Бир миңдик сом купюралары жана КР желеги. Архив

Евразия өнүктүрүү банкы Кыргызстандын экономикасындагы тобокел учурларды атады

288
(жаңыланган 16:05 25.11.2021)
Аналитиктердин пикиринде, Кыргызстандын экономикасы бир катар себептерден улам калыпка жай келип, инфляция күчөйт.

БИШКЕК, 25-ноя. — Sputnik. Евразия өнүктүрүү банкы өзүнүн макроэкономикалык божомолунда Кыргызстандын экономикасына карата коркунучтарды санап берген.

Документте 2023-жылга чейинки аралыкка божомол берилип, төмөнкүдөй коркунучтар көрсөтүлгөн (текст бир аз кыскартылды):

Эконмиканын калыпка жай келиши пандемияга байланыштуу. Соода-өнөктөш өлкөлөрдөгү карантиндик чаралардын маал-маалы менен киргизилиши товарлар менен кызматтардын экспортун, ошондой эле акча которууларды кечиктириши мүмкүн. Суунун тартыштыгы биз ойлогондон дагы көп убакытка терс таасирин тийгизиши ыктымал. Жарыктын өчүрүлүшү экономиканын башка секторун жабыркатат деген да коркунуч бар. Кумтөрдөгү алтынды өндүрүү иши да белгисиз болуп жатат.

Улуттук банктын имараты. Архив
© Пресс-служба президента КР / Султан Досалиев
Инфляциянын тездеп кетүү коркунучу жогорулады. Инфляциялык коркунучка дүйнө жүзү боюнча жаралган энергетикалык кризис менен аймактардагы начар түшүм көйгөйү кошулду. Дүйнөдө мунай менен буудайга болгон баанын өсүшү Кыргызстандагы инфляциянын басаңдашын жайлатат. Товар жеткирүү узак убакытка кечеңдегендиктен сунуш менен керектөөнүн ортосундагы баланс бузулуп, инфляциянын деңгээли жогорулайт.

Мамлекеттик карызды көбөйтүү мүмкүнчүлүгү чектелген. Өткөн жылдын жыйынтыгына баам салсак, мамлекеттик карыз Эл аралык валюта фондунун стандарты боюнча ИДПнын босого чегинен 60 пайызга ашкан. Мындай көрүнүш льготалык негизде кредит алууга гана мүмкүнчүлүк берип, экономиканын калыбына келишин кечеңдетет.

288
Белгилер:
Кыргызстан, ИДП, экономика, коркунучтар, товар, Евразия өнүктүрүү банкы
Тема боюнча
Кыргызстандын 5,5 млн. долларлык тарыхый келишими. Россия менен алака
Кыргызстанда чакан ГЭС документациясын иштеп чыгууга сынак жарыяланды
JIA бизнес-ассоциациясынын аткаруучу директорунун орун басары Мунара Мураталиева

Мураталиева: Бишкекте "Жашыл экономика-2021" форуму өтөт

17
JIA бизнес-ассоциациясынын аткаруучу директорунун орун басары Мунара Мураталиева 10-декабрда өлкөдөгү жашыл экономиканын өнүгүшүн шарттаган "Жашыл экономика-2021" форуму өтөрүн айтты.

"Жашыл экономика-2021" форумунда финансылык продукцияларды сунуштаган ири компаниялар, финансылык институттар, ишкерлер долбоорлорун жана сунуштарын айтышат. Бул тууралуу Мунара Мураталиева Sputnik Кыргызстан радиосунун эфиринде маек куруп жатып билдирди.

Мураталиева: Бишкекте "Жашыл экономика-2021" форуму өтөт

Анын айтымында, форумдун алкагында Green EXPO 2021 көргөзмөсү уюштурулуп, "жашыл технологияларды" ийгиликтүү ишке ашыруу жолдору сунушталат.

"Бишкекте 10-декабрда "Жашыл экономика-2021" форуму өтөт. Ал эми анын компоненти катары Green EXPO 2021 көргөзмөсү уюштурулат. Анда жашыл экономикага байланыштуу чечимдерди, технологияларды, "жашыл" технологияларды жана "жашыл" продукцияларды сунуштаган ири компаниялар, финансылык институттар катышып, долбоорлорду көрсөтүшөт. Форумда Кыргызстандагы жашыл экономиканын статусу, багыты, маселелерди чечүү жолдору талкууланат. Бирдиктүү план түзүп, анын негизинде иш алып баруу аракеттери көрүлөт. Форум эки компоненттен туруп, офлайн жана онлайн катышуу каралып, мамлекеттик, жеке сектордун өкүлдөрү темаларды талкуулашат", — деди Мураталиева.

Ошондой эле жетекчи форумду Экономика жана коммерция министрлиги JIA бизнес-ассоциациясынын, Агро-өнөр жай комплексин өнүктүрүү ассоциациясынын жана башка өнөктөштөрдүн жардамы менен уюштуруп жаткандыгын кошумчалады.

17
Белгилер:
жашыл экономика, көргөзмө
Тема боюнча
Президент салыктан бошоткон ишканаларга беш талап койду. Тизме
Кыргызстандагы бут кийим өндүргөн жаңы фабрика

Кыргызстанда бут кийим чыгарган фабрика ишке кирди. Сүрөт

108
(жаңыланган 09:53 07.12.2021)
Ишкана "Хейлунцзян" ЖЧКсынын буга чейинки долбоорунун (курулуш кол каптары менен жогорку сапаттагы илмектерин чыгаруу) каражатына ачылган.

БИШКЕК, 7-дек. — Sputnik. Кыргызстанда бут кийим өндүргөн жаңы фабрика ишке кирди. Бул тууралуу Инвестиция жана өнүктүрүү агенттигинен кабарлады.

  • В Кыргызстане запущена обувная фабрика, с производственной мощностью свыше 600 тысяч пар в год. 06 декабря 2021 года
    Кыргызстанда бут кийим өндүргөн жаңы фабрика ишке кирди
    © Фото / пресс-служба Агентства по инвестициям и развитию
  • В Кыргызстане запущена обувная фабрика, с производственной мощностью свыше 600 тысяч пар в год. 06 декабря 2021 года
    Маалым болгондой, бут кийим ишканасы "Хейлунцзян" ЖЧКсынын буга чейинки долбоорунун (курулуш кол каптары менен жогорку сапаттагы илмектерин чыгаруу) каражатына ачылган
    © Фото / пресс-служба Агентства по инвестициям и развитию
1 / 2
© Фото / пресс-служба Агентства по инвестициям и развитию
Кыргызстанда бут кийим өндүргөн жаңы фабрика ишке кирди

Маалым болгондой, бут кийим ишканасы "Хейлунцзян" ЖЧКсынын буга чейинки долбоорунун (курулуш кол каптары менен жогорку сапаттагы илмектерин чыгаруу) каражатына ачылган.

Өндүрүш 2019-жылы иштеп баштап, инвестициянын жалпы көлөмү 2 миллиард долларды түзгөн.

"Өлкөдө бут кийим чыгарган мындай өндүрүштүн аналогу жок. Анда чыгарылган продукциянын көбү экспортко кетет. Маселен, 40 пайызы Казакстанга жөнөтүлүп, жылына ишканада 600 миң жуп бут кийим өндүрүлөт", — деп айтылат маалыматта.

Компания алдыда спорттук бут кийимдерди чыгарууну да пландап жатканы кошумчаланды.

108
Белгилер:
Кыргызстан, бут кийим, фабрика, өндүрүш
Тема боюнча
Кара-Балтада 1000 адам иштей турган текстиль фабрикасын ачуу пландалууда
Футбол боюнча Кыргызстандын улуттук командасынын коргоочусу Айзар Акматов. Архивдик сүрөт

Футболчу Айзар Акматов карьерасын Бангладеште улантмай болду

0
(жаңыланган 11:36 07.12.2021)
Футболчу улуттук команданын сабында ойноп, 2022-жылы өтүүчү дүйнө чемпионатына тандоо этабындагы оюнда дарбазачы болгон.

БИШКЕК, 7-дек. — Sputnik. Футбол боюнча Кыргызстандын улуттук командасынын коргоочусу Айзар Акматов карьерасын Бангладеште улантмай болду. Бул тууралуу оюнчунун мурдагы командасы, Бишкектин "Дордой" клубунун маалымат кызматы билдирди.

23 жаштагы коргоочу Бангладештин "Шейх Руссел" клубуна өтөт.

Акматов "Дордой" клубунун тарбиялануучусу болуп саналат. Ал команда менен 64 расмий беттеште ойноп, эки гол киргизген.

Футболчу Кыргызстандын улуттук командасынын курамында 2022-жылдагы Дүйнө чемпионатына тандоо турунда Монголия менен беттеште дарбазачы болгону менен да белгилүү. Оюн борборлоштурулган форматта Японияда өткөн. Анда команданын үч дарбазачысы тең COVID илдетине шектелип, беттешке чыгуусуна тыюу салынган. Ал матчта Кыргызстан 1:0 эсебинде утулган. Токиодогу үч беттештин жыйынтыгы менен улуттук команда кийинки этапка чыга албай калган. Эми 2023-жылы өтүүчү Азия кубогу мелдешине жолдомо алуу үчүн таймашын улантат.

Айзар Акматов "Шейх Русселде" 34-номерде ойнойт.

Эске салсак, аталган клубда өткөн сезондо улуттук команданын дагы бир футболчусу, жарым коргоочу Бахтияр Дүйшөбеков ойногон.

0
Белгилер:
Кыргызстан, Бангладеш, футбол, трансфер, Айзар Акматов
Тема боюнча
Кыргызстандык футболчу Шукуров "Неманда" ноябрдагы мыкты оюнчу болду
Футболчу Гүлжигит Алыкуловдун "баасы" бир миллион еврого чыкты