Күйүүчү май куйуучу жай. Архив

Нефтетрейдерлер бензиндин баасы боюнча жакынкы күндөргө прогноз берди

673
(жаңыланган 15:55 15.09.2021)
Маалыматка караганда, 14-сентябрь күнү айрым май куюучу жайларда күйүүчү майдын бардык түрлөрү 50 тыйынга арзандады.

БИШКЕК, 15-сен. — Sputnik. Жакынкы арада бензин менен дизель майы кымбаттабайт. Бул тууралуу Кыргызстандын Нефтетрейдерлер ассоциациясынан билдирди.

Белгилей кетсек, жарым жыл ичинде күйүүчү майдын баасы 50-70 пайызга көтөрүлдү.

Россия менен Кыргызстандын өкмөттөр аралык макулдашуусуна ылайык, 2021-жылы пошлинасыз 460 миң тонна бензин, 485 миң тонна дизель майы, 100 миң тонна авиакеросин, 50 миң тонна нефть берилиши керек. 1-сентябрга карата 62 миң тонна бензин, 145 миң тонна дизель майынын запасы калды.

Маалыматка караганда, 14-сентябрь күнү айрым май куюучу жайларда күйүүчү майдын бардык түрлөрү 50 тыйынга арзандатылды.

"Нефтетрейдерлерде калкты үзгүлтүксүз камсыздап туруу үчүн күйүүчү майдын запасы 60 күндөн ашык убакытка жетет. Бул бааны көтөрбөй, бир калыпта кармап турууга мүмкүндүк берет", — деп айтылат билдирүүдө.

Нефтетрейдерлер күйүүчү май ЕАЭБдин бардык өлкөлөрүндө кымбаттап жатканын кошумчалады.

673
Белгилер:
бензин, баа, Кыргызстан
Тема боюнча
Автоунаа импорту 3 эсеге азайды. Жарым жылдыкка статистика
Россияда бензиндин баасы бир жылдан бери биринчи ирет төмөндөдү
Доллар жана евро купюралары. Архив

Чет элдик валюталар менен алтын кымбаттады. Соңку маалымат

12
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 21-сен. — Sputnik. Дүйшөмбү күнү эртең мененкиге салыштырмалуу доллар, евро жана алтындын баасы азыраак жогорулады. Ал эми күйүүчү май ошол бойдон калды.

Банктар жана акча алмаштыруу жайларында доллар менен еврону сатып алуу 5 тыйынга, сатуу 2 тыйынга кымбаттады. Тагыраагы, АКШ акчасы 84,68 сомдон сатып алынып, 84,88 сомдон сатылууда. Еврону сатып алуу 98,91 сом, сатуу 100,23 сомдон болууда. Рубль 1 тыйынга арзандады.

Күйүүчү майдын баасы ошол бойдон кармалып турат:

"Роснефть":

  • АИ-92 — 56,8 сом;
  • АИ-95 — 61,8 сом;
  • Дизель майы — 51,9 сом.

"Газпром нефть Азия":

  • АИ-92 — 56,9 сом;
  • АИ-95 — 61,9 сом;
  • Дизель майы — 51,9 сом.

Ал эми алтын кымбаттап, 1 граммы 5 сомго жогору сатылып жатат.

12
Белгилер:
Бишкек, Кыргызстан, алтын, доллар, евро, баалар
Тема боюнча
Бишкекте дагы бир мамлекеттик лабораторияда ПЦР-тест тапшыруу арзандады
Кыргызстандан сыртка 290 млн. доллар которулду. 7 айдын жыйынтыгы
АКШ долларлары. Архив

Кыргызстандан сыртка 290 млн. доллар которулду. 7 айдын жыйынтыгы

33
Учурдагы көрсөткүч өлкө тарыхында рекорд койду. Азыркы сандар өткөн жылдын сегиз айына салыштырмалуу ондогон миллион долларга көп.

БИШКЕК, 21-сен. — Sputnik. Ушул жылдын жети айында Кыргызстандан тышка 291 миллион 980 миң доллар которулду. Бул тууралуу Улуттук банктан билдирди.

Кеп жеке тараптар атайын система аркылуу которгон каражат жөнүндө болуп жатат.

Учурдагы көрсөткүч өткөн жылдын ушул мезгилине салыштырмалуу 32,8 миллион долларга көп.

Ошондой эле бул рекорд экенин ар кайсы жылдагы январь-июль айларындагы маалыматтарды салыштыруу менен байкоого болот:

  • 2020 — 259 миллион 230 миң доллар;
  • 2019 — 291 миллион 970 миң доллар;
  • 2018 — 285 миллион 250 миң доллар.
33
Белгилер:
Кыргызстан, Улуттук банк, каражат, Акча которуулар, көрсөткүч
Тема боюнча
Акчаны кайсы валютада сактаган оң? Жөнөкөй, бирок маанилүү кеңеш
БУУнун Жаштар жана калктын динамикасы программасынын аналитиги Бактыбек Кайназаров. Архив

Кайназаров: демографиялык саясатка көңүл бурулушу зарыл

0
(жаңыланган 10:52 21.09.2021)
БУУнун Жаштар жана калктын динамикасы программасынын аналитиги Бактыбек Кайназаров Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачарын айтты.

Демографиялык саясатты жөнгө салуу учурдагы муктаждыктан келип чыгууда. Мындай пикирин Бактыбек Кайназаров Sputnik Кыргызстан радиосунун эфиринде билдирди.

Кайназаров: демографиялык саясатка көңүл бурулушу зарыл

Анын айтымында, демографиялык саясатты аныктоодо миграцияга өзгөчө көңүл буруу кажет.

"Кыргызстанда 2040-жылга чейинки демографиялык саясаттын концепциясы иштелип чыгышы көп көйгөйлөрдү чечүүгө жол ачат. Аны көптөгөн мамлекеттер түзүп чыгып, ишке ашырып келет. Анткени бул маселе орчундуу. Мисалы, Бангладеш демографиялык саясатты жүргүзүү боюнча үчүнчү этапты аткарып жатат. Территориясы чакан болгонуна карабастан дүйнөдө калкы көп өлкөлөрдүн катарында 8-орунда турат. Ага байланыштуу тамак-аш жетишпестиги болорун да болжоп жатышат. Көйгөйдү чечүү үчүн төрөттү азайтып, энелердин жана балдардын ден соолугуна басым жасаган. Үчүнчү этабында жаштардын потенциалын туура колдонуу боюнча чаралар көрүлүп жатат. Демек, бул маселеге абдан маани берип, мамлекеттик деңгээлде каралышы абзел", — деди Кайназаров.

Ошондой эле адис демография экономика, билим берүү, саламаттык сактоо, жаштар, миграция, гендердик теңчилик жана башка көптөгөн тармактар менен байланыштуу экендигин кошумчалады.

 

0
Белгилер:
демография, саясат, миграция, концепция, Бактыбек Кайназаров
Тема боюнча
Өлкөдө демографиялык саясаттын концепциясы иштелип чыгууда. Максаты