ИИМдин тергөө кызматынын улук тергөөчүсү Азамат Дүйшөналиев

ИИМ экономикалык кылмыштар боюнча башкармалык түзүү зарылчылыгын айтты

147
(жаңыланган 13:16 19.10.2021)
Коррупцияга каршы күрөшүү кызматы менен Финпол жоюлгандан кийин экономикалык жана кызматтык кылмыштар ИИМге өткөн.

БИШКЕК, 19-окт. — Sputnik. Ички иштер министрлигинде экономикалык кылмыштар боюнча адистештирилген атайын башкармалык түзүү зарылчылыгы бар. Бул туурасында ИИМдин тергөө кызматынын улук тергөөчүсү Азамат Дүйшөналиев билдирди.

Ал бүгүн Sputnik Кыргызстандын мультимедиалык маалымат борборунда өткөн "Кыргызстанда кылмыштуулук өсүп жатат — ИИМ кандай чара көрүүдө" деп аталган брифингге катышты.

Тергөөчүнүн айтымында, УКМКнын Коррупцияга каршы күрөшүү кызматы жана Экономикалык кылмыштар менен күрөшүү мамлекеттик кызматы (Финпол) жоюлгандан кийин экономикалык жана кызматтык кылмыштар ички иштер органдарынын тергөө кызматына өткөн.

"Бүгүнкү күндө ички иштер органдарында дал ушул категорияга кирген 4 436 иш кабыл алынды, ошондой эле мурда кыскартылган 2,5 миң иш архивде сакталууда. Кызматтык жана экономикалык кылмыштарды иликтөөнүн өзгөчөлүгү бар. Бири-бирин кайталоону жоюу үчүн 2014-жылы иликтөө ИИМдин түзүмүнөн чыгарылып, Финполго берилген. Учурда ИИМде экономикалык кылмыштарды иликтөө боюнча адистештирилген атайын башкармалык жок. Азыркы тапта аны түзүү зарыл деп эсептейбиз", — деди Дүйшөналиев.

Белгилей кетсек, Финпол үстүбүздөгү жылдын март айында жоюлган. Өкмөт аталган орган экономикалык коопсуздукту камсыздабай, жазалоо менен гана алектенип калганын белгилеген.

147
Белгилер:
ИИМ, экономика, башкармалык, Түзүү, кылмыш
Тема боюнча
Депутаттар көбөйөт. Райондук кеңеш түзүп, бюджетин негиздөө сунушталды
Милиция саясатка аралашпасын! ИИМде шайлоо алдында кеңешме өттү
Биткоиндин бельгиси тартылган монета. Архивдик сүрөт

Биткоиндин курсу 42 миң долларга чейин түшүп кетти

76
Ишембиге караган түндөгү арзандоонун эпкини Ethereum, Litecoin жана Monero сыяктуу популярдуу криптовалюталарга да тийген.

БИШКЕК, 4-дек. — Sputnik. Биткоиндин баасы 4-декабрда 42 миң долларга чейин түшүп, сентябрдын аягынан бери эң төмөнкү чекке жетти. Бул тууралуу РИА Новости жазды. 

Ишембиге караган түнү белгилүү криптовалюталардын курсу болжол менен 20 пайызга төмөндөп, ал эми бул рыноктун жалпы капитализациясы 16 пайызга азайып, 2 триллион долларга чейин түшкөн.

4-декабрдын таңында курстун төмөндөшү бир аз басаңдаган. Алып-сатуунун көлөмү боюнча алдыда турган Binance биржасында Бишкек убактысы боюнча саат 13:00гө карата биткоин 16,7 пайызга, тагыраагы, 47,25 миң долларга чейин арзандады. Ал эми 20дан ашык биржанын орточо баасын эсептеген CoinMarketCap порталынын маалыматы боюнча, биткоин 16,36 пайызга — 47,6 миң долларга чейин арзандаган.

Буга чейин сатуунун жүрүшүндө биткоин 30-сентябрдан бери биринчи жолу 42 миң долларга чейин төмөндөгөн.

Арзандоонун эпкини Ethereum, Litecoin жана Monero сыяктуу популярдуу криптовалюталарга тийген. Ethereum 14,91 пайызга (3,89 миң доллар), Litecoin 24,96 пайызга (153,2 доллар) жана Monero 18,76 пайызга (195,9 доллар) түшкөн.

Криптовалютанын наркы 16 пайызга төмөндөп, 2,2 триллион доллар болуп калган. Ноябрдын башында бул көрсөткүч тарыхта биринчи жолу 3 триллион долларга жеткен.

76
Белгилер:
биткоин, курс, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты
Биткоин, акция менен акча табуу. Финкөзөмөл шылуундардын тобу чыкканын эскертти
Кийинки жылы Кара-Балтада текстиль фабрикасын ачуу пландалууда

Кара-Балтада 1000 адам иштей турган текстиль фабрикасын ачуу пландалууда

233
(жаңыланган 19:51 03.12.2021)
Фабрика Кара-Балта килем комбинатынын базасында ишке киргизилип, имараттын жалпы аянты 53 миң чарчы метрди түзөт.

БИШКЕК, 3-дек. — Sputnik. Кийинки жылы Кара-Балтада текстиль фабрикасын ачуу пландалууда. Бул тууралуу Инвестициялар агенттиги билдирди.

  • Строительство текстильной фабрики в Кара-Балте на базе простаивающего Кара-Балтинского коврового комбината
    Кийинки жылы Кара-Балтада текстиль фабрикасын ачуу пландалууда
    © Фото / пресс-служба Агентства по инвестициям и развитию КР
  • Строительство текстильной фабрики в Кара-Балте на базе простаивающего Кара-Балтинского коврового комбината
    Аны Кара-Балта килем комбинатынын базасында ишке киргизүү каралган, имараттын жалпы аянты 53 миң чарчы метрди түзөт
    © Фото / пресс-служба Агентства по инвестициям и развитию КР
  • Строительство текстильной фабрики в Кара-Балте на базе простаивающего Кара-Балтинского коврового комбината
    Аталган долбоор 25 миллион долларга бааланууда, аны жүзөгө ашырууга түркиялык инвесторлор каражат берет
    © Фото / пресс-служба Агентства по инвестициям и развитию КР
  • Строительство текстильной фабрики в Кара-Балте на базе простаивающего Кара-Балтинского коврового комбината
    Агенттик билдиргендей, учурда фабриканын курулушуна 400 миң доллар бөлүндү.
    © Фото / пресс-служба Агентства по инвестициям и развитию КР
1 / 4
© Фото / пресс-служба Агентства по инвестициям и развитию КР
Кийинки жылы Кара-Балтада текстиль фабрикасын ачуу пландалууда

Аны Кара-Балта килем комбинатынын базасында ишке киргизүү каралган, имараттын жалпы аянты 53 миң чарчы метрди түзөт.

Аталган долбоор 25 миллион долларга бааланууда, аны жүзөгө ашырууга түркиялык инвесторлор каражат берет. Агенттик билдиргендей, учурда фабриканын курулушуна 400 миң доллар бөлүндү.

"Ишкананын уникалдуулугу ар тармактуу экенинде. Мында калдыктар чыгарылбайт. Текстилдик калдыктардан кайра иштетүү жолу менен жип чыгарып, ал жиптен материал токулат", — деп жазылган маалыматта.

Фабрика толук иштеп баштагандан кийин 800-1000 адамга жумуш оруну түзүлөрү айтылды.

233
Белгилер:
Кара-Балта, фабрика, текстиль, долбоор
Тема боюнча
Түптө 200 киши иштеген тигүү фабрикасы ачылып, ага Жапаров катышты
Балыкчыда саатына 3 миң тоок сойгон ишкана ачылды. Сүрөттөр
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

0
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

0
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео