Дүкөндө сатылып аткан суу майы. Архивдик сүрөт

Кант менен суу май ташыгандарга берилген жеңилдиктин мөөнөтүн узартуу пландалууда

110
(жаңыланган 12:49 01.09.2021)
1-июлдан тарта ЕАЭБ өлкөлөрүнөн импорттолгон бир катар товарларга кошумча нарк салыгы токтотулган. Анын ичинде 1-июлдан 31-августка чейин кумшекер жана өсүмдүк майы өлкө аймагына салык жана бажы төлөмдөрү жагынан жеңилдик алган.

БИШКЕК, 1-сен. — Sputnik. Кыргызстанга кумшекер, кант тростниги жана суу майды алып кирүүдөгү бажы пошлинасы менен кошумча нарк салыгын токтотуп туруу мөөнөтүн узартуу боюнча токтом долбоору иштелип чыкты. Бул тууралуу министрлер кабинетинен билдиришти.

Эске салсак, 1-июлдан тарта ЕАЭБ өлкөлөрүнөн импорттолгон бир катар товарларга кошумча нарк салыгы токтотулган. Анын ичинде 1-июлдан 31-августка чейин кумшекер жана өсүмдүк майы өлкө аймагына салык жана бажы төлөмдөрү жагынан жеңилдик алган.

Мындан улам Айыл, суу чарба жана аймактарды өнүктүрүү министрлигинде "Кайыңды-Кант" ЖЧКсы, кумшекер импорттоочулар менен Экономика жана финансы министрлигинин өкүлдөрүнүн жолугушуусу болуп өттү.

"Жолугушуунун катышуучулары үч жыл катары менен аба ырайынын шарты жакшы болбой жаткандыктан кант өндүрүүнүн көлөмү дүйнө жүзү боюнча азайып кеткенин айтышты. Андыктан Айыл, суу чарба жана аймактарды өнүктүрүү министрлиги менен Экономика жана финансы министрлиги кант иморттоо үчүн бажы пошлинасы менен товарларга кошумча нарк салыгын нөл пайыз менен калтыруу мөөнөтүн 30-сентябрга чейин, суу майга бул мөөнөттү жыл аягына чейин калтырууну сунуштады", — деп айтылат билдирүүдө.

Өлкөгө ЕАЭБ жана үчүнчү өлкөлөрдөн кант импорттоону каалагандар Айыл, суу чарба жана аймактарды өнүктүрүү министрлигинин 0312 623644, 0557 557529, 0995 754875 номерлерине кайрылса болот.

110
Белгилер:
Кыргызстан, кант, суу, май, бажы, төлөм, салык, жеңилдик
Тема боюнча
Президент Жапаров: жаңы жылдан тарта салыктын бир эле түрү төлөнөт
Кыргызстандын экономика жана финансы министри Акылбек Жапаров. Архивдик сүрөт

Жапаров Лондондогу ассоциациянын "Кыргыз алтын" боюнча чечимине комментарий берди

806
(жаңыланган 23:30 19.09.2021)
Буга чейин "Кыргыз алтын" ишенимдүү жеткирүүчү компаниялардын тизмесинен чыгарылган. Акылбек Жапаровдун айтымында, санкциялар киргенден кийин экономикалык абал дайыма жакшырат.

БИШКЕК, 20-сен. — Sputnik. Кыргызстандын экономика жана финансы министри Акылбек Жапаров Лондондогу Баалуу металлдар рыногунун ассоциациясынын "Кыргыз алтын" ишканасын ишенимдүү жеткирүүчү компаниялардын тизмесинен чыгарганы боюнча комментарий берди.

Кечээ күнү ассоциация мындан ары "Кыргыз алтын" аффинаждык заводунун продукциясын албай турганы маалым болгон.

Жапаровдун айтымында, баары болжолдонгон сценарий боюнча баратат жана Лондон ассоциациясынын чечими күтүлгөн иш болчу.

"Жокко чыгаруу убактылуу гана иш, жакында калыбына келтирилиши мүмкүн экенин белгилеп кетким келет. Канадалыктар Кыргызстандын элине, республиканын экономикасына жана экологиясына келтирген зыяны үчүн кечирим сурап, бардык жоготууларды кайтарып, тынч жол менен кетет деп эч ким күткөн эмес. Алар тараптан башка тоскоолдуктар жана "кыйынчылыктар" болушу мүмкүн экенин айта алам, бул да алдын ала божомолдонууда, биз муну да эске алабыз", — деди Жапаров.

Министр азыркы шарттар мурдагыдан начар болбоорун белгилеген.

"Баштаганда эле биз алтынды жеткирүүнүн жаңы каналдарынын үстүндө иштөөдөбүз. Учурда да сүйлөшүүлөр жүрүп жатат. Азырынча шарттар мурдагыдан начар болбойт деп айта алам. Ошондой эле Нью-Йорктун банкроттук иштер боюнча соту 15-сентябрда Centerra Gold Inc. компаниясынын адвокаттарынын доо арызына Кумтөр кени боюнча Кыргызстандын өкмөтүнө айып пул салуудан баш тартканын да эстен чыгарбоо керек. Бул биздин туура жолдо бара жатканыбыздын дагы бир далили", — деди ал.

Министр кандай болгон күндө да бул кампания бүтүндөй Кыргызстан үчүн оң мультипликативдик эффект берет деп ишенерин айтты.

"Көптөр үчүн бул ачык эмес, бирок санкциялардын киргизилиши менен экономикада кырдаал дайыма жакшырат. Бул нерсе Россияда жана башка көптөгөн өлкөлөрдө болгон. Мындай шарттар технологиялык өнүгүүгө жол ачып, өзүбүздүн инновациялык өндүрүштү пайда кылат жана жаңы экспорттук байланыштарды түзүүгө жардам берет", — деди Жапаров.

Ал ошондой эле көңүлдү зергерчилик индустриясына буруу керектигин белгилеген.

"Биз зергерчилик индустриясын, жогорку сапаттагы өндүрүш базасын, маданиятыбызды өнүктүрүшүбүз керек. Алтынды зергерчиликке сатсак, анын баасы бир нече эсе кымбат болот. Болуп жаткан нерселердин баары баалуу металлдарды колдонгон жогорку технологиялуу өндүрүштөргө жана технологияларга көңүл буруунун эң сонун себеби. Дагы бир, жарым-жартылай парадоксалдуу жагдай пайда болууда. Санкциялар республикада алтынды көбөйтүү үчүн иштейт жана алтын — бул жогорку категориядагы резервдик валюта, алар менен иштөөгө олуттуу эл аралык кредиторлор кубанычта болот", — деди ал.

Жапаров дүрбөлөңгө түшүүгө негиз жок экенин белгиледи.

Кырдаал тууралуу кыскача

Июнь айында LMBA "Кыргыз алтын" тарабынан алдамчылык жасалышы мүмкүн делген фактыны карап жатканын билдирген. Анда канадалык Centerra Gold Inc. компаниясы уюмдун иликтөөсүн кубаттай турганын айткан.

"Кыргыз алтынды" толугу менен кыргыз өкмөтү көзөмөлдөйт. Мындан улам алардын 29 миллион доллар каражатты жасалма төлөм инструкциясын колдонуу менен чыгарып кетүү аракети азыркы администрация жана аны менен бирге иштешип жаткандар биздин келишимди бузуп Кумтөр кенин экспроприациялап, активдерин басып алышынын бир мисалы болуп саналат", — деп жазылган маалыматта.

Буга чейин The Wall Street Journal каржылык кызматтарды көрсөтүү менен алектенген америкалык StoneX Group Inc. компаниясы "Кыргыз алтын" ААКсын 1 миллион долларга сотко бергенин жазган. Доо арыз Лондондогу соттордун биринде каралат. Басылманын маалыматына караганда, үстүбүздөгү жылдын май айында "Кыргыз алтын" жарым тонна алтындын жеткирилишин үзгүлтүккө учуратып, 29 миллион долларды алууга аракет жасаган.

"Кыргыз алтын" мындай дооматтар чындыкка дал келбестигин айтып келет.

806
Белгилер:
Кыргызстан, Акылбек Жапаров, министр, Кыргызалтын, Лондон
Тема боюнча
Лондондогу уюм "Кыргыз алтынды" ишенимдүү компаниялардын катарынан чыгарды

Кымбаттап кетти! Эл көп алган жолтандабастардын баасы

573
Sputnik Кыргызстан ар апта сайын унаа базарындагы машиналардын баасы тууралуу маалымат берип келет. Бул жолу 2020-жылдын декабрынан тарта ушул күнгө чейин суроо-талап күч болгон жолтандабастар менен кроссоверлердин баасына көз жүгүрттүк.
Өлкөдөгү өтүмдүү жол тандабас  менен кроссоверлердин баасы 17.09.2021

Көп сатылган 10 автоунаанын тизмеси:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Volkswagen Touareg;
  • Subaru Forester;
  • Toyota Landcruiser;
  • Kia Sportage;
  • Hyundai Santa Fe.

Тизмедеги машиналардын басымдуу бөлүгү орточо 200-1 000 долларга кымбаттаган. Бул Lexus GX 470, Toyota RAV4, Lexus RX 350, Honda CR-V, Toyota Landcruiser машиналарына тийиштүү.

2007-жылы чыккан Volkswagen Touareg, Subaru Forester, 2011-жылкы Kia Sportage болжол менен 200-1000 долларга арзандаганын көрүүгө болот.

573
Белгилер:
автоунаа, жолтандабас, баалар, базар, суроо-талап
Тема боюнча
Нефтетрейдерлер бензиндин баасы боюнча жакынкы күндөргө прогноз берди
COVID-19 менен ооруган бейтаптар үчүн убактылуу оорукананын реанимациясы

COVID: 58 киши вирус жугузуп, эки бейтап көз жумду

20
(жаңыланган 09:40 20.09.2021)
Кыргызстан боюнча илдет илештиргендердин жалпы саны 177 780ге жетип, анын ичинен 172 261 киши дартты жеңген.

БИШКЕК, 20-сен. — Sputnik. Өткөн суткада Кыргызстанда 58 кишиден коронавирус аныкталып, 72 киши сакайып кетти. Бул тууралуу Республикалык штаб кабарлады.

Жуктургандар:

  • Бишкек – 36;
  • Чүй облусу – 6;
  • Талас облусу – 1;
  • Нарын облусу – 1;
  • Ысык-Көл облусу – 9;
  • Жалал-Абад облусу – 5.

Өлкөдө илдет илештиргендердин жалпы саны 177 780ге жетип, анын ичинен 172 261 киши дартты жеңген.

Акыркы 24 саат ичинде эки киши каза таап, коронавирустан көз жумгандардын саны жалпысынан 2 590го жетти.

Стационарда 591 жана амбулатордук шартта 868 адам дарыланып жатканы кабарланды.

20
Белгилер:
Кыргызстан, коронавирус, статистика
Тема:
Кыргызстандагы коронавирус жуктуруп алгандар
Тема боюнча
Коркпой-этпей алгыла! Мамакеев элди эмдөөдөн өтүүгө үндөдү