Алтын куймалар. Архив

Кыргызстан августта чет жакка былтыркыдан 40 эсе аз алтын экспорттоду

279
Үстүбүздөгү жылдын июнь айында чет өлкөгө 6,2 килограмм алтын экспорттолгон, июлда бир дагы грамм алтын тышка сатылган эмес.

БИШКЕК, 20-окт. — Sputnik. Кыргызстан август айына карата 20 килограммга жакын алтын экспорттоду. Бул тууралуу Улуттук статистика комитетинин маалыматында айтылат.

Январь-июнь айындагы экспорт 4 тонна 141 килограмм 879,4 граммды түзгөн. Бул көлөм 234 миллион 909,7 миң долларга бааланган. Июнь айында чет өлкөгө 6,2 килограмм алтын экспорттолгон, июлда бир дагы грамм алтын сатылган эмес.

Эгер сегиз айдын маалыматын карай турган болсок, чет мамлекетке 4 тонна 161 килограмм 443,8 грамм алтын жөнөтүлгөн. Наркы 235 миллион 45,9 миң долларды түзгөн. Ошондо августта 19,6 килограмм алтын экспорттолгон. Статкомдун маалыматы боюнча, баалуу металлдар Түркия менен Италияга сатылган.

Ошол эле учурда өткөн жылы августта өлкө 780 килограмм алтын экспорттогон, тагыраагы, экспорт быйыл 40 эсе аз.

Эгерде январь-август айларындагы экспортту былтыркы жыл менен салыштыра турган болсок, 8 тонна 351,6 килограмм айырма чыгат. Мындайча айтканда, ушул жылдын сегиз айында алтын 8,3 тоннага аз экспорттолгон.

Экспорттун төмөндөшү боюнча божомол

Мамлекеттик органдар өткөн жылы эле 2021-жылы баалуу металлдарды казып алуунун көлөмү төмөндөй турганын болжогон. Экономика министрлигинин маалыматына караганда, Кумтөр менен Талды-Булак Сол Жээк кенинин алтын азыраак жеринен казуу иштери жүргүзүлөт. Мындан сырткары, "Кыргыз алтын" өндүрүшүн консервациялоо күтүлүп жатат. Анткен менен Жер-Үй (ишке кирди) жана Чаарат кендерин иштетүү пландалып жаткан.

Эске салсак, май айында Кумтөр кенине тышкы башкаруу киргизилген. Жаңы администрациянын берген маалыматына караганда, кен пландык режимде иштеп жатат жана казуу иштеринин көрсөткүчүн кармап турууга ниет кылууда.

Эске сала кетсек, Лондондогу Баалуу металлдар рыногунун ассоциациясы (LBMA) "Кыргыз алтын" ишканасын ишенимдүү жеткирүүчү компаниялардын тизмесинен чыгарган.

Жакында эле министрлер кабинетинин төрагасы Акылбек Жапаров Кумтөр кени тышкы башкарууга өткөндөн кийин беш тоннадан ашык алтын казылып, 100 миллион сомдой пайда көргөнүн айткан.

279
Белгилер:
Кыргызстан, Улуттук статистика комитети, алтын, экспорт
Тема боюнча
Улуттук банктын алтын-валюталык резерви рекорддук көлөмгө жетти
Кийинки жылы Кара-Балтада текстиль фабрикасын ачуу пландалууда

Кара-Балтада 1000 адам иштей турган текстиль фабрикасын ачуу пландалууда

86
(жаңыланган 19:51 03.12.2021)
Фабрика Кара-Балта килем комбинатынын базасында ишке киргизилип, имараттын жалпы аянты 53 миң чарчы метрди түзөт.

БИШКЕК, 3-дек. — Sputnik. Кийинки жылы Кара-Балтада текстиль фабрикасын ачуу пландалууда. Бул тууралуу Инвестициялар агенттиги билдирди.

  • Строительство текстильной фабрики в Кара-Балте на базе простаивающего Кара-Балтинского коврового комбината
    Кийинки жылы Кара-Балтада текстиль фабрикасын ачуу пландалууда
    © Фото / пресс-служба Агентства по инвестициям и развитию КР
  • Строительство текстильной фабрики в Кара-Балте на базе простаивающего Кара-Балтинского коврового комбината
    Аны Кара-Балта килем комбинатынын базасында ишке киргизүү каралган, имараттын жалпы аянты 53 миң чарчы метрди түзөт
    © Фото / пресс-служба Агентства по инвестициям и развитию КР
  • Строительство текстильной фабрики в Кара-Балте на базе простаивающего Кара-Балтинского коврового комбината
    Аталган долбоор 25 миллион долларга бааланууда, аны жүзөгө ашырууга түркиялык инвесторлор каражат берет
    © Фото / пресс-служба Агентства по инвестициям и развитию КР
  • Строительство текстильной фабрики в Кара-Балте на базе простаивающего Кара-Балтинского коврового комбината
    Агенттик билдиргендей, учурда фабриканын курулушуна 400 миң доллар бөлүндү.
    © Фото / пресс-служба Агентства по инвестициям и развитию КР
1 / 4
© Фото / пресс-служба Агентства по инвестициям и развитию КР
Кийинки жылы Кара-Балтада текстиль фабрикасын ачуу пландалууда

Аны Кара-Балта килем комбинатынын базасында ишке киргизүү каралган, имараттын жалпы аянты 53 миң чарчы метрди түзөт.

Аталган долбоор 25 миллион долларга бааланууда, аны жүзөгө ашырууга түркиялык инвесторлор каражат берет. Агенттик билдиргендей, учурда фабриканын курулушуна 400 миң доллар бөлүндү.

"Ишкананын уникалдуулугу ар тармактуу экенинде. Мында калдыктар чыгарылбайт. Текстилдик калдыктардан кайра иштетүү жолу менен жип чыгарып, ал жиптен материал токулат", — деп жазылган маалыматта.

Фабрика толук иштеп баштагандан кийин 800-1000 адамга жумуш оруну түзүлөрү айтылды.

86
Белгилер:
Кара-Балта, фабрика, текстиль, долбоор
Тема боюнча
Түптө 200 киши иштеген тигүү фабрикасы ачылып, ага Жапаров катышты
Балыкчыда саатына 3 миң тоок сойгон ишкана ачылды. Сүрөттөр
Кумшекер. Архив

ЕАЭБ өлкөлөрүнө кумшекер ташыгандар бажы төлөмдөрүнөн бошотулат

22
Жыйында бажылык жөнгө салуу, соода, өнөр-жай жана азык-түлүк коопсуздугуна байланышкан 18 маселе талкууланган.

БИШКЕК, 3-дек. — Sputnik. Министрлер кабинетинин төрагасынын орун басары Арзыбек Кожошев баштаган делегация Москвада Евразия экономикалык комиссиясынын (ЕЭК) кеңешинин жыйынына катышты.

Жолугушуунун алкагында маалыматташтыруу, бажылык жөнгө салуу, соода, өнөр-жай жана азык-түлүк коопсуздугуна байланышкан 18 маселе талкууланган.

"ЕЭКтин кеңеши 2022-жылдын 1-январынан 31-августуна чейин кумшекерди бажы төлөмдөрүсүз ташып келүү тууралуу тарифтик жеңилдик берүү чечимин кабыл алды. Ошондой эле "Алкоголдук продукция коопсуздугу жөнүндө" ЕАЭБдин техникалык регламенти өзгөртүлдү. Ага ылайык, регламентти күчүнө киргизүү мөөнөтү 2022-жылдын 1-январынан 2024-жылга чейин узартылды", — деп айтылат маалыматта.

Мындан сырткары, кийинки жылы ЕЭКтин 10 жылдыгын белгилөө программасы бекитилди.

 

22
Белгилер:
ЕЭК, Кумшекер, бажы төлөмдөрү, бошотуу
Тема боюнча
ЕЭКтин кеңешинде жактырылган актылардын долбоорлору. Тизме
Кыргызстанда кумшекер боюнча абал кандай экени айтылды
Бронзовая медалистка Олимпийских игр в Токио Мээрим Жуманазарова после схватки. Архивное фото

Мээрим Жуманазрова Гран-при мелдешиндеги атаандашы Велиеваны дагы утту

0
Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган.

БИШКЕК, 4-дек. — Sputnik. Кыргызстандык балбан кыз Мээрим Жуманазарова "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды. Спортчу кыздардын таймашын Россиянын Спорттук күрөш федерациясынын расмий сайты түз алып көрсөттү.

Эки бөлүккө созулган кыл чайнаш кармаштын жыйынтыгында упай айырмасы менен кыргызстандын балбан кызы жеңишти илип кетти.

Мээрим Жуманазарованы мелдешке машыктыруучусу атасы Рахмадил Жуманазаров коштоп барган.

Мелдеш Москва шаарындагы "ВТБ Арена Парк" спорттук жайында өтүүдө.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген.

Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Жалпысынан алганда балбан кыздар төртүнчү ирет беттешет. Буга чейинки кармаштардын баарында кыргызстандык балбан кыз жеңүүчү болгон. Эң биринчи таймаш 2019-жылы Финляндияда өткөн жаштар арасындагы дүйнөлүк чемпионатта, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан.

Ал эми үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган.

0
Белгилер:
Мээрим Жуманазарова, Ханум Велиева, мелдеш