Улуттук тарых музейиндеги экспонаттар

Тарых музейин жаңылоого канча акча корогон? 770 миң евролук эмерек, 14 миңдик ат

321
(жаңыланган 14:02 19.11.2021)
Беш жыл бою каалгасын жаап турган Тарых музейи акыры ачылды. Sputnik Кыргызстан бул жайга алынган эмеректер жана экспонаттар, ошондой эле консультациялык-дизайнердик кызматтар канчага бааланганын эске салууну чечти.

БИШКЕК, 19-ноя. — Sputnik. Улуттук тарых музейи бүгүн расмий ачылды. Аны реконструкциялоо 2016-жылы башталып, чуу менен коштолду.

Коомчулук музей үчүн сатып алынган эмерек жана экспонаттардын баасы өтө кымбат чыкканына нааразы болушкан. Бул туурасында эл депутаттардан уккан. 2018-жылы алар Улуттук музейде көчмө жыйын өткөрүп, реконструкциялоо иштери менен таанышкан.

Ошол кездеги депутат Бахадыр Сулейманов немец өндүрүшүнөн чыкты деп алып келинген бир отургучтун баасы 100 миң сом болгонун айтып таң калган. Мындан сырткары, музейге алынган бир композициянын жыгач койгучу 600 доллар турарын билдирген.

Эл өкүлү Каныбек Иманалиев 28 миң еврого алынган эки жылкынын статуясы эшекке окшоп калганын айткан жайы бар.

Кийинчерээк "Ата Мекен" фракциясынын депутаттары музейди жаңылоого кеткен чыгымдар жазылган документти жарыялаган. Анда эмеректер, жабдуулар канчага сатып алынганы, консультациялык кызмат жана башкалардын наркы көрсөтүлгөн.

Анда чыгымдардын тизмеси төмөндөгүдөй көрсөтүлгөн:

  • экспозициянын курулушу — 1 миллион 339 миң 837 евро;
  • экспозициялык жабдык (витрина) — 2 миллион 854 миң 285 евро;
  • фонддук жабдуу — 665 миң 554 евро;
  • шамчырак, көргөзмө залдар үчүн шина проводдор — 552 миң 910 евро;
  • мультимедиалык жабдыктар — 497 миң 310 евро;
  • тирөөч/экспонаттардын жайгашышы — 242 миң евро;
  • графика/жарнамалык жабдык — 271 миң 965 миң евро;
  • мультимедиа үчүн контент — 419 миң 100 евро;
  • климаттык жана өлчөөчү жабдык — 316 миң 695 евро;
  • реставрациялык жабдык — 238 миң 918 евро;
  • сактоо үчүн атайын таңгак — 50 миң 2 евро;
  • фойе үчүн эмерек, касса жана музей дүкөнү — 271 миң 968 евро;
  • гардероб үчүн эмерек — 142 миң 560 евро;
  • кафенин кире беришине алынган эмерек — 224 миң 56 евро;
  • жыйындар залы/кинозал — 132 миң 516 евро;
  • шамчырактар жана коомдук бөлмөлөр үчүн шина проводдору (фойе, аудитория, ажаткана) — 91 миң 945 евро;
  • дизайнердик консультация кызматы — 394 миң 200 евро;

Тизмектелген эмерек менен жабдыктардын жалпы суммасы — 8 миллион 705 миң 821 евро.

Мунун баарына буюртманы "СМУ-3" ЖЧКсы (Кыргызстан) берген, ал эми аткаруучулар — "Витринен унд Гласбау Райер гмбх" (Германия) компаниясы болуп саналат.

Тарых музейинин айланасындагы чуу

Улуттук тарых музейин оңдоо 2016-жылы 25-мартта башталган. Иштери аяктап калганда, 2018-жылдын май айында, эмеректердин кымбат баада сатып алынганы ачыкталган. УКМК Тарых музейин реконструкциялоого кеткен бюджеттик каражат боюнча териштирүү баштап, Башкы прокуратура кылмыш ишин козгогон.

Бул ишке катыштыгы бар делген мурдагы премьер-министр Сапар Исаковду сот 18 жылга эркинен ажыратып, 247 миллион сомдук айыпка жыккан. Былтыр октябрь окуясынан кийин Жогорку сот өкүмдү жокко чыгарып, ишти кайра кароо үчүн райондук сотко жөнөткөн. Экс-премьер октябрдагы башаламандыкта абактан чыгып кеткен, учурда кайда экени белгисиз.

Тергөө жүрүп жатканына жана реконструкциялоо иштерин жасаган немец компаниясына карыз төлөнбөгөнүнө байланыштуу музейдин эшиги жабылып турган.

321
Белгилер:
Мамлекеттик тарых музейи, экспонат, ачылыш, реконструкция
Тема:
Тарых музейинин реконструкциясы боюнча чыккан чыр (13)
Тема боюнча
Тарых музейинин чет элдик компанияга канча карызы бар экени айтылды
Жогорку сот Сапар Исаковдун Тарых музейи боюнча өкүмүн жокко чыгарды
Көмүр кампасы. Архив

Көмүр 6 000 сомдон сатылууда. Кимге кайрылып, кандай чара көрүү керек?

100
Монополияга каршы жөнгө салуу мамлекеттик агенттиги бекиткен баа боюнча, Кара-Кече көмүрүнүн 1 тоннасы 4 500 сомдон кымбат сатылбашы керек.

БИШКЕК, 2-дек. — Sputnik. Бишкек шаарынын тургундары Sputnik Кыргызстан агенттигине калаада айрым жерлерде Кара-Кече көмүрүнүн бир тоннасы 6 000 сомдон сатылып жатканын айтышты.

Эске салсак, көмүрдүн кымбаттап кетишин токтотуу максатында өкмөттүн токтому чыккан. Документтин негизинде Монополияга каршы жөнгө салуу мамлекеттик агенттиги кара алтындын баасын бекитип, Бишкекте кара алтындын баасы 4 500 сомдон кымбат ашпаш керек болчу.

Шаардыктар Бишкектин айрым жерлеринде ортомчулар жана ишкерлер баа бекитилгенине карабай Кара-Кече көмүрүн кымбат сатып жатканын айтып, арызданышты.

"Мурманская көчөсүндө жайгашкан базалардын сыртында Кара-Кече көмүрү 5 500 сомдон, Ак-Ордо конушундагы Гагарин көчөсүндө 6 000 сомдон сатып жатышат. Андан башка жерлерде дагы кымбат экен. Бир тоннаны үйүңө жеткиргенде эле 10 000 сом чыгып кетет", — деди окурман.

Монополияга каршы жөнгө салуу мамлекеттик агенттиги Бишкек шаарындагы өкүлү Сагын Маматоморов токтом үч ай бою күчүндө болорун, кара алтындын баасы 4 500 сомдон ашпашы керектигин эскертти.

"Биздин кызматкерлер көмүр саткан базаларды күнүгө текшерип жатат. Айрым алып сатарлар ортодон бааны көтөрүп жиберүүдө. 5 000-6 000 сомдон сатылбаш керек. Аларды аныктасак дароо айып салабыз. Шаар тургундарына да кымбат саткан жерлер болсо бизге чалып так дарегин айткыла деп жатабыз", — деди ал.

Көмүрдү кымбат саткандардын үстүнөн кайда арызданса болот?

Агенттиктин борбордук аппараты — 0 (312) 56-33-37, 56-32-19;

  • Бишкек шаары жана Чүй облусу боюнча бөлүмдөрү — 66-14-15, 66-48-06;
  • Ысык-Көл облусу боюнча бөлүмү — 0 (3922) 3-18-86;
  • Нарын облусу боюнча бөлүмү — 0 3522 5-09-53;
  • Талас облусу боюнча бөлүмү — 0 (3422) 5-58-51;
  • Жалал-Абад облусу боюнча бөлүмү — 0 (3722) 7-02-23;
  • Ош облусу боюнча бөлүмү — 0 (3222) 7-00-25;
  • Баткен облусу боюнча бөлүмү — 0 (3622) 5-51-49.

Эске салсак, буга чейин президент Садыр Жапаров Кара-Кече көмүрү 3 000 сомдон сатыларын убадалап, көмүр ушул баа менен бериле баштаган. Бирок арзан көмүр аз-аздан келип, кезекке тургандар көп. Сатуучулар арзан көмүр алууну каалагандар 10 күн эрте кезекке туруп, тизмеге жазылышы керектигин эскертишкен.

100
Белгилер:
Кыргызстан, Бишкек, көмүр, баалар, арыз
Тема боюнча
Бир ай ичинде көмүр 8 пайызга кымбаттаган. Статистика
Энергетика министрине сөгүш берилип, "Кыргыз көмүрдүн" жетекчилери иштен алынды
Евразиялык экономикалык биримдик (ЕАЭБ). Архив

ЕАЭБ Индия, Египет, Израиль менен сооданы либералдаштырууну сүйлөшүп жатат

23
(жаңыланган 16:43 02.12.2021)
Россиянын өкмөт башчысы Михаил Мишустин ЕАЭБ дүйнөлүк аренада өзүнүн беделин арттырып жаткан күчтүү эл аралык бирикме деген пикирин билдирди.

БИШКЕК, 2-дек. — Sputnik. Евразиялык экономикалык биримдик (ЕАЭБ) Индия, Египет, Израиль менен сооданы либералдаштыруу жаатында сүйлөшүп жатат. Бул тууралуу Евразиялык экинчи конгрессте Россия өкмөтүнүн төрагасы Михаил Мишустин билдирди.

Мишустин "Маанилүү инвестициялык долбоорлор — ЕАЭБдеги экономикалык өсүштүн системалык драйверлери" аталыштагы сессияда сүйлөп жатып ЕАЭБ дүйнөлүк аренада өзүнүн беделин арттырып жаткан күчтүү эл аралык бирикме деген пикирин билдирди.

"Аймактык интеграциялык түзүмдөр жана башка өлкөлөр менен өз ара пайдалуу кызматташуу үчүн тыгыз мамилелерге чыйыр салып жатабыз. Албетте, биздин өнөктөштөргө айта турган сунуштарыбыз бар. ЕАЭБдин топтолгон мүмкүнчүлүктөрү ар кыл тармактагы маселелерди кеңири талкуулоого шарт түзүп берет. Биз Вьетнам, Иран, Сингапур, Сербия менен эркин соода кылуу жөнүндө, ал эми Кытай менен иштешүү жаатында эки келишимибиз бар. Сооданы либералдаштыруу үчүн Египет, Израиль менен сүйлөшүүлөр жүрүп жатат, Ал эми Индия менен мындай процессти жаңы баштаганы турабыз", — деген Мишустин.

Анын айтымына караганда, байкоочу мамлекет макамын Өзбекстан менен Куба кеңири колдонуп жатат. Алар соода-экономикалык мамилелерди тереңдетүүгө жаңы мүмкүнчүлүктөргө ээ болду. Мунун баары аталган интеграциялык уюмдун өнүгүүсүнө кошумча түрткү берери айтылды.

Евразиялык экинчи конгресстин жүрүшүн түз алып берип жаткан эфирди бул шилтеме менен кирип көрсөңүздөр болот.

Иш-чараны Евразиялык өнүктүрүү банкы (ЕАБР) Россия өкмөтүнүн колдоосу менен уюштурган. Эл аралык Sputnik агенттиги менен радиосу конгресстин башкы маалыматтык өнөктөшү болууда.

23
Белгилер:
Евразиялык экономикалык биримдик, Индия, Египет, Израиль, Михаил Мишустин
Тема:
ЕАЭБдеги Кыргызстан
Тема боюнча
ЕАЭБдин бирдиктүү товар өткөрүү тармагы Кыргызстанга эмнеси менен пайдалуу
Экс-депутат Ахматбек Келдибеков. Архив

УКМКга барган Келдибеков шайлоо таза өткөнүнө ынанганын билдирди. Видео

0
(жаңыланган 19:26 02.12.2021)
Атайын кызмат Келдибеков менен болгон баарлашуунун видеосун жарыялады. Бул киши боюнча тергөө иштери уланып, анын жыйынтыгы өз убагында коомчулукка маалымдалары белгиленди.

БИШКЕК, 2-дек. — Sputnik. Ахматбек Келдибеков УКМКдагы түшүндүрүү иштеринен кийин Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды. Бул тууралуу Улуттук коопсуздук мамлекеттик комитети билдирип, видеосун жарыялады.

Буга чейин интернет айдыңына видео тараган. Анда Келдибеков Жогорку Кеңешке шайлоонун алдын ала жыйынтыгы бурмаланганын айткан. Мындан улам УКМК Келдибековду кечээ күнү суракка чакырган.

Посмотреть эту публикацию в Instagram

Публикация от Sputnik Кыргызстан (@sputnik_kyrgyzstan)

Кылмыш ишинин алкагында Келдибеков, санариптик өнүктүрүү министри Дастан Догоев жана БШКнын башкармалыгынын жетекчиси Акимбаев окуянын чоо-жайын талкуулоо үчүн суракка чакырылганы айтылды. Түшүндүрүү иштеринен кийин Келдибеков төмөнкүлөрдү билдирген.

"Суракка кирип чыктым, биз маселени эки сааттай талкууладык. Формула түзүлүп жатканда эмне себептен кээ бир добуштар экиден саналып кеткенин ачыктадык. Бул БШКнын адистери кетирген ката экени далилденди. Айрым тилкелердеги бюллетендерди кол менен санап чыгууга макул болдук", — деди Келдибеков.

Ал эми атайын кызмат компетенттүү кызматкерлер саясатчыга далилдерди келтирип бергенин айтты.

"БШКнын компетенттүү кызматкерлери келтирген төгүндөлгүс далилдердин жана жүйөлүү аргументтердин натыйжасында, Келдибеков Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды", — деди УКМКдан.

Бул кылмыш иши боюнча тергөө иштери уланып, анын жыйынтыгы өз убагында коомчулукка маалымдалат.

0
Белгилер:
Кыргызстан, УКМК, Ахматбек Келдибеков, шайлоо, сурак
Тема:
Жогорку Кеңешке жаңы тартип менен болчу шайлоо
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
Текебаевге кол салууну үчүнчү күчтөр уюштурушу мүмкүнбү? ИИМдин жообу