Акча каражаттары. Архив

Акылбек Жапаров жергиликтүү бийликтин колуна канча акча берерин тизмектеди

2786
(жаңыланган 16:41 21.10.2021)
Кыргызстандагы 452 айыл өкмөттүн 377си (83,4 пайызы) дотацияда турат, ал эми 75и өзүн-өзү камсыз кылууга жарамдуу.

БИШКЕК, 21-окт. — Sputnik. Министрлер кабинетинен төрагасы Акылбек Жапаров республикалык кеңешмеде аймактарды өнүктүрүү үчүн жергиликтүү бийликке бериле турган каражат тууралуу маалымат берди.

Анын айтымында, Кыргызстандагы 452 айыл өкмөттүн 377си (83,4 пайызы) дотацияда турат, 75и өзүн-өзү камсыз кылат. Трансферттер боюнча жаңы ыкманы киргизүү пландалууда.

"Киреше салыгы 100, роялти 50 пайыз жергиликтүү бюджетке өтөт. Сатуудан түшкөн салыктын 30 пайызы да берилет (мурда 100 пайыз болчу). Коммуналдык кызматтардын баарын өзүбүздүн мойнубузга алалы деп турабыз. Мектептерди толук республикалык бюджетке которобуз. Бишкек менен Оштон тышкары айыл аймактардын мектебин республикалык бюджеттен каржыласак 1,3-1,5 миллиард сом керектелет экен", — деди Жапаров.

Ошондой эле ал облустарды, райондорду, райондук маанидеги шаарларды өнүктүрүү фонддору түзүлөрүн белгиледи. Ири тоо-кен ишканалары жок Ош менен Баткен облустарынын фондуна республикалык бюджеттен жылына 50дөн 100 миллион сомго чейин бөлүнөт.

25 районго 700 миллион сом каралып жатат, анын ичинен ар бир районго 20-40 миллион сомдон берилет. Ошондо айыл өкмөттөрдө өнүгүүгө болжол менен 5 миллион сом акча болот. Райондук маанидеги 18 шаарга 30 миллион сомдон берилет. Баткен облусунун өзгөчө статусуна байланыштуу жыл сайына өнүгүүгө 500 миллион сом, Нарын облусуна Кумтөр аркылуу 500 миллион сомдун тегерегинде чегерилип турат.

"Бул каражаттын 20 пайызы коронавирус менен күрөшүүгө берилет, элди кор кылбаңыздар, колунда жокторго дары алып берип туруңуздар. 20 пайызын социалдык долбоорлорго, өлүм-житим болуп жардам сурап келгендерге жумшаңыздар. Ал эми 60 пайызы экономикалык долбоорлорго сарпталышы керек. Бул акчалар жоголуп кетпей, кайра кайтарылып, жыл сайын көбөйүүсү абзел", — деди министрлер кабинетинин төрагасы.

Ошону менен катар ал Ысык-Көл өнүктүрүү фондуна бөлүнгөн 3,2 миллиард сомду завод, фабрикаларды ачууга жумшабай, мектептерди эки-үч ирет оңдоп, дубалдарын 10 сыйра сырдап чыгышканын мисал келтирди.

2786
Белгилер:
Акылбек Жапаров, жергиликтүү бийлик, бюджет, салык, фонд, өнүктүрүү
Тема боюнча
Акылбек Жапаров: айыл өкмөттөн келип мага акыл үйрөткөндү токтоткула
JIA бизнес-ассоциациясынын аткаруучу директорунун орун басары Мунара Мураталиева

Мураталиева: Бишкекте "Жашыл экономика-2021" форуму өтөт

18
JIA бизнес-ассоциациясынын аткаруучу директорунун орун басары Мунара Мураталиева 10-декабрда өлкөдөгү жашыл экономиканын өнүгүшүн шарттаган "Жашыл экономика-2021" форуму өтөрүн айтты.

"Жашыл экономика-2021" форумунда финансылык продукцияларды сунуштаган ири компаниялар, финансылык институттар, ишкерлер долбоорлорун жана сунуштарын айтышат. Бул тууралуу Мунара Мураталиева Sputnik Кыргызстан радиосунун эфиринде маек куруп жатып билдирди.

Мураталиева: Бишкекте "Жашыл экономика-2021" форуму өтөт

Анын айтымында, форумдун алкагында Green EXPO 2021 көргөзмөсү уюштурулуп, "жашыл технологияларды" ийгиликтүү ишке ашыруу жолдору сунушталат.

"Бишкекте 10-декабрда "Жашыл экономика-2021" форуму өтөт. Ал эми анын компоненти катары Green EXPO 2021 көргөзмөсү уюштурулат. Анда жашыл экономикага байланыштуу чечимдерди, технологияларды, "жашыл" технологияларды жана "жашыл" продукцияларды сунуштаган ири компаниялар, финансылык институттар катышып, долбоорлорду көрсөтүшөт. Форумда Кыргызстандагы жашыл экономиканын статусу, багыты, маселелерди чечүү жолдору талкууланат. Бирдиктүү план түзүп, анын негизинде иш алып баруу аракеттери көрүлөт. Форум эки компоненттен туруп, офлайн жана онлайн катышуу каралып, мамлекеттик, жеке сектордун өкүлдөрү темаларды талкуулашат", — деди Мураталиева.

Ошондой эле жетекчи форумду Экономика жана коммерция министрлиги JIA бизнес-ассоциациясынын, Агро-өнөр жай комплексин өнүктүрүү ассоциациясынын жана башка өнөктөштөрдүн жардамы менен уюштуруп жаткандыгын кошумчалады.

18
Белгилер:
жашыл экономика, көргөзмө
Тема боюнча
Президент салыктан бошоткон ишканаларга беш талап койду. Тизме
Кыргызстандагы бут кийим өндүргөн жаңы фабрика

Кыргызстанда бут кийим чыгарган фабрика ишке кирди. Сүрөт

110
(жаңыланган 09:53 07.12.2021)
Ишкана "Хейлунцзян" ЖЧКсынын буга чейинки долбоорунун (курулуш кол каптары менен жогорку сапаттагы илмектерин чыгаруу) каражатына ачылган.

БИШКЕК, 7-дек. — Sputnik. Кыргызстанда бут кийим өндүргөн жаңы фабрика ишке кирди. Бул тууралуу Инвестиция жана өнүктүрүү агенттигинен кабарлады.

  • В Кыргызстане запущена обувная фабрика, с производственной мощностью свыше 600 тысяч пар в год. 06 декабря 2021 года
    Кыргызстанда бут кийим өндүргөн жаңы фабрика ишке кирди
    © Фото / пресс-служба Агентства по инвестициям и развитию
  • В Кыргызстане запущена обувная фабрика, с производственной мощностью свыше 600 тысяч пар в год. 06 декабря 2021 года
    Маалым болгондой, бут кийим ишканасы "Хейлунцзян" ЖЧКсынын буга чейинки долбоорунун (курулуш кол каптары менен жогорку сапаттагы илмектерин чыгаруу) каражатына ачылган
    © Фото / пресс-служба Агентства по инвестициям и развитию
1 / 2
© Фото / пресс-служба Агентства по инвестициям и развитию
Кыргызстанда бут кийим өндүргөн жаңы фабрика ишке кирди

Маалым болгондой, бут кийим ишканасы "Хейлунцзян" ЖЧКсынын буга чейинки долбоорунун (курулуш кол каптары менен жогорку сапаттагы илмектерин чыгаруу) каражатына ачылган.

Өндүрүш 2019-жылы иштеп баштап, инвестициянын жалпы көлөмү 2 миллиард долларды түзгөн.

"Өлкөдө бут кийим чыгарган мындай өндүрүштүн аналогу жок. Анда чыгарылган продукциянын көбү экспортко кетет. Маселен, 40 пайызы Казакстанга жөнөтүлүп, жылына ишканада 600 миң жуп бут кийим өндүрүлөт", — деп айтылат маалыматта.

Компания алдыда спорттук бут кийимдерди чыгарууну да пландап жатканы кошумчаланды.

110
Белгилер:
Кыргызстан, бут кийим, фабрика, өндүрүш
Тема боюнча
Кара-Балтада 1000 адам иштей турган текстиль фабрикасын ачуу пландалууда
Люди проходят мимо логотипа Зимних Олимпийских игр 2022 года в парке Шуган в Пекине. 1 декабря 2021 года

АКШ бийлиги Кытайда өтө турган Олимпиада оюндарына бойкот жарыялады

0
(жаңыланган 11:43 07.12.2021)
Жо Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөй турган болду.

БИШКЕК, 7-дек. — Sputnik. АКШ бийлиги 2022-жылы Кытайда өтө турган кышкы Олимпиада оюндарына бойкот жарыялагандыктан, иш-чарага Американын бийлик өкүлдөрү катышпайт. Бул тууралуу Ак үйдүн маалымат катчысы Жен Псаки брифинг учурунда билдирди.

"Кытайдагы адам укугунун бузулушу жана Синьцзяндагы геноцидди эске алуу менен Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөйт", — деди ал брифингде.

Ошол эле учурда бул бойкоттун АКШлык спортчуларга тиешеси жок экени айтылды.

"Ал эми Олимпиада оюндарына катышкан спортчуларыбызды 100 пайыз колдойбуз", — деди Псаки.

Эске салсак, Синьцзяндагы окуяларга байланыштуу АКШ, Улуу Британия жана Европа биримдиги Кытайга каршы санкция жарыялашкан. Алар Кытай бийлиги уйгурлар жана алар сыяктуу башка этникалык азчылыктардын укугун бузуп, эркине каршы эмгегин пайдаланып жатат деп айыптоодо. Пекин бул айыптоолордо айтылгандардын бардыгын төгүндөп келет. Кытай бийлиги Синьцзянга байланыштуу окуялар адам укугуна эмес, террорчулук жана сепаратизмге тиешелүү экенин билдирет.

0
Белгилер:
АКШ, Кытай, олимпиада, адам укугу, спорт, саясат