Министрлер кабинетинин төрагасы Улукбек Марипов Түркиянын вице-президенти Фуат Октай менен жолугушу

Кыргызстан Түркия менен инвестициялык фонд түзүүнү сунуштоодо. Видео

112
(жаңыланган 13:33 10.09.2021)
Бишкекте Кыргыз-түрк өкмөттөр аралык комиссиянын X кеңешмесинен тышкары "Маариф" мектебинин ачылышы пландалууда.

БИШКЕК, 10-сен. — Sputnik. Түркия менен келечектүү орто жана чакан долбоорлорду ишке ашыруу үчүн инвестициялык фонд түзүүнү сунуштайбыз. Бул туурасында министрлер кабинетинин төрагасы Улукбек Марипов Түркиянын вице-президенти Фуат Октай менен жолукканда айтты.

Өкмөттүн маалымат кызматы Октайдын өлкөгө Соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмесине катышуу үчүн келгендигин билдирди.

"Кыргызстан Түркияны стратегиялык өнөктөш катары карайт. Бизди тилибиз, динибиз, бир туугандык жана достук мамилелерге негизделген байыркы тарыхый-маданий байланыштарыбыз бириктирип турат. Үстүбүздөгү жылы эки өлкө ортосунда дипломатиялык мамилелердин түзүлгөнүнө 30 жыл толот. Биз түрк тарапка бул мезгилде көрсөтүлгөн ар тараптуу колдоосу үчүн ыраазычылык билдиребиз. Соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмеси ийгиликтүү өтөрүнө жана натыйжасы жакшы болоруна ишенем", — деген Марипов.

Министрлер кабинетинин башчысы Түркия Кыргызстандын бирден-бир ири соода-экономикалык өнөктөшү болуп саналарын айткан.

Председатель Кабинета Министров Улукбек Марипов встретился на X заседании Межправительственной кыргызско-турецкой комиссии по торгово-экономическому сотрудничеству. 10 сентября 2021 года
© Пресс-служба правительства / Алишер Алиев
Министрлер кабинетинин төрагасы Улукбек Марипов
"Менин пикиримде, биздин өлкөлөр ортосундагы товар жүгүртүү деңгээлин 1 миллиард долларга жеткирүү үчүн күч-аракетти жумшоо зарыл. Келечектүү орто жана чакан долбоорлорду ишке ашыруу үчүн инвестициялык фонд түзүүнү сунуштайбыз", — деген Марипов.

Ал ошондой эле социалдык-гуманитардык тармактагы кызматташтыктын өнүгүп жаткандыгын кошумчалады.

Вице-президент Фуат Октай кыргыз тараптын жылуу кабыл алганы үчүн ыраазычылык билдирип, эки тараптуу мамилелер ар кыл багыттарда ырааттуу өнүгүп жатат деп белгилеген.

Вице-президент Турции Фуат Октай на X заседании Межправительственной кыргызско-турецкой комиссии по торгово-экономическому сотрудничеству. 10 сентября 2021 года
© Пресс-служба правительства / Алишер Алиев
Түркиянын вице-президенти Фуат Октай
"Кыргызстан биз үчүн стратегиялык өнөктөш, бир тууган элбиз. Биздин өлкөлөр ортосундагы товар жүгүртүү көлөмүн 1 миллиард долларга чейин жеткирүү максаты бар, кызматташтыкты чыңдоо үчүн күч-аракет жумшайбыз. Кыргызстанга инвестиция тартууга даярбыз", — деген Октай.

Вице-президент өз ара кызыкчылык туудурган жана социалдык-экономикалык мүмкүнчүлүккө ээ болгон тармактарда стратегиялык өнөктөштүктү тереңдетүүнүн маанилүү экендигин кошумчалаган.

Жолугушуунун жүрүшүндө кызматташтыктын актуалдуу бир нече маселеси талкууланган.

Алар:

  • медициналык багыттагы түрк университеттеринде кыргыз студенттерин окутууга квоталардын бөлүнүшү;
  • Түркиянын ооруканаларында акысыз негизде 150 кыргызстандыкты дарылоо үчүн ар жылкы квота берүүнү жаңыртуу;
  • эки өлкө жарандарынын республикалардын аймагында жүрүү мөөнөтүн узартуу;
  • эмгек ишмердүүлүгү үчүн уруксат берүүчү документтердин наркын паритеттик негизде төмөндөтүү.

Кыргыз-түрк өкмөттөр аралык комиссиясынын X кеңешмесинен тышкары "Маариф" мектебинин ачылышы пландалууда.

112
Белгилер:
Кыргызстан, Түркия, Улукбек Марипов, кызматташуу, Фуат Октай
Тема боюнча
Түркиянын вице-президенти Фуат Октайды Улукбек Марипов тосуп алды. Сүрөт
Кыргызстанга Түркиядан 150 миң доза Sinovac вакцинасы алып келинди. Сүрөт
Жаңы мектеп ачылары күтүлүүдө. Бишкекте кыргыз-түрк бизнес-форуму өтөт
Алтын. Архив

Бажы кызматы Кытайга 17 фура алтын концентратынын чыгып кетиши боюнча үн катты

454
(жаңыланган 21:41 22.09.2021)
Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айткан.

БИШКЕК, 22-сен. — Sputnik. Мамлекеттик бажы кызматы депутат Аккулу Бердиевдин Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти деген билдирүүсү боюнча комментарий берди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажычылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деген Бердиев.

Бажы кызматынан билдиришкендей, “тарифсиз жөнгө салуу чаралары колдонулган бажы операцияларын ишке ашырууда товарды алып кирүү жана чыгуу боюнча уруксат берилген эрежелерди жана Евразия экономикалык комиссиясынын 2015-жылкы чечимине ылайык иш алып барат”.

“Товарды киргизүү жана чыгаруу Кыргызстандын тиешелүү органдары уруксат берген документтин негизинде гана ишке ашырылат. Кыргыз өкмөтүнүн 2016-жылдын 24-мартындагы токтомуна ылайык, тиешелүү органдар "Гик Кайди" ЖЧКсына 2021-жылдын август айынан тарта Кыргызстандын сыртына флотациялык концентрат алып чыгууга уруксат берген. Бажы кызматкерлери жогорудагы уруксат документтерин көрүп туруп концентраттарды чыгаруу боюнча операцияны аткарышкан”, — деп айтылат билдирүүдө.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

454
Белгилер:
Кыргызстан, депутат, Мамлекеттик бажы кызматы, алтын, чек ара
Тема боюнча
Тонналап экспорттолчу. Кыргызстан июлда бир дагы грамм алтын саткан жок
Депутат Аккулу Бердиев. Архив

Депутат: Чоң-Алайдан 17 фура алтын концентратын Кытайга чыгарып кетишти

455
(жаңыланган 15:14 22.09.2021)
Депутат бул жерде чоң акча ойноп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

БИШКЕК, 22-сен. — Sputnik. Чоң-Алай районундагы Алтын-Казык кенинен казылган алтын концентратын 17 фура менен Кытайга чыгарып кетишти. Бул туурасында Жогорку Кеңештин депутаты Аккулу Бердиев билдирди.

Анын айтымында, өткөн жылы "Эркеч-Там" бажысынан 17 фура алтын концентратын мыйзамсыз чыгарып кетип баратканда Финпол тарабынан токтотулуп, кылмыш иши козголгон.

"Кечээ, 21-сентябрда, кытайлар жаңылады деп "Эркеч-Там" менен "Достук" бажысы аркылуу чыгарып кетиптир. Министр, бажылардын деңгээлиндеги коррупция токтобой жатат. Ал иш сотто экенине карабай "Кайди" компаниясы коррупциялык жолдор менен эскирген лицензиясын жаңылап алыптыр. Бажы кызматынын башчысы Самат Сатаровичке чалсам "мен билбей калыптырмын, балдар чыгарып жибериптир. "Эркеч-Тамдан" эмес, "Достуктан" өткөрүп поездге жүктөп кетиптир" дейт. Мындай боло берсе мамлекет оңолушу кыйын болот", — деди Бердиев.

Депутат бул жерде чоң акча жүрүп жатканын белгилеп, чыгарылып кеткен алтын концентратынын болжолдуу суммасы 253 миллион долларды түзөрүн айтты.

Буга байланыштуу эл өкүлү башкы прокурор Курманкул Зулушевге кайрылып, ишти тыкыр текшерүүнү өтүндү.

455
Белгилер:
алтын, Чоң-Алай, чыгарып кетүү, Аккулу Бердиев
Тема боюнча
УКМК "Кумтөрдү" иштетүүдө 200 млн. доллар чыгарып кеткендерге издөө жарыялады
Тонналап экспорттолчу. Кыргызстан июлда бир дагы грамм алтын саткан жок
Кан тапрышып жаткан адам. Архив

COVID болгондор жана вакцина алгандар канча убакытта кан тапшыра алары айтылды

0
Бейтап коронавирустун формасына жараша донор боло алат. Илдеттин орто жана оор формасы менен ооругандарга кан тапшырууга көпкө чейин болбойт.

БИШКЕК, 23-сен. — Sputnik. Коронавирус менен ооругандан кийин жана вакцина сайдырган соң канча убакытта кан тапшырса болорун Республикалык кан борборунун медициналык иштери боюнча директорунун орун басары Айганыш Сатыбалдиева брифинг учурунда айтып берди.

Анын билдиргенине караганда, коронавирустук инфекциянын жеңил түрү менен ооруп айыккандар 30 күндөн кийин кайрадан кан тапшыра алышат. Ал эми вирустун орто жана оор формасы менен ооругандарга кан жана анын компоненттерин тапшырууга алты айга чейин тыюу салынат.

"Эмдөөдөн кийин качан кан тапшырса болору буйрукта бекитилген эмес. Бирок бизге белгилүү болгондой, кан бергенден кийин анын клеткалык элементтери — эритроциттер, лейкоциттер жана тромбоциттер калыбына келиши керек, бул төрт жумадан алты жумага чейин созулат. Ошондуктан эмдөөдөн бир айдан ашык убакыт өткөндөн кийин кан тапшырсаңыз болот", — деди Сатыбалдиева.

Ал медициналык жайлар дагы деле донорлорго муктаж экенин айтып, коронавирустан толук айыгып, вакцина алгандарды кан тапшырууга чакырды.

0
Белгилер:
Айганыш Сатыбалдиева, коронавирус, эмдөө, донор, кан тапшыруу
Тема:
Кыргызстандагы коронавирус
Тема боюнча
COVID-19дан кийин чачтын түшүшүн кантип токтотсо болот? Трихологдун кеңеши