Бишкектеги Коопсуз шаардын текшерүү борбору. Архивдик сүрөт

"Коопсуз шаардын" айып пулдары кайда кетет. Министрлик түшүндүрмө берди

90
(жаңыланган 11:45 07.10.2021)
Санариптик өнүктүрүү министринин орун басары Асел Кененбаева каражат тиешелүү жактарга бирдей бөлүштүрүлө турганын, ошондой эле үнөмдөлгөн акча мамлекеттин башка муктаждыктарын жабарын айтты.

БИШКЕК, 7-окт. — Sputnik. "Коопсуз шаар" долбоорунун алкагында түшкөн айып пулдун каражаты кандай бөлүштүрүлө турганын санариптик өнүктүрүү министринин орун басары Асел Кененбаева билдирди.

Ал Sputnik Кыргызстан агенттигинин мультимедиалык маалымат борборунда өткөн "Жүздү тааныган камералар. "Коопсуз шаардын" ишке ашышы тууралуу" аттуу брифингге катышты. 

Заместитель министра цифрового развития Асель Кененбаева на брифинге в мультимедийном пресс-центре Sputnik Кыргызстан
© Sputnik / Табылды Кадырбеков
Заместитель министра цифрового развития Асель Кененбаева

Кененбаеванын айтымында, айып пулдарды бөлүштүрүү схемасы атайын токтомдо аныкталган. Каражат алгач Финансы министрлигинин эсебинде топтолуп, андан кийин тиешелүү тартипте бөлүштүрүлөт.

"Вега" компаниясы ар бир эреже бузуудан 215-216 сомдон алат. Ошондой эле 2,6 миллион сом "Коопсуз шаар" системасын техникалык жактан колдоо үчүн жумшалат. Анда Мониторинг борборунун операторлору маалыматтарды иштеп чыгышат. Калган каражат кандай бөлүштүрүлө турганы 56-токтомдо каралган", — деди Кененбаева.

Чыгымдалчу жактар:

  • 5 пайызы — Улуттук коопсуздук мамлекеттик комитетине резервдик маалымат борборун тейлегени үчүн;
  • 25 пайызы — мэрияга жана жергиликтүү өз алдынча башкаруу органдарына жол инфраструктурасын түзүүгө, белгилерди жана башка нерселерди орноткону үчүн;
  • 5 пайызы — Транспорт жана жолдор министрлигине жол инфраструктурасына шарт түзүү үчүн;
  • 15 пайызы — Жол кыймылы коопсуздугун камсыздоо башкы башкармалыгына (ЖККББ) кайгуул унааларына шарт түзүүгө, Мониторинг борборунун иштешине жана операторлорунун айлык акысына.

Кененбаева белгилегендей, каражат бирдей бөлүштүрүлөт, ал эми үнөмдөлгөн акча мамлекеттин башка муктаждыктарына жумшалат. Маселен, пандемия учурунда айып пулдан түшкөн каражатка Милдеттүү медициналык камсыздандыруу фонду аркылуу тез жардам унааларын сатып алышкан.

90
Белгилер:
Коопсуз шаар, долбоорлор, айып пул, каражат
Тема боюнча
"Коопсуз шаардын" көчмө радарлары коюлган жерлердин даректери
Министрлер кабинетинин төрагасы Акылбек Жапаров өлкөдөгү банктардын жетекчилери менен жолугушту

Акылбек Жапаров банк жетекчилери менен көмүскө экономиканы талкуулады

139
(жаңыланган 16:14 22.10.2021)
Жолугушууда накталай эмес төлөмдөрдүн үлүшүн жогорулатуу жана экономиканы көмүскөдөн алып чыгуу боюнча сөз болгон.

БИШКЕК, 22-окт. — Sputnik. Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту. Бул тууралуу өкмөттүн маалымат кызматынан кабарлады.

  • Бизнес-завтрак руководителей коммерческих банков с кабинетом министров. 22 октября 2021 года
    Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту

Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон. Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат.

"Эң алдыңкы технологиялар ар дайым банктарда болгон. Биз накталай эмес эсептешүүлөрдүн үлүшүн жогорулатууну стимулдаштыруу иши министрлер кабинетинин карамагында болуусун каалайт элек. Алсак, Казакстанда салыктарды чогултуу банктардын биринин телефондогу тиркемесине жараша жогорулаган. Анда адамдар базардагы азык-түлүктөр үчүн да ал тиркеме аркылуу эсептеше баштады. Банктар жаңы технологияларды киргизүүдө жардам берет деп ишенем. Министрлер кабинетинин алдыга койгон милдеттерине толугу менен жетишүүгө болот", — деген Жапаров.

Министрлер кабинетинин төрагасы банктардын сунушун эске алуу менен накталай эмес эсептешүүлөрдүн үлүшүн жогорулатуу боюнча чаралар кабыл алынарын убадалаган.

139
Белгилер:
коммерциялык банктар, жетекчи, Акылбек Жапаров, көмүскө, экономика
Тема боюнча
Акылбек Жапаров жергиликтүү бийликтин колуна канча акча берерин тизмектеди
Таштандыдан мүлккө чейин. Жапаров аткаминерлердин негизги милдетин атады
Министрлер кабинетинин жетекчиси Акылбек Жапаров

Туризмди өнүктүрүү үчүн укугу кеңири фонд түзүлүп, ага 1 млрд. сом бөлүнөт

324
(жаңыланган 19:26 21.10.2021)
Кыргызстанда туристтик тармакка дем берүү үчүн эми жерди пайдалануу мыйзамдарына өзгөртүүлөр киргизилери айтылды.

БИШКЕК, 21-окт. — Sputnik. Туризмди өнүктүрүү боюнча ыйгарым укуктары кеңири болгон мамлекеттик фонд түзүлүп, бул тармакка 1 миллиард сом бөлүнөт.

Бул тууралуу министрлер кабинетинин жетекчиси Акылбек Жапаров Жергиликтүү өз алдынча башкаруу органдарынын жана жергиликтүү мамлекеттик администрациялардын жетекчилеринин республикалык кеңешмесинде айтканын өкмөттүн маалымат кызматы кабарлады.

"Маданий же тарыхый баалуулукка ээ объектилер өлкөнүн ар бир аймагында бар. Бирок ушул кезге чейин туристтик инфраструктураны өнүктүрүүгө тийиштүү көңүл бурулган эмес. Анын зарылдыгы тууралуу канча тапшырма берилбесин, иш ордунан козголгон жок. Муну эске алуу менен Туризмди өнүктүрүү боюнча мамлекеттик фонд түзүү жана 1 миллиард сом бөлүү тууралуу чечим кабыл алынды. Мындан тышкары, туристтик объектилерге алып баруучу жолдорду оңдоп-түзөө ишке ашырылып, туристтик инфраструктураны өнүктүрүүнүн башка маселелери чечилет", — деген Жапаров.

Ал Туризмди өнүктүрүү боюнча мамлекеттик фонд туристтик тармакты өнүктүрүү максатында кеңири ыйгарым укуктарга ээ болорун айткан.

"Туризмди өнүктүрүү фонду туристтик индустрия объектилерин ижарага берүүгө, аларды сатып алуу-сатуу тууралуу келишим түзүүгө, туризм объектилерин биргелешип өнүктүрүү жана алардын үлүштүк курулушу тууралуу келишим түзүүгө, инвестицияларды тартууга, анын ичинде мамлекеттик-жеке өнөктөштүк алкагында тартууга ыйгарым укукка ээ болот. Туристтик тармакка дем берүү үчүн жер пайдалануу мыйзамдарына өзгөртүүлөр киргизилет", — деген министрлер кабинетинин жетекчиси.

Туристтик кластерлерди өнүктүрүүгө чоң маани берилерин: Караколдо — тоо лыжа, Ошто — тарыхый-маданий, Жалал-Абад шаарынын базасында — рекреациялык жана башка ири кластерлер ишке киргизилерин билдирген.

Андан сырткары, Жапаров туризмди өнүктүрүү үчүн Түндүк — Түштүк альтернативдүү жолдун Ысык-Көл облусундагы айланма жолдун курулушу туризм индустриясын өнүктүрүүгө чоң түрткү болот деген пикирин айткан.

Ар бир аймак калктуу пунктулардын дароо таанылышы жана туризм чөйрөсүн өнүктүрүү максатында аймактын жеке өзгөчөлүктөрүнө жараша жөнөкөй жана жеткиликтүү логотиптерди иштеп чыгууга милдеттендирилди.

324
Белгилер:
Кыргызстан, Акылбек Жапаров, туризм, фонд, акча
Тема боюнча
Пенсия менен жөлөк пул 6300 сомдон жогору болот. Президенттин талабы
Акылбек Жапаров: элибиз телефон менен ушакташууга 20 млрд. сом коротуп жатат
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

0
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

0
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт