Бишкек шаарында соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмесинин алкагында Кыргызстан — Түркия бизнес форуму өттү

Бишкектеги кыргыз-түрк форумуна 300дөн ашуун компания катышты

177
(жаңыланган 17:53 10.09.2021)
Эки өлкөнүн ишкерлери энергетика, айыл чарба, тоо-кен өнөр жайы тармактары боюнча маселелерди талкуулады.

БИШКЕК, 10-сен. — Sputnik. Бишкек шаарында соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмесинин алкагында Кыргызстан — Түркия бизнес-форуму өттү. Бул тууралуу өкмөттүн маалымат кызматы билдирди.

  • Председатель Кабинета Министров Кыргызстана Улукбек Марипов во время Х заседании Межправительственной кыргызско-турецкой комиссии в Бишкеке
    Бишкек шаарында соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмесинин алкагында Кыргызстан — Түркия бизнес форуму өттү
    © Пресс-служба правительства / Алишер Алиев
  • Председатель Кабинета Министров Кыргызстана Улукбек Марипов во время Х заседании Межправительственной кыргызско-турецкой комиссии в Бишкеке
    Ишкерлердин жолугушуусуна министрлер кабинетинин төрагасы Улукбек Марипов жана Түркиянын вице-президенти Фуат Октай катышты
    © Пресс-служба правительства / Алишер Алиев
  • Участники Х заседания Межправительственной кыргызско-турецкой комиссии в Бишкеке
    Форумдун жүрүшүндө болжол менен 250дөй ата мекендик жана 90дон ашуун түркиялык компания өкүлдөрү энергетика, айыл чарба тармагындагы, тоо-кен өнөр жайына инвестицияларды тартуу, мамлекеттик-жеке өнөктөштүккө негизделген долбоорлорго тийиштүү маселелерди талкуулады
    © Пресс-служба правительства / Алишер Алиев
  • Председатель Кабинета Министров Кыргызстана Улукбек Марипов во время Х заседании Межправительственной кыргызско-турецкой комиссии в Бишкеке
    Марипов бир тууган Түркия менен эки тараптуу мамилелерди чыңдоо үчүн күч-аракетин жумшоого даярдыгын билдирди жана инвесторлорду өлкөгө чакырды.
    © Пресс-служба правительства / Алишер Алиев
1 / 4
© Пресс-служба правительства / Алишер Алиев
Бишкек шаарында соода-экономикалык кызматташтык боюнча кыргыз-түрк өкмөттөр аралык комиссиясынын X кеңешмесинин алкагында Кыргызстан — Түркия бизнес форуму өттү

Ишкерлердин жолугушуусуна министрлер кабинетинин төрагасы Улукбек Марипов жана Түркиянын вице-президенти Фуат Октай катышты.

Форумдун жүрүшүндө болжол менен 250дөй ата мекендик жана 90дон ашуун түркиялык компания өкүлдөрү энергетика, айыл чарба тармагындагы, тоо-кен өнөр жайына инвестицияларды тартуу, мамлекеттик жеке өнөктөштүккө негизделген долбоорлорго тийиштүү маселелерди талкуулады.

Марипов бир тууган Түркия менен эки тараптуу мамилелерди чыңдоо үчүн күч-аракетин жумшоого даярдыгын билдирди жана инвесторлорду өлкөгө чакырды.

Өз кезегинде Октай Түркия да эки тараптуу мамилелерди чыңдоого даяр экенин, ошондой эле биргелешкен долбоорлорду ишке ашырууда, көйгөйлүү маселелерди чечүүдө аталган форумдун маанилүүлүгүн белгиледи.

177
Белгилер:
Түркия, Кыргызстан, Улукбек Марипов, Бизнес форум
Тема боюнча
Түркиянын вице-президенти Фуат Октайды Улукбек Марипов тосуп алды. Сүрөт
Россия-кыргыз өнүктүрүү фондунун башкаруучулугунун мүчөсү Бакыт Курманбеков. Архив

Курманбеков: Россия-кыргыз өнүктүрүү фонду чакан ГЭС курууну колдойт

15
(жаңыланган 12:55 26.09.2021)
Россия-кыргыз өнүктүрүү фондунун башкаруучулугунун мүчөсү Бакыт Курманбеков РКӨФ чакан ГЭС куруу долбоорлорун каржылоого артыкчылык берерин айтты.

Баткен жана Талас облустарында чакан жана ири ГЭСтерди куруу боюнча долбоорлор каралып, бизнес-план иштелип жатат. Мындай маалыматты Бакыт Курманбеков Sputnik Кыргызстан радиосунун эфиринде маек куруп жатып билдирди.

Курманбеков: Россия-кыргыз өнүктүрүү фонду чакан ГЭС курууну колдойт

Анын айтымында, алыскы аймактарда жеңил өнөр жайга басым жасалууда.

"Россия-кыргыз өнүктүрүү фонду насыялык каржылоону энергетика тармагына салууда. Өзгөчө кичи гидроэлектр станцияларын куруу боюнча долбоорлорго артыкчылык берилип жатат. Биздин абдан чоң гидрологиялык потенциалыбыз бар. Учурда Баткенге чакан ГЭС куруу пландалууда. Ал боюнча тиешелүү иштер жүрүп, жабдуулар орнотула баштады. Мындан тышкары, Таласта көзөмөлдө ири ГЭС долбоору турат, ага бизнес-план иштелип чыгууда. Жакында гана өлкө башчы Ысык-Көлдө эки тигүү цехин ачып келди. Көбүнесе алыскы аймактарда аялдарды колдоо максатында да иш жүргүзүп жатабыз. Фонд насыяларды узак мөөнөткө бергенге аракет кылып, пайыздарын да төмөндөтүү боюнча иштерди жасап келет", — деди Курманбеков.

Ошондой эле адис Россия-кыргыз өнүктүрүү фонду ишкерлер үчүн атайын маалыматтык кампания уюштуруп, бизнес-план түзүп, долбоорлордун ишке ашышына көмөк көрсөтөрүн кошумчалады.

Подкасттын толук вариантын видеодон көрүңүз:

15
Белгилер:
Бакыт Курманбеков, Россия-кыргыз өнүктүрүү фонду, насыя, ишкерлик, өнүктүрүү
Тема боюнча
Кыргызстанда ишкер аялдар үчүн онлайн-платформа ачылды
Акча жана көз айнек. Архивдик сүрөт

Тартыштык 9,1 миллиард сом. Кыргызстандын 2022-жылга карата бюджетинин божомолу

402
(жаңыланган 14:00 25.09.2021)
Аткаруу бийлигинин башчысы айткандай, быйыл бир катар маанилүү чыгашалар болгон. Анын катарында айлык-маяналарды жогорулатууга бөлүнгөн каражат бар.

БИШКЕК, 25-сен. — Sputnik. Министрлер кабинетинин жыйынында "Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө" мыйзам долбоору каралды. Бул тууралуу өкмөттүн маалымат кызматы билдирди.

Өкмөт башчы Улукбек Мариповдун айтымында, 2022-жылга республикалык бюджеттин жалпы кирешеси мамлекеттик инвестициялар грантын эске алганда 203,6 миллиард сом же ИДПга карата 28,5 пайыз деңгээлинде болжолдонууда.

2021-жылга белгиленген бюджетке салыштырмалуу мамлекеттик бюджеттин кирешеси номиналдык көрсөткүчтө 30,7 миллиард сомго жогорулайт. Республикалык бюджеттин 2022-жылдагы жалпы чыгаша көлөмү 212,7 миллиард сом деңгээлинде (ИДП карата 31,3 пайыз) белгиленүүдө. Демек, мында тартыштык 9,1 миллиард сомду түзөт.

Марипов белгилегендей, быйыл бир топ маанилүү чыгымдар болду. Анын ичинде медицина, маданият жана аскер кызматкерлеринин айлык маянасы жогорулатылды.

"Көптөн бери биринчи жолу аскерлердин тамак рациону жакшыртылды, азык-түлүк коопсуздугун камсыздоого, ошондой эле кыргыз-тажик мамлекеттик чек арасындагы окуялардан кийин Баткен облусун калыбына келтирүүгө каражат бөлүндү. Коронавирустук инфекцияга каршы вакцина сатып алынды, 1-октябрдан тарта пенсиянын жана социалдык төлөмдөрдүн базалык жана камсыздандыруу бөлүгү жогорулатылат. Мындан тышкары, мамлекет айлыкты жана пенсияны төлөө боюнча социалдык милдеттенмелерин толук аткарууда. Мунун бардыгы экономиканы пандемиядан кийинки кризистен калыбына келтирүү менен катар жүрүп жатат", – деген Марипов.

Ал кошумчалагандай, фискалдык системаны санариптештирүү олуттуу натыйжаларды берип жатат – Салык кызматы салык боюнча белгиленген планды 105 пайызга аткарды.

"Бажы кызматынын иши жөнүндө айта турган болсок, биз канчалык кадрдык өзгөртүүлөрдү жасабайлы, бажы системасын толугу менен автоматташтырбасак, иш оңолбойт. Биз бажы кызматы менен бизнес өз ара байланышпаган процессти түзүшүбүз керек. Жакын арада бажы декларациясын дистанциялык түрдө толтуруу системасы ишке киргизилиши керек", – деген ал.

Талкуунун жыйынтыгы боюнча келип түшкөн сунуштарды жана сын-пикирлерди эске алуу менен "Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө" мыйзам долбооруна макулдук берүү чечими кабыл алынды.

Бюджетти кабыл алуу үчүн парламент менен президенттин макулдугу керек.

402
Белгилер:
Министрлер кабинети, бюджет, киреше, чыгаша, Улукбек Марипов, экономика, Кыргызстан
Тема боюнча
Медиктердин айлыгын көбөйтүүгө бюджеттен канча каражат кеткени айтылды
Алмаз Мамбетов Ош шаарынын бюджетин 500 млн. сомго көбөйтүү тапшырмасын берди
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

6
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

6
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты