Кыргызстан жана ЕАЭБдин желектери. Архив

Кыргызстандын демилгеси ЕЭКтин отурумунда каралды

70
(жаңыланган 17:37 23.09.2021)
Михаил Мясникович ЕЭКке мүчө өлкөлөрдүн милдети ЕАЭБди өнүктүрүү боюнча иштөө экенин жана келишимдин жоболору менен чектелбестигин белгиледи.

БИШКЕК, 23-сен. — Sputnik. Кыргызстандын демилгеси менен ЕЭК комитети ЕАЭБдеги айырмачылыктарды, талаштуу жагдайларды жоюу, товар жүгүртүүнүн эркиндигин камсыз кылуу боюнча маселени карады. Ал ички рынокто бирдиктүү мамилелер биримдигинин жоктугу жөнүндө кош деңгээлде колдонулуучу жана аскердик багыттагы товарлардын кыймылын көзөмөлдөө эле.

ЕЭКтин маалымат кызматы билдиргендей, натыйжада ЕЭК Коллегиясынын башчысы Михаил Мясниковичтин жалпы принциптер жана биримдиктин ичиндеги көзөмөл механизмдери жөнүндө келишимди иштеп чыгууну демилгелөө сунушу колдоого алынды. Бул маселеге кененирээк мамиле кылууну камсыздап, текшерүү качан жана кантип жүргүзүлөөрүн тараптарга так түшүнүүгө мүмкүндүк берет.

"Комиссиянын жана уюмга мүчө өлкөлөрдүн милдети - ЕАЭБ жөнүндө келишимдин жоболору менен чектелбестен, биримдикти өнүктүрүү боюнча иштөө", — деген Мясникович.

Тиешелүү отчет ЕЭК Кеңешинин отурумунда сунушталаары айтылды.

Комиссия ошондой эле комитеттин жыйынында ЕАЭБде навигациялык пломбаларды колдонуу боюнча келишимдин долбоору тууралуу акыркы пикир келишпестиктер четтетилгенин билдирди. Долбоор боюнча иш болжол менен беш жылдан бери уланып келе жатат, 14-сентябрда ал кеңештин мүчөлөрүнө сунушталган. Бирок талкуунун жыйынтыгында тараптардын айрым сунуштары боюнча бир пикирге келүү мүмкүн болгон жок.

Документтин комитеттин жыйынында талкууланышы макулдашылган позицияларды иштеп чыгууга жана тараптардын бардык сунуштарын эске алууга жардам берди.

"ЕЭК Кеңешинин отурумунун жүрүшүндө долбоорду бир нече ирет өлкөлөр ичинде кайра кароого жөнөтүү чечими кабыл алынды. Ошол эле учурда тараптар аны бир айдын ичинде өткөрүүгө милдеттенме алышты. Биз ушул жылдын аягына чейин ЕАЭБ өлкө башчыларынын кол коюусу үчүн келишимди даярдайбыз деп аракет кылып жатабыз", — деген коллегия төрагасы.

Келишимдин долбоорунда темир жол жана автомобиль транспорту үчүн навигациялык спутник системасынын технологиясынын негизинде иштеген техникалык түзүлүштү колдонуу каралган.

Документ көзөмөлдөө объектилерин, жүктөрдү көзөмөлдөө учурларын жана шарттарын аныктайт.

70
Белгилер:
ЕЭК, Евразиялык экономикалык биримдик, Кыргызстан, демилге, сыноо, навигациялык пломба
Тема:
ЕАЭБдеги Кыргызстан (304)
Тема боюнча
Ибраев: ЕАЭБден экспорттоло турган товарларга эч кандай чектөө жок
ЕАЭБ өлкөлөрү жыл аягына чейин бири-биринин электрондук кол тамгасын тааныйт
Кыргызстандын жана Россиянын мамлекеттик желектери. Архив

Кыргызстанга россиялык компаниялардын бизнес-миссиясы келет

30
(жаңыланган 14:15 27.10.2021)
Иш-чара экономиканын бир нече багыты боюнча иш алып барган россиялык жана кыргызстандык компаниялардын байланыш түзүүсүнө аянтча болуп бермекчи.

БИШКЕК, 27-окт. — Sputnik. 10-12-ноябрда россиялык компаниялардын бизнес-миссиясы Бишкекте болот. Бул тууралуу Россия-кыргыз өнүктүрүү фонду (РКӨФ) билдирди.

Иш-чараны РКӨФ менен Россиянын эксперттик борбору уюштурууда.

"Анын максаты — Кыргызстандагы россиялык өндүрүшчүлөрдүн продукцияларын жайылтуу үчүн көмөктөшүү жана эки өлкөнүн бизнес-коомчулугунун кызматташуусун кеңейтүү. Эл аралык көп багыттуу миссия 10-12-ноябрга белгиленген", — деп айтылат маалыматта.

Иш-чара энергетика, айыл чарба, машина куруу, тышкы экономика, ресурстарды үнөмдөө жана санариптик технология жаатында иштеген россиялык жана кыргызстандык компаниялардын байланыш түзүүсүнө аянтча болуп бермекчи.

РКӨФ компаниялар бизнес-өнөктөштөргө ээ болуп, иштиктүү байланыштарын кеңейте аларына ишенет.

30
Белгилер:
Россия, бизнес, миссия, Россия-кыргыз өнүктүрүү фонду
Тема боюнча
Россияга товарларды Казакстан аркылуу ташуу. Жаңы эреже макулдашылды
18 млрд. сомдук иштер жасалат. Мэрия Ош шаарын кантип өнүктүрөрүн жарыялады
Министрлер кабинетинин төрагасы Акылбек Жапаров. Архив

Жапаров: жаңы схема беш айда 746 млрд. сом көмүскөгө кетип жатканын аныктады

130
Депутат өлкөдө көмүскө экономика расмий түрдө 26 пайызды түзөрүн, расмий эмес маалымат боюнча 40 пайыздан ашарын айтты.

БИШКЕК, 27-окт. — Sputnik. Кыргызстанда электрондук эсеп-фактурасы киргизилгенден кийин беш айда 746 миллиард сом көмүскөгө кетери аныкталды. Бул туурасында министрлер кабинетинин төрагасы Акылбек Жапаров билдирди.

Депутат Мирлан Жээнчороев көмүскө экономика расмий түрдө 26 пайызды, расмий эмес маалымат боюнча 40 пайыздан ашарын айтты.

"Бул жерде 2-3 миллиард доллар жөнүндө сөз болууда. Эгер сиздердин планыңар ишке аша турган болсо бюджетке канча салык түшөт? Көмүскөдөгү 26 пайызды ачыкка чыгара аласыздарбы?", — деп сурады депутат.

Жапаров бул багытта 1-июлдан тарта электрондук эсеп-фактурасын киргизилгенин билдирди.

"Андан соң биз мурда көрбөгөн экономиканы көрө баштадык. Төрт-беш айда акча жүгүртүү 1 триллион 222 миллиард сомду түздү. Анын ичинен 746 миллиард сому патентке бөлүнөт экен, башкача айтканда, көмүскө жакка кетет. Эгер жаңы Салык кодексин кабыл алсак, электрондук эсеп-фактурасын, контролдук-кассалык машианаларды иштетип турсак, кошумча 50 миллиард сомдон түшүүнү камсыздап берет", — деди министрлер кабинетинин төрагасы.

Ошондой эле ал мындан ары туура эмес схемалардан баш тартып, баарын ачык-айкын жасай турганын белгиледи.

130
Белгилер:
Кыргызстан, Акылбек Жапаров, көмүскө, акча, зыян
Тема боюнча
Жакында 453 айыл өкмөттүн башчысы жаңы унаалуу болушу мүмкүн. Жапаровдун планы
Жапаров Бажы кызматынын жаңы жетекчиси кандай милдет менен дайындалганын айтты
Бай киши. Иллюстративдик сүрөт

Акылбек Жапаров Кыргызстандагы бай менен кедейлердин санын айтты

15
(жаңыланган 15:38 27.10.2021)
Өкмөт бай жана жана орто жашаган 1,2 миллион салык төлөөчүнүн эсебинен 200 миң жакыр үй-бүлөнү багары айтылды.

БИШКЕК, 27-окт. — Sputnik. Жогорку Кеңештин депутаты Таабалды Тиллаев Кыргызстанды өнүктүрүү саясаты тууралуу сурады. Учурда парламентте 2022-жылга карата Республикалык бюджеттин долбоору каралып жатат.

Министрлер кабинетинин төрагасы Акылбек Жапаров өлкөнү өнүктүрүү саясаты так аныкталып бүткөнүн белгиледи.

"Кыргызстандын ченеми боюнча 200 миң бай үй-бүлө бар. Бир миллионго жакын орто катмар, 200 миң үй-бүлө кедей жашайт. Мындан кийин өкмөт колунда жоктогуларга түз жардам берет. 200 миңге жакын жакыр үй-бүлөнү, 200 миңдей майып жана жетим-жесирлерди багып алабыз. Ошондо өкмөт бир миллион элди багууну мойнуна алат. Калган орто катмар бирдиктүү салык, байлар өзүнчө тариф менен кымбатыраак төлөйт. Машиналарынын, үйлөрүнүн салыгын көбөйтөбүз. 1,2 миллион салык төлөөчү үй-бүлөнүн эсебинен 200 миң үй-бүлөнү тың багып алабыз", — деди Жапаров.

Аны менен катар ишкерлерге жеңилдетилген, пайызсыз насыялар берилип, машинаны от алдырып жүргүзгөндөн кийин салык сурай тургандай принцип сакталарын белгиледи.

Ошондой эле ал түрмөлөрдө жана ооруканалардагы шарттар да жакшыртыларын кошумчалады.

15
Белгилер:
Акылбек Жапаров, шайлоо, бюджет, бай, кедей
Тема боюнча
Жапаров: жаңы схема беш айда 746 млрд. сом көмүскөгө кетип жатканын аныктады
Пенсия менен жөлөк пул 6300 сомдон жогору болот. Президенттин талабы