Доллар купюра пачкалары. Архив

Улуттук банк Кыргызстандан чыгарылган акча боюнча комментарий берди

511
Акыркы тогуз жылдын ичинде Кыргызстандан чет жактарга жеке адамдардын акча которуулары аркылуу 390 миллион 480 миң доллар чыгарылган.

БИШКЕК, 22-ноя. — Sputnik. Улуттук банк Кыргызстанда ири өлчөмдө чыккан акча тууралуу комментарий берди.

Эскерте кетсек, акыркы тогуз жылдын ичинде Кыргызстандан чет жактарга адамдар аркылуу 390 миллион 480 миң доллар которулган. Бул көрсөткүч башка жылдардагы ушул мезгилге салыштырмалуу рекорддук көрсөткүч болуп саналат.

Sputnik Кыргызстан агенттиги өлкөнүн башкы банкына кайрылып, мында сөз өлкөдөн каражаттын чыгарылышы тууралуу болуп жатабы деген суроого жооп издеди. Мындан сырткары, ал каражат кандай максатта которулуп жатканын айтып берүүнү өтүнгөн.

Улуттук банк акча которуу системалары аркылуу которулган каражат бул өлкөгө келгенин же сыртка чыкканын көрсөткүчтүн бири гана экендигин белгиледи.

"Акча которуу системаларынан тышкары адамдар, анын ичинде эмгек мигранттары өз каражаттарын банктык эсептер, почта бөлүмдөрү аркылуу же накталай өлкөгө алып келип же тыш жактарга которо алышат. Жеке адамдардын банк системасы аркылуу которуулары боюнча маалыматтар өзүнчө көрсөткүч болуп саналат. Ал адамдардын жеке которууларын чагылдырат жана өлкөгө кирген же өлкөдөн которулган акча каражаттарынын жалпы көрсөткүчүн чагылдырбайт", — деп айтылат комментарийде.

Башкы банк акча чыгаруу боюнча рекорд деп айтуу туура эмес экенин белгиледи. Анткени чыккан акчанын динамикасы акыркы жылдардагы орточо көрсөткүчтөрдөн ашпайт: 2019 жана 2020-жылдарды эске албаганда өлкөгө кирген же чыгарылган акча каражаттарынын агымы азайган күндө деле Кыргызстандан акча которуулар орточо эсеп менен 23 пайызга өстү.

"Жалпысынан экономикага тийгизген таасири жагынан алганда, кирген акча менен чыккан акчанын ортосундагы айырманы кароо максатка ылайыктуу", — деди Улуттук банк.

Белгиленген мезгил ичинде банк системалары аркылуу алынган акча которуулардын көлөмү да 17,3 пайызга өскөн жана 2005-жылдан бери максималдуу чегине жетип, 2 миллиард 032,3 миллион долларды түзгөн (которуу системалары аркылуу акча которуулардын статистикасы 2005-жылдан бери жүргүзүлүүдө).

"Натыйжада жогоруда айтылган чыккан акчанын көлөмүн (390,5 миллион доллар) эске алуу менен 2021-жылдын тогуз айынын жыйынтыгы боюнча Кыргызстанда жеке жактардын трансферттеринин өсүшү байкалат. Трансфер системалары аркылуу акча которуулардын таза агымы 1 миллиард 641,8 миллион долларды түздү, бул 2020-жылдын январь-сентябрына салыштырмалуу 19 пайызга көп", — деген Улуттук банк.

Башкы банк ошондой эле "каражаттарды чыгарып кетүү" деген туура эмес экенин белгиледи.

"Каражаттарды чыгарып кетүү" бул каражаттарды чет өлкөдө кыйла жеңилдетилген шарттарда жайгаштыруу дегенди билдирет. Акча которуу системалары негизинен чет өлкөдөгү жакындарынын күнүмдүк жашоосуна, туристтик жана медициналык кызматтарга төлөө, чет өлкөдөгү кыргызстандык студенттерди колдоо (окуу акысын төлөө, турак жайды ижарага алуу ж.б.у.с.) максаттарында колдонулат", — деп кошумчалады башкы банк.

Белгилей кетсек, сентябрда Кыргызстанга бир ай ичинде акча которуу боюнча рекорддук көрсөткүч катталган.

511
Белгилер:
Кыргызстан, Улуттук банк, акча, Акча которуулар, комментарий
Тема боюнча
Улуттук банк сурамжылоо жүргүзүп, сый акы берип жатабы? Мекеменин жообу
Садыр Жапаров Улуттук банкка дагы бир орун басар дайындады
Улуттук банк 55 млн. доллар сатып, дагы бир ири интервенция жасады
Президент Садыр Жапаров Түркмөнстандын башчысы Гурбангулы Бердымухамедов менен жолукту.

Жапаров Бердымухамедов менен жолугуп, кызматташчу өзгөчө багыттарды атады

139
(жаңыланган 15:09 28.11.2021)
Жолугушууда мамлекет башчылары кыргыз-түркмөн мамилесинин учурдагы абалын, саммиттин күн тартибине кирген долбоорлорду жана макулдашууларды ишке ашырууну талкуулашты.

БИШКЕК, 28-ноя. — Sputnik. Президент Садыр Жапаров Түркмөнстандын башчысы Гурбангулы Бердымухамедов менен жолукту. Бул тууралуу өлкө башчынын маалымат кызматы кабарлады.

Анда Садыр Жапаров Түркмөнстандын лидерине жылуу кабыл алгандыгы жана чакыруусу үчүн ыраазычылык билдирип, эки тараптуу кызматташуунун учурдагы абалы боюнча сүйлөштү.

  • Президент Кыргызской Республики Садыр Жапаров
    Президент Садыр Жапаров Түркмөнстандын башчысы Гурбангулы Бердымухамедов менен жолукту.
    © Пресс-служба президента КР / Султан Досалиев
  • Президент Туркменистана Гурбангулы Бердымухамедов
    Анда Садыр Жапаров Түркмөнстандын лидерине жылуу кабыл алгандыгы жана чакыруусу үчүн ыраазычылык билдирип, эки тараптуу кызматташуунун учурдагы абалы боюнча сүйлөштү.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров Түркмөнстандын башчысы Гурбангулы Бердымухамедов менен жолукту.
"Өлкө лидерлери кыргыз-түркмөн мамилесинин учурдагы абалын, саммиттин күн тартибиндеги долбоорлорду, жетишилген макулдашууларды ишке ашырууну талкуулашты. Садыр Жапаров Түркмөнстан менен соода-экономикалык, энергетикалык жана башка тармактарда кызматташууну тереңдетүүгө өзгөчө маани берерин белгиледи", — деп жазылат маалыматта.

Ошондой эле эки мамлекеттин башчылары Кыргызстан менен Түркмөнстандын элдеринин жыргалчылыгы үчүн эки тараптуу кызматташтыкты мындан ары да бекемдөөгө жана тереңдетүүгө өз ара даяр экендигин билдирген.

Жапаров бүгүн, 28-ноябрда, жумушчу сапары менен Түркмөнстанга учуп кеткен. Ашхабад шаарында президент Экономикалык кызматташтык уюмунун (ЭКУ) 15-саммитине катышат.

139
Белгилер:
саммит, Садыр Жапаров, Гурбангулы Бердымухамедов, жолугушуу
Тема боюнча
Садыр Жапаров Ашхабадга жетти. Аэропорттогу сүрөт, видео
Садыр Жапаров Түркмөнстанга учуп кетти. Коштоп жүргөндөрдүн тизмеси
Келечегибиз аныкталат! Жапаров элди активдүү добуш берүүгө чакырды. Видео
Көмүр каптар. Архив

Бир ай ичинде көмүр 8 пайызга кымбаттаган. Статистика

16
Көмүрдүн кымбаттап кетишин токтотуу максатында өкмөттүн атайын токтому чыккан. Анын негизинде Монополияга каршы жөнгө салуу мамлекеттик агенттиги ар бир аймакта кара алтындын баасын бекиткен.

БИШКЕК, 28-ноя. — Sputnik. Көмүрдүн чекене баасы бир ай ичинде 8,4 пайызга жогорулады. Бул тууралуу Улуттук статистика комитети билдирди.

25-ноябрдагы маалымат боюнча, көмүр үстүбүздөгү жылдын октябрына салыштырмалуу 8,4 пайызга кымбаттап, тоннасы орто эсеп менен 5 617 сомдон сатылууда.

Эң жогорку баа Ноокат (бир тонна үчүн 10 миң сом), Баткен (9 524 сом) жана Исфана (8 099 сом) шаарларында катталды. Ал эми минималдуу баа Чаек айылында (3 миң сом), Балыкчы (4 049 сом), Нарын (4 449 сом) жана Кара-Балта шаарларында (4 500 сом) болууда.

Белгилей кетсек, көмүрдүн кымбаттап кетишин токтотуу максатында өкмөттүн атайын токтому чыккан. Анын негизинде Монополияга каршы жөнгө салуу мамлекеттик агенттиги ар бир аймакта кара алтындын баасын бекиткен. Учурда бул эреже сакталышы үчүн тиешелүү органдар маал-маалы менен көмүр саткан жайларга рейд жүргүзүүдө.

16
Белгилер:
Кыргызстан, көмүр, баа, кымбатчылык
Тема:
Бишкектеги 3 миң сомдук көмүр
Тема боюнча
Буларда арзан эмес. Бишкекте көмүр саткан базалардын даректери
Казакстандан Шабыркүл көмүрү көп келе баштайт. Кайдан канчага сатып алса болот
Кыргызстандын президенти Садыр Жапаров Түркмөнстанда өтүп жаткан Экономикалык кызматташтык уюмунун 15-саммити учурунда

Региондо тынчтык болбосо кызматташуу мүмкүн эмес! Жапаровдун Ашхабаддагы сөзү

49
(жаңыланган 17:37 28.11.2021)
Өлкө башчы региондо тынчтык жана туруктуулук болмоюнча экономика жаатында ийгиликтүү кызматташуу мүмкүн эмес экенин белгиледи.

БИШКЕК, 28-ноя. — Sputnik. Президент Садыр Жапаров Түркмөнстанда өтүп жаткан Экономикалык кызматташтык уюмунун 15-саммитинде сөз сүйлөп, уюмдун алдындагы жаңы милдеттерди санап өттү.

Белгилей кетсек, бул уюмга Борбор Азия өлкөлөрү жана Жакынкы Чыгыштын бир катар мамлекеттери мүчө.

Президенттин кебин анын маалымат кызматы жарыялады. Жапаровдун айткандарын тезис менен беребиз:

  1. климаттын өзгөрүп жатканын белгилеп кетүү маанилүү, себеби бул маселе өтө олуттуу глобалдык көйгөй, аны чечүү үчүн бүткүл дүйнөлүк коомчулуктун токтоосуз аракети талап кылынат;
  2. абадагы көмүртектин көлөмүн төмөндөтүү жана циклдүү экономиканы пландуу өнүктүрүү боюнча кызматташтыкты жандандыруу жана бекемдөө зарыл;
  3. Кыргызстан 2050-жылга чейин көмүртектин нейтралдуулугуна жетишүүгө аракет кылат. Кайра калыбына келүүчү энергия булактары, биринчи кезекте, гидроэнергетика көмүртексиз өнүгүү саясатынын локомотиви болот; 
  4. уюмдун алкагында гидроэнергетика комплексинде инвестициялык кызматташтыкты мамлекеттик-жеке өнөктөштүк принциптеринин негизинде түзүүнү жана парник газдарын бөлүп чыгаруунун көлөмүн азайтуу жолу менен климаттын өзгөрүшүнө ыңгайлашуу боюнча биргелешкен чараларды көрүү; 
  5. соода-экономикалык чөйрөдө региондук кызматташтыкты жүзөгө ашыруу үчүн ЭКУнун бардык өлкөлөрүндө долбоорлорду каржылоонун реалдуу системасын түзүүгө багытталган масштабдуу реформаларга убакыт келди;
  6. кеңейтилген региондук кызматташууда, экономикалык өсүштө жана чөлкөмүбүздү өнүктүрүүдө экономикабыз үчүн артыкчылыктуу болгон транспорт жана коммуникация, өнөр жай, энергетика, соода жана инвестиция, туризм, айлана-чөйрөнү коргоо сыяктуу тармактарда тийиштүү стратегия иштеп чыгып, аны ишке ашырууда чечкиндүү болушубуз керек;
  7. Кыргызстан ЭКУнун башка өлкөлөрү менен биргеликте Чыгыш — Батыш жана Түндүк — Түштүк транспорт коридорлорун өнүктүрүүгө жигердүү катышууда. Бул Борбор Азия өлкөлөрүнө Түркмөнстан жана Иран аймактары аркылуу Перс булуңуна чыгууга мүмкүнчүлүк берет;
  8. Кыргызстан ЭКУ аймагында транспортту жана коммуникацияларды өнүктүрүү боюнча ЭКУнун иш-аракеттер программасына кирген Өзбекстан — Кыргызстан — Кытай темир жолун куруу долбоорун илгерилетүүгө чоң маани берет;
  9. Кыргызстан Шахид Ражаи портун пайдалануу аркылуу Кыргызстан — Өзбекстан — Түркмөнстан — Иран каттамы боюнча транспорт коридорунун транзиттик мүмкүнчүлүктөрүн жогорулатуу жаатында жигердүү иш жүргүзүп жатат;
  10. региондо тынчтык жана туруктуулук болмоюнча экономика жаатында ийгиликтүү кызматташуу мүмкүн эмес. Афганистандагы кырдаал ЭКУ өлкөлөрүнө түздөн-түз таасирин тийгизет. Кыш мезгилинин алдында Афганистандагы социалдык-экономикалык абал өзгөчө тынчсыздандырат. Дал ушул гуманизм принциптеринин негизинде учак менен Кыргызстан Кабулга, ошондой эле жүк ташуучу транспорттор менен алыскы Кичи жана Улуу Памирдин аймактарынын тургундарына гуманитардык жардам жеткирди. Кыргызстандан билим алып жаткан афган жарандарына студенттик виза берүүнү улантуу чечимин кабыл алды. Афганистандын жарандык согуштун туңгуюгуна түшүп кетишине жол бербөө үчүн болгон күч-аракетти жумшоо маанилүү;
  11. ЭКУга мүчө мамлекеттердин экономикалык өнүгүү деңгээлдеринин ортосундагы айырманы азайтуу максатында биргелешкен, жыйынтыгында баары биригип келип, бирдиктүү натыйжа бере турган тиешелүү чараларды көрүү зарыл;
  12. бүгүн кабыл алып жаткан "Ашхабад декларациясы" уюмубуздун бардык мүчөлөрүнүн кызыкчылыктарына жооп берет.

Садыр Жапаров Кыргызстанга бүгүн кайтат.

49
Белгилер:
Кыргызстан, Садыр Жапаров, Ашхабад
Тема боюнча
Жапаров Бердымухамедов менен жолугуп, кызматташчу өзгөчө багыттарды атады
Садыр Жапаров Ашхабадга жетти. Аэропорттогу сүрөт, видео