Кыргызстандын жана Россиянын желектери

Жеңилдетилген насыя жана тамшандырган эт. Россиялык ишканалардын сапарына сереп

816
(жаңыланган 19:40 12.11.2021)
Кыргызстанга 60тан ашуун россиялык компаниянын өкүлдөрү келди. Иш миссиясынын сапары аяктай элек, бирок азыртан эле маанилүү жана кызыктуу жаңылыктарга жык болууда.

Россиялык компаниялардын эл аралык көп тармактуу ишкердик миссиясы Бишкекке келип, алар менен биргеликте өтүп жаткан бизнес-форумга кыргыз тараптан 200дөн ашуун ишкер катышууда.

Кызыктуу формат

Бул өзүм күбө болуп чагылдырган алгачкы бизнес-форум эмес, бирок бул ирет программанын басымдуу бөлүгүн конференциялар эмес, ишкерлердин жолугушуулары түзүүдө. Анткен менен конференциялар да маалыматка бай болду.

На полях заседания Деловой миссии российских компаний в Кыргызстане
© Sputnik / Табылды Кадырбеков
Россиялык компаниялардын эл аралык көп тармактуу ишкердик миссиясы Бишкекке келип, алар менен биргеликте өтүп жаткан бизнес-форумга кыргыз тараптан 200дөн ашуун ишкер катышууда

Кыргызстандын бийлигинин күткөнү эмне?

Иш-чаранын алып баруучусу адегенде сөздү КР министрлер кабинетинин биринчи орун басары Арзыбек Кожошевге берди. Ал ЕАЭБ алкагында жаңы артыкчылыктар пайда болгонун белгиледи. Мындан ары да гидроэнергетика, санарип трансформация, айыл чарба жана башка тармактарда соода-экономикалык жана илимий кызматташтыкты өрчүтүү зарыл деп эсептейт. Булардын баары байланышты бекемдөөгө, атаандаштыктын артыкчылыктарын пайдаланууга, жамааттык азык-түлүк коопсуздугунун деңгээлин жогорулатууга, ЕАЭБ жана үчүнчү өлкөлөрдүн рыногуна кыргызстандык өндүрүмдөрдүн экспортун кеңейтүүгө өбөлгө болот.

Первый заместитель кабинета министров Кыргызстана Арзыбек Кожошев выступает на заседании Деловой миссии российских компаний в Кыргызстане
© Sputnik / Табылды Кадырбеков
КР министрлер кабинетинин биринчи орун басары Арзыбек Кожошев
"Өлкөнүн негизги багыттарынын бири — калыбына келүүчү энергия булактарына өтүү жана гидропотенциалды масштабдуу пайдалануу. Бул маселелерде биз дүйнөдө алдыңкы саптагы россиялык заманбап технологияларга таянабыз", — дейт Кожошев.

Ошондой эле ал бул иш-чара эки тараптуу алакалардын өнүгүшүнө өбөлгө болорун белгилеп, катышуучуларга өз ара пайдалуу шарттарда келишимдерге кол коюуну каалады.

ЕАЭБге мүчө болуунун артыкчылыгы жана миллиарддаган рубль

Форумда алгачкылардан болуп сөз алган Россиянын КРдеги элчиси Николай Удовиченко ЕАЭБдин жардамы менен 2020-жылы эки тараптуу соода-экономикалык мамилелер сакталып турганын, ал эми быйыл кыйла илгерилеп жатканын билдирди. Удовиченко Кыргызстандын салык тутумун заманга бапташтыруу, товарды маркировкалоо жана байкоо салуу программасын ишке киргизүүгө Россия көмөктөшүп жатканын маалымдады. Бул максатка миллиарддаган рубль бөлүнгөн.

Посол России в КР Николай Удовиченко на заседании Деловой миссии российских компаний в Кыргызстане
© Sputnik / Табылды Кадырбеков
Россиянын КРдеги элчиси Николай Удовиченко

Кыргызстанга жүз миңдеген доллар түшүшү мүмкүн

Россия-кыргыз өнүктүрүү фондунун башкаруу тобунун төрагасы Артем Новиков жакынкы жылдары РФтен 400 миллион доллардан ашуун каражат тартыларын кабарлады:

  • "Росэксимбанк" келерки жылы Россия-кыргыз өнүктүрүү фонду менен биргеликте каржылоо үчүн 200 миллион доллар бөлүүгө даяр;
  • Россиялык "Нацпромлизинг" менен "Нацпромлизинг — Кыргызстан" лизингдик компаниясын түптөө жөнүндө келишимге кол коюлду. Бул жакынкы жылдарда республиканын экономикасына 200 миллион доллардын тегерегиндеги каражат тартууга мүмкүндүк берет.

Кийинчерээк Новиков журналисттерге каражаттардын которуу шарттары тууралуу айтып берди.

Ышты азайтуу аракети

Негизи Новиков фонд ушул тапта иштеп чыгып жаткан дагы эки долбоор жөнүндө кабарлады. Экологиялык жактан экөө тең абдан маанилүү, ошол эле убакта жарандардын капчыгын да эңшербегендей болуусу шарт. Алардын биринчиси — геотермалдык жылуулукту өнүктүрүү жана борбордун конуштарын баскыч-баскычы менен ага өткөрүү.

Председатель правления Российского-кыргызского фонда развития Артем Новиков выступает на заседании Деловой миссии российских компаний в Кыргызстане
© Sputnik / Табылды Кадырбеков
Россия-кыргыз өнүктүрүү фондунун башкаруу тобунун төрагасы Артем Новиков
"Шаар тургундарын үйдө көмүр жагуу аргасыздыгынан арылтып, борбордогу ыш көйгөйүн азайтат. Келечегинде жылытуунун мындай түрүнүн акысы көмүр сатып алуу чыгымдарынан ашпоого тийиш", — дейт  Россия-кыргыз өнүктүрүү фондунун башчысы.

Экинчи долбоор — республикадагы газ-мотордук отун мүмкүнчүлүктөрүн кеңейтүү. Ушул тапта автотранспортко газ жабдыгын узак мөөнөткө жана аз пайыз менен бөлүп төлөөгө алуу үчүн мамлекеттик банктар менен консультациялар жүргүзүүдөбүз. Өз кезегинде фонд газ сактагыч жана газ толтуруучу жайларды кура турган газ-мотордук отун менен жабдуучу компанияларды колдоого алат.

Бул долбоорлор бир күндүк да, ал түгүл бир жылдык да эмес, бирок өлкөнүн экологиялык туруктуулугу үчүн өтө маанилүү экенин белгиледи Новиков.

Кыргыз бизнесине жеңилдетилген насыялар берилиши ыктымал

"Россия экспорттук борбору" АКсынын агроөнөр жай комплексин колдоо долбоорунун жетекчиси Денис Казанников россиялык ишканаларга КРге экспорттоо максатында сырье, өндүрүм жана материалдарды сатып алуу үчүн жеңилдетилген пайыздык ченде каражат алууну сунуштайт. Мындан тышкары, жеңилдетилген насыяларды россиялык товарларды сатып ала турган кыргызстандыктар да алышат. Азыр механизмди түзүү боюнча иштер аткарылууда.

Тамшандырган этти мактап...

Россиядагы Уй этин өндүрүүчүлөр улуттук союзунун жетекчиси Роман Костюк кыргыз этине катуу суктанды. КР ишкерлери менен мурда жолукканда да өлкөнүн атаандаштык артыкчылыгын атаган эле.

"Россия малды жем менен өстүрүүгө өтүүдө. Анын артынан Казакстан да америкалыктардын таасири менен малга жем берүүгө өтүп, стейк жасоого майлуу эт алууга басым жасоодо. Кыргызстан — эң пайдалуу азык, эң жегиликтүү эт, мээлүүн жел, эң мээримдүү тийген күндүн өлкөсү. Кыргызстанда эмне өндүрүүгө болот?

Тоолордогу жайлоолордо чөптүн түрүн жеп өскөн малдын эң даамдуу эти стейк тургай, пайдалуулугу жагынан форель менен атаандаша алат", — дейт Костюк.

Стейк жаатында күрөш жүрүп жаткан убакта Кыргызстан тоо чөптөрү менен өстүрүлгөн малдын курамында омега-3 май кычкылы омега-6га караганда үч эсе көп этин рынокко чыгарат. Адамдын организми эң оболу дал ушул заттын синтезделбеген түрүнө муктаж экенин белгилей кетели.

Корутунду

Адатта бизнес-форумдардын ийгилигинин өлчөмү – келишимдерге кол коюлушу. Иш-чаранын биринчи эле күнүндө бир нече маанилүү документке кол коюлду. Кечээ сүйлөшүүлөр дагы уланып, бүгүн өнөктөш компанияларга барып таанышуулар жүрдү. Ошондуктан макулдашуулардын тизмеси дагы кеңейери бышык.

816
Белгилер:
Кыргызстан, Россия, ишкер, бизнес
Тема:
Россиялык компаниялардын Кыргызстандагы миссиясы (13)
Тема боюнча
"Кыргыз темир жолу" россиялык компаниядан 100 вагон сатып алат
Россиялык ишкер: КРдин күн энергетикалык станциялар боюнча мүмкүнчүлүгү чоң
Адис: кыргызстандыктар Россиядан алган малын Өзбекстанга сатып жатат
Акча каражаттары. Архив

Президент салыктан бошоткон ишканаларга беш талап койду. Тизме

37
(жаңыланган 16:55 06.12.2021)
Садыр Жапаров Конституциянын 71-беренесинин негизинде министрлер кабинетине 13 пунктудан турган сунуш берген.

БИШКЕК, 6-дек. — Sputnik. Садыр Жапаров жүгүртүүсү 8 миллион сомго чейин болгон ишкерлик субъектилерди салыктан бошотууну караган жарлыкка кол коюп, бирок бир нече талап койду.

Мамлекет башчынын маалымат кызматы жарлык "Чакан ишкердик субъектилерди колдоо, жагымдуу салык жана бажы климатын түзүү жөнүндө" деп аталарын белгилеп, ишкерлерден эмнелер талап кылынарын тизмектеди.

Аналитикалык платформаны толук ишке киргизүү максатында төмөнкү талаптар болот:

  • көзөмөл-кассалык машиналарды (ККМ) милдеттүү колдонуу;
  • электрондук эсеп-фактураларды милдеттүү колдонуу;
  • киреше салыгын жана камсыздандыруу төгүмдөрүн төлөө;
  • жер салыгын, мүлк салыгын төлөө (бар болсо);
  • импорттук-экспорттук операциянын жок болушу.

Ишкердик субъектилерди колдоо, кабыл алынуучу чечимдердин салыктык жана бажылык укук мамилелери бөлүгүндө оперативдүүлүгүн жогорулатуу, ак ниет салык төлөөчүлөр жана ишкер чөйрөсү үчүн жагымдуу салыктык жана бажылык климатты түзүү максатында министрлер кабинетине бир нече сунуш берген.

Ал Конституциянын 71-беренесинин негизинде жасалган.

Министрлер кабинетине берилген сунуштар:

Жогорку Кеңештин кароосуна ишканаларды салыктардан бошото турган мыйзамдардын долбоорун киргизүү айтылган. Алар — киреше салыгын жана камсыздандыруу төгүмдөрүн кошпогондо, реалдуу убакыт режиминде маалыматтарды берүү функциясы бар ККМди жана электрондук эсеп-фактуралардын маалыматтык системасын милдеттүү колдонуу шартында салык алуунун патенттик системасын оптималдаштыруу аркылуу жылдык жүгүртүүсү 8,0 миллион сомго чейин ишканалар. Кеп товарларды жеткирүүнү, калкка жумуштарды жана кызматтарды көрсөтүүнү жүргүзгөн субъектилер туурасында болуп жатат;

Салык төлөөчүнүн бирдиктүү карточкасын жана кошумча нарк, акциз салыктарын төлөөнү көзөмөлдөөнүн аналитикалык системасын түзүү, салык төлөөчүлөрдү тейлөөнүн сервистик моделин ишке киргизүүнү камсыз кылуу милдети коюлган. Андан сырткары, негизги бизнес-процесстерди санариптештирүү аркылуу салыктык башкаруу жол-жобосун жөнөкөйлөштүрүү жана салык органдарынын кызматкерлеринин салык төлөөчүлөр менен байланышын минималдаштыруу боюнча да тапшырма берилген;

маркаланган алкоголь жана тамеки продукциясына байкоо механизмин киргизүү;

маркаланууга жана байкалууга тийиш болгон товарлардын, анын ичинде дары-дармек каражаттарынын тизмесин толуктоо;

2026-жылга чейин Кыргызстанды өнүктүрүүнүн улуттук программасына ылайык, Бажы кызматын өнүктүрүүнүн концепциясын иштеп чыгуу жана 2021-жылдын аягына чейин бекитүү;

Кыргызстандын мамлекеттик чек арасындагы өткөрүү пунктуларында мамлекеттик көзөмөлдүн түрлөрүн жүргүзүүдө "бирдиктүү терезе" принцибин колдонуу;

ЕАЭБдин бажы чек арасынын кыргыз участогундагы автомобилдик өткөрүү пунктуларында товарларды жана транспорт каражаттарын текшерүүнү жүргүзүүдө "бирдиктүү терезе" принциби боюнча бирдиктүү мамлекеттик органдын ыйгарым укуктарын жүзөгө ашыруучу мамлекеттик орган деп бажы иштери чөйрөсүндөгү ыйгарым укуктуу мамлекеттик органды аныктоо;

ЕАЭБдин бажы чек арасынын кыргыз участогундагы автомобилдик өткөрүү пунктуларында жана мамлекеттик чек аранын кыргыз-казак участогундагы өткөрүү пунктуларына жакын жерлерде мамлекеттик көзөмөлдөөчү органдардын бизнес-процесстерин маалыматтык өз ара иштешүүнү камсыз кылуу аркылуу оптималдаштыруу;

Финансы министрлигине караштуу Мамлекеттик салык кызматына төмөнкү ыйгарым укуктарды берүү:

а) Кыргызстандын салык мыйзамдарына жана мамлекеттик социалдык камсыздандыруу жөнүндө мыйзамдарына ылайык, отчеттордун, эсептердин, декларациялардын, документтердин, кабарлоолордун, маалыматтардын, маалыматтык эсептердин, патенттердин, контрактылардын (келишимдердин), билдирмелердин, чечимдердин, корутундулардын, актылардын формаларын, аларды кагаз жүзүндөгү документ же электрондук документ түрүндө толтуруу, түзүү жана/же берүү тартибин бекитүү боюнча ыйгарым укукка ээ болушу керек;

б) юридикалык жактар мамлекеттик каттоо боюнча укукка ээ болушу керек.

мамлекеттик көзөмөлдөөнү (санитардык-эпидемиологиялык, ветеринардык, фитосанитардык, транспорттук) жүргүзүү боюнча координациялоочу органды аныктоо:

а) мамлекеттик чек аранын кыргыз-казак участогундагы өткөрүү пунктуларына жакын жерлерде жайгашкан товарларды эсепке алуу жайларында — Мамлекеттик салык кызматы координациялайт;

б) ЕАЭБдин бажы чек арасынын кыргыз участогунда жайгашкан автомобилдик өткөрүү пунктуларында — Мамлекеттик бажы кызматы координациялайт.

маалыматтар базасын Мамлекеттик салык кызматына берүү менен бажы кызматынын жана юридикалык жактарды, жарандарды, анын ичинде чет өлкөлүк жарандарды, кыймылдуу, кыймылсыз мүлктү, ишкердик объектилерди каттоо боюнча мамлекеттик органдардын системаларын Салык кызматынын системасы менен комплекстүү интеграциялоону жүргүзүү;

Мамлекеттик салык кызматынын жана Мамлекеттик бажы кызматынын кадрдык потенциалын оптималдаштыруу жана техникалык жактан жабдууну күчөтүү;

Улуттук банк менен биргеликте санариптик төлөм технологиялары чөйрөсүндөгү дүйнөлүк алдыңкы тажрыйбаны Кыргызстандагы коммерциялык банктардын реалдуу убакыт режиминде Мамлекеттик салык кызматына маалыматтарды берүүнү камсыз кылган көзөмөл-кассалык машиналардын функциясы бар РОS-терминалдарды милдеттүү колдонууга өтүүсүн эске алуу менен накталай эмес төлөмдүн үлүшүн көбөйтүүнүн иштиктүү механизмдерин кабыл алуу.

37
Белгилер:
Кыргызстан, Садыр Жапаров, салык, бошотуу, ишкана, Мамлекеттик салык кызматы, Мамлекеттик бажы кызматы, машина, Евразиялык экономикалык биримдик
Тема боюнча
334 млн. сом профицит. Кыргызстанда экономикалык өсүш байкалганы айтылды
Электр линиялары. Архив

Жаңы жылдан баштап айрымдар электр энергиясына 50 тыйындан төлөйт. Чоо-жайы