Докуменке кол коюп жаткан Кыргызстандын президенти Садыр Жапаров. Архив

Кыргызстанда турукташтыруу фонду түзүлөт. Максаты

72
Фонд өлкөнүн социалдык-экономикалык туруктуу өнүгүүсүн камсыз кылуу, жагымсыз тышкы факторлордун таасиринен экономиканын көз карандылыгын төмөндөтүү максатында түзүлмөкчү.

БИШКЕК, 3-сен. — Sputnik. Мамлекет башчы Садыр Жапаров Кыргызстандын турукташтыруу фондун түзүү жөнүндө жарлыкка кол койду. Бул тууралуу президенттин маалымат кызматы кабарлады.

Билдирмеге караганда, фонд өлкөнүн социалдык-экономикалык туруктуу өнүгүүсүн камсыз кылуу, кечиктирилгис иш-чараларды каржылоо жана жагымсыз тышкы факторлордун таасиринен экономиканын көз карандылыгын төмөндөтүү максатында түзүлмөкчү.

Жарлык боюнча министрлер кабинетине берилген тапшырмалар:

  • Кыргызстандын турукташтыруу фондун түзүү. Ал республикалык бюджеттин чыгымдарынын корголгон беренелерин каржылоодогу эки айлык керектөөнү жабуу резервин камтыйт;
  • бул жарлыкты ишке ашыруу үчүн зарыл болгон ченемдик укуктук актылардын долбоорун Жогорку Кеңештин кароосуна киргизүү.
72
Белгилер:
Кыргызстан, Садыр Жапаров, фонд
Тема боюнча
Садыр Жапаров жөлөк пулдардын көлөмүн көбөйттү. Ким канча алат?
Жапаров чакан жана орто ишкердик субъектилерге колдоо көрсөтүү боюнча жарлыкка кол койду
Жапаров өкмөткө октябрдан тарта пенсияны жогорулатууну тапшырды
Канал куруу иштери. Архивдик сүрөт

Министрлер кабинети: сугат объектилерин оңдоого 100 млн. сом бөлүнөт

47
(жаңыланган 17:53 16.09.2021)
Бөлүнгөн каражатка дыйкандарды сугат суу менен камсыздоо максатында суу чарба объектилерин оңдоо иштери жүргүзүлөрү айтылды.

БИШКЕК, 16-сен. — Sputnik. Апрель-июль айындагы нөшөрлөгөн жаандын, селдин кесепетинен талкаланган ирригациялык объектилерди капиталдык оңдоодон өткөрүү жана калыбына келтирүү иштерин жүргүзүү үчүн республикалык бюджеттен 100 миллион сом бөлүнөт.

Өкмөттүн маалымат кызматы буга тиешелүү чечимге министрлер кабинетинин төрагасы Улукбек Марипов кол койгонун билдирди.

"Бөлүнгөн каражатка дыйкандарды сугат суу менен камсыздоо максатында суу чарба объектилерин оңдоо иштери жүргүзүлөт. Айыл, суу чарба жана аймактарды өнүктүрүү министрлигине караштуу Суу ресурстары мамлекеттик агенттигине 2021-жылга каралган оңдоо-калыбына келтирүү иштерин жыйынтыктоону камсыздоо милдети тапшырылды", — деп айтылган маалыматта.

Кыргызстанда быйыл кургакчылык болгонуна байланыштуу түшүмдүүлүк да төмөн болору күтүлүп жаткандыгын буга чейин Айыл, суу чарба жана аймактарды өнүктүрүү министрлиги да билдирген эле.

47
Белгилер:
Кыргызстан, Улукбек Марипов, жамгыр, каражат
Тема боюнча
Кыргызстанда дан эгиндеринин түшүмү эки эсе азайды. Статистика
Алтын куймалары. Архив

Тонналап экспорттолчу. Кыргызстан июлда бир дагы грамм алтын саткан жок

786
(жаңыланган 12:34 16.09.2021)
Эгер үстүбүздөгү жыл менен өткөн жылдын жети айындагы маалыматтарды салыштыра турган болсок, ортодогу айырма 7 тонна 588,6 килограммды түзүүдө.

БИШКЕК, 16-сен. — Sputnik. Улуттук статистика комитетинин маалыматына караганда, Кыргызстан июль айында бир дагы грамм алтын экспорттогон эмес.

Январь-июнь айындагы экспорт 4 тонна 141 килограмм 879,4 граммды түзгөн. Бул көлөм 234 миллион 909,7 миң долларга бааланган.

Алтындын экспорту боюнча январь-июль айындагы көрсөткүч ушул бойдон калган (4 тонна 141 килограмм 879,4 грамм). Статкомдун маалыматы боюнча, өткөн жылдын июль айында 1 тонна 390 килограмм баалуу металл сатылган.

Белгилей кетсек, июнь айында чет өлкөгө 6,2 килограмм алтын экспорттолгон.

Эгер үстүбүздөгү жыл (4,1 тоннадан ашык) менен өткөн жылдын жети айындагы (11,7 тонна) маалыматтарды салыштыра турган болсок, ортодогу айырма 7 тонна 588,6 килограммды түзүүдө. Башкача айтканда, быйыл январь-июль айынын аралыгында алтын 7,6 тоннага аз экспорттолгон.

Sputnik Кыргызстан агенттиги алтын сатуунун көлөмүнүн азайып кетишинин себебин сурап "Кумтөр голд компани" ишканасына кайрылды.

Экспорттун төмөндөшү боюнча божомол

Мамлекеттик органдар өткөн жылы эле 2021-жылы баалуу металлдарды казып алуунун көлөмү төмөндөй турганын болжогон. Экономика министрлигинин маалыматына караганда, Кумтөр менен Талды-Булак-Сол-Жээк кенинин алтын азыраак жеринен казуу иштери жүргүзүлөт. Мындан сырткары, "Кыргыз алтын" өндүрүшүн консервациялоо күтүлүп жатат. Анткен менен Жер-Үй (ишке кирди) жана Чаарат кендерин иштетүү пландалып жаткан.

Эске салсак, май айында Кумтөр кенине тышкы башкаруу киргизилген. Жаңы администрациянын берген маалыматына караганда, кен пландык режимде иштеп жатат жана казуу иштеринин көрсөткүчүн кармап турууга ниет кылууда.

786
Белгилер:
Кыргызстан, 'Кыргыз алтын' ишканасы, кен, алтын, статистика
Тема боюнча
"Кумтөр": Centerra Кыргызстанды дүйнө коомчулугунун алдында каралап жатат
Уран кенин иштетүүгө уруксат берилбейт. Министрликтин билдирүүсү
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

0
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

0
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди