Министрлер кабинетинин төрагасы Акылбек Жапаров республикалык штабдын кезектеги жыйыны учурунда

Акылбек Жапаров: аткаминерлерге көмүр маселесин чечүүгө эки жума убакыт берем

193
Жапаровдун айтымында, учурда аткаминерлердин шалаакылыгынан республиканын аймактары көмүр менен толук көлөмдө камсыз болбой жатат.

БИШКЕК, 12-ноя. — Sputnik. Министрлер кабинетинин төрагасы Акылбек Жапаров республикалык штабдын кезектеги жыйынын өткөрүп, жылытуу мезгилинин жүрүшү тууралуу маалыматты укту. Бул тууралуу өкмөттүн маалымат кызматы кабарлады.

Тиешелүү мамлекеттик жана жергиликтүү бийлик органдарынын жетекчилери отун, электр энергиясы менен камсыздоо боюнча маалымат берген.

"Учурда аткаминерлердин шалаакылыгынан республиканын аймактары көмүр менен толук көлөмдө камсыз болбой жатат. Буга жол берилбеши керек, азыркы кырдаалды жөнгө салуу үчүн сиздерге эки жума убакыт берем. Мамлекеттик органдардын транспорттук мүмкүнчүлүктөрүн мобилизациялоо менен облустарга көмүр ташууну уюштуруңуздар, бардык аймактар көмүр менен 100 пайыз камсыздалсын. Көмүрдү өз убагында белендөө электр тармагындагы жүктөмдү азайтып, белгиленген лимиттерди сактоого шарт түзмөк. Биз ар кандай сценарийге даяр болушубуз керек", — деди Жапаров.

Министрлер кабинетинин төрагасы калк арасында электр энергиясын керектөө лимиттерин сактоо боюнча түшүндүрүү иштерин күчөтүү зарыл экенин, ошол эле учурда керектөөчүлөрдүн жана социалдык объектилердин жарыгын өчүрүүгө жол берилбеши керектигин кошумчалаган.

Кеңешменин жыйынтыгы боюнча Акылбек Жапаров көмүргө карата бааны атайылап жогорулатууну алдын алуу үчүн мобилдик топ түзүүнү тапшырган. Анда Бишкек мэриясынын, Энергетика министрлигинин, ИИМдин, Монополияга каршы жөнгө салуу агенттигинин, Салык кызматынын өкүлдөрү иш алып барышы керек.

193
Белгилер:
Акылбек Жапаров, көмүр, отун, баалар, электр энергиясы, жыйын
Тема боюнча
Конуштарда көмүр колдонулбайт! Новиков жаңы долбоор тууралуу
Алтын куймалары. Архив

Улуттук банктын алтын запасы бир айда 1,6 млрд. сомго азайды

22
Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган.

БИШКЕК, 27-ноя.— Sputnik. Кыргызстандын алтын-валюта кору октябрь айында 1 миллиард 577 сомго кыскарды. Бул тууралуу Улуттук банктын ачык маалыматтарында айтылат.

Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган. Тагыраагы, 99 миллиард сомдон 36, 4 миллиард сомго түшкөн. Кийинчерээк алтындын кору бир аз (37, 9 миллиард сомго) кымбаттаган. Сентябрда кайра 29 миллиард 74,4 миллион сомго чейин түшүп кеткен.

1-октябрга карата анын баасы 49 миллиард 905,7 миллион сомго өскөнү айтылды. Бирок ноябрда кайра 48 миллиард 328,7 миллион сомго төмөндөгөн.

Алтын-валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат: CDR (Атайын карыз алуу укугу – Эл аралык валюта фондунун (ЭВФ) жасалма резерви жана төлөө каражаттары) жана алтын.

22
Белгилер:
Кыргызстан, Улуттук банк, алтын
Тема боюнча
Евразия өнүктүрүү банкы Кыргызстанда инфляция качан басаңдай турганын айтты
Кыргызстанда доллардын курсу жакынкы жылдары кандай өзгөрөт? ЕАӨБдүн божомолу
Кыргызстандын президенти Садыр Жапаров Коопсуздук кеңешинин жыйыны учурунда

Садыр Жапаров: ишкер же инвесторго кысым көрсөткөндөрдү катуу жазалайбыз!

118
(жаңыланган 16:31 26.11.2021)
Мамлекет башчы ишкерлерге мамлекеттик органдан тарта уюшкан кылмыштуу топторго чейин салык салып, тоскоолдук жаратарын белгилеген.

БИШКЕК, 26-ноя. — Sputnik. Кимде-ким ишкерлерге жана инвесторлорго кысым көрсөтсө кызматына же погонуна карабай катуу жазалайбыз. Бул тууралуу мамлекет башчы Садыр Жапаров Коопсуздук кеңешинин жыйынында билдирди.

Президент бизнес көйгөйлөрдү мамлекеттин колдоосу жок жеңе албай турганын айтып, ишкердикти өнүктүрүү менен бюджеттин кирешесин көбөйтсө болорун белгиледи.

"Ишкерлердин ийгилиги экономикага оң таасирин тийгизет. Бул бизге социалдык чөйрөдө, коопсуздук маселелеринде, экологияда, адамзат капиталын жакшыртууда жана башка багытта алдыга коюлган башка маселелерди толук кандуу чечүүгө мүмкүндүк берет. Тилекке каршы, мамлекеттин учурдагы экономикалык абалы иш жүргүзүүгө мүмкүндүк бербей жатат. Инвестицияларды тартуу, экономиканын өсүшү өлкөнү өнүктүрүү үчүн негизги фактор болуп саналат", — деди Жапаров.

Ал азыркы тартылган инвестициялардын көлөмү абалды түп-тамырынан жакшыртуу үчүн дээрлик жетишсиз экенин айтып, ишкерлерге мамлекеттик органдан тарта уюшкан кылмыштуу топторго чейин тоскоолдук жаратарын белгилеген.

"Криминалитет тарабынан коркутууга туш болгон ишкерлер унчукпоого мажбур болушат, ошондой эле укук коргоо органдарына кайрылуудан коркушат, анткени аларга ишенишпейт. Ишкерлердин жана инвесторлордун укуктарын жана кызыкчылыктарын толук кандуу, мыйзамдуу коргоонун жоктугунан алар ар бир келген адамга мыйзамсыз акча төлөп жатышат. Салык жана бажы мыйзамдарындагы айрым кемчиликтер дагы ишкерлердин укуктарына зыян келтирүүдө", — деген президент.

Мамлекет башчы бүгүндөн баштап ишкерлердин жана инвесторлордун мыйзамдуу укуктарын бузган мамлекеттик, өзгөчө көзөмөл жана укук коргоо органдарынын бардык жетекчилери жоопкерчиликке тартыла турганын эскерткен.

"Азыр кимде-ким ишкерлерге жана инвесторлорго кысым көрсөтсө, ал кимдин тууганы, ага-иниси же куда-сөөгү болбосун, катуу жазаланат. Кайсы кызматты ээлегенине же кандай форма кийип, кандай погон тагынганына карабайбыз. Бул силердин дайыма курсак тойгузуп турган бекер жайытыңар эмес", — деген ал.

Жапаров бийлик ишкерлерге жана инвесторлорго максималдуу жардам көрсөтүүгө милдеттүү экенин белгилеп өткөн.

118
Белгилер:
Садыр Жапаров, ишкер, инвестор, мамлекеттик орган, көзөмөл
Тема боюнча
Миллиарддарды жешкен. Жапаров кирешелүү тармактардагы көйгөйлөрдү тизмектеди
110 миң үй-бүлө электр энергияга 50 тыйындан төлөсүн. Жапаров тапшырма берди
Садыр Жапаров айыл чарба министрине жана эки аткаминерге сөгүш берди
Жапаров: өлкөдө азык-түлүк менен камсыз кылуунун деңгээли кооптуу абалда
Айыл чарба министрлигинин айыл чарба өсүмдүктөрүн экспертизалоо департаментинин башкы агроном-биологу Бермет Иманбаева

Иманбаева: үрөн селекциясында жапайы өсүмдүктөрдүн келечеги кең

0
Айыл чарба министрлигинин айыл чарба өсүмдүктөрүн экспертизалоо департаментинин башкы агроном-биологу Бермет Иманбаева селекциялоодо жапайы өсүмдүктөрдүн мааниси тууралуу айтып берди.

Үрөн селекциясында жапайы өсүмдүктөрдүн келечеги кең. Анткени алар өлкөдөгү климатка ыңгайлуу, ооруларга каршы туруктуу болушат. Бул тууралуу Бермет Иманбаева Sputnik Кыргызстан радиосунда маек куруп жатып билдирди.

Иманбаева: үрөн селекциясында жапайы өсүмдүктөрдүн келечеги кең

Анын айтымында, өлкөнүн био-түрдүүлүгүн изилдөө үчүн чет мамлекеттерден экспедициялар келип турат.

"Генетикалык банкта айыл чарба өсүмдүктөрү менен бирге алардын жапайы түрлөрү дагы сакталат. Анткени жапайы түрү селекциялоодо маданий өсүмдүктүн жакын түрү болуп саналат. Кыйыштырганда жапайы түрүнүн гени дал келип жакшы сортторду чыгарууга мүмкүнчүлүк түзүлөт. Ошондой эле жапайы түрлөрү өлкөдөгү климатка ыңгайлуу, ооруларга каршы туруктуу болушат. Үрөн селекциясында булардын келечеги кең. Селекцияны өнүктүрүү, өлкөнүн пайдасына колдонуу үчүн өсүмдүктөрдүн жапайы түрлөрү эң чоң байлык болуп эсептелет. Анын үстүнө Кыргызстанда маданий өсүмдүктөрдүн жапайы түрлөрү абдан көп. Ошондуктан башка мамлекеттерден экспедициялар келип, изилдешет. Себеби алар өздөрүнүкүн жоготуп алышкан", — деди Иманбаева.

Ошондой эле ал өлкөнүн климаты ар кандай өсүмдүктөрдүн түрлөрүнө ыңгайлуу экенин кошумчалады.

Подкасттын толук вариантын видеодон көрүңүз:

0
Белгилер:
үрөн, өсүмдүктөр, дыйкан, Бермет Иманбаева
Тема боюнча
Кыргызстанда сактоодогу үрөндөрдүн коллекциялары жаңыртылат