Кыргызстанда бензин тартыш болуп жатабы? Расмий жооп

© Sputnik / Мария Девахина / Медиабанкка өтүүАвтоунаага май куюп жаткан киши. Архив
Автоунаага май куюп жаткан киши. Архив - Sputnik Кыргызстан, 1920, 22.11.2021
Жазылуу
Кыргызстандын Нефтетрейдерлер ассоциациясынын президенти Канат Эшатов буга бир нече себеп бар экенин айтты.
БИШКЕК, 22-ноя.— Sputnik. Бишкектеги айрым май куюучу бекеттерде бензин жок болуп жатканын социалдык тармактын колдонуучулары билдирип, сүрөт жарыялады.
Кайрат Жапаров аттуу колдонуучу Facebook баракчасына эки-үч май куюучу бекеттерде "бензин жок" деп жазылган сүрөттү жүктөп, күйүүчү май маселесин алдын ала карап коюуну суранган. Ал сүрөт кайсы жакта тартылганын жазган эмес.
Автоунаага май кую. Архив - Sputnik Кыргызстан, 1920, 20.11.2021
Бензиндин баасы мамлекет тарабынан жөнгө салынышы мүмкүн. Токтом долбоору
Буга чейин аймактардагы кээ бир май куюучу бекеттерде иштеген операторлор дагы бул маселени айтып, күйүүчү май тартыш болгондуктан иштебей турганын кошумчалашкан. Алар менен кайра байланышканыбызда учурда күйүүчү май аз-аздан келип жатканын билдиришти.
Кыргызстандын Нефтетрейдерлер ассоциациясынын президенти Канат Эшатов түзүлгөн кырдаалга өлкөдө күйүүчү май ташыган чакан компаниялардын жабылып жатканы себеп экенин түшүндүрдү.
"Күйүүчү майдын баасы кымбаттагандыктан, май куючу жайларды иштеткен чакан компаниялар жабыла баштады. Россиянын заводдору дагы азыр ири көлөмдө мунай затын жөнөтпөй калды. Майда партия менен келип жатат, бирок аны чакан компаниялар жок болгондуктан чоң компаниялар ташып жетишпей калууда. Ошондон улам күйүүчү май түгөнүп калып, айрымдары бензин жок туруп калууда", — деди Эшатов.
Внедорожники и кроссоверы - Sputnik Кыргызстан, 1920, 21.11.2021
Кымбаттап жатат! Кыргызстанда эң өтүмдүү автоунаалардын баасы кандай өзгөрдү
Ал чоң компаниялардын май куюучу бекеттеринде бензиндин айрым гана түрлөрү жок болуп калып жатканын кошумчалады.
Буга чейин өлкөдө дизель тартыш болуп жатканы айтылып, Эшатов буга Россияда дизель майынын аз болуп жатканы себеп экенин белгилеген. Ошондой эле май куюучу жайларын камсыздоого аракет кылган ири нефтетрейдер чакан компанияларга да дизелди сатпай калганын кошумчалаган.
Жаңылыктар түрмөгү
0