Муфтияттын сайты хакерлердин чабуулуна кабылып, иштебей калды

© Sputnik / Табылды КадырбековМуфтияттын сайты хакерлердин чабуулуна кабылып, иштебей калды
Муфтияттын сайты хакерлердин чабуулуна кабылып, иштебей калды - Sputnik Кыргызстан
Жазылуу
Кыргызстан мусулмандарынын дин башкармасынын сайтына хакерлер чабуул жасап, сайт иштебей калды.

БИШКЕК, 5-янв — Sputnik. Кыргызстан мусулмандарынын дин башкармасынын расмий сайты хакерлердин чабуулуна кабылды. Муфтияттын маалымат кызматынын өкүлү Асан Саипов хакердик чабуул ишемби күнү, 3-январда жасалгандыгын билдирди.

Анын айтымында, мындай аракеттерди муфтияттын жана мамлекеттин жүргүзүп жаткан саясатына каршы болгондор жасашы мүмкүн.

"Мамлекет дин жаатындагы абалды жакшыртуу боюнча аракеттерди көрүп жатат. Балким, муфтияттын жана мамлекеттин жасап аткан иштерине каршы болгондор жасашы мүмкүн деп болжоп жатабыз. Кимдер жасаганын так айта албайбыз", — деди ал.

Экономика министрлиги текшерүүлөр боюнча маалыматты ачык берген сайт ачты
Асан Саипов белгилегендей, учурда сайтты калыбына келтирүү боюнча муфтияттын кызматкерлери чараларды көрүүдө. Көпчүлүк мекеме, ишканалар эс алууда болгондуктан, муфтият тийиштүү укук коргоо органдарына кайрыла элек.

Белгилей кетсек, муфтияттын расмий интернет баракчасына киргенде сириялыктардын жана Палестинанын эркиндигин талап кылган #Free Syrian, #Free Palestine деген хэштектер жазылып, хакерлер Алжирден чабуул жасадык (#AttaCker fr0m Algeria) деген да хэштекти жазып коюшкан.

Жаңылыктар түрмөгү
0