РФтин КРдеги элчиси Николай Удовиченко. Архивдик сүрөт

РФ элчиси: Кыргызстан менен Россия кызматташууну дагы күчөтүшү керек

141
(жаңыланган 12:50 19.08.2021)
Удовиченко суу жана гидроэнергетика тармагына көбүрөөк көңүл бурула баштаганын билдирди. Ал ошондой эле Бишкекте россиялык "Институт Гидропроект" ишканасы ачылганын эске салды.

БИШКЕК, 19-авг. — Sputnik. Россия менен Кыргызстандын алдында аткара турган чоң иштер бар. Андыктан кызматташууну эки эсе активдештирүү керек. Бул тууралуу РФтин КРдеги элчиси Николай Удовиченко Чолпон-Атада өтүп жаткан кыргыз-россия форумунда билдирди.

Анын айтымында, Россия адаттагыдай эле Кыргызстандагы өндүрүш базасын өнүктүрүүгө кол кабыш кылууга басым жасоодо.

"Россия-кыргыз өнүктүрүү фондунун каржылоосу менен токтоп калган өндүрүштөр жанданып, жаңылары түзүлдү. Россия эл аралык уюмдар аркылуу дагы жардам берип жатат. Учурда бир нече ири долбоор ишке ашты. Эми жаңы план даярдалып жатат. Жакынкы аралыкта Кыргызстандын өкмөтү тарабынан жактырылып ишке кирет деген үмүттөмүн", — деди элчи.

Удовиченко суу жана гидроэнергетика тармагына көбүрөөк көңүл бурула баштаганын билдирди. Ал ошондой эле Бишкекте россиялык "Институт Гидропроект" ишканасы ачылганын эске салып, чакан жана орто ГЭСтерди куруу мүмкүнчүлүктөрү изилдене турганын кошумчалады.

"Айрым кыйынчылыктардан кийин Россия-кыргыз өнүктүрүү фонду ишин жандантканын канааттануу менен белгилегим келет. Учурда жаңы долбоорлор ишке ашып жатат. Бул фондунун потенциалы дагы да жогорулап, эффективдүү колдонуларына ишенем. Мен биздин ЕАЭБдин алкагындагы кызматташууну идеалдаштырууга даяр эмесмин. Анда экономикалык эмес багыттар боюнча дагы көйгөйлөр толтура. Жеке пикиримде, бизнес конструктивдүү ролун ойношу керек", — деди элчи.

Дипломат дүйнөдөгү жана аймактагы окуялардан улам инфляция процесси тездеп жатканын белгиледи. Ал ушул себептен улам өкмөт менен бизнес-кызматташуунун эффективдүү механизмдерин түзүү багытында ойлонушу керек.

"Биздин алдыбызда күзүндө жана жазында чоң иштерди аткаруу милдети бар. Эгер биз буга чейин активдүү иштешип келсек, эми эки эсе күчөтүү керек. Эң башкысы, аракетибизге көп акыл жумшашыбыз кажет", — деди элчи.

Бизнес-форумдун алкагында Кыргызстандын, Россиянын, Өзбекстандын жана Евразия экономикалык комиссиясынын өкүлдөрү сөз сүйлөйт. Пленардык жыйындан сырткары бир нече панелдик сессияларды өткөрүү пландалган.

141
Белгилер:
Россия-кыргыз өнүктүрүү фонду, кызматташуу, экономика, ГЭС, бизнес
Тема:
III кыргыз-россия бизнес-форуму (9)
Тема боюнча
Ысык-Көлдө кыргыз-россия бизнес-форуму башталды
Тышкы иштер, тышкы соода жана инвестициялар министри Руслан Казакбаев

Министр Казакбаев Иранды өлкө экономикасына инвестиция жасоого чакырды

42
(жаңыланган 10:35 28.10.2021)
Министр Ирандын элчиси менен туристтик байланыштарды өнүктүрүү, авиарейстерди көбөйтүү жана кийинки жылы бир катар иш-чараларды өткөрүүнү сүйлөштү.

БИШКЕК, 28-окт. — Sputnik. Тышкы иштер, тышкы соода жана инвестициялар министри Руслан Казакбаевге Ирандын элчиси Саид Харразини өлкөнүн ТИМинин атынан расмий чакыруу тапшырды. Бул тууралуу министрликтен кабарлады.

Жолугушууда тараптар кыргыз-иран мамилелерин жана кызматташуунун артыкчылыктуу багыттарын кеп кылышкан. Анда Бишкекте Ирандын соода үйүн жана Бандар-Аббас деңиз портунун транзиттик мүмкүнчүлүктөрүн пайдалануу менен Иран — Түркмөнстан — Өзбекстан — Кыргызстан жаңы темир жол коридорун ачууну талкуулашканы айтылды.

Туристтик байланыштарды өнүктүрүү, авиарейстерди көбөйтүү жана иран тараптын Кыргызстандын гидроэнергетикалык долбоорлорун ишке ашырууга катышуусун да сүйлөшүшкөн.

"Мындан сырткары, министр эки өлкөнүн ортосундагы дипломатиялык мамилелердин 30 жылдыгынын алдында, тагыраагы, 2022-жылы Кыргызстан менен Иранда бир катар биргелешкен юбилейлик иш-чараларды өткөрүүнү сунуштады. Эки тарап расмий сапарларга чыгып, Бишкекте кыргыз-иран өкмөттөр аралык комиссиясын 13-жыйынын өткөрүшөт", — деп жазылган маалыматта.

Министр Казакбаев Ирандын компанияларын Кыргызстандын экономикасынын артыкчылыктуу тармактарына, анын ичинде Ысык-Көлдүн туризм инфраструктурасын өнүктүрүүгө инвестиция салууга чакырган.

Жолугушуунун соңунда тараптар Афганистандагы кырдаал боюнча пикир алмашып, өлкөдө туруктуулукту жана коопсуздукту камсыздоого багытталган аракеттерди улантууга даяр экенин билдиришкен.

42
Белгилер:
Кыргызстан, Иран, Руслан Казакбаев, министр, элчи, жолугушуу, экономика, инвестициялар
Тема боюнча
Парламент Салык кодексинин жаңы редакциясын биринчи окууда жактырды
Кыргызстанга россиялык компаниялардын бизнес-миссиясы келет
Сом монеталары. Архив

Парламент Салык кодексинин жаңы редакциясын биринчи окууда жактырды

162
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

162
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси
Капельницалар улануу учурунда. Архив

Бишкекте тамакка ууланган адамдардын саны 300гө жетти

37
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

37
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме