Россиянын Коопсуздук кеңешинин төрагасы Дмитрий Медведев

Медведев: дүйнөлүк азык-түлүк каатчылыгы келди

241
(жаңыланган 12:04 01.11.2021)
Дмитрий Медведев COVID илдетинен эмдөөнүн темпи, оорунун кооптуу штаммдары, көп өлкөлөрдүн саясий эрк көрсөтүүгө даяр эместиги дүйнөлүк экономикадагы кырдаалга таасирин тийгизип жатканын айтты.

БИШКЕК, 1-ноя. — Sputnik. Дүйнөдө азык-түлүк каатчылыгы башталды. Бул тууралуу билдирүүнү Россиянын Коопсуздук кеңешинин төрагасы Дмитрий Медведев айтканын "Российская газета" жазды.

Анын айтымында, учурда дүйнөлүк экономикадагы кризистен чыгуу боюнча эч ким так божомол бере албайт.

"Бардык жерде тамак-аш кымбаттап, азык-түлүктүн инфляциясы тездеп жатат. Азыр дүйнөлүк экономикада болуп жаткан окуяларды 2008-2009-жылдардагы финансылык кризистен алда канча олуттуу болууда деп бир сөз менен сыпаттаса болот", — деген Медведев.

Жалпысынан, Медведевдин айтымында, кризис ааламдашуу деңгээли жогору өнүккөн өлкөлөргө тийди, бирок ошол эле учурда экономикасы өнүккөн өлкөлөр тездик менен калыбына келүү жөндөмдүүлүгүн көрсөтүүдө. Экономикалык кызматташтык жана өнүктүрүү уюмунун божомолуна ылайык, өнүккөн өлкөлөрдүн көбү 2022-жылдын аягында кризистен чыгып, толугу менен абалды калыбына келтиришет. Коопсуздук кеңешинин төрагасынын орун басары кээ бир өнүгүп келе жаткан өлкөлөр 2024-жылда пандемияга чейинки абалына кайра келе аларын белгиледи. Анын айтымында, дүйнөлүк кризистин кесепеттерин жоюу үчүн экономиканы калыбына келтирүүгө жана баалардын туруктуулугун сактоого багытталган эффективдүү саясат талап кылынат.

"Азыртадан эле кээ бир өлкөлөрдүн карызынын көбөйүшү жана инфляциянын болуп көрбөгөндөй темп менен жогорулашы жаңы чакырыктарга айланды. Ошондой эле көп жагдай тышкы соода жүгүртүүнүн кайра жандануу темпине, өзгөчө кызмат көрсөтүүлөрдүн экспорт-импортуна жараша болот. Азыр эч ким так божомол айта албайт", — деген Медведев.

Ал белгилегендей, дүйнөлүк абалга көптөгөн экономикалык эмес факторлор, маселен: калкты эмдөөнүн тездетилиши, COVID илдетинин жаңы штаммдарынын пайда болуу коркунучу, өзгөчө күчтүү – саясий мүнөздөгү факторлор, анын ичинде коронавируска каршы күрөштө эл аралык кызматташууга саясий эрк сыяктуу көрүнүштөр таасир этет.

Деген менен бардык эле мамлекеттер эрк көрсөтүүгө даяр эмес. Медведев кошумчалагандай, бул бүгүнкү күндө эң олуттуу көйгөйлөрдүн бири.

241
Белгилер:
Дмитрий Медведев, азык-түлүк, каатчылык, экономика
Тема боюнча
Бензин кымбаттап, евро арзандады. 1-ноябрга карата доллардын курсу
Акча каражаттары. Архив

Президент салыктан бошоткон ишканаларга беш талап койду. Тизме

908
(жаңыланган 16:55 06.12.2021)
Садыр Жапаров Конституциянын 71-беренесинин негизинде министрлер кабинетине 13 пунктудан турган сунуш берген.

БИШКЕК, 6-дек. — Sputnik. Садыр Жапаров жүгүртүүсү 8 миллион сомго чейин болгон ишкерлик субъектилерди салыктан бошотууну караган жарлыкка кол коюп, бирок бир нече талап койду.

Мамлекет башчынын маалымат кызматы жарлык "Чакан ишкердик субъектилерди колдоо, жагымдуу салык жана бажы климатын түзүү жөнүндө" деп аталарын белгилеп, ишкерлерден эмнелер талап кылынарын тизмектеди.

Аналитикалык платформаны толук ишке киргизүү максатында төмөнкү талаптар болот:

  • көзөмөл-кассалык машиналарды (ККМ) милдеттүү колдонуу;
  • электрондук эсеп-фактураларды милдеттүү колдонуу;
  • киреше салыгын жана камсыздандыруу төгүмдөрүн төлөө;
  • жер салыгын, мүлк салыгын төлөө (бар болсо);
  • импорттук-экспорттук операциянын жок болушу.

Ишкердик субъектилерди колдоо, кабыл алынуучу чечимдердин салыктык жана бажылык укук мамилелери бөлүгүндө оперативдүүлүгүн жогорулатуу, ак ниет салык төлөөчүлөр жана ишкер чөйрөсү үчүн жагымдуу салыктык жана бажылык климатты түзүү максатында министрлер кабинетине бир нече сунуш берген.

Ал Конституциянын 71-беренесинин негизинде жасалган.

Министрлер кабинетине берилген сунуштар:

Жогорку Кеңештин кароосуна ишканаларды салыктардан бошото турган мыйзамдардын долбоорун киргизүү айтылган. Алар — киреше салыгын жана камсыздандыруу төгүмдөрүн кошпогондо, реалдуу убакыт режиминде маалыматтарды берүү функциясы бар ККМди жана электрондук эсеп-фактуралардын маалыматтык системасын милдеттүү колдонуу шартында салык алуунун патенттик системасын оптималдаштыруу аркылуу жылдык жүгүртүүсү 8,0 миллион сомго чейин ишканалар. Кеп товарларды жеткирүүнү, калкка жумуштарды жана кызматтарды көрсөтүүнү жүргүзгөн субъектилер туурасында болуп жатат;

Салык төлөөчүнүн бирдиктүү карточкасын жана кошумча нарк, акциз салыктарын төлөөнү көзөмөлдөөнүн аналитикалык системасын түзүү, салык төлөөчүлөрдү тейлөөнүн сервистик моделин ишке киргизүүнү камсыз кылуу милдети коюлган. Андан сырткары, негизги бизнес-процесстерди санариптештирүү аркылуу салыктык башкаруу жол-жобосун жөнөкөйлөштүрүү жана салык органдарынын кызматкерлеринин салык төлөөчүлөр менен байланышын минималдаштыруу боюнча да тапшырма берилген;

маркаланган алкоголь жана тамеки продукциясына байкоо механизмин киргизүү;

маркаланууга жана байкалууга тийиш болгон товарлардын, анын ичинде дары-дармек каражаттарынын тизмесин толуктоо;

2026-жылга чейин Кыргызстанды өнүктүрүүнүн улуттук программасына ылайык, Бажы кызматын өнүктүрүүнүн концепциясын иштеп чыгуу жана 2021-жылдын аягына чейин бекитүү;

Кыргызстандын мамлекеттик чек арасындагы өткөрүү пунктуларында мамлекеттик көзөмөлдүн түрлөрүн жүргүзүүдө "бирдиктүү терезе" принцибин колдонуу;

ЕАЭБдин бажы чек арасынын кыргыз участогундагы автомобилдик өткөрүү пунктуларында товарларды жана транспорт каражаттарын текшерүүнү жүргүзүүдө "бирдиктүү терезе" принциби боюнча бирдиктүү мамлекеттик органдын ыйгарым укуктарын жүзөгө ашыруучу мамлекеттик орган деп бажы иштери чөйрөсүндөгү ыйгарым укуктуу мамлекеттик органды аныктоо;

ЕАЭБдин бажы чек арасынын кыргыз участогундагы автомобилдик өткөрүү пунктуларында жана мамлекеттик чек аранын кыргыз-казак участогундагы өткөрүү пунктуларына жакын жерлерде мамлекеттик көзөмөлдөөчү органдардын бизнес-процесстерин маалыматтык өз ара иштешүүнү камсыз кылуу аркылуу оптималдаштыруу;

Финансы министрлигине караштуу Мамлекеттик салык кызматына төмөнкү ыйгарым укуктарды берүү:

а) Кыргызстандын салык мыйзамдарына жана мамлекеттик социалдык камсыздандыруу жөнүндө мыйзамдарына ылайык, отчеттордун, эсептердин, декларациялардын, документтердин, кабарлоолордун, маалыматтардын, маалыматтык эсептердин, патенттердин, контрактылардын (келишимдердин), билдирмелердин, чечимдердин, корутундулардын, актылардын формаларын, аларды кагаз жүзүндөгү документ же электрондук документ түрүндө толтуруу, түзүү жана/же берүү тартибин бекитүү боюнча ыйгарым укукка ээ болушу керек;

б) юридикалык жактар мамлекеттик каттоо боюнча укукка ээ болушу керек.

мамлекеттик көзөмөлдөөнү (санитардык-эпидемиологиялык, ветеринардык, фитосанитардык, транспорттук) жүргүзүү боюнча координациялоочу органды аныктоо:

а) мамлекеттик чек аранын кыргыз-казак участогундагы өткөрүү пунктуларына жакын жерлерде жайгашкан товарларды эсепке алуу жайларында — Мамлекеттик салык кызматы координациялайт;

б) ЕАЭБдин бажы чек арасынын кыргыз участогунда жайгашкан автомобилдик өткөрүү пунктуларында — Мамлекеттик бажы кызматы координациялайт.

маалыматтар базасын Мамлекеттик салык кызматына берүү менен бажы кызматынын жана юридикалык жактарды, жарандарды, анын ичинде чет өлкөлүк жарандарды, кыймылдуу, кыймылсыз мүлктү, ишкердик объектилерди каттоо боюнча мамлекеттик органдардын системаларын Салык кызматынын системасы менен комплекстүү интеграциялоону жүргүзүү;

Мамлекеттик салык кызматынын жана Мамлекеттик бажы кызматынын кадрдык потенциалын оптималдаштыруу жана техникалык жактан жабдууну күчөтүү;

Улуттук банк менен биргеликте санариптик төлөм технологиялары чөйрөсүндөгү дүйнөлүк алдыңкы тажрыйбаны Кыргызстандагы коммерциялык банктардын реалдуу убакыт режиминде Мамлекеттик салык кызматына маалыматтарды берүүнү камсыз кылган көзөмөл-кассалык машиналардын функциясы бар РОS-терминалдарды милдеттүү колдонууга өтүүсүн эске алуу менен накталай эмес төлөмдүн үлүшүн көбөйтүүнүн иштиктүү механизмдерин кабыл алуу.

908
Белгилер:
Кыргызстан, Садыр Жапаров, салык, бошотуу, ишкана, Мамлекеттик салык кызматы, Мамлекеттик бажы кызматы, машина, Евразиялык экономикалык биримдик
Тема боюнча
334 млн. сом профицит. Кыргызстанда экономикалык өсүш байкалганы айтылды
Электр линиялары. Архив

Жаңы жылдан баштап айрымдар электр энергиясына 50 тыйындан төлөйт. Чоо-жайы

158
(жаңыланган 16:03 06.12.2021)
Электр энергиясы боюнча маселе ноябрдын соңунда өткөн Коопсуздук кеңешинин жыйынында козголгон.

БИШКЕК, 6-дек. — Sputnik. Аз камсыз болгон жарандар (үй-бүлөлөр) үчүн электр энергиясына тариф төмөндөдү. Тийиштүү жарлыкка президент Садыр Жапаров кол койгонун өлкө башчынын маалымат кызматы кабарлады.

Билдирүүдө Жапаров буга чейин, үстүбүздөгү жылдын 26-ноябрында Коопсуздук кеңешинин жыйынында аталган жарандарга электр энергиясы үчүн тарифтерди төмөндөтүүнүн механизмдерин иштеп чыгууну тапшырганы айтылат.

Жарлыктын максаты жана милдети 16 жашка чейинки балдары бар муктаж жарандарга (үй-бүлөлөргө) социалдык маанидеги товарларга баалардын өсүшү шартында даректүү социалдык колдоо көрсөтүү болуп саналат.

Документтин алкагында министрлер кабинетине токтом кылынат:

  • 16 жашка чейинки балдары бар, "үй-бүлөгө көмөк" мамлекеттик жөлөк пулун алган муктаж жарандар (үй-бүлөлөр) үчүн электр энергиясына тариф 2022-жылдын 1-январынан тартып айына 700 кВт/саатка чейин керектегенде бир кВт/саат үчүн 50 тыйын өлчөмүндө аныкталсын;
  • ушул жарлыктан келип чыгуучу, анын ичинде Кыргыз Республикасынын ченемдик-укуктук актыларына өзгөртүүлөрдү белгиленген тартипте киргизүү каралган чараларды көрсүн.
158
Белгилер:
тариф, электр энергиясы, Садыр Жапаров, жарлык, колдоо, жөлөк пул
Тема боюнча
Карылар жана балдар үйүндө жашагандардын тамактануусуна 2 эсе көп акча бөлүнөт
Прокуратура: электр энергиясына карызы бар адамдарды жаап-жашырган схема аныкталды
Садыр Жапаров акча кымырган энергетиктердин бир схемасын ачыктады
Автоунаанын фонунда дарак бутактарындагы кар

Шейшембиге карата аба ырайы

0
7-декабрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 6-дек. — Sputnik. Шейшембиде күндүз тоолуу райондордо кар жаап, дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй аймагында +7...+12, Талас өрөөнүндө +6...+11, Ош, Жалал-Абад жана Баткен облустарында +8...+13, Ысык-Көлдө +2...+7, Теңир-Тоодо 0...-5 градуска чейин суук болору айтылды.

Күндүн табы Бишкекте +9...+11, Ош шаарында +11...+13 градуска чейин көтөрүлөт.

0
Белгилер:
аба ырайы, декабрь, Кыргызстан
Тема боюнча
"Түндүк электр" 5,6 миңден ашуун абоненттин жарыгын өчүрөт