Кумтөр Голд Компани. Архивдик сүрөт

Жапаров, Ташиевдер Centerra жетекчилиги менен жолукту. Сүйлөшүүнүн жыйынтыгы

2803
(жаңыланган 11:42 02.10.2021)
Кыргыз тарапка Centerra компаниясынын жетекчиси кат жолдоп, түзүлгөн кырдаал боюнча нейтралдуу аймакта сүйлөшүүгө чакырган.

БИШКЕК, 2-окт. — Sputnik. Швейцариянын Женева шаарында Кумтөр маселеси боюнча сүйлөшүүлөрдүн биринчи раунду жыйынтыкталды. Бул тууралуу президенттин маалымат катчысы Эрбол Султанбаев билдирди.

Анын айтымында, кыргыз тарапка Centerra Gold Inc. компаниясынын жетекчиси Скот Перринин түзүлгөн кырдаалды чечүү боюнча мүмкүн болгон бардык жолдорду, анын ичинде Кыргызстан "Кумтөр Голд Компанинин" менчик ээси болуп калышы сценарийин дагы карап көрүү үчүн нейтралдуу аймакта сүйлөшүүлөрдү өткөрүү сунушу жана каты келип түшкөн.

Президент Садыр Жапаровдун тапшырмасы боюнча сүйлөшүүлөргө Кыргызстандын делегациясынын курамында министрлер кабинетинин төрагасынын орун басары, экономика жана финансы министри Акылбек Жапаров, УКМК төрагасы Камчыбек Ташиев, башкы прокурор Курманкул Зулушев, "Кумтөр голд компани" ишканасынын тышкы башкаруучусу Теңгиз Бөлтүрүк жана укук тармагындагы адистер жөнөтүлгөн.

"Тараптар бири-биринин пикирлерин угушту. Кыргыз тарап сүйлөшүүлөрдүн жыйынтыгына канааттанды. Ошондой эле зарыл болгон учурда сүйлөшүүлөрдү улуттук кызыкчылыктарды эске алуу менен улантууга даяр", — деди Султанбаев.

Эске салсак, май айында өкмөт Кумтөр кенине убактылуу тышкы башкаруу киргизип, жетекчилигине Теңгиз Бөлтүрүктү дайындаган. Ошондон бери кыргыз өкмөтү менен Centerra Gold Inc. соттошуп келе жатат.

2803
Белгилер:
Кыргызстан, сүйлөшүүлөр, Кумтөр, Centerra Gold Inc, Акылбек Жапаров
Тема:
"Кумтөргө" 3 миллиард доллар айып салынышы (105)
Тема боюнча
Кумтөрдөн мамлекетке канча акча түшүп жатат? Үч жылдык отчётту салыштыруу
Кыргыз бийлиги Кумтөргө орду толгус зыян келтирүүдө. Centerra дагы бир доо койду
Кыргызстандын жана Россиянын мамлекеттик желектери. Архив

Кыргызстанга россиялык компаниялардын бизнес-миссиясы келет

32
(жаңыланган 14:15 27.10.2021)
Иш-чара экономиканын бир нече багыты боюнча иш алып барган россиялык жана кыргызстандык компаниялардын байланыш түзүүсүнө аянтча болуп бермекчи.

БИШКЕК, 27-окт. — Sputnik. 10-12-ноябрда россиялык компаниялардын бизнес-миссиясы Бишкекте болот. Бул тууралуу Россия-кыргыз өнүктүрүү фонду (РКӨФ) билдирди.

Иш-чараны РКӨФ менен Россиянын эксперттик борбору уюштурууда.

"Анын максаты — Кыргызстандагы россиялык өндүрүшчүлөрдүн продукцияларын жайылтуу үчүн көмөктөшүү жана эки өлкөнүн бизнес-коомчулугунун кызматташуусун кеңейтүү. Эл аралык көп багыттуу миссия 10-12-ноябрга белгиленген", — деп айтылат маалыматта.

Иш-чара энергетика, айыл чарба, машина куруу, тышкы экономика, ресурстарды үнөмдөө жана санариптик технология жаатында иштеген россиялык жана кыргызстандык компаниялардын байланыш түзүүсүнө аянтча болуп бермекчи.

РКӨФ компаниялар бизнес-өнөктөштөргө ээ болуп, иштиктүү байланыштарын кеңейте аларына ишенет.

32
Белгилер:
Россия, бизнес, миссия, Россия-кыргыз өнүктүрүү фонду
Тема боюнча
Россияга товарларды Казакстан аркылуу ташуу. Жаңы эреже макулдашылды
18 млрд. сомдук иштер жасалат. Мэрия Ош шаарын кантип өнүктүрөрүн жарыялады
Министрлер кабинетинин төрагасы Акылбек Жапаров. Архив

Жапаров: жаңы схема беш айда 746 млрд. сом көмүскөгө кетип жатканын аныктады

131
Депутат өлкөдө көмүскө экономика расмий түрдө 26 пайызды түзөрүн, расмий эмес маалымат боюнча 40 пайыздан ашарын айтты.

БИШКЕК, 27-окт. — Sputnik. Кыргызстанда электрондук эсеп-фактурасы киргизилгенден кийин беш айда 746 миллиард сом көмүскөгө кетери аныкталды. Бул туурасында министрлер кабинетинин төрагасы Акылбек Жапаров билдирди.

Депутат Мирлан Жээнчороев көмүскө экономика расмий түрдө 26 пайызды, расмий эмес маалымат боюнча 40 пайыздан ашарын айтты.

"Бул жерде 2-3 миллиард доллар жөнүндө сөз болууда. Эгер сиздердин планыңар ишке аша турган болсо бюджетке канча салык түшөт? Көмүскөдөгү 26 пайызды ачыкка чыгара аласыздарбы?", — деп сурады депутат.

Жапаров бул багытта 1-июлдан тарта электрондук эсеп-фактурасын киргизилгенин билдирди.

"Андан соң биз мурда көрбөгөн экономиканы көрө баштадык. Төрт-беш айда акча жүгүртүү 1 триллион 222 миллиард сомду түздү. Анын ичинен 746 миллиард сому патентке бөлүнөт экен, башкача айтканда, көмүскө жакка кетет. Эгер жаңы Салык кодексин кабыл алсак, электрондук эсеп-фактурасын, контролдук-кассалык машианаларды иштетип турсак, кошумча 50 миллиард сомдон түшүүнү камсыздап берет", — деди министрлер кабинетинин төрагасы.

Ошондой эле ал мындан ары туура эмес схемалардан баш тартып, баарын ачык-айкын жасай турганын белгиледи.

131
Белгилер:
Кыргызстан, Акылбек Жапаров, көмүскө, акча, зыян
Тема боюнча
Жакында 453 айыл өкмөттүн башчысы жаңы унаалуу болушу мүмкүн. Жапаровдун планы
Жапаров Бажы кызматынын жаңы жетекчиси кандай милдет менен дайындалганын айтты
Бай киши. Иллюстративдик сүрөт

Акылбек Жапаров Кыргызстандагы бай менен кедейлердин санын айтты

17
(жаңыланган 15:38 27.10.2021)
Өкмөт бай жана жана орто жашаган 1,2 миллион салык төлөөчүнүн эсебинен 200 миң жакыр үй-бүлөнү багары айтылды.

БИШКЕК, 27-окт. — Sputnik. Жогорку Кеңештин депутаты Таабалды Тиллаев Кыргызстанды өнүктүрүү саясаты тууралуу сурады. Учурда парламентте 2022-жылга карата Республикалык бюджеттин долбоору каралып жатат.

Министрлер кабинетинин төрагасы Акылбек Жапаров өлкөнү өнүктүрүү саясаты так аныкталып бүткөнүн белгиледи.

"Кыргызстандын ченеми боюнча 200 миң бай үй-бүлө бар. Бир миллионго жакын орто катмар, 200 миң үй-бүлө кедей жашайт. Мындан кийин өкмөт колунда жоктогуларга түз жардам берет. 200 миңге жакын жакыр үй-бүлөнү, 200 миңдей майып жана жетим-жесирлерди багып алабыз. Ошондо өкмөт бир миллион элди багууну мойнуна алат. Калган орто катмар бирдиктүү салык, байлар өзүнчө тариф менен кымбатыраак төлөйт. Машиналарынын, үйлөрүнүн салыгын көбөйтөбүз. 1,2 миллион салык төлөөчү үй-бүлөнүн эсебинен 200 миң үй-бүлөнү тың багып алабыз", — деди Жапаров.

Аны менен катар ишкерлерге жеңилдетилген, пайызсыз насыялар берилип, машинаны от алдырып жүргүзгөндөн кийин салык сурай тургандай принцип сакталарын белгиледи.

Ошондой эле ал түрмөлөрдө жана ооруканалардагы шарттар да жакшыртыларын кошумчалады.

17
Белгилер:
Акылбек Жапаров, шайлоо, бюджет, бай, кедей
Тема боюнча
Жапаров: жаңы схема беш айда 746 млрд. сом көмүскөгө кетип жатканын аныктады
Пенсия менен жөлөк пул 6300 сомдон жогору болот. Президенттин талабы