Акча каражаттары. Архив

Евразия өнүктүрүү банкы Кыргызстанда инфляция качан басаңдай турганын айтты

886
Талдоочулар баанын кыска убакытка өсүшү качан күтүлөрүн жана анын эсебинен инфляциянын басаңдашы мүмкүн экенин айтышты.

БИШКЕК, 25-ноя. — Sputnik. Кыргызстанда инфляциянын темпи басаңдашы күтүлүүдө. Бул тууралуу Евразия өнүктүрүү банкынын 2022-жыл үчүн жасаган макроэкономикалык божомолунда айтылат.

Белгилей кетсек, документте учурдагы кырдаалга сереп жана 2021-жылдын аягына чейин, ошондой эле 2023-жылга карата божомолдор камтылган.

Учурдагы кырдаал жана жылдын аягына чейин божомол

ЕАӨБдүн эсептөөлөрү боюнча, Кыргызстанда керектөө бааларынын индекси үстүбүздөгү жылдын аягында 9,8 пайызга өсөт.

"Күздүн орто ченинде пайда болгон инфляциялык факторлор 2021-жылдын аягына чейин жана келерки жылдын башында ички баага кошумча басым жасайт. Энергоресурстардын дүйнөлүк баалары күтүлгөндөн жогору өсүшү, ошондой эле дүйнөлүк ташып жеткирүү байланышындагы көйгөйлөрдүн узакка созулган көрүнүшү 2022-жылы да инфляциянын негизги факторлорунун арасында кала бериши ыктымал", — деп айтылат билдирүүдө.

Керектөөчүлүк суроо-талап инфляциянын жогорулашына белгилүү өлчөмдө таасирин тийгизген. Акча которуулардын жана керектөө кредиттеринин өсүшү реалдуу эмгек акынын төмөндөшү менен компенсацияланган.

2022-жылга божомол — инфляция басаңдайт

ЕАӨБдүн маалыматына ылайык, инфляция жети пайызга төмөндөйт. Энергетикалык ресурстардын жана дан азыгынын дүйнөлүк рыноктогу жагдайы инфляциянын максаттуу көрсөткүчкө кайтып келүү динамикасын басаңдатат (Кыргызстандын Улуттук банкы үчүн 5-7 пайызды түзөт). 2022-жылдын биринчи жарымында ташып жеткирүүлөр үзгүлтүккө учураса өндүрүүчүлөрдүн койгон баасына таасирин тийгизет (2022-жылдын биринчи жарымында).

"Учурдагы кургакчылыкты эске алганда, келерки жылдын жазында, жай айынын башында жашылча-жемиштердин убактылуу кымбатташын күтүүгө болот. Бирок дүйнөлүк азык-түлүк рынокторундагы басымды жеңилдетүү жана дүйнөлүк логистикалык чынжырчадагы кырдаалды жакшыртуу инфляциянын басаңдашына өбөлгө болот", — деген серепчилер.

2023-жылга божомол — инфляциянын андан ары басаңдашы

Инфляциянын максаттуу көрсөткүчкө келиши 2023-жылга болжолдонууда (Улуттук банкта 5-7 пайыз экенин эскертебиз). 2023-жылы инфляциянын деңгээли 5,2 пайызды түзөрү күтүлүүдө.

"Орто мөөнөттүү келечекте ЕАӨБ талдоочулары керектөө бааларынын индексинин өсүү темпинин басаңдашын болжолдошууда. Бул үчүн сомдун долларга карата номиналдык курсунун туруктуу болушу керек. Бул фактор чечүүчү болот, бирок анын таасири ички суроо-талаптын жана калктын кирешелеринин акырындык менен калыбына келишин жарым-жартылай компенсациялайт", — деп айтылат маалыматта.

Мунай рыногундагы кымбатчылык да орто мөөнөттүү келечекте басаңдашы күтүлүүдө.

 

886
Белгилер:
Кыргызстан, инфляция, божомол, Евразия өнүктүрүү банкы, экономика
Тема боюнча
Евразия өнүктүрүү банкы Кыргызстандын экономикасындагы тобокел учурларды атады
Кыргызстандын экономикасында 2023-жылга чейин кандай өзгөрүү болот? Божомол
Акча каражаттары. Архив

Президент салыктан бошоткон ишканаларга беш талап койду. Тизме

205
(жаңыланган 16:55 06.12.2021)
Садыр Жапаров Конституциянын 71-беренесинин негизинде министрлер кабинетине 13 пунктудан турган сунуш берген.

БИШКЕК, 6-дек. — Sputnik. Садыр Жапаров жүгүртүүсү 8 миллион сомго чейин болгон ишкерлик субъектилерди салыктан бошотууну караган жарлыкка кол коюп, бирок бир нече талап койду.

Мамлекет башчынын маалымат кызматы жарлык "Чакан ишкердик субъектилерди колдоо, жагымдуу салык жана бажы климатын түзүү жөнүндө" деп аталарын белгилеп, ишкерлерден эмнелер талап кылынарын тизмектеди.

Аналитикалык платформаны толук ишке киргизүү максатында төмөнкү талаптар болот:

  • көзөмөл-кассалык машиналарды (ККМ) милдеттүү колдонуу;
  • электрондук эсеп-фактураларды милдеттүү колдонуу;
  • киреше салыгын жана камсыздандыруу төгүмдөрүн төлөө;
  • жер салыгын, мүлк салыгын төлөө (бар болсо);
  • импорттук-экспорттук операциянын жок болушу.

Ишкердик субъектилерди колдоо, кабыл алынуучу чечимдердин салыктык жана бажылык укук мамилелери бөлүгүндө оперативдүүлүгүн жогорулатуу, ак ниет салык төлөөчүлөр жана ишкер чөйрөсү үчүн жагымдуу салыктык жана бажылык климатты түзүү максатында министрлер кабинетине бир нече сунуш берген.

Ал Конституциянын 71-беренесинин негизинде жасалган.

Министрлер кабинетине берилген сунуштар:

Жогорку Кеңештин кароосуна ишканаларды салыктардан бошото турган мыйзамдардын долбоорун киргизүү айтылган. Алар — киреше салыгын жана камсыздандыруу төгүмдөрүн кошпогондо, реалдуу убакыт режиминде маалыматтарды берүү функциясы бар ККМди жана электрондук эсеп-фактуралардын маалыматтык системасын милдеттүү колдонуу шартында салык алуунун патенттик системасын оптималдаштыруу аркылуу жылдык жүгүртүүсү 8,0 миллион сомго чейин ишканалар. Кеп товарларды жеткирүүнү, калкка жумуштарды жана кызматтарды көрсөтүүнү жүргүзгөн субъектилер туурасында болуп жатат;

Салык төлөөчүнүн бирдиктүү карточкасын жана кошумча нарк, акциз салыктарын төлөөнү көзөмөлдөөнүн аналитикалык системасын түзүү, салык төлөөчүлөрдү тейлөөнүн сервистик моделин ишке киргизүүнү камсыз кылуу милдети коюлган. Андан сырткары, негизги бизнес-процесстерди санариптештирүү аркылуу салыктык башкаруу жол-жобосун жөнөкөйлөштүрүү жана салык органдарынын кызматкерлеринин салык төлөөчүлөр менен байланышын минималдаштыруу боюнча да тапшырма берилген;

маркаланган алкоголь жана тамеки продукциясына байкоо механизмин киргизүү;

маркаланууга жана байкалууга тийиш болгон товарлардын, анын ичинде дары-дармек каражаттарынын тизмесин толуктоо;

2026-жылга чейин Кыргызстанды өнүктүрүүнүн улуттук программасына ылайык, Бажы кызматын өнүктүрүүнүн концепциясын иштеп чыгуу жана 2021-жылдын аягына чейин бекитүү;

Кыргызстандын мамлекеттик чек арасындагы өткөрүү пунктуларында мамлекеттик көзөмөлдүн түрлөрүн жүргүзүүдө "бирдиктүү терезе" принцибин колдонуу;

ЕАЭБдин бажы чек арасынын кыргыз участогундагы автомобилдик өткөрүү пунктуларында товарларды жана транспорт каражаттарын текшерүүнү жүргүзүүдө "бирдиктүү терезе" принциби боюнча бирдиктүү мамлекеттик органдын ыйгарым укуктарын жүзөгө ашыруучу мамлекеттик орган деп бажы иштери чөйрөсүндөгү ыйгарым укуктуу мамлекеттик органды аныктоо;

ЕАЭБдин бажы чек арасынын кыргыз участогундагы автомобилдик өткөрүү пунктуларында жана мамлекеттик чек аранын кыргыз-казак участогундагы өткөрүү пунктуларына жакын жерлерде мамлекеттик көзөмөлдөөчү органдардын бизнес-процесстерин маалыматтык өз ара иштешүүнү камсыз кылуу аркылуу оптималдаштыруу;

Финансы министрлигине караштуу Мамлекеттик салык кызматына төмөнкү ыйгарым укуктарды берүү:

а) Кыргызстандын салык мыйзамдарына жана мамлекеттик социалдык камсыздандыруу жөнүндө мыйзамдарына ылайык, отчеттордун, эсептердин, декларациялардын, документтердин, кабарлоолордун, маалыматтардын, маалыматтык эсептердин, патенттердин, контрактылардын (келишимдердин), билдирмелердин, чечимдердин, корутундулардын, актылардын формаларын, аларды кагаз жүзүндөгү документ же электрондук документ түрүндө толтуруу, түзүү жана/же берүү тартибин бекитүү боюнча ыйгарым укукка ээ болушу керек;

б) юридикалык жактар мамлекеттик каттоо боюнча укукка ээ болушу керек.

мамлекеттик көзөмөлдөөнү (санитардык-эпидемиологиялык, ветеринардык, фитосанитардык, транспорттук) жүргүзүү боюнча координациялоочу органды аныктоо:

а) мамлекеттик чек аранын кыргыз-казак участогундагы өткөрүү пунктуларына жакын жерлерде жайгашкан товарларды эсепке алуу жайларында — Мамлекеттик салык кызматы координациялайт;

б) ЕАЭБдин бажы чек арасынын кыргыз участогунда жайгашкан автомобилдик өткөрүү пунктуларында — Мамлекеттик бажы кызматы координациялайт.

маалыматтар базасын Мамлекеттик салык кызматына берүү менен бажы кызматынын жана юридикалык жактарды, жарандарды, анын ичинде чет өлкөлүк жарандарды, кыймылдуу, кыймылсыз мүлктү, ишкердик объектилерди каттоо боюнча мамлекеттик органдардын системаларын Салык кызматынын системасы менен комплекстүү интеграциялоону жүргүзүү;

Мамлекеттик салык кызматынын жана Мамлекеттик бажы кызматынын кадрдык потенциалын оптималдаштыруу жана техникалык жактан жабдууну күчөтүү;

Улуттук банк менен биргеликте санариптик төлөм технологиялары чөйрөсүндөгү дүйнөлүк алдыңкы тажрыйбаны Кыргызстандагы коммерциялык банктардын реалдуу убакыт режиминде Мамлекеттик салык кызматына маалыматтарды берүүнү камсыз кылган көзөмөл-кассалык машиналардын функциясы бар РОS-терминалдарды милдеттүү колдонууга өтүүсүн эске алуу менен накталай эмес төлөмдүн үлүшүн көбөйтүүнүн иштиктүү механизмдерин кабыл алуу.

205
Белгилер:
Кыргызстан, Садыр Жапаров, салык, бошотуу, ишкана, Мамлекеттик салык кызматы, Мамлекеттик бажы кызматы, машина, Евразиялык экономикалык биримдик
Тема боюнча
334 млн. сом профицит. Кыргызстанда экономикалык өсүш байкалганы айтылды
Электр линиялары. Архив

Жаңы жылдан баштап айрымдар электр энергиясына 50 тыйындан төлөйт. Чоо-жайы

70
(жаңыланган 16:03 06.12.2021)
Электр энергиясы боюнча маселе ноябрдын соңунда өткөн Коопсуздук кеңешинин жыйынында козголгон.

БИШКЕК, 6-дек. — Sputnik. Аз камсыз болгон жарандар (үй-бүлөлөр) үчүн электр энергиясына тариф төмөндөдү. Тийиштүү жарлыкка президент Садыр Жапаров кол койгонун өлкө башчынын маалымат кызматы кабарлады.

Билдирүүдө Жапаров буга чейин, үстүбүздөгү жылдын 26-ноябрында Коопсуздук кеңешинин жыйынында аталган жарандарга электр энергиясы үчүн тарифтерди төмөндөтүүнүн механизмдерин иштеп чыгууну тапшырганы айтылат.

Жарлыктын максаты жана милдети 16 жашка чейинки балдары бар муктаж жарандарга (үй-бүлөлөргө) социалдык маанидеги товарларга баалардын өсүшү шартында даректүү социалдык колдоо көрсөтүү болуп саналат.

Документтин алкагында министрлер кабинетине токтом кылынат:

  • 16 жашка чейинки балдары бар, "үй-бүлөгө көмөк" мамлекеттик жөлөк пулун алган муктаж жарандар (үй-бүлөлөр) үчүн электр энергиясына тариф 2022-жылдын 1-январынан тартып айына 700 кВт/саатка чейин керектегенде бир кВт/саат үчүн 50 тыйын өлчөмүндө аныкталсын;
  • ушул жарлыктан келип чыгуучу, анын ичинде Кыргыз Республикасынын ченемдик-укуктук актыларына өзгөртүүлөрдү белгиленген тартипте киргизүү каралган чараларды көрсүн.
70
Белгилер:
тариф, электр энергиясы, Садыр Жапаров, жарлык, колдоо, жөлөк пул
Тема боюнча
Карылар жана балдар үйүндө жашагандардын тамактануусуна 2 эсе көп акча бөлүнөт
Прокуратура: электр энергиясына карызы бар адамдарды жаап-жашырган схема аныкталды
Садыр Жапаров акча кымырган энергетиктердин бир схемасын ачыктады
Дело № папкасы менен киши. Архив

Ысык-Ата шайлоо округунан алдыга чыккан талапкерге иш козголду

0
(жаңыланган 18:12 06.12.2021)
Социалдык тармакка Жогорку Кеңештин депутаттарын шайлоо учурунда аталган талапкердин катышуусунда видеотасма жарыяланган. УКМК билдиргендей, анда кылмыштын белгилери бар.

БИШКЕК, 6-дек. — Sputnik. № 30 Ысык-Ата шайлоо округунан депутаттыкка талапкер А.Т. аттуу жаранга карата кылмыш иши козголду. Бул тууралуу УКМК билдирди.

Маалыматка караганда, Жогорку Кеңештин депутаттарын шайлоо учурунда аталган талапкердин катышуусунда видеотасма жарыяланган.

"Бул чагымчыл видеодо талапкердин коомчулукта терс пикир жараткан улуттар аралык жана аймактар аралык кастыкты козутууга багытталган аракеттери ачык эле көрүнүп турат. Мындан улам Кылмыш-жаза кодексинин 330-беренесинин 2-бөлүгүнүн 1-пунктунда ("Улуттар аралык жана региондор аралык кастыкты козутуу") каралган кылмыштын белгилеринин бар экендигин эске алуу менен кылмыш иши козголду", — деп айтылат маалыматта.

6-декабрда тергөө органдары тарабынан бул кылмышты жасагандыгы үчүн А.Т. аттуу талапкерди кылмыш жоопкерчилигине тартууга макулдук алуу үчүн Шайлоо жана референдум өткөрүү боюнча борбордук комиссияга кайрылуу жөнөтүлгөн. Анын жыйынтыгы боюнча тергөө тарабынан тиешелүү процессуалдык чечим чыгарылып, талапкердин аракеттерине юридикалык баа берилет.

Белгилей кетсек, бир мандаттуу округ боюнча шайлоодо А.Т. элдин көпчүлүк добушун алып, биринчи сапка чыккан.

0
Белгилер:
Ысык-Ата, кылмыш, улут, кастык, УКМК
Тема:
Жогорку Кеңешке жаңы тартип менен болчу шайлоо
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
УКМК добуштар чуусу боюнча: АСУ туура иштеген, ката сайттан кеткен