Бет кап тигүүчү цех. Архивдик сүрөт

Пандемиянын Кыргызстандагы ишканаларга тийгизген таасири. Статистика

163
(жаңыланган 15:40 14.09.2021)
Былтыр республиканын экономикасында финансы-чарбалык ишмердүүлүктү 22 миң ишкана менен уюмдар алып барган.

БИШКЕК, 14-сен. — Sputnik. Былтыркы жылдын жыйынтыгы менен алганда кыргызстандык ишканалардын үчтөн биринен аз бөлүгү рентабилдүү болгон. Бул туурасында Статистика боюнча улуттук комитеттен билдиришти.

Ведомствонун маалыматына таянсак, былтыр компаниялардын ишмердүүлүгүндө өсүш болгон деп мүнөздөлгөн. Алар жылдын жыйынтыгы менен киреше алып, андан сырткары, базасын бекемдеп алышкан.

"Бирок оң тенденцияларга карабастан рентабелдүү ишканалардын саны төмөндөгөн. Акыркы беш жылда сальдолоштурулган пайданын эң аз көлөмү жана операциялык эмес ишмердүүлүктөгү эң чоң чыгым байкалган. Муну менен бирге өз ара төлөмдөрдүн өсүү тенденциясы, ишканалардын банктарда кредит жана зайымдар боюнча карыздары көбөйгөн тейде калууда", — деп айтылат маалыматта.

Начар тенденциялардын калыптанышына республикада COVID-19дун пандемиясына байланыштуу карантиндик жана чектөөчү чаралардын киргизилиши таасир эткени белгиленген.

Эң көп жабыр тарткандар соода, мейманкана жана ресторан бизнеси, туризм бизнеси жана башка тармактар экени белгиленген.

"2020-жылдын жыйынтыгы боюнча, ишканалар 25 миллиард сом пайда тапкан, бул мурдагы жылга салыштырмалуу 2,3 эсеге аз", — деп айтылат маалыматта.

2020-жылы республиканын экономикасында финансылык-чарбалык ишмердиктерди 22 миңден ашык ишканалар жана уюмдар жүргүзгөн.

163
Белгилер:
Кыргызстан, коронавирус, экономика
Тема:
Кыргызстандагы коронавирус (82)
Тема боюнча
Суранбаев: учурда республика боюнча коронавирустук "кызыл" зона жок
Коронавирус кесепетинен улам өйдөлөгөн эки тармак. Статистикалык маалымат
Доллар жана евро купюралары. Архив

Чет элдик валюталар менен алтын кымбаттады. Соңку маалымат

47
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 21-сен. — Sputnik. Дүйшөмбү күнү эртең мененкиге салыштырмалуу доллар, евро жана алтындын баасы азыраак жогорулады. Ал эми күйүүчү май ошол бойдон калды.

Банктар жана акча алмаштыруу жайларында доллар менен еврону сатып алуу 5 тыйынга, сатуу 2 тыйынга кымбаттады. Тагыраагы, АКШ акчасы 84,68 сомдон сатып алынып, 84,88 сомдон сатылууда. Еврону сатып алуу 98,91 сом, сатуу 100,23 сомдон болууда. Рубль 1 тыйынга арзандады.

Күйүүчү майдын баасы ошол бойдон кармалып турат:

"Роснефть":

  • АИ-92 — 56,8 сом;
  • АИ-95 — 61,8 сом;
  • Дизель майы — 51,9 сом.

"Газпром нефть Азия":

  • АИ-92 — 56,9 сом;
  • АИ-95 — 61,9 сом;
  • Дизель майы — 51,9 сом.

Ал эми алтын кымбаттап, 1 граммы 5 сомго жогору сатылып жатат.

47
Белгилер:
Бишкек, Кыргызстан, алтын, доллар, евро, баалар
Тема боюнча
Бишкекте дагы бир мамлекеттик лабораторияда ПЦР-тест тапшыруу арзандады
Кыргызстандан сыртка 290 млн. доллар которулду. 7 айдын жыйынтыгы
АКШ долларлары. Архив

Кыргызстандан сыртка 290 млн. доллар которулду. 7 айдын жыйынтыгы

40
Учурдагы көрсөткүч өлкө тарыхында рекорд койду. Азыркы сандар өткөн жылдын сегиз айына салыштырмалуу ондогон миллион долларга көп.

БИШКЕК, 21-сен. — Sputnik. Ушул жылдын жети айында Кыргызстандан тышка 291 миллион 980 миң доллар которулду. Бул тууралуу Улуттук банктан билдирди.

Кеп жеке тараптар атайын система аркылуу которгон каражат жөнүндө болуп жатат.

Учурдагы көрсөткүч өткөн жылдын ушул мезгилине салыштырмалуу 32,8 миллион долларга көп.

Ошондой эле бул рекорд экенин ар кайсы жылдагы январь-июль айларындагы маалыматтарды салыштыруу менен байкоого болот:

  • 2020 — 259 миллион 230 миң доллар;
  • 2019 — 291 миллион 970 миң доллар;
  • 2018 — 285 миллион 250 миң доллар.
40
Белгилер:
Кыргызстан, Улуттук банк, каражат, Акча которуулар, көрсөткүч
Тема боюнча
Акчаны кайсы валютада сактаган оң? Жөнөкөй, бирок маанилүү кеңеш
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

0
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

0
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды