектери. Архив

Кыргызстанга россиялык компаниялардын бизнес-миссиясы келет

11
(жаңыланган 14:15 27.10.2021)
Иш-чара экономиканын бир нече багыты боюнча иш алып барган россиялык жана кыргызстандык компаниялардын байланыш түзүүсүнө аянтча болуп бермекчи.

БИШКЕК, 27-окт. — Sputnik. 10-12-ноябрда россиялык компаниялардын бизнес-миссиясы Бишкекте болот. Бул тууралуу Россия-кыргыз өнүктүрүү фонду (РКӨФ) билдирди.

Иш-чараны РКӨФ менен Россиянын эксперттик борбору уюштурууда.

"Анын максаты — Кыргызстандагы россиялык өндүрүшчүлөрдүн продукцияларын жайылтуу үчүн көмөктөшүү жана эки өлкөнүн бизнес-коомчулугунун кызматташуусун кеңейтүү. Эл аралык көп багыттуу миссия 10-12-ноябрга белгиленген", — деп айтылат маалыматта.

Иш-чара энергетика, айыл чарба, машина куруу, тышкы экономика, ресурстарды үнөмдөө жана санариптик технология жаатында иштеген россиялык жана кыргызстандык компаниялардын байланыш түзүүсүнө аянтча болуп бермекчи.

РКӨФ компаниялар бизнес-өнөктөштөргө ээ болуп, иштиктүү байланыштарын кеңейте аларына ишенет.

11
Белгилер:
Россия, бизнес, миссия, Россия-кыргыз өнүктүрүү фонду
Тема боюнча
Россияга товарларды Казакстан аркылуу ташуу. Жаңы эреже макулдашылды
18 млрд. сомдук иштер жасалат. Мэрия Ош шаарын кантип өнүктүрөрүн жарыялады
Министрлер кабинетинин төрагасы Акылбек Жапаров. Архив

Жапаров: жаңы схема беш айда 746 млрд. сом көмүскөгө кетип жатканын аныктады

91
Депутат өлкөдө көмүскө экономика расмий түрдө 26 пайызды түзөрүн, расмий эмес маалымат боюнча 40 пайыздан ашарын айтты.

БИШКЕК, 27-окт. — Sputnik. Кыргызстанда электрондук эсеп-фактурасы киргизилгенден кийин беш айда 746 миллиард сом көмүскөгө кетери аныкталды. Бул туурасында министрлер кабинетинин төрагасы Акылбек Жапаров билдирди.

Депутат Мирлан Жээнчороев көмүскө экономика расмий түрдө 26 пайызды, расмий эмес маалымат боюнча 40 пайыздан ашарын айтты.

"Бул жерде 2-3 миллиард доллар жөнүндө сөз болууда. Эгер сиздердин планыңар ишке аша турган болсо бюджетке канча салык түшөт? Көмүскөдөгү 26 пайызды ачыкка чыгара аласыздарбы?", — деп сурады депутат.

Жапаров бул багытта 1-июлдан тарта электрондук эсеп-фактурасын киргизилгенин билдирди.

"Андан соң биз мурда көрбөгөн экономиканы көрө баштадык. Төрт-беш айда акча жүгүртүү 1 триллион 222 миллиард сомду түздү. Анын ичинен 746 миллиард сому патентке бөлүнөт экен, башкача айтканда, көмүскө жакка кетет. Эгер жаңы Салык кодексин кабыл алсак, электрондук эсеп-фактурасын, контролдук-кассалык машианаларды иштетип турсак, кошумча 50 миллиард сомдон түшүүнү камсыздап берет", — деди министрлер кабинетинин төрагасы.

Ошондой эле ал мындан ары туура эмес схемалардан баш тартып, баарын ачык-айкын жасай турганын белгиледи.

91
Белгилер:
Кыргызстан, Акылбек Жапаров, көмүскө, акча, зыян
Тема боюнча
Жакында 453 айыл өкмөттүн башчысы жаңы унаалуу болушу мүмкүн. Жапаровдун планы
Жапаров Бажы кызматынын жаңы жетекчиси кандай милдет менен дайындалганын айтты
Маданият, маалымат, спорт жана жаштар саясаты министринин орун басары Чыңгыз Эсенгул уулу

Чыңгыз Эсенгул уулу маданият министрине орун басар болду

0
(жаңыланган 14:29 27.10.2021)
Эсенгул уулу 2016-2020-жылдар аралыгында өкмөттө иштеген. Эми ал министрдин орун басары катары маалыматтык саясатты көзөмөлдөйт.

БИШКЕК, 27-окт. — Sputnik. Чыңгыз Эсенгул уулу маданият, маалымат, спорт жана жаштар саясаты министринин орун басары кызматына дайындалды. Бул тууралуу министрликтин маалымат кызматы билдирди.

Аны жамаатка президенттин аппаратынын саясий жана экономикалык изилдөөлөр бөлүмүнүн башчысы Алмаз Исанов тааныштырды.

Жаңы дайындалган жетекчи министрдин орун басары катары маалыматтык саясатты көзөмөлдөйт. Буга чейин бул милдетти аркалап келген Ильяз Балташев кызматтан алынган.

Эсенгул уулу 2016-жылы ошол кездеги премьер-министр Сооронбай Жээнбековдун маалымат катчысы болуп эмгектенген. 2017-жылдан тарта өкмөттүн маалымат кызматынын жетекчиси болуп иштеген. 2020-жылдын октябрь айындагы окуялардан улам премьер-министр Кубатбек Боронов кызматын тапшыргандан кийин Эсенгул уулу да жумуштан кеткен.

Чыңгыз Эсенгул уулу Коомдук телерадиоберүү корпорациясында (КТРК), Транспорт жана коммуникация, Тышкы иштер министрликтеринин маалымат кызматында иштеп келген.

0
Белгилер:
Кыргызстан, дайындоо, министр, орун басары, Чыңгыз Эсенгул уулу
Тема боюнча
Россия менен АКШда окуган. Экономика министринин жаңы орун басары дайындалды
Нарын шаарына 31 жаштагы Арслан Сталбек уулу мэр болду