Эт кесип жаткан адам. Архив

Гонконг менен Түркия Кыргызстандан малдын ич этин көп ала баштады

1225
Кыргызстан ушул жылдын январь-июнь айларында малдын жүздөгөн тонна ичеги-кардын сыртка саткан. Египет жаңы кардарлардын катарын толуктады.

БИШКЕК, 16-авг. — Sputnik. Өлкө биринчи жарым жылдыкта малдын 541,9 тонна ичеги-кардын чет мамлекетке саткан. Бул тууралуу Улуттук статистика комитетинин маалыматында жазылды.

Мекеме "Жаныбарлардын ич эти" товардык номенклатурасы боюнча маалымат берди. Алар жалпысынан 502,7 миң долларга бааланды.

Кыргызстандан ичеги-карын алган мамлекеттер:

  • Гонконг (Кытайдын аймактык району) — 360,7 тонна (өткөн жылдын ушул мезгилинде 266,2 тонна алышкан);
  • Вьетнам — 84 тонна (251,8);
  • Түркия — 77,4 тонна (10,6);
  • Египет — 19,8 тонна (0).

Былтыр ушул жылы 402,4 миң долларга 550,6 тонна ич эт экспорттолгон. Мында Гонконг менен Түркия көп сатып алып баштаса, Вьетнамга, тескерисинче, аз жиберилген. Ал эми Египет жаңы кардардын катарын толуктады, Мьянма такыр эле албай калган.

1225
Белгилер:
Кыргызстан, мал, ичеги, экспорт
Тема боюнча
Алишеров: ЕАЭБге экспорт өткөн жылга салыштырмалуу 70%га өстү
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

42
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

42
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме
Иран желеги. Архив

ЕЭК министри ЕАЭБ менен Ирандын макулдашуусунун пайдалуу жактарын айтты

33
(жаңыланган 15:10 07.12.2021)
ЕАЭБ менен Ирандын ортосундагы соода жүгүртүү өсүп жатат. Пандемияга чейинки статистика боюнча экспорт 47, импорт 67 пайызга жогорулаган.

БИШКЕК, 7-дек. — Sputnik. ЕАЭБ менен Ирандын ортосундагы убактылуу макулдашууну ишке ашыруу эки тараптын тең соода-сатыгына жакшы таасирин тийгизет. Бул тууралуу Евразия экономикалык комиссиянын (ЕЭК) соода боюнча министри Андрей Слепнев кабарлады.

ЕЭКтин маалымат кызматы билдиргендей, министр Ирандын Россиядагы элчиси Казем Жамали менен жолуккан.

Тараптар Евразия экономикалык биримдиги менен Ирандын ортосунда эркин соода жүгүртүүгө шарт түзгөн убактылуу келишим соода-экономикалык кызматташтыкты өнүктүрүүгө өбөлгө болорун белгилешкен.

Генеральный директор Российского экспортного центра Андрей Слепнёв во время пресс-подхода по итогам бизнес-диалога Россия – Африка в рамках Петербургского международного экономического форума 2019 (ПМЭФ-2019).
© Sputnik / Александр Гальперин
Евразия экономикалык комиссиянын (ЕЭК) соода боюнча министри Андрей Слепнев
"2021-жылдын январь-август айларында ЕАЭБ менен Ирандын ортосундагы соода жүгүртүү өткөн жылдын ушул мезгилине салыштырмалуу 60 пайызга өстү. ЕАЭБге мүчө мамлекеттердин экспорту 80 пайызга жогорулап, 1,12 миллиард доллардан 2 миллиардга чейин жетти. Импорттун көлөмү 30 пайызга көбөйүп, 803 миллион доллардан 1 миллиардга чыкты", — деди Слепнов.

Ошону менен катар ал соода жүгүртүү пандемияга чейинки статистика боюнча да өсүп жатканын баса белгиледи. 2019-жылкыга салыштырмалуу экспорт 47 пайызга, ал эми импорт 67 пайызга жогорулаган.

Соңунда ЕАЭБ министри менен Ирандын элчиси соода жүгүртүү тууралуу толук форматтуу макулдашуу түзүү боюнча сүйлөшүүлөрдүн жүрүшүн жогору баалап, өз ара иштешүүгө канааттануусун билдирген.

33
Белгилер:
Евразиялык экономикалык биримдик, Иран, макулдашуу, ЕЭК, министр, соода
Тема:
ЕАЭБдеги Кыргызстан
Тема боюнча
Министр Казакбаев Иранды өлкө экономикасына инвестиция жасоого чакырды