Купюры доллара в машинке для счета денег. Иллюстративное фото

Кыргызстан ЭВФтен 240 миллион доллар алат

614
(жаңыланган 18:49 24.08.2021)
23-августта Эл аралык валюта фондунун бөлүштүрүүчү-директору Кристалина Георгиева тарыхта эң ири СДРди бөлүштүрүү (650 миллиард доллар) күчүнө кирерин айткан.

БИШКЕК, 24-авг. — Sputnik. Кыргызстан 240 миллион доллар алат. Бул тууралуу Эл аралык валюта фондунун (ЭВФ) Бишкектеги кеңсеси билдирди.

Маалыматка караганда, карыз алуунун атайын укуктары (СДР) 170 миллион болсо, азыркы курс менен эсептегенде 240 миллион долларды түзөт.

Кечээ, 23-августта, Эл аралык валюта фондунун бөлүштүрүүчү-директору Кристалина Георгиева тарыхта эң ири СДРди бөлүштүрүү (650 миллиард доллар) күчүнө кирерин айткан.

"Бул нерсе дүйнөлүк экономикага чоң стимул болмокчу. Ал эми туура колдонулган учурда кризистен чыгып кетүүнүн уникалдуу жолу болуп калат", — деди ал.

Георгиева белгилегендей, СДРди бөлүштүрүүнүн арты менен мамлекеттер кымбатка турган ички жана тышкы карыздарын кыскартат.

Өлкөлөр СДРди бөлүштүрүүнүн алкагында берилген каражаттын жардамы менен улуттук экономикасын колдоп, кризис менен күрөшө алат.

"СДР мамлекеттерге Эл аралык валюта фондундагы квотасынын үлүшүнө жараша бөлүштүрүлөт. Демек, болжол менен 250 миллиард доллар өнүгүп жаткан мамлекеттерге берилет. Ал эми кирешеси аз өлкөлөр 21 миллиард долларга жакын алышат. Кээ бир учурда бул сумма ИДПнын алты пайызын түзөт", — деди адис.

ЭВФ экономикасы туруктуу өлкөлөрдү СДРди өз каалоосу менен муктаж мамлекеттерге өткөрүп берүүгө чакырат.

"Акыркы 16 айдын ичинде фондго мүчө мамлекеттер 24 миллиард доллар кредиттик ресурс берүү милдетин алышты. Анын ичинен 15 миллиард доллар өз авуарларынан жакырчылыкты кыскартып, экономиканын өсүшүнө колдоо көрсөтүү үчүн бермей болушту. Бул фонддун каражаты кирешеси аз мамлекеттерге льготалык кредит берүүгө багытталган. Бул башталышы гана, ЭВФ мүчө мамлекеттер менен ушундай шарттарды түзүп берүү боюнча иштей берет", — деди Георгиева.

СДР эл аралык валюталардан түзүлгөн. Ага АКШ доллары, япон йени, евро, фунт стерлинг жана кытай юаны кирет.

614
Белгилер:
Кыргызстан, ЭВФ, кредит
Тема боюнча
ЭВФ Кыргызстандын экономикалык көрсөткүчтөрүнө карап 13,2 млн. доллар берет
Доллар жана евро купюралары. Архив

Чет элдик валюталар менен алтын кымбаттады. Соңку маалымат

54
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 21-сен. — Sputnik. Дүйшөмбү күнү эртең мененкиге салыштырмалуу доллар, евро жана алтындын баасы азыраак жогорулады. Ал эми күйүүчү май ошол бойдон калды.

Банктар жана акча алмаштыруу жайларында доллар менен еврону сатып алуу 5 тыйынга, сатуу 2 тыйынга кымбаттады. Тагыраагы, АКШ акчасы 84,68 сомдон сатып алынып, 84,88 сомдон сатылууда. Еврону сатып алуу 98,91 сом, сатуу 100,23 сомдон болууда. Рубль 1 тыйынга арзандады.

Күйүүчү майдын баасы ошол бойдон кармалып турат:

"Роснефть":

  • АИ-92 — 56,8 сом;
  • АИ-95 — 61,8 сом;
  • Дизель майы — 51,9 сом.

"Газпром нефть Азия":

  • АИ-92 — 56,9 сом;
  • АИ-95 — 61,9 сом;
  • Дизель майы — 51,9 сом.

Ал эми алтын кымбаттап, 1 граммы 5 сомго жогору сатылып жатат.

54
Белгилер:
Бишкек, Кыргызстан, алтын, доллар, евро, баалар
Тема боюнча
Бишкекте дагы бир мамлекеттик лабораторияда ПЦР-тест тапшыруу арзандады
Кыргызстандан сыртка 290 млн. доллар которулду. 7 айдын жыйынтыгы
АКШ долларлары. Архив

Кыргызстандан сыртка 290 млн. доллар которулду. 7 айдын жыйынтыгы

40
Учурдагы көрсөткүч өлкө тарыхында рекорд койду. Азыркы сандар өткөн жылдын сегиз айына салыштырмалуу ондогон миллион долларга көп.

БИШКЕК, 21-сен. — Sputnik. Ушул жылдын жети айында Кыргызстандан тышка 291 миллион 980 миң доллар которулду. Бул тууралуу Улуттук банктан билдирди.

Кеп жеке тараптар атайын система аркылуу которгон каражат жөнүндө болуп жатат.

Учурдагы көрсөткүч өткөн жылдын ушул мезгилине салыштырмалуу 32,8 миллион долларга көп.

Ошондой эле бул рекорд экенин ар кайсы жылдагы январь-июль айларындагы маалыматтарды салыштыруу менен байкоого болот:

  • 2020 — 259 миллион 230 миң доллар;
  • 2019 — 291 миллион 970 миң доллар;
  • 2018 — 285 миллион 250 миң доллар.
40
Белгилер:
Кыргызстан, Улуттук банк, каражат, Акча которуулар, көрсөткүч
Тема боюнча
Акчаны кайсы валютада сактаган оң? Жөнөкөй, бирок маанилүү кеңеш
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

0
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

0
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды