Алтын. Архив

Өлкөдөн канча баалуу металл концентраты чыгарылып кетти? Статистика

125
Өлкөдө казылган руда, концентраттарды төрт мамлекетке алып кетишкен. Булардын баасы 66,6 миллион долларды түзөт.

БИШКЕК, 29-сен. — Sputnik. Кыргызстан үстүбүздөгү жылдын жети айында 97,5 миң тонна баалуу металл концентратын жана рудасын чет өлкөгө экспорттоду. Бул тууралуу Улуттук статистика комитети маалымдайт.

Буга чейин ЖК депутаты Аккулу Бердиев былтыр ноябрда "Эркеч-Там" бажысынан кармалган 17 фура алтын концентратын "Достук" (Өзбекстан менен чектешет) посту аркылуу Кытайга чыгарып кеткенин билдирген. Концентрат ташыган компанияга Финпол тарабынан кылмыш иши козголгонуна карабай "Гик Кайди" компаниясы лицензиясын жаңылап алганына нааразы болгон. Ал эми Бажы кызматынын башчысы 17 фура эмес, 14 контейнер болгонун белгилеп, мында мыйзам бузуу болбогонун айтты.

Мындан улам Sputnik Кыргызстан Статкомдун концентрат боюнча соңку маалыматтарын (январь-июль) карап чыкты.

Ага ылайык, быйыл жети айда 97 миң 447,5 тонна баалуу металл рудасы жана концентраты экспорттолгон. Аталган жүк 66,6 миллион долларга бааланган. Бирок металлдардын кайсы түрү чыгарылып кеткенин бөлүп көрсөткөн эмес. Былтыр ушул эле мезгилде 143 миң тонна чыгарылып, баасы 86,2 миллион долларды түзгөн.

Быйыл январь-июнда руда, концентраттар төмөнкү өлкөлөргө чыгарылган:

  • Казакстан — 93 миң 648,2 тонна;
  • Түркия — 2 миң 291,6 тонна;
  • Кытай — 1 504,9 тонна;
  • Канада — 2,8 тонна.
125
Белгилер:
Кыргызстан, баалуу таш, металл, экспорт
Тема боюнча
Мен баарын билгем... Алтын концентраты боюнча Бажы башчысынын маеги видеодо
Мамлекеттик салык кызматынын имараты. Архив

Салык кызматына Финполдун функциялары берилет. Жаңы кодекстин долбоору

156
(жаңыланган 18:41 28.10.2021)
Финпол жоюлгандан кийин салык мыйзамдары жаатындагы кылмыштар үчүн кайсы орган жооп берет деген суроо ачык бойдон калган.

БИШКЕК, 28-окт. — Sputnik. Салык кызматына өз тармагы боюнча кылмыштарды териштирүү укугун берүү сунушталууда. Мындай демилге Салык кодексинин жаңы редакциясынын долбоорунда жазылган.

Учурдагы кодекс боюнча Салык кызматынын органдары салыктык башкаруу жана саясатын ишке ашыруу менен гана алектенет.

Долбоордо КР Кылмыш-жаза процессуалдык мыйзамдарына, башкаруу жана салык мыйзамдарын колдонуу маселелери боюнча ыкчам-издөө иши жөнүндө мыйзамдарына ылайык, тергөө органынын алгачкы функциялары менен сотко чейинки өндүрүштү кошумча аткарары көрсөтүлгөн.

Сотко чейинки өндүрүштү ишке ашырган Салык кызматынын органдары укук коргоо органы статусуна ээ болот.

Долбоордо Экономикалык кылмыштарга каршы күрөшүү боюнча мамлекеттик кызмат жоюлгандан кийин салык мыйзамдары жаатындагы кылмыштар үчүн кайсы орган жооп берет деген суроо ачык бойдон калганы белгиленген.

156
Белгилер:
Мамлекеттик салык кызматы, кылмышкер, кармоо, укук, салык кодекси
Тема боюнча
Электрондук тамеки менен кальяндын салыгы 10 эсе жогорулайт. Жаңы кодекс
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

118
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

118
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене
Кол чатыр көтөрүп көчөдө бараткан кыз. Архив

Жумага карата аба ырайы

0
29-октябрга караган түнү өлкөнүн айрым райондорунда жаан, тоо этектеринде жамгыр, тоолуу райондордо кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-окт. — Sputnik. Жума күнү эртең менен жана күндүз көпчүлүк аймактарда жаан, тоо этектеринде жамгыр, кар жана тоолуу жерлерде кар жаайт. Таластын кээ бир аймактарында жаан-чачын катуу жаашы күтүлөт. Бул тууралуу Кыргызгидромет маалымдады.

Абанын температурасы Чүйдө +7...+12, Талас чөлкөмүндө +8...+13, Ош, Жалал-Абад жана Баткен облустарында +12...+17, Ысык-Көлдө +10...+15, Нарын жергесинде +9...+14 градус болот.

Бишкек менен Ош шаарында мезгил-мезгили менен жамгыр жаайт. Күндүн табы борбор калаада +10...+12, Ошто +15...+17 градуска көтөрүлөт.

0
Белгилер:
аба ырайы, Кыргызстан
Тема боюнча
Жаан жаайбы? Дем алышка карата аба ырайы