200гө жакын турак үй Ысык-Көл облусундагы зилзаладан зыян тартты

© Фото / Пресс-служба МЧС КРЖер титирөөдөн 3 мектептин дубалынан жарака кетип, сабак токтоду
Жер титирөөдөн 3 мектептин дубалынан жарака кетип, сабак токтоду - Sputnik Кыргызстан
Жазылуу
Жарака кеткен мектептерде окуу процесси убактылуу токтотулду.

БИШКЕК, 14-ноя — Sputnik. Ысык-Көл облусунда болгон жер титирөөдөн 200гө жакын турак үйлөрдө, социалдык объектилерде, пансионатта жарака кеткен. Бул туурасында ӨКМдин басма сөз кызматы билдирди.

Жер титирөөнүн күчү 7 баллга жеткен Тоң районунун аймагында 3 мектептин дубалынан жарака кетип, кооптуулук жараткандыктан учурда окуу процесси убактылуу токтотулду.

Кажы-Сай шаарчасында 200дөй турак үйдө жарака кетип, мектеп, балдар бакчасы, маданият үйү, интернат үйү жана бир пансионат жабыркаган. 

"Тактоо, иликтөө иштеринин негизинде берилген алдын ала маалымат боюнча Каракол шаарында жана Ак-Суу, Түп райондорунда кыйроолор жана жапа чеккендер жок", — деп билдирди аталган министрликтин басма сөз кызматынан.

Зилзала болгон аймактарда өзгөчө кырдаалдар министрлигинин өкүлчүлүгүнүн ыкчам топтору тарабынан тактоо-иликтөө иштери улантылууда.

Жер титирөө Кажы-Сай, Бөкөнбаев, Тосор, Тоң жана Тамга айылдарында 7 балл, Балыкчы шаарында 4,5 балл, Каракол шаарында 5 балл, Чолпон-Ата шаарында 4,5 балл, Нарын шаарында 4 балл жана Бишкек шаарында 3 балл болгон.

В Иссык-Кульской области произошло два землетрясение (кырг)
В Иссык-Кульской области произошло два землетрясение (кырг) - Sputnik Кыргызстан
В Иссык-Кульской области произошло два землетрясение (кырг)
Жаңылыктар түрмөгү
0