Кыргызстан министрлер кабинети россиялык Газпромбанк менен меморандумга кол койду

Кыргызстан россиялык "Газпромбанк" менен меморандумга кол койду

345
(жаңыланган 23:59 22.11.2021)
Министрлер кабинетинен Россиядагы ири үч банктын биринин өкүлдөрү менен кандай маселелер талкуулангандыгын айтып беришти.

БИШКЕК, 22-ноя. — Sputnik. Министрлер кабинети россиялык "Газпромбанк" акционердик коому менен мамлекеттик долбоорлорду, программаларды ишке ашырууда банктык келишимдерди коштоо иштерин киргизүү боюнча кызматташуу меморандумуна кол койгон.

  • Встреча председателя кабинета министров Акылбека Жапарова с первыми вице-президентами, членами правления АО Газпромбанк, в рамках рабочего визита в город Москву. 22 ноября 2021 года
    Министрлер кабинети россиялык "Газпромбанк" акционердик коому менен мамлекеттик долбоорлорду, программаларды ишке ашырууда банктык келишимдерди коштоо иштерин киргизүү боюнча кызматташуу меморандумуна кол койгон
    © Пресс-служба правительства / Алишер Алиев
  • Встреча председателя кабинета министров Акылбека Жапарова с первыми вице-президентами, членами правления АО Газпромбанк, в рамках рабочего визита в город Москву. 22 ноября 2021 года
    Министрлер кабинетинин маалымат кызматы төрага Акылбек Жапаров Москвада аталган банктын биринчи вице-президенттери Денис Камышев жана Алексей Попович менен жолуккандыгын билдирди
    © Пресс-служба правительства / Алишер Алиев
  • Встреча председателя кабинета министров Акылбека Жапарова с первыми вице-президентами, членами правления АО Газпромбанк, в рамках рабочего визита в город Москву. 22 ноября 2021 года
    Алар Кыргызстанда мамлекеттик сатып алуу мыйзамдарын өнүктүрүү алкагында "Газпромбанктын" тажрыйбасы менен технологияларын улут аралык банктык келишимдерди колдоо иштеринде колдонууну талкуулашкан
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинети россиялык "Газпромбанк" акционердик коому менен мамлекеттик долбоорлорду, программаларды ишке ашырууда банктык келишимдерди коштоо иштерин киргизүү боюнча кызматташуу меморандумуна кол койгон

Министрлер кабинетинин маалымат кызматы төрага Акылбек Жапаров Москвада аталган банктын биринчи вице-президенттери Денис Камышев жана Алексей Попович менен жолуккандыгын билдирди. Алар Кыргызстанда мамлекеттик сатып алуу мыйзамдарын өнүктүрүү алкагында "Газпромбанктын" тажрыйбасы менен технологияларын улут аралык банктык келишимдерди колдоо иштеринде колдонууну талкуулашкан. Мындан соң меморандумга эки жактан — кыргыз тараптан финансы министри Алмаз Бакетаев, "Газпромбанктан" вице-президенттин милдетин аткарган Олег Мельников кол койгон.

Министрлер кабинетинин жетекчиси Акылбек Жапаров менен Россиянын өкмөт башчысы Михаил Мишустин Москвадага жолугуушусу
© Пресс-служба правительства / Алишер Алиев
Министрлер кабинетинин маалыматына караганда, "Газпромбанк" — Россиядагы универсалдуу финансы институттарынын бири. Ал кеңири тармактагы банктык кызматтарды көрсөтөт. Россиянын экономикасында маанилүү делген тармактарды тейлейт жана өлкө көрсөткүчү боюнча ири делген үчтүктү толуктайт.

345
Белгилер:
Кыргызстан, Россия, Министрлер кабинети, меморандум, кол коюу, 'Газпромбанк' АК
Тема боюнча
Мишустин: ЕАЭБ жарандары союздагы каалаган мамлекеттен кредит ала алат
Мишустин: эффективдүү дарылар ЕАЭБ өлкөлөрүнө жеткиликтүү болушу керек
Алтын куймалары. Архив

Улуттук банктын алтын запасы бир айда 1,6 млрд. сомго азайды

31
Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган.

БИШКЕК, 27-ноя.— Sputnik. Кыргызстандын алтын-валюта кору октябрь айында 1 миллиард 577 сомго кыскарды. Бул тууралуу Улуттук банктын ачык маалыматтарында айтылат.

Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган. Тагыраагы, 99 миллиард сомдон 36, 4 миллиард сомго түшкөн. Кийинчерээк алтындын кору бир аз (37, 9 миллиард сомго) кымбаттаган. Сентябрда кайра 29 миллиард 74,4 миллион сомго чейин түшүп кеткен.

1-октябрга карата анын баасы 49 миллиард 905,7 миллион сомго өскөнү айтылды. Бирок ноябрда кайра 48 миллиард 328,7 миллион сомго төмөндөгөн.

Алтын-валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат: CDR (Атайын карыз алуу укугу – Эл аралык валюта фондунун (ЭВФ) жасалма резерви жана төлөө каражаттары) жана алтын.

31
Белгилер:
Кыргызстан, Улуттук банк, алтын
Тема боюнча
Евразия өнүктүрүү банкы Кыргызстанда инфляция качан басаңдай турганын айтты
Кыргызстанда доллардын курсу жакынкы жылдары кандай өзгөрөт? ЕАӨБдүн божомолу
Кыргызстандын президенти Садыр Жапаров Коопсуздук кеңешинин жыйыны учурунда

Садыр Жапаров: ишкер же инвесторго кысым көрсөткөндөрдү катуу жазалайбыз!

118
(жаңыланган 16:31 26.11.2021)
Мамлекет башчы ишкерлерге мамлекеттик органдан тарта уюшкан кылмыштуу топторго чейин салык салып, тоскоолдук жаратарын белгилеген.

БИШКЕК, 26-ноя. — Sputnik. Кимде-ким ишкерлерге жана инвесторлорго кысым көрсөтсө кызматына же погонуна карабай катуу жазалайбыз. Бул тууралуу мамлекет башчы Садыр Жапаров Коопсуздук кеңешинин жыйынында билдирди.

Президент бизнес көйгөйлөрдү мамлекеттин колдоосу жок жеңе албай турганын айтып, ишкердикти өнүктүрүү менен бюджеттин кирешесин көбөйтсө болорун белгиледи.

"Ишкерлердин ийгилиги экономикага оң таасирин тийгизет. Бул бизге социалдык чөйрөдө, коопсуздук маселелеринде, экологияда, адамзат капиталын жакшыртууда жана башка багытта алдыга коюлган башка маселелерди толук кандуу чечүүгө мүмкүндүк берет. Тилекке каршы, мамлекеттин учурдагы экономикалык абалы иш жүргүзүүгө мүмкүндүк бербей жатат. Инвестицияларды тартуу, экономиканын өсүшү өлкөнү өнүктүрүү үчүн негизги фактор болуп саналат", — деди Жапаров.

Ал азыркы тартылган инвестициялардын көлөмү абалды түп-тамырынан жакшыртуу үчүн дээрлик жетишсиз экенин айтып, ишкерлерге мамлекеттик органдан тарта уюшкан кылмыштуу топторго чейин тоскоолдук жаратарын белгилеген.

"Криминалитет тарабынан коркутууга туш болгон ишкерлер унчукпоого мажбур болушат, ошондой эле укук коргоо органдарына кайрылуудан коркушат, анткени аларга ишенишпейт. Ишкерлердин жана инвесторлордун укуктарын жана кызыкчылыктарын толук кандуу, мыйзамдуу коргоонун жоктугунан алар ар бир келген адамга мыйзамсыз акча төлөп жатышат. Салык жана бажы мыйзамдарындагы айрым кемчиликтер дагы ишкерлердин укуктарына зыян келтирүүдө", — деген президент.

Мамлекет башчы бүгүндөн баштап ишкерлердин жана инвесторлордун мыйзамдуу укуктарын бузган мамлекеттик, өзгөчө көзөмөл жана укук коргоо органдарынын бардык жетекчилери жоопкерчиликке тартыла турганын эскерткен.

"Азыр кимде-ким ишкерлерге жана инвесторлорго кысым көрсөтсө, ал кимдин тууганы, ага-иниси же куда-сөөгү болбосун, катуу жазаланат. Кайсы кызматты ээлегенине же кандай форма кийип, кандай погон тагынганына карабайбыз. Бул силердин дайыма курсак тойгузуп турган бекер жайытыңар эмес", — деген ал.

Жапаров бийлик ишкерлерге жана инвесторлорго максималдуу жардам көрсөтүүгө милдеттүү экенин белгилеп өткөн.

118
Белгилер:
Садыр Жапаров, ишкер, инвестор, мамлекеттик орган, көзөмөл
Тема боюнча
Миллиарддарды жешкен. Жапаров кирешелүү тармактардагы көйгөйлөрдү тизмектеди
110 миң үй-бүлө электр энергияга 50 тыйындан төлөсүн. Жапаров тапшырма берди
Садыр Жапаров айыл чарба министрине жана эки аткаминерге сөгүш берди
Жапаров: өлкөдө азык-түлүк менен камсыз кылуунун деңгээли кооптуу абалда
Министрлер кабинетинин төрагасы Акылбек Жапаров

Акылбек Жапаров алгачкы жолу электрондук документке кол коюп, аткарууга жөнөттү

13
(жаңыланган 11:34 27.11.2021)
Бул системаны ишке киргизүү кагаз менен иштөө процессин жоюуну тездетет, документ жүгүртүү процессинин ыкчамдуулугун жана эффективдүүлүгүн олуттуу түрдө жогорулатат.

БИШКЕК, 27-ноя. — Sputnik. Министрлер кабинетинин төрагасы Акылбек Жапаров биринчи жолу электрондук санариптик кол тамгасы бар документтерге кол коюп, Infodocs тутуму аркылуу аткарууга жөнөттү. Бул тууралуу өкмөттүн маалымат кызматы кабарлады.

Председатель кабинета министров Акылбек Жапаров впервые подписал документы электронной подписью и направил на исполнение посредством системы электронного документооборота Infodocs (СЭД). 27 ноября 2021 года
© Пресс-служба правительства / Алишер Алиев
Министрлер кабинетинин төрагасы Акылбек Жапаров биринчи жолу электрондук санариптик кол тамгасы бар документтерге кол коюп, Infodocs тутуму аркылуу аткарууга жөнөттү

Мындай жол менен "Кыргыз Республикасынын мамлекеттик башкаруусуна санариптик технологияларды киргизүүнү активдештирүү боюнча кечиктирилгис чаралар жөнүндө" жарлыгын аткаруунун алкагында электрондук документ жүгүртүү тутуму ишке киргизилди.

"Бул системаны ишке киргизүү кагаз менен иштөө процессин жоюуну тездетет, документ жүгүртүү процессинин ыкчамдуулугун жана эффективдүүлүгүн олуттуу түрдө жогорулатат. Ошондой эле кызматтык кат алышуу процесстерин жөнөкөйлөтөт. Борборлоштурулган системанын артыкчылыктарынын бири мамлекеттик органдардын ишмердүүлүгүнө баа берүү жана мониторинг жүргүзүү мүмкүнчүлүгү болуп саналат", — деп айтылат билдирүүдө.

Учурда 853 мамлекеттик органда, аларга караштуу ведомстволук жана аймактык түзүмдөрдө электрондук документ жүргүзүү (ЭДТ) ишке киргизилген. Аны пайдалануучулардын саны мамлекеттик жана муниципалдык органдарды кошкондо 32 миң кызматкерди түзөт. Тутум ишке киргизилгенден бери 2 миллион 161 миң документ катталган.

13
Белгилер:
Кыргызстан, өкмөт, санариптештирүү, документ, Акылбек Жапаров
Тема боюнча
Акылбек Жапаров: жөлөк пулдун айрым түрү жаңы жылдан тарта 200%га жогорулайт