Темир жол. Архив

Акылбек Жапаров КМШ өкмөт башчыларына жаңы темир жолдорду курууну сунуштады

104
Өкмөт башчы Кыргызстан транспорт логистикасын жана темир жол инфраструктурасын өнүктүрүүгө өзгөчө маани берерин белгиледи.

БИШКЕК, 12-ноя. — Sputnik. Министрлер кабинетинин төрагасы Акылбек Жапаров Көз карандысыз мамлекеттердин шериктештигине мүчө-өлкөлөрдүн өкмөт башчыларынын жыйынында жаңы темир жол куруу темасын козгоду.

Анын айтымында, Кыргызстан транспорт логистикасын жана темир жол инфраструктурасын өнүктүрүүгө, ошондой эле барьерлерди жоюуга өзгөчө көңүл бурат.

"Кыргызстан үчүн деңизге чыга албаган өлкө катары транспорттук коридорду жакшыртуу, экономикалык обочолонуудан чыгуу өтө маанилүү", — деди Жапаров.

Ошондой эле ал ушуга байланыштуу республика бардык тараптын кызыкчылыгын эске алуу менен КМШ өлкөлөрүнүн транспорттук жана транзиттик потенциалын өстүрүүнү кубаттай турганын белгиледи.

"Кыргызстан жүк жана жүргүнчү каттамдары боюнча КМШ өлкөлөрүнө темир жол аркылуу гана чыга алат, тагыраак айтканда, Өзбекстан менен Казакстанга. Мындай маселенин чечилиши биз үчүн өзгөчө мааниге ээ", — деди өкмөт башчы.

Аны менен катар Жапаров темир жол транспортун өнүктүрүү концепциясы КМШ мейкиндигинде тиешелүү инфраструктураларды өнүктүрүүгө көмөкчү болот деген ишенимин билдирди.

104
Белгилер:
Акылбек Жапаров, темир жол, КМШ, куруу
Тема боюнча
Кыргызстанда Түндүк – Түштүк жолунун бир бөлүгү жана эки ири көпүрө ачылды. Сүрөт
Айыл Банктын тейлөө кеңсеси. Архив

Жапаровдун тапшырмасынан соң "Айыл Банктан" коррупциялык фактылар табылды

202
(жаңыланган 15:15 29.11.2021)
Садыр Жапаров Коопсуздук кеңешинин жыйынында дыйкандарга багытталган кредиттердин бизнесмендерге берилишин иликтөө үчүн УКМК төрагасы Камчыбек Ташиевге тапшырма берген.

БИШКЕК, 29-ноя. — Sputnik. Президент Садыр Жапаровдун Коопсуздук кеңешинин жыйынында айтылган тапшырмасынан кийин УКМК "Айыл Банктагы" коррупциялык көрүнүштөрдү текшерип баштады. Бул туурасында аталган ведомствонун маалымат кызматынан кабарлашты.

Эске салсак, президент Жапаров Коопсуздук кеңешинин жыйынында дыйкандарга багытталган кредиттердин бизнесмендерге берилишин иликтөө үчүн УКМК төрагасы Камчыбек Ташиевге тапшырма берген.

Мамлекет башчы үстөк пайызы төмөн насыяларды депутаттар, министрлер, губернаторлор жана алардын туугандары өзүнө тартып кеткенин белгилеген.

"Аталган насыялар калктын социалдык жактан аялуу катмарына, ошондой эле дыйканчылыкты жана мал чарбачылыгын өнүктүрүүгө багытталган", — деп айтылат маалыматта.

Көрсөтүлгөн сотко чейинки өндүрүштү иликтөөнүн жыйынтыгы боюнча "Айыл Банк" ААКнын жооптуу адамдарынын жана башка жактардын аракеттерине юридикалык баа берилип, бул тууралуу коомчулукка кошумча маалымат берилери айтылды.

202
Белгилер:
Кыргызстан, 'Айыл Банк' ААК, насыя, дыйкан, коррупция
Тема боюнча
Эки ай берем. Жапаров жыйында Ташиевди тургузуп алып тапшырма берди. Видео
Бажы кызматкери товарларды текшерүүдө. Архивдик сүрөт

Бажы чек арасы аркылуу товарларды өткөрүүдө коридорлордун түрлөрү аныкталды

78
(жаңыланган 13:50 29.11.2021)
Мындай чечим ЕАЭБдин бажы чек арасы аркылуу товарларды өткөрүүнү тездетүү жана жөнөкөйлөтүү үчүн тобокелдиктерди башкаруу системасын пайдалануу максатында кабыл алынган.

БИШКЕК, 29-ноя. — Sputnik. Бажы чек арасы аркылуу товарларды өткөрүүдө коридорлордун түрлөрү аныкталды. Тийиштүү чечимге министрлер кабинетинин төрагасы Акылбек Жапаров кол койгонун өкмөттүн маалымат кызматы билдирди.

Аталган чечим бажы органдары тарабынан тобокелдиктерди минималдаштыруу боюнча чараларды дифференттүү колдонуунун зарылдыгы аныкталбаган Евразия экономикалык биримдигинин бажы чек арасы аркылуу товарларды өткөрүүнү тездетүү жана жөнөкөйлөтүү үчүн тобокелдиктерди башкаруу системасын пайдалануу максатында кабыл алынган.

Мындан улам "Бажылык жөнгө салуу жөнүндө" мыйзамынын 103-беренесине, "Министрлер кабинети жөнүндө" конституциялык мыйзамдын 13 жана 17-беренелерине ылайык, бажы чек арасы аркылуу товарларды өткөрүүдө коридорлордун төмөнкүдөй түрлөрү жана категориялоонун жыйынтыгы боюнча колдонулуучу тобокелдиктерди минималдаштыруу боюнча тиешелүү чаралар аныкталды:

  • "жашыл коридор" – тобокелдиктерди минималдаштыруу боюнча чаралар колдонулбайт;
  • "сары коридор" – документтерди текшерүү менен байланышкан тобокелдиктерди минималдаштыруу боюнча чаралар колдонулат;
  • "кызыл коридор" – "бажылык жана башка документтерди, (же) маалыматты текшерүү" жана "бажылык текшерүү" бажы контролунун формаларын милдеттүү түрдө колдонуу менен тобокелдиктерди минималдаштыруу үчүн бардык чаралар колдонулушу мүмкүн.

"Жашыл коридор" боюнча тобокелдиктин деңгээли төмөн болгон тышкы экономикалык иштин катышуучусунун дарегине өткөрүлүүчү жана ички керектөө үчүн чыгаруунун бажы жол-жобосуна жайгаштырылуучу товарларга карата тобокелдиктерди минималдаштыруу боюнча чараларды колдонбостон бажы декларациясы катталган учурдан тартып 30 мүнөттөн ашпаган убакытка белгилениши шарт. Буга бажы иши чөйрөсүндөгү ыйгарым укуктуу мамлекеттик орган тарабынан аныкталган тартипте "жашыл коридордон" башка коридорго өткөрүү учурлары кирбейт.

Ошондой эле ушул токтомдун 2-пунктунда белгиленген учурларды кошпогондо, бажылык декларациялоодо бажы декларациясы катталгандан тартып товарларды бажы жол-жобосуна жайгаштырууда үч сааттан ашпаган убакытка белгилөө чечими кабыл алынды.

Ал эми бажы декларациясы бажы органынын иш убактысынын аяктаарына үч сааттан аз убакыт калганда катталса, ушул бажы органынын иштеп баштаган учурунан тартып 3 сааттын ичинде деп көрсөтүлгөн.

Жактарды тобокелдиктин төмөн, орто же жогорку деңгээлиндеги категорияларга киргизүү тартиби жана критерийлери бажы иши чөйрөсүндөгү ыйгарым укуктуу мамлекеттик орган тарабынан аныкталат деп белгиленген.

78
Белгилер:
бажы, өкмөт, чечим, Евразиялык экономикалык биримдик, Бажы биримдиги
Тема:
ЕАЭБдеги Кыргызстан
Тема боюнча
Кымбатчылык жагынан ЕАЭБ өлкөлөрүнүн ичинен Кыргызстан алдыга чыкты
Мишустин: эффективдүү дарылар ЕАЭБ өлкөлөрүнө жеткиликтүү болушу керек
Көчөдө бараткан аял. Архив

Шейшембиге карата аба ырайы

0
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

0
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды