3 жана 5 сомдук тыйындар. Архив

Кыргызстандын экономикасында 2023-жылга чейин кандай өзгөрүү болот? Божомол

272
(жаңыланган 16:50 25.11.2021)
Евразия өнүктүрүү банкынын божомолу боюнча, Кыргызстанда экономикалык өсүш болот. Бирок ага саясий туруктуулук жана Кумтөр кенинин иштеши зарыл.

БИШКЕК, 25-ноя. — Sputnik. Евразия өнүктүрүү банкы 2022-жылга карата макроэкономикалык божомолду жарыялады.

Белгилей кетсек, документте азыркы абал жана 2023-жылга карата божомолдор айтылган. Төмөндө Кыргызстан тууралуу маалыматтарды сунуштайбыз.

Азыркы абал

Бул жылы экономиканы калыбына келтирүүгө жардам берип жаткан тармактардын алдында кызмат көрсөтүү жааты турат. Ошондой эле бул катарда кен казуу жана кайра иштетүү тармагы бар (Кумтөрдү кошпогондо).

Айыл чарбасында артка кетүү болуп, бул кургакчылык менен байланыштуу экени айтылды. Ал эми курулуш тармагынын алдыга жылбаганы өнүгүү перспективасынын аныкталбаганы менен түшүндүрүлөт.

"Биз экономиканын калыбына келишинин эң жогорку көрсөткүчтөрү 2021-жылдын соңуна жана 2022-жылдын башына туура келет деп божомолдоп жатабыз. Анткени алтынды өндүрүү кайра жолго коюлат. Баамдап көрсөк, быйыл өлкөдө ички дүң продукциянын (ИДП) көлөмү 3,7 пайызга жогору болот. Ал үчүн "Кумтөр" ишканасы план боюнча иштеп, саясий туруктуулук болушу шарт", — деп айтылат документте.

Ошол эле учурда өлкөдө белгисиздиктин деңгээли жогору болуп жатканы айтылууда. Евразия өнүктүрүү банкы "Кумтөр" соңку кварталда алтын өндүрбөсө, экономикалык өсүш 1-2 гана пайыз болуп каларын айтууда.

Келерки жылга карата божомол

Улуттук банктын имараты. Архив
© Пресс-служба президента КР / Султан Досалиев
Кыргызстандын ИДПсы 2022-жылы 4,5 пайызды түзөт. Мурдагы божомолдорго салыштырмалуу бул ирет айрым көрсөткүчтөр төмөндөтүлдү. Бул кургакчылыктын кесепетинен айыл чарбасында жоготуулар болуп жатканына байланыштуу.

"Пандемиянын экономикага тийгизген терс таасири 2022-жылдын биринчи жарымына чейин ар тармакка тоскоолдуктарды жарата берет. Бир четинен өлкөдөгү эртеңки күндүн бүдөмүк болушу инвестиция тартууда кыйынчылыктарды жаратат. Бюджеттин тартыштыгы 1,1 пайызга төмөндөйт", — деп айтылат маалыматта.

Акча которуулардын өлкөгө агымы көбөйүп, бул ички абалга оң таасирин тийгизет.

2023-жылы абал кандай болот

Экономиканын өсүү динамикасы дагы деле Кумтөр кениндеги өндүрүштөн көз каранды болот. Алдыдагы эки жыл ичинде кенде алтын иштетүү 15,3 (2022-жылы) жана 1,8 (2023-жылы) пайызга өсөт деп божомолдонууда.

ИДПнын көлөмү 2023-жылы бир аз жайыраак болуп, 2,5 пайызга чейин жетери күтүлүүдө.

Евразия өнүктүрүү банкынын божомолу боюнча, сырттан кирген акчалардын көлөмү көбөйгөндүктөн, өлкө ичинде товарларга жана кызмат көрсөтүүлөргө суроо-талап өсөт.

Ошондой эле эпидемиологиялык абал турукташып, дүйнөлүк транспорттук байланыштар калыбына келе баштайт.

272
Белгилер:
Кыргызстан, экономика, прогноз, божомол
Тема боюнча
Евразия өнүктүрүү банкы Кыргызстандын экономикасындагы тобокел учурларды атады
Кыргызстанда чакан ГЭС документациясын иштеп чыгууга сынак жарыяланды
Электр линиялары. Архив

Жаңы жылдан баштап айрымдар электр энергиясына 50 тыйындан төлөйт. Чоо-жайы

37
(жаңыланган 16:03 06.12.2021)
Электр энергиясы боюнча маселе ноябрдын соңунда өткөн Коопсуздук кеңешинин жыйынында козголгон.

БИШКЕК, 6-дек. — Sputnik. Аз камсыз болгон жарандар (үй-бүлөлөр) үчүн электр энергиясына тариф төмөндөдү. Тийиштүү жарлыкка президент Садыр Жапаров кол койгонун өлкө башчынын маалымат кызматы кабарлады.

Билдирүүдө Жапаров буга чейин, үстүбүздөгү жылдын 26-ноябрында Коопсуздук кеңешинин жыйынында аталган жарандарга электр энергиясы үчүн тарифтерди төмөндөтүүнүн механизмдерин иштеп чыгууну тапшырганы айтылат.

Жарлыктын максаты жана милдети 16 жашка чейинки балдары бар муктаж жарандарга (үй-бүлөлөргө) социалдык маанидеги товарларга баалардын өсүшү шартында даректүү социалдык колдоо көрсөтүү болуп саналат.

Документтин алкагында министрлер кабинетине токтом кылынат:

  • 16 жашка чейинки балдары бар, "үй-бүлөгө көмөк" мамлекеттик жөлөк пулун алган муктаж жарандар (үй-бүлөлөр) үчүн электр энергиясына тариф 2022-жылдын 1-январынан тартып айына 700 кВт/саатка чейин керектегенде бир кВт/саат үчүн 50 тыйын өлчөмүндө аныкталсын;
  • ушул жарлыктан келип чыгуучу, анын ичинде Кыргыз Республикасынын ченемдик-укуктук актыларына өзгөртүүлөрдү белгиленген тартипте киргизүү каралган чараларды көрсүн.
37
Белгилер:
тариф, электр энергиясы, Садыр Жапаров, жарлык, колдоо, жөлөк пул
Тема боюнча
Карылар жана балдар үйүндө жашагандардын тамактануусуна 2 эсе көп акча бөлүнөт
Прокуратура: электр энергиясына карызы бар адамдарды жаап-жашырган схема аныкталды
Садыр Жапаров акча кымырган энергетиктердин бир схемасын ачыктады
Талаа жумуштары. Архив

Садыр Жапаров: дыйкан менен фермерлер жер салыгынан бошотулат

124
(жаңыланган 14:48 06.12.2021)
Өлкө башчы келе жаткан жылы дыйкандар менен фермерлерге жылдык үстөгү 6 пайызды түзгөн насыя дагы берилерин айткан.

БИШКЕК, 6-дек. — Sputnik. Президент Садыр Жапаров дыйкандар менен фермерлерди жер салыгынан бошотконун өзүнүн Facebook баракчасына жазды.

Ал бул боюнча жарлык кабыл алганын белгиледи.

"Бүгүн мен айыл чарбасына байланыштуу жарлык чыгардым. Ага ылайык, дыйкандар менен фермерлер жер салыгынан бошотуласыздар. Бул иш аз да болсо сиздерге жеңилдик берүү, дыйканчылыкты колдоо максатында болуп жатат. 2022-жылдын 1-январынан баштап сугат жер, кайрак жер, жайыт жана чөп чабык жерлерге салык төлөбөйсүздөр. Сиздер төлөй турган салыкты өкмөт республикалык казынадан төлөп турат", — деди Жапаров.

Президенттин жарлыгында фермерлер салыктан үч жылга (2022-2025-жылдар) бошотулары жазылган. 

Жапаров ошондой эле келе жаткан жылы дыйкандар менен фермерлерге жылдык үстөгү 6 пайызды түзгөн насыя берилерин айткан.

"Албетте, бир жылда бардык дыйкандар менен фермерлерди насыя менен толук камсыз кыла албайбыз. Буюрса, биздин эсеп боюнча алдыдагы 3-4 жылда баарыңыздарды толук камсыз кылууга жетишебиз. Биздин негизги максатыбыз — сиздерге шарт түзүп берип, мамлекетти тамак-аш коопсуздугу менен камсыз кылуу. Буга чейин жерлерибиздин көпчүлүк бөлүгү айдалбай, эч нерсе себилбей келген. Мындан ары бир гектар сугат жер болсо да айдалбай калбаш керек. Жергиликтүү бийликтегилер — айыл өкмөт, аким, президенттин облустардагы өкүлдөрү, бул маселеге керт башыңар менен жооп бересиздер. Ошондуктан азыртадан катуу көңүл буруңуздар. "Айыл банк" жана "РСК банк" менен тыгыз иштей баштаңыздар. Тамак-аш коопсуздугу дейбиз. Эгер өз жерлерибизди айдап сеппесек, кайдагы тамак-аш коопсуздугу? Азыр көпчүлүк тамак-ашты импорт кылып жатабыз. Тескерисинче, экспортко чыгарып турганга жетишибиз керек. Ал үчүн мамлекет тарабынан сиздерге болгон күчүбүздү аябай жардам беребиз", — деди президент.

Өлкө башчы жарандарды колго тийген насыяны башка жакка жумшабай максаттуу пайдаланып, мамлекетке жардам берүүгө чакырды.

124
Белгилер:
Садыр Жапаров, президент, дыйкан, фермер
Тема боюнча
Кара-Балтада 1000 адам иштей турган текстиль фабрикасын ачуу пландалууда
Соцфонд өзүнүн банкын түзүүнү көздөп жатат. Максаты
Министрлер кабинетинин төрагасы Акылбек Жапаров. Архив

Акылбек Жапаров үй-бүлөсү менен батирде жашап, 7 унаа айдайт. Декларация

79
(жаңыланган 16:08 06.12.2021)
Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

БИШКЕК, 6-дек. — Sputnik. Министрлер кабинетинин төрагасы Акылбек Жапаров былтыр 815 357 миң сом киреше тапкан. Бул туурасында анын Салык кызматына тапшырган декларациясында көрсөтүлөт.

Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

Ал эми жакын туугандары өткөн жылы 96 миллион 745 миң 719 сом пайда тапкан. Алар беш контейнер жана жети автоунаага ээлик кылат.

Контейнерлери жана аянты:

  • Контейнер — 22,7 чарчы метр;
  • Контейнер — 1026,6;
  • Контейнер — 192;
  • Контейнер — 1021,7;
  • Контейнер — 67,6.

Автоунаалары:

  • Mercedes-Benz 210;
  • Mercedes-Benz 410;
  • Mercedes-Benz 409;
  • Mercedes-Benz 208;
  • Mercedes-Benz 811;
  • Mercedes-Benz 7100;
  • Mercedes-Benz 308.
79
Белгилер:
Акылбек Жапаров, декларация, автоунаа, контейнер
Тема боюнча
Садыр Жапаров жана анын үй-бүлөсү кандай мал-мүлккө ээлик кылары жарыяланды
Карылар жана балдар үйүндө жашагандардын тамактануусуна 2 эсе көп акча бөлүнөт